YeutMingLeung's Profile

今日行過尖沙咀山林道，有一間隱藏嘅微醺居酒屋，行入去先發現呢度主打即叫即燒嘅日式串燒。呢間居酒屋嘅裝修簡約但充滿日式風情，走入去即刻有種溫暖嘅感覺。招牌菜式當然少不了各類雞串燒，用嘅都係日本阿波羅走地雞，肉質鮮嫩多汁。尤其係嗰個椒鹽燒雞頸肉，鹹香適中，口感一流。另外，佢哋嘅冷烏冬同精選丼飯主食都非常值得一試，唔單止果腹，仲好滿足。😂值得一提就係佢哋嘅送餐速度，唔夠15分鐘已經準備好所有食物。但有一樣需要提提佢地就係，我覺得柚子酒嘅濃度唔係幾足夠，需要改善。🤔…Read More

呢個明太子軟殼蟹意粉真係一絕呀！意粉煮得啱啱好，軟殼蟹外面酥脆內裡鮮嫩，加上濃郁嘅明太子醬，每一啖都充滿咗海味同香氣。明太子嘅鹹香同蟹肉嘅鮮甜完美融合，絕對係一場味蕾嘅盛宴！再講下牛肋骨，肉質鮮嫩，醬汁濃厚，帶少少甜味，令人一啖接一啖停唔落口。配菜亦都好有心思，令整體味道更加豐富。整體嚟講，呢餐真係令我好滿足，絕對值得一試！如果你亦都係海鮮同肉食愛好者，呢度一定會令你心動不已！值得改善嘅地方就係佢哋嘅餐湯，羅宋湯，個人就覺得比較酸而且喺小食方面，佢哋都提供爆谷去做一個開胃！…Read More

今日趁住星期日放假，就去咗荃灣玩。見到附近有一間專賣滷水小食嘅店舖，所以入去試吓！我哋於是嗌咗小食炸燒賣同埋牛三寶麵。值得一提嘅就係佢哋嘅牛三寶麵：佢嘅材料包括有金錢肚金錢展同埋牛筋，金錢肚同埋金錢展識落非常爽口彈牙，而牛筋都充滿彈性。可能我個人唔係幾食得鹹，所以我覺得有少少味係鹹咗少少。最好嘅就係佢哋啲店員，親切有禮貌！如果經過嘅都可以試吓佢哋嘅滷水麵。而炸燒賣就不過不失，食落去啱啱乍起，好香口，算係一種配菜。…Read More

最近同朋友喺中環發現咗間幾有feel嘅西班牙菜餐廳。點咗幾道菜，包括玉桂條配榛子朱古力醤、炸黑毛豬火腿球、招牌西班牙海鮮炒飯、迷你臘肉腸鵪鶉蛋漢堡同鐵板燒蒜蓉辣椒炒大蝦。每碟都各有特色，玉桂條配榛子朱古力醤做最後甜品就岩晒 絲滑牛油風味配上濃郁嘅朱古力醬 完美炸黑毛豬火腿球外部酥脆，內部柔軟；招牌西班牙海鮮炒飯嘅海鮮好正，搭配埋軟糯嘅飯，熱辣辣好好食。迷你臘肉腸鵪鶉蛋漢堡個樣好得意，臘肉軟糯，蛋黃新鮮鐵板燒蒜蓉辣椒炒大蝦個辣椒風味好特別，仲有大大粒新鮮大蝦肉！想食西班牙菜嘅可以嚟依間試吓，菜式多樣、口味獨特、服務優良。值得推薦！…Read More

今日食咗個晚餐套餐，$560，呢個套餐包黑糖麵包，公司沙律，是日餐湯，豬仔骨加春雞套餐，再加埋一個大蝦寬條麵。黑糖麵包係佢哋馳名嘅食物，佢每個麵包都有啲黑糖令到成個麵包都好甜。而是日餐湯就係，忌廉湯亦都好新鮮好好味。主食嚟講，就係豬仔骨同埋春雞，佢每樣嘢都煮到好腍好容易可以分開來食，但係有幾part都煮到燶咗，所以呢度要注意一下。以佢嘅大蝦寬條麵缺點就係好多油，但係食落都好好味，雖然好唔健康😂😂…Read More

今日去開旺角個頭，睇吓貴版兩餸飯。食咗三餸飯，$50，西蘭花炒蝦仁、咖哩雞、蘿蔔牛腩。最出色係西蘭花炒蝦仁，蝦係用虎蝦。雖然得兩隻，份量比較少。咖哩雞咖喱味突出，仲有少少辣味。而蘿蔔牛腩，一舊有少少韌。其他都幾諗吓。👍🏿…Read More

今日經過觀塘物華街嗰邊，見到有間兩餸飯賣$32，所以入去睇睇。最尾揀咗蘿蔔牛腩同埋雜錦豆腐，加埋碗湯。蘿蔔牛腩牛腩幾腍，但係唔新鮮，而且偏鹹。雜錦豆腐，豆腐幾好味，而且加埋又腩肉喺入邊，算係唔錯。…Read More

眾所周知，IKEA啲嘢食最好味嘅就係雪糕‼️佢每次都會推出唔同口味嘅雪糕吸引觀眾食，上次就係開心果味雪糕，今次就係榴槤同最鍾意食嘅榴槤味雪糕。去到除咗可以揀榴槤味新地，仲可以另外加榴槤蓉。😁而佢價錢最多係可以加到五球榴槤蓉，今次我就試食兩球榴槤蓉睇吓佢點樣先‼️第一啖就先食咗榴槤蓉，佢口感好滑，而且榴槤味都好出，而且唔會話好甜，符合品種D24。👍🏿而且佢嘅植物素新地都榴槤味好出，一啖榴槤蓉一啖雪糕係最好味嘅食法😋…Read More

嚟到壽司郎，當然要試食佢嘅新款😍今次都係同上次一樣揀啲最平嘅試食😁北海道產海螺：呢款海螺食落去個質感好爽口，同想像之中好唔同，好似食緊榨菜咁😁，而味道方面亦都幾鮮甜，推薦呢款👍🏿水煮松葉蟹腳：呢款五月份嗰時候都有出過，不過係$17兩件，所以而家$12得一件就感覺唔係幾抵🫠炙燒太刀魚：呢款魚同普通燒魚味道差唔多，勝在夠大件，而且打孖上夠飽肚🐟魷魚秋葵和布蕪軍艦：呢款我覺得需要加芥辣落去先會有返啲口感同味道，如果就咁就會感覺好滑潺潺🫠天然赤須海老海苔包：呢款味道同普通鮮蝦軍艦差唔多，勝在口感會比較好啲，整睇嚟講唔算太特別。壽司郎喇沙拌麵：呢款係泰式風味嘅食物，喺壽司舖入邊搵到算係幾特別，而且佢做得幾正宗，辣味都好夠👍🏿…Read More

今日經過好耐冇嚟嘅西九龍中心，就於是睇吓有咩變化😆咁經過上面見到原本明將嘅舖頭變咗韓日燒自助，於是乎就想試吓係點樣🐮我哋總共兩個人食咗$388，呢個係包埋壽司自助。咁入到去，入邊嘅餐廳環境昏暗好有格調😂，衛生情況就一定唔理想㗎啦😂所有嘢都係油冧冧。而佢嘅自助食物種類都幾豐富，大家可以燒食物同埋攞壽司，再加上用咗出前一丁粉嘅豬骨湯打邊爐👍🏿值得一提嘅就係佢竟然有豆腐花食😂‼️而味道方便，我覺得啲牛肉同埋豬肉都有唔同嘅款式，而且有啲醃得幾入味，呢方面係唔錯。👍🏿而大家可以將嗰啲肉放入火鍋，咁就有另一番風味😋二壽司方面就真係唔太理想，因為款式唔算太多，而且食落去好硬😂😂😂總括而言，大家都係唔好去😀，同樣價錢有更好嘅選擇。…Read More

又到中午，就要睇吓啲外賣Apps有冇優惠🤤。見到觀塘有一間聚興樓，佢主打抵食嘅手撕雞，而佢嘅外賣自取係經過賣Apps叫有六折優惠，所以就睇吓佢有咩嘢食，值得一提嘅就係呢間聚興樓佢都有好多分店👍🏿。最後我就買咗咖喱牛腩飯，同埋豉油王雞髀，因為咁抵個份量應該好細😂，咁總數就係$43.8咁到咗打開外賣嘅時候，不過原來一個咖喱牛腩飯都已經係一個平時喺茶記食嘅份量👍🏿，正常一個人應該會覺得飽😂咁講返味道，牛腩飯入邊俾嘅牛腩分量算多，但係佢啲咖喱味唔出色，比較稀。🫠所以牛腩唔算冇太過入味，當係求其一餐頂到肚咁。而豉油王雞髀佢嘅味道，我覺得同出邊差唔多，咁佢以呢個價錢嚟講就好抵💯…Read More

今日都係使用外賣平台嘅外賣自取，因為好多餐廳都有六折優惠😋咁啱就見到香格里拉米線有六折優惠，所以就試吓。因為講起米線平時都係食譚仔多。咁我就揀咗佢香格里拉米線套餐，可以試盡佢咁多款菜式。咁價錢方面，六折折實個價係$43.8。算係比較經濟實惠，但係如果真係去食嘅話就好似要60幾蚊。味道方面，我選擇咗蕃茄湯底，雖然佢嘅湯底好好味，啲米線都浸得好入味，但係好似感受唔到蕃茄嘅味道，所以喺度失咗分。而佢啲配料就係不過不失，配餸包括雞肉、腩肉等。而講起佢嘅豬膶方面，相對份量就比較細，希望佢會喺份量方面改善。總括而言，呢間係值得返去嘅米線舖，因為湯底真係好入味，（雖然冇蕃茄味）😂😂，下次試吓其他湯底先。…Read More

今日嚟到荃灣愉景新城，放咗一陣，於是就見到有一間日式火鍋放題，於是就入嚟睇吓價錢啱唔啱。👌🏿見到午市都唔係好貴，定量牛肉火鍋都係$99，出邊嗰啲嘢就係任食任飲🥂咁入到去就會見到佢啲嘢同其他日式放題火鍋差唔多，都係有關東煮🍲，而佢哋嘅雜物種類算多，尤其是薯格，煮得幾脆。但係就有少少衛生問題，關東煮入邊有幾條毛髮，呢層要注意一下。咁講返啲牛肉，放題最平嘅牛肉，食落去其實都唔算話太過入味，算係普通貨色。魚湯底就揀咗鰹魚清湯，湯底都唔算太過好味，所以食物都入唔到湯底啲味🫠…Read More

咁啱喺網上外賣平台見到呢間做緊六折外賣自取，，所以嚟睇睇，有咩好食。😋最後喺個Apps揀咗6重芝士鮮茄焗豬扒飯，🧀個原價本身就係$68嘅，咁佢有六折優惠，我再用coupon減咗$20，所以total $20.8。😋先講返味道，我覺得佢入邊所講嘅6重芝士有少少不配，因為個份量又唔算太多，雖然食落啲芝士係幾香。🫠而佢哋嘅蕃茄係做到幾甜，所以都值得欣賞。最後到佢哋嘅豬扒，豬扒食落幾香口，但係肉質就有少少腍，唔係我鍾意食個款。總括而言，用咁優惠嘅價錢買都幾抵下，但係如果冇優惠嘅話就唔會買🫠🫠…Read More

所有泡芙竟然可以任選兩個$40‼️最後揀咗卡脆系列同埋正常泡芙，兩款都試咗抹茶味🍵卡脆系列就注重食佢嘅外層皮，同埋係所有系列最貴，所以最抵食，真係好脆🤤正常泡芙就係多d cream🐮…Read More