KikiFu0404's Profile

第一次食雪糕都嬲到要寫食評 由開舖到依家都食過好幾次 之前一份都唔會咁少 今次一份Mochi竟然得5粒 職員全程傾計 真係好離譜⋯⋯ 收費一啲都唔平 份量都可以比到咁參差 希望之後會改善…Read More

已經黎過幾次 食物都係普普通通 係窩夫都算係比較正常 但服務態度真係好差 送野食就咁大力放碟野喺枱 乜都冇講 碟上有刀 差啲就跌出嚟 超危險 一啲安全意識都冇😑我坐近走廊 條路都唔算窄 但幾乎每位員工都會撞到 呢啲咁嘅員工真係從未見過 尤其喺新商場入面 可惜服務冇得比0分😨叫咗杯兔仔士多啤梨朱古力 覆單嗰個女員工都係講兔仔朱古力 但黎到上面冇放兔仔 問佢先話係期間限定 所以冇咗 點解一開始冇講 仲要收$58一杯 貼返個sold out喺menu好難咩？ 又或者事先講聲都好 真係好差既體驗😡…Read More

母親節時因為臨時想book枱 見到呢間仲有 就book左 去到得一個waiter招呼 而店內夾埋應該3枱都冇 嗌左嘢食20分鐘左右都未有壽司送到已經覺得好奇怪 再過多10-20分鐘先上左兩碟壽司 熟食類一直都未到 催單之後 店員話等多一陣 再隔多15分鐘 真係等唔到就諗住cancel 佢就話10分鐘內ok 之後終於送到黎 賣相真係好難睇…明顯睇得出飯係啱啱煲好 軟到接近粥既質地 大家千祈唔好喺度食！！懶人包：店內好少人 但壽司等半個鐘 飯類等左一個鐘以上先送到 …Read More