creamiyan's Profile

今早9點多要去QE 產前檢查醒起有間過江龍迴轉壽司店正正喺QE 附近出發前做定功課，知道walk in 既情況後未到11點已叫陪我產檢的老公先去壽司郎拎飛等我結果平日既11點前去到唔洗等位已可直接入座我產檢完後大慨11點幾去到join 老公幸好老公已預先入座因為11點幾門口已經有很多人等位了！ 大肚婆不能食生野但今日破戒食少少吧！ $12 大吞拿魚腩已經沒有了店員話這個優惠只做到25號一來到先食極上大吞拿魚腩沒有筋，入口充滿吞拿魚油香食完成個口都充滿了吞拿魚味必食！ 油甘魚必食！ 很厚很大片，入口亦是充滿油甘魚的魚油香三文魚都很好食的不過比起上面2款就有點比下去因為吞拿魚腩和油甘魚實在太好食了！其實三文魚都好鮮甜好好食的三文魚子軍艦必食！ 軍艦最好用點餐機叫送上來時紫菜還是脆的迴轉上的軍艦紫菜會比較林赤蝦也是必食！ 超鮮甜老公食完赤蝦後未夠喉來多碟蝦三味食蝦三味會抵d , 比赤蝦只貴$5 但有多2款蝦壽司3款蝦壽司都是超鮮甜好食！ （ 大肚婆只可以食中間熟的😭 ）這個鰻魚卷也是必食！ 上面那片鰻魚很好食食過美味既吞拿魚腩後以為吞拿魚軍艦都應該不錯但這個味道較淡，沒有吞拿魚油香所以這個一般大肚婆未夠飽叫了個茶碗蒸這個超鮮味！入面有蝦、帶子、冬菇等我想以後每次來我都會叫一碗茶碗蒸食甜品時間食這個卡達拉娜味道是焦糖燉蛋但是雪糕硬版的焦糖燉蛋很好食呢！ 這裡埋單$390 超飽走人個人覺得食物質素很高而且一點也不貴一定一定一定會再來吃！ …Read More

慶祝老公生日佢話想食燒肉，咁岩掃到里間都好多好評見d 評語話可以用平價食到勁高質既牛又盛wo咁咪試下lor！打去book 8:30 里d 最多人食dinner 既時段竟然有位，提早左半個鐘去到都即時有位，突然間有種伏味飄出嚟，不過既然嚟到就食啦！ 2個人叫左個$388 既set (藤籃果兜）有2碗飯跟埋，再散叫多2塊肩胛肉同埋胸腹肉，上菜好快，服務都好好，嚟齊就開始燒啦！點解食極都冇牛味既？ 逐個逐個部位去試，由A4 試到A5 ，可以一丁點牛味都冇架wo ! 神奇呀！我都開始懷疑自己係咪冇左味覺，食乜八物八果d 都好食過里間多多聲lor ! 全場最好食係乜？ 咪就係兜免費既生菜lor ! 爽甜既，仲免費添！ 食唔飽都可以狂叫生菜塞飽自己架埋單連加一 $519，拎左5舊水出嚟食左一堆完全冇牛味既牛！絕對冇下次！ …Read More

今日一行12 人團購嚟食，結果個個食完仲要轉場再食糖水返到屋企再煮麵食！:(逐樣食物講：-飲品：要自己行出去jump野飲，汽水冇氣超甜，綠茶過得去 -刺身：選擇唔多，三文魚ok, 帶子ok, 蝦ok, 其餘很一般 -天婦羅：油浸天婦羅，咬一啖就已經成口油，一d 都唔好食 -燒菠蘿：我好想問里間店係咪真係有燒過d 菠蘿，唔熱之餘成舊菠蘿冇燒過既痕跡，似係求其焗熱d 菠蘿就算lor -粥：咸咸地都ok -雞翼：都ok -沙律：味道麻麻 -壽司：一夾就散到阿媽都唔認得，味道一般 -海膽壽司：面頭得2督尾指指甲咁細督既海膽蓉，味道一般 -手卷：嗶d 紫菜韌到要用力撕開先食到，我地叫左軟殼蟹手卷，入面舊軟殼蟹既size細到我估間店將一隻軟殼蟹切4份，每件手卷就塞1/4份入去 -類似煎堆既野：一咬又係成口油之餘就算食到個餡都唔知自己食緊乜 -蒸蛋：個味道係冇味 -鮑魚：話團購訂位超過6個人就每位送一隻鮑魚，問佢d 鮑魚幾時嚟，個侍應就答話佢地d 鮑魚宜家新鮮即場煮緊，叫我地耐心等下，結果鮑魚嚟到係凍凍地，而且又韌又冇乜味 5點入座，我地食到6點幾就停晒手，一嚟間野既選擇唔多，二嚟大部份d 野都唔好食，絕對唔會有下次，坐到7點半埋單果陣仲見到成間店都坐唔夠一半人，咁既食物質數相信好難做落去！團購都嫌貴呀！…Read More

school food 一直被我列入為我最想食的名單之中，今日行過cwb, 醒起school food 就在time square, 一於去try try 究竟有幾好味 !!6 點9 去到school food 拎飛後要等30 張左右，大慨45 mins 後就有位了坐定後即刻order 很多人都推介的烏卒卒，紳士先生，卡邦尼年糕，大蔥沙律配炸雞，一渣士多啤梨汁，最後還有韓式沙冰。。先說說士多啤梨汁，是waitress 推介說這款比較多人嗌，問她好不好喝，她只說都ok 吧，來到後份量不多，只有2 杯多些，有淡淡的士多啤梨味，但不算好喝 ...接著是烏卒卒，我本人就很喜歡食韓國紫菜卷，常常到韓國街那間新世界買來吃，但這個烏卒卒比新世界的更好吃更香，内裡那個不知是什麼東西很爽口，配合辣醬更令人回味，十分推介 !!卡邦尼年糕，本來卡邦尼多吃會很漏，年糕多吃亦會很濟，2 者合壁應該濟到不得了的，但school food 的卡邦尼年糕一點也不漏不濟，完全是perfect match !! 很好食 !!! 大蔥沙律配炸雞，剩食大蔥沙律會比較難入口，而剩食炸雞又略嫌單調，但將2 者放在一起一同放入口，大蔥的辣令炸雞變得十分野味，而且炸雞外脆内滑，我bf like 爆！！紳士先生，是午餐肉配芝士蛋卷，在manu 上說是 cook choice, 但相比起烏卒卒確實比較普通，說不上很好吃 .... 最後來個甜品share, 韓式沙冰，亦是open rice 推介的，我嫌它的紅豆太甜，而最底層的黃色粟米片超甜 ... 以我這些不太好太甜的人，話款甜品不太合我口味 總括來說食物味道大多都很好吃，上菜亦超快的，絕對會再光顧 !!…Read More

7 月25 日是本人生日男友請了假陪我周圍食夜晚男友的家人特地買了這間酒店的BUFFET 幫我慶生這間粵海酒店的餐廳前身是御廷閣西餐廳 已經結業 , 而食評亦好一般結業後另外一間新的餐廳 - 18 食完這餐 BUFFET 後我只能說 , 我永世也不會再來 ! :(餐廳面積好細 , 但仍坐唔滿晚上 6:30開始食我與男友走了一圈也沒有特別想食的因為選擇超級少 , 而且完全 0 吸引力所以基乎全場食客都把注意力放在海鮮上看來唯一可返本的只有狂食海鮮和 GREYERS 雪糕 =-="有件令我覺得很不滿的事是因為這晚 BUFFET 的確完全沒有什麼東西好食 ( 而且難食 )這難怪食客們會狂食海鮮的所以每當有生蠔搬出來就會有許多食客走上前狂夾生蠔但那個負責搬生蠔出來的廚師卻怒 BEAR 食客 , 對食客黑口黑面完全對那些夾了很多次生蠔的食客十分不滿我只覺得既然你沒有什麼好食物提供給食客也不能怪食客狂夾生蠔的因為這個狂夾生蠔的情況我根本在其他比較好的酒店BUFFET 中沒有見過況且食客們都給了錢 , 為何不能食生蠔 ?!不久後不知是否因為每次把生蠔搬出來後都被食客秒速清盤所以廚房出了數次生蠔後便再沒有搬生蠔出來 =-="整個晚上我只夾了些沙律 --- 還可以壽司 --- 極度少款 , 味道一般刺生 --- 完全不新鮮生蠔 --- 雖然是全晚的搶手貨, 但其實味道也很一般GREYERS 雪糕 --- 只有朱古力 , 開心果 , 士多啤梨味OOOHH！！！　已經沒有了因為對其他食物完全沒興趣男友的家人夾了炸魚塊 --- 凍冰冰 , 而且肉很"梅" 炒勝瓜 --- 又是凍冰冰 , 而且完全無味即使是任飲的橙汁及西柚汁也很明顯喝得出溝了很多水結果大家最後只有飲凍茶及狂食 GREYERS 雪糕6 : 30 入場開始食最後到 8 點多便走人 ! 從未試過食 BUFFET 會咁早走絕對失望 !!!!!我要再說一次 : 永世不會再來 !!!!!! …Read More

7 月 25日是我的生日 , 男友特登請了假陪我周圍食中午食完一蘭後 , 再落中環IFC 食那期待已久既朱古力雪糕未食之前已從朋友 FB 中得知 GODIVA 朱古力雪糕的魅力一到IFC 就急不及待地衝去 GODIVA $39 一杯 , 對於我里D學生O黎講的確很貴 =-="但原來雪糕的份量很多 基乎食到筒底都有雪糕而且雪糕質感比較實 , 很香滑看過有許多食評說雪糕很快溶影完一張相便溶到變乳酪但幸好今次食沒有這個情況出現影了幾張相都未溶一路行IFC 一路慢慢食都沒有溶GODIVA 的朱古力一向出眾所出的雪糕也一樣十分香濃的朱古力味加上一塊印有 GODIVA 的朱古力牌雪糕上的朱古力醬及筒邊的朱古力碎完全滿足晒超喜愛食朱古力的ＦＡＮＳ男友是一個朱古力狂他超喜歡這個朱古力雪糕 , 讚口不絕雖然本人不太喜愛吃甜及少食朱古力但GODIVA 的朱古力雪糕不太甜之餘還有點點苦澀味十分適合我這些不太吃甜的人 !我想我以後每次經過 IFC 的GODIVA 或 海港城的 GODIVA我都會買一杯食 !!!!希望遲D其他 GODIVA 的分店都會有雪糕啦 …Read More

7 月25日係小妹既生日 , 男友特登請假陪我 男友在中午 12 點多去到一蘭排隊 因為係平日 , 排隊既人數唔算多但都排左差唔多一個中先到我地排左咁耐本以為一入到去就可以坐定定等食點知入到去仲要再排隊排左幾個字先入到去坐定一入去見到每人一格仔 , 每一格前面都有塊簾拉麵就會由簾後面拎入O黎非常特別 ! 我既拉麵係普通濃度既湯底同醬料一O黎到就聞到好香既湯味但食落口其實都冇咩咁特別 !另外再 ORDER 左一粒溏心蛋粒蛋好好味 !!!我覺得仲好味過碗拉麵因為出面仲有好多人等所以就快快食完快快走人兩人埋單要 2 百幾蚊…Read More

知道 旺角 新開一間自助雪糕店今日就搵 2 個 fd 一齊去試下去到大慨係下就 6 點幾倒入到去冇乜人 服務員態度好好 , 好詳細咁教我地點玩可惜今日其中一部機維修剩返 3 部機分別係 豆腐 乳酪 士多啤梨 牛奶 咖啡 朱古力我地 3 條友都 hi 大左 吱左好鬼多 ... 我吱左成五十幾蚊 =-="不過吱既過程都幾好玩既 .. 好得意 , 咁大個女第一次吱雪糕我既 2 個 fd 將朱古力留到最後先食結果食到個咀 , 排牙 , 牙拉 , 條利 都黑鬼晒笑死我 ,....好似一個阿婆中毒又有煙屎牙咁所以呢 ...o係里到要同大家講隻朱古力真係好鬼黑 .... ( 不過好好食 )所以要留到最後先吱同埋最先食 ..留返 d 牛奶 , 豆腐 , 乳酪 里 d 白色雪糕最後食因為要用o黎洗牙丫 哈哈 !另外去里間食雪糕仲有一個要注意既地方就係千奇唔好將朱古力同乳酪溝埋食因為 d 乳酪雪糕 係酸既 ...今日我唔小心溝埋左食 , 攪到個朱古力變左酸臭味 咁多隻味呢 , 我最中意就係 士多啤梨 甜甜地好好味但豆腐就真係唔多好味 .. 下次再玩要試埋其餘 2 隻味先 !價錢係 $ 12 / 100 g…Read More

今日天氣好熱 .. 放左學之後同友人去食冰涼甜品今次去 sugar ma ma 食 ... 之前見到 食評 d 相好吸引 .. 決定一試入到去雖然間鋪好細 ..不過環境都算不錯 ...d 枱 , chair 都係 螢光綠 , 幾特別嗌左 朱古力心太軟 配 香芋雪糕 $38 ( 大)一切開個心太軟 .. 熱呼呼既朱古力即刻流出o黎仲出煙添丫 !皮同朱古力漿一啖放入口 ...朱古力漿既香味即刻充滿晒成個口腔好味啊 !! 當然個 香芋雪糕 都好好味呢 之後仲有 火豔雪山 .... $ 38 幾靚樣 ... 不過我唔太中意出面層蛋白 ...燒過之後陣味怪怪地 .. 可能我食唔慣掛 入面簡左 芒果雪糕 .. 但芒果味唔重 .. 一般啦 !叫左 3 杯野飲 ..分別係 夢中情人 $18 , 蜜桃雪香 $15 , 心心相印 $183 杯之中最正既係 心心相印其實係 士多啤梨 + 鮮奶 ..除左個樣整得好靚之外 .. 味道都相當唔錯 ..值得一試 ... 唔太甜 .. 又有好香既士多啤梨添 之後係 蜜桃雪香 , 里個飲落都唔錯既 .. 其實係 蜜桃 + 橙汁飲落有好香既蜜桃味 .... 不錯 !最後係 夢中情人 .. 友人後悔點了里個可能係飲唔慣陣薄荷味掛 ..成杯野個薄荷味都幾重 ..實際上係咩 + 咩我忘記了 ~3 條友食左 108 蚊 .. 每人 36 蚊啦 !都很不錯的 .. 如果甜品既份量再多 d 就好 lu 另外值得一提既係 ...店中既伯伯好好招呼 .. 好 nice ..仲同我地有講有笑添 .. 好好人喔 !下次會同友人o係 $88 任食時段再試其他甜品的 !…Read More

好耐之前同朋友去屯門 mos burger 食早餐點左早餐 c -- 照燒雞肉漢堡套餐 配 黃金粟米湯首先講個包包皮有 d 脆 , 好香生菜咬落去索索聲 , 極度新鮮爽甜雞肉好正 ! 尤其個 照燒汁 <--- 我超級中意 ! 到個 黃金粟米湯里個湯係杰嫁 ,,, 絕對唔似其他快餐店咁勁溝水好希而且里個湯好香甜 ... 好有栗米味某個連鎖快餐店都試過推出栗米湯 但味道淡 , 料又唔足 d 漢堡包 入面既菜又爛又梅扖極乾冇汁所以 ..雖然 同價錢 ... 但一個天一個地宜家我每星期都要去 mos burger 食過早餐 c 先安落乘日都對里個包同個湯心掛掛講起宜家又想食啦 ! …Read More

每次行過千色果邊都會聞到好香既雞蛋仔味每次都會忍唔住買過食嫁胡so叔叔用明火整既雞蛋仔 外脆內軟 , 而且係即叫即整熱辣辣好香好好味唔會好似其他果 d 咁放到凍晒都照賣比你叔叔整既格仔餅好香好正嫁 !花生醬好多 好鬼抵食咩叫好食既雞蛋仔 ? 食過里間你就知 !!!十個 good 喔 !!…Read More