hysterictotoro的個人專頁

見到蕃茄湯底唔出奇，但尼間新店係蕃茄湯底加辣嘅沾麵，而且由一至二十級辣，所以先比佢吸引左去試。舖頭係歌賦街，唔難搵，餐廳簡潔。🍜🍅🌶汁煮叉燒蕃茄汁沾麵$118揀咗level 3少辣，麵量普通180g, 賣相正常，麵質爽滑，蕃茄湯底都濃，辣度少辣會覺得愈食愈辣，都幾惹味。不過叉燒就無驚喜，冇咩味道，主要係個蕃茄湯底優勝一d，一試無妨。…查看更多

一行七人食完飯去食飯係甜品🍮，去到聰嫂排隊大約十幾人。不過好快已經可以入坐。落單店員態度差爆，黑口黑面👦🏿，不知所謂⋯⋯👎👎👎一叫叫左七款甜品，諗住大家分享試一下，再叫另外一個店員攞多幾隻碗仔，佢問幾多隻呀？我哋答五隻，佢話邊有咁多碗比你呀⋯⋯嘩！尼間甜品店，你估我地免費入去食呀？一個甜品成五十蚊，原來d服務態度可以咁衰👎👎當然最後唔需要講，見你一食完就收走唒你d碗，希望你快d走，佢可以再入客。成班friends話以後都唔會幫襯，d甜品又唔係特別好味👎👎…查看更多

知道麻神麻辣火鍋有lunch set, 口卑亦唔錯，今日去試試！因為唔食牛肉，所以點左兩客豚肉涮涮鍋$72揀左麻辣湯底，綜合鮮餃有四大隻、綜合丸子四小粒、配台灣手工麵及極上冷凍烏龍麵。兩份可以share 一齊食！麻辣湯底夠香，個人覺得唔會太麻太辣，對於唔太食得辣嘅我可以接受👍西班牙黑毛豬賣相唔錯，夠新鮮，肉質唔錯，無雪味。鮮餃有四款，餡料質素唔錯，皮薄餡靚。丸子係手打丸，肉質彈牙，可惜細粒左d😬台灣手工麵類似刀削麵，同烏龍麵，兩種麵質夠滑又煙韌，賣相好似好乾，但食落好好味👍其餘材料仲有三種🍄菇類，木耳、粟米🌽、南瓜🎃、蕃茄🍅。最正包埋飲品，叫左一杯水果茶，勁大杯！一杯咖啡亦唔差。埋單兩位$144，免加一，超抵食，超飽！…查看更多

終於決定去排隊試米之蓮2018、2019嘅泰麵👫👬👭下午1:30去到排隊，2:00可以入座，排左30分鐘可以接受。我哋安排坐bar枱坐位，一心諗住嚟食泰國船麵， 發現menu紙上只有和牛船麵😨因為之前睇過openrice 佢哋係有牛及豬選擇。當店員介紹我地食和牛船麵之時，我話我哋唔食牛肉，諗住你哋有豬肉供應。店員好nice話幫我問廚房，好開心佢地做咗兩碗豬肉船麵😌👏👏😆🍜pork noodles $128先試湯底，味道濃厚，不過我覺得偏咸咗d，豬肉片嫩滑，豬肉丸無咩特別，再配上幾片炸豬皮。整體OK嘅，但個人覺得唔算有咩大驚喜。🍨泰式街頭椰子🥥雪糕$68椰子🥥殻入面有兩球椰子🥥雪糕🍦、配上椰子肉、粟米🌽及花生🥜。椰子雪糕有椰子味，夠香滑、不過椰子肉好乾硬，可能已經一早刮定備用，所以已經乾哂，稍為失望😞。🍡班蘭椰子🥥湯丸$68椰汁係帶咸配用班蘭葉製糯米皮，入面有椰糖及椰絲，熱辣辣，又咸又甜幾特別。整體而言，如果米之蓮餐廳，收尼個價錢可能係合埋，不過食物水準未如預期。不過我下次會試埋dinner menu, 試吓其他食物。…查看更多

直接講投訴單野先。友人order左一樽日本清酒🍶，menu內分別有700ml 或300ml. 友人因為一個人飲所以order 300ml. 食飯接近尾聲，友人擰起樽酒睇，發現樽酒只得200ml, 事源友人有飲酒習慣，佢發覺點解會咁快飲完300ml 呢！平日佢自己知道300ml淸洒對於佢自己會多左d，未咁快可以一個人飲唒！當我地埋單時問及店員點解menu內係300ml, 但實際樽酒只得200ml. 店員直答：係呀！我哋知道唔同㗎，因為本menu印錯左同埋唔係佢地餐廳印㗎。我地問：咁點解落order冇同客人講？佢只答我地下次會留意返。佢完全覺得問題唔關餐廳自己事咁。但友人覚得明碼實價印左價錢及份量，佢覚得餐廳應該adjust返個價錢比佢，於是要求店員跟比例改返個價錢才合理。店員無出聲一手搶返張單，態度極差。👎👎👎有收據相：取消左300ml樽酒$168， 之後改為水吧手寫收返$120…查看更多

以前經過一幻拉麵🍜多數要排隊，趁今晚早食飯，又好耐無食拉麵🍜，於是決定去試一幻拉麵🍜，早食應該唔需要排隊啩！6:30去到冇人龍，店內都有客人不過唔太多。味噌蝦湯拉麵🍜$88辛辣味噌蝦湯拉麵🍜$88 （冬日限定）揀左粗麵, 先試啖湯，辛辣味適中，唔會太辣，辣味唔會太勁遮蓋本身🦐湯底的味道，平時最怕味噌湯會太咸，一幻佢亦唔會太咸太濃，好好味呀！溏心蛋好味👍，叉燒夠腍，味道適中👍 粗麵軟硬度剛剛好，唔會太腍或太硬，正！…查看更多

其實唔係睇OpenRice ，根本唔知有間新餐廳係度。一落到去餐廳，好大間，環境乾淨，座位舒適，全場都係open kitchen. 不過食物選擇唔多，有沙律，三文治🥪，burger 🍔, 蛋糕🍰，咖啡☕️，另外好怪有一邊有一款生牛河及腸粉。我地叫左一個avocado salad $50份量適中，可以同朋友分享，入面有牛油果🥑、蕃茄🍅、洋蔥、黑欖、青瓜🥒、芝士🧀。全部食材都好新鮮。混入red wine 🍷 醋。味道恰到好處！另外叫左一份mushrooms and pesto grilled 🧀 sandwiches 🥪 $46用黑麥麵包，味道正常，都好味！兩杯latte ☕️拉花幾靚，伴一粒小cookies 🍪整體環境及食物都👌🏻，會再去食，不過食物選擇多d會更好！…查看更多

星期六去食lunch, 大約12點左右去到，唔洗等位。先睇門外餐牌，好多選擇，包括好多甜品揀！店員有禮貎，座位寬敞舒適👍🥗照燒雞肉沙律伴九條蔥醬汁$78份量足夠兩個人share, 沙律菜夠新鮮，配照燒雞肉，九條蔥醬汁帶有少少辣辣地，夠惹味。幾特別！👍🍜豚肉生薑燒撈烏冬$88份量頗多，豚肉用生薑汁煮，配左一隻溫泉🥚係烏冬上面，溫泉蛋蛋汁混和全份烏冬加豚肉，好好味😋🍧Tiramisu 蛋糕朱古力芭菲$88最頂有成件tiramisu cake, 唔會太甜，朱古力芭菲一定有朱古力雪糕🍦，朱古力醬，雲尼拿雪糕，jelly底 and cream.....總之就係好味道🤪…查看更多

今晚試吓去A Happy Pancake睇吓多唔多人排隊。7:50pm去到，見到唔算太多人於是決定排隊。等咗40分鐘終於可以入座。期間8：30已經截龍唔比再排隊。一早已經知道pancake即叫即做，所以要等20分鐘左右。🥞奶茶pancake配自家製穀物$133先試奶茶醬，奶茶味濃不過甜咗少少，好味嘅！👍鮮忌廉夠濃滑👍蘋果肉桂榖物就無咩特別。主角pancake 🥞🥞🥞唔會太空気，有蛋香，有質感，所以食唒3件勁飽，yummy😋😋🥞芝士慕絲雜莓醬pancake$128芝士🧀 慕絲重芝士味，夠香滑。雜莓醬個人覺得太酸太甜。不過友人勁like!免加一收費👍有機會會再去食😋😋…查看更多

阿元來了係西環開咗好耐一直都未試，因為知道經常排隊。今晩決定去觀塘店，因為坐位多d，同應該唔會太多人啩。7點左右去到，前面排🔟個人左右，等咗10分鐘已經可以入座，要搭枱，4個人一張枱都幾迫吓！又冇位放袋，要攬住個袋食野😪🥢魯肉飯$29一人份量，細細碗，男仔一定唔夠飽！味道同一般台灣魯肉飯一樣，冇咩驚喜🤷🏻‍♀️🥢台灣擔仔米粉$35入面有一隻似塑膠嘅蝦🦐，半隻蛋，半粒貢丸及肉碎，味道依然無特別，普通米粉一碗🤦🏻‍♀️🥢地瓜球$30蕃薯迷嘅我一定會試。細細粒，有紫薯及橙薯味道，炸得唔會過火及油膩，煙煙韌韌，整體👌🏻🥢鹽酥雞$35味道同一般外出嘅鹽酥雞一樣味道，可以👍佢唔會炸得太油，都炸得乾身嘅。而且酥脆。🥤竹炭鮮奶珍珠$30飲唔出竹炭味道，好少珍珠，珍珠偏腍，鮮奶又唔太濃滑😔🍧凍九份芋圓$30賣相麻麻，似將d材料放入凍水入面，後來友人話係冬瓜茶底，但味道超淡。材料有芋圓、紅豆、薏米之類，煙韌控嘅我都食吾哂，因為成碗野d材料似獨立個體，唔似一個完美嘅甜品😔我一定唔會推介朋友去排隊食，因為真係無特別囉！🤷🏻‍♀️🤷🏻‍♀️而且最重要講佢連台式蛋餅都無供應呀！…查看更多

見OpenRice 好評咁多,天氣又凍,所以去食呢個一人一爐火煱，暖一暖😌🍲酸辣🐑羊肉煱（小辣）材料有：羊肉🐏、娃娃菜、豆腐、酸菜、米血糕、甜不辣、福州魚蛋、豆乾、木耳、凍豆腐、沙白、雞蛋、金針菇、炸枝竹、鳴門卷🍥。材料豐富，湯底味道不錯，不過覚得酸度多左d，小辣都0k！👌🏻羊肉唔騷，都冇雪味👍！米血糕煙韌幾好味！🍲蕃茄🍅白豚🐖鍋🍲材料有：白豚肉🐖、娃娃菜、豆乾、蓮藕、蕃茄🍅、粟米🌽、香菇、凍豆腐、青豆角、金針菇、炸枝竹、粉絲、鳴門卷🍥、木耳、淮山。番茄🍅湯底夠濃，有一大個蕃茄。白豚肉肉質不錯，冇雪味👍其他材料都正常，好味嘅！另外讚吓餐廳推介嘅完美比例醬油介紹：沙茶醬/豆板醬3茶匙🥄＋豉油2茶匙🥄＋蒜蓉1茶匙🥄。溝左出來好香，yummy!…查看更多

去咗希慎行街，到食飯時間，無意中發現開咗間鰻魚飯專門店，記憶中好似尖沙嘴有一間但好似話要等好耐，👀見只有幾個人排隊，而且吸引我係見到佢地係有專人即燒鰻魚，而且見到d魚肉都幾厚身，於是即刻排隊。🍱雙層鰻魚丼 $108 （2塊魚）🍱鰻魚重 上 $138 （半條魚）主要分鰻魚份量而定，先試飯粒，唔算係上等日本米，米粒偏細，但煮得剛好，粒粒分明。鰻魚汁都係市面一般味道嘅鰻魚汁。鰻魚燒得幾香，但好似唔太夠熱，可能唔係一燒好即刻送上。魚質算肥美，不過偏腍左少少，魚身都厚。…查看更多

今日去咗圓方, 未去到已經決定一定要去試The Pantry去到即刻攞飛等位，等咗大約四十分鐘先有位！即刻叫野食。🥞Mango and coconut 🥥 pancakes $140賣相普通，主要要講pancakes 完全唔靚，中間好似未完全煎熟咁，只煎好個面同底就攞出來，中間仲漏咗d醬出來，食落好似有少少似粉醬👎🏼👎🏼👎🏼仲有我完全搵唔到邊度有coconut味道？佢話係烤椰子🥥餅碎，但完全食唔出椰子🥥味🤷🏻‍♀️個雪糕只係雲尼拿味道，其他芒果🥭汁醬亦冇特別🥞The All Day $155友人食，一上枱已經見到個pancake中間好似爛咁，賣相差👎🏼👎🏼！其他材料無咩特別，普通all day breakfast 🍳 一個👎🏼👎🏼尼間一定無信心會再試🤦🏻‍♀️…查看更多

見到openrice此店有三百幾個好評，d食物賣相又靚，於是去試一試。今日大約11:50am去到，但餐廳原來未開始營業，但店員可以比我入座先坐下。打開餐牌，午餐無lunch set, 全部單點，我點左一份碎蔥吞拿魚腩加黑松露火炙帶子丼，價值$238另加一服務費。個餐本來包一沙律，一麵豉湯，但因為時間尚早，未有麵豉湯供應，於是店員比多一份沙拉🥗我。個丼黑松露醬好似粒芝麻咁細少👎🏼，完全無味👎🏼，火炙帶子似塑膠，完全無帶子的質感👎🏼，都唔知佢燒到想點呀👎🏼☹️😭好彩碎吞拿魚就肥美正常啦！總括來說，完全唔值$238，勁後悔！😭😭…查看更多

趁今日26號boxing day又係公眾假期，下午plan去南豐紗廠行吓。所以上午就試吓龍川瑞記茶樓。十點半左右去到已經好多車，差d要double parking, 好彩之後有車走所以有位停🚗！去到茶樓勁多人，已經有人各位等位，剛好去到門口有張枱剛剛走，因為個位有太陽曬到所以冇人坐，我地諗住唔會食得太耐所以是但坐低。茶樓全自助式，冇人會幫你攞餐具及冲茶，食物都係自己去攞。我地攞左大包，入面有豬肉、火腿、鵪𪂹蛋⋯味道可以啦！👌🏻馬拉糕一d都唔好食，又乾又唔鬆化。👎🏼炸春捲，d饀好實，外皮少少脆👎🏼炸煎堆仔，味道可以，夠軟糯👍芋角，外皮酥脆，不過饀料只有芋頭，冇其他野👌🏻鵪𪂹蛋燒賣，味道不錯，唔會全件肥🐷肉👍咖哩魷魚🦑，無咩特別。👌🏻豉汁蒸鳳爪，味道同外面d酒樓一樣👌🏻炸韮菜角，好多韮菜，味道香脆👌🏻西洋菜，好嫩，唔老👍其實我覺得無咩特別風味，又無景，人頭湧湧，好似搶野食咁，零享受👎🏼👎🏼…查看更多