陌生人's Profile

平日嘅下午茶時段嚟飲茶，點心質素可以，但服務質素一般，尤其係有一位短頭髮，戴眼鏡嘅女侍應，態度囂張，我去到酒樓，因為屋企人講低枱號給我，我就問佢張枱嘅方向，佢面向住我，用手指公向後指，好似好有型咁，但完全冇禮貌…當我地水壺需要加水時，我向佢揮手示意，佢望住我，然後行去另一位女侍應身旁，拍一拍佢，再指一指我張枱，然後行開，當然最後就有該位女侍應協助啦，我最初以為佢唔係負責我地呢一個區域，但後來發現佢會幫我隔籬枱收拾，即係話佢選擇性做嘢啦…一間餐廳，除咗食物質素，價錢係客人考慮嘅因素，服務態度都係其中之一，客人嘅體驗都好重要，我唔係要求酒店級嘅服務，只係想有番正常嘅服務水準，酒樓請你返嚟做侍應，係幫助客人，唔係喺客人面前扮有型…Read More

呢間茶餐廳的服務態度真係好唔掂, 出餐時間耐, 明明只係叫個常餐, 都係多士炒蛋加個湯粉, 又幾難煮?? 可以等足廿分鐘, d侍應態度又麻麻, 尤其係染金毛個阿姐, 黑口黑面, 好似欠左佢咁, 沒禮貎, 叫佢檢討下啦!!!…Read More

我同埋班同事間中都會嚟呢度食Lunch, 不過我哋都認為唔太抵食!每個客飯27蚊或29蚊,但係碟餸就超細碟,阿姐有時又黑口黑面,好似我哋欠咗佢咁,舉手叫佢,佢就叫我哋等,又話佢好忙好唔得閒,我哋都好趕o架!Lunch得一個鐘頭o架咋!…Read More

我住沙田, 所以同屋企人都有去過幾次呢度食嘢, D食物質素普普通通啦! 食一碗麵也杯嘢 飲都已經好飽, 不過阿姐D服務就唔係好掂喇! 落Order要叫好多次先有人埋嚟, 明明望住我哋個方向, 見我想第手叫佢落單, 就擰轉身, 又冇禮貎, 有次我哋去食嘢, 個阿姐行過我身後, 大大聲叫我將我隔離張空櫈移番入枱底, 仲好惡咁話"想仆死我咩", 第一, 張櫈唔係我移出嚟, 第二, 佢可唔可以好禮貎D, 佢可以話驚仆到其也客人, 我條氣都順D! …Read More

永合成的煲仔飯真是不錯, 尤其窩蛋牛肉飯, 差不多每枱客人也會吃, 熱辣辣! 好好味! 豉油王雞翼也是我們一班同事喜愛之一, 隻隻都好大隻同脹卜卜! 不過環境佈置就十分簡陋, 門口又不起眼, 黑沉沉! 但仍吸引不少上環人幫襯!…Read More