Uyi_ee's Profile

早前同朋友係尖沙咀百樂酒店到食咗個午市自助餐，本身吾貴，佢仲做緊優惠，like埋社交平台 仲有折。午市12點開始，未夠12點啲人已經係門口排緊隊，認真收歡迎！我食嘅時候做緊韓國主題，咁韓式炸雞，年糕，燘牛腩，人參雞湯依啲就緊系吾少得啦，佢仲有個即煎腩肉，雞翼同腸仔。即煎雞翼比起韓式炸雞嘅雞翼仲香仲好食！魚生就差啲，我食少少就夠晒反而甜品吾錯，有驚喜！最中意食個葡撻，出面系曲奇皮，好香，好鬆脆，個餡都好香好滑。…Read More

黎親銅鑼灣又吾想食咁貴就一定會黎蘇媽蘇媽，咖央多士就必叫嘅，因為真系好香好脆好好味！！咖央醬都好厚，有成塊包咁厚，再加牛油真系仲香，個包即烘嘅應該，上枱嘅時候都仲好脆。 除咗咖央多士，我仲叫咗個喇沙，叫嘅時候個職員有問我地食吾食得辣，話佢本身都幾辣，但因為個湯冇得較辣度，set好晒，如果吾食得辣就叫過第樣。咁我就好吾識死咁照叫，結果真系好辣，辣到即刻叫番杯凍野飲先！但辣還辣，佢又真系幾惹味，雖然成碗都好似得配菜咁冇肉食，但就系個湯底都夠晒。不過真系好辣。…Read More

早前同朋友去咗愉景灣，見係指定餐廳食夠$120就有交通優惠，可以免費搭一程巴士出番市區，於是我地就係個list入面搵咗依間算系最平最抵食嘅餐廳。本身都幾中意食印度野，叫咗個香濃串燒咖哩雞，好好食，同平時食嘅有少少分別，有少少甜同蕃茄味(吾知有冇食錯呢🤣)，一啲都吾辣，啱晒我依啲吾食得辣嘅朋友👍🏻 雞肉都吾少，食極都仲有，兜汁又好大兜，配烤餅食都點吾晒啲汁。個餅熱辣辣，好鬆軟，就咁食都夠晒香，點埋咖哩就更好。咁樣一份晚餐吾駛$100，係愉景灣入面都算抵食。…Read More

一放寬晚市堂食第一時間就緊系book個靚位食晚飯啦～於是就決定食依間金公館。叫咗個2人套餐，4百幾蚊，有2兜杏汁豬肺湯，一碟雞絲粉皮，一碟炒蝦仁，半隻扁皮鴨，另外仲加多兜酸菜魚，最後佢仲比咗件桂花糕，賣單8百幾蚊最中意系扁皮鴨，吾知系正宗定有新意，佢配哈蜜瓜比我夾，哈蜜瓜好甜，夾埋一齊好好食。醬料方面都同平時吾同，吾只得一款，有4款醬，有隻系桂花醬，好特別👍🏻環境吾錯，有卡位坐得舒服，Staff 都幾爽手，見清咗啲碟就好快收，但明明做緊promotion 話消費滿指定金額就送一盒蛋卷，但賣單嗰收銀完全冇咁回事，問佢就吾好態度咁話冇，已經送晒🥲…Read More

成日見ig foodie推薦依間，於是搵日同朋友試一試佢。假日成2點鐘去到，啱啱吾駛等位🤣裝修有啲文青feel 用黎打卡系吾錯嘅，可惜一坐滿人莫講話影相，就咁食野都略嫌有啲逼。不過勝在野食真系吾錯，同朋友叫咗碗魯肉飯，一碗魯肉拌麵同一份薯餅蛋餅，佢啲分量比得好足，一啲都吾同你慳，碗魯肉飯飯多肉多汁都多，味道仲幾吾錯，依碗飯真心值得叫。但拌麵就冇驚喜，太普通，下次吾會再叫拌麵，蛋餅麵好食嘅，大大份幾抵食。本來同朋友諗住叫多個甜點食，但好彩冇叫，如果吾系一定食吾晒。另外嘅員工都幾nice👍🏻抵讚…Read More

早前同朋友去咗觀塘依間餐廳食lunch, 成日係ig 見人推薦，難得路過吾駛等位就入去試吓。環境吾錯嘅，裝修都幾靚，坐得都算舒服。野食方面同朋友2個人叫咗一份Spanish pork belly，一碟海膽鵝肝偏意粉同一件聽聞必試咗濟嘅tiramisu份西班牙豬肉都幾大舊，好淋身，感覺就好似食緊舊高級版嘅燒肉，但當然比平時燒咪嘅燒肉好食啦，好食嘅，但就冇咩驚喜。海膽鵝肝意粉個樣好吸引，整得幾靚👍🏻味道上海膽同意粉中規中矩，但鵝肝好食，煎得好香，有啲驚喜。成碟分開黎講都好食，只系感覺海膽還海膽，鵝肝還鵝肝，意粉還意粉咁～至於傳聞中必試嘅tiramisu：裝飾得幾靚，味都幾好食，咖啡味夠嘅，啲cream都香嘅，依個系真系可以叫黎試下同埋感覺tiramisu 系全個餐廳最抵叫嘅一樣🤣野食系好食嘅但價錢我覺得偏貴，由其全部野食同野飲都系散叫🤪…Read More