flowerloulou's Profile

食咗咖啡味豬柳蛋班寶同埋芝士漢堡加蛋，小食要咗薯角同埋麻辣雞粒。全部嘢食都熱辣辣，新鮮製作，咖啡味豬柳蛋班寶個炒蛋好厚好熱好好食，豬柳同蛋嘅味道同個咖啡味pancake好夾，非常推介，仲要冇乜汁，健康但又極好味之選。芝士漢堡我嫌佢多汁得滯，唔知係啲芝士溶咗定係牛肉流出來嘅汁，除咗呢樣其他配料都好完美，個漢堡扒好有肉味，個生菜好新鮮。之後仲要讚下啲小食，個薯角好足料，好大碌，入口辣嘴，個麻辣雞粒麻辣味調得幾好，唔怕喊得滯，一樣又係熱辣辣，好香口！總括嚟講全部嘢食都好完美，一定會再幫襯。肚餓得滯，冇影到相。…Read More

本身諗住隔離餐廳食，但太多人排隊，見到呢間餐廳冇乜人，就入咗嚟食，開頭仲擔心唔好食，但係點知原來咁好味。叫咗個豬手撈矇同香茅豬扒飯，同埋一個串燒拼盤。首先要讚下個撈矇，好多越南撈矇一係整得唔夠味一係就好鬼咸，但佢整得好夠味同惹味，食得好開胃，啲豬手個酸汁都整得好出色，個豬扒飯好足料，好多舊豬扒，個飯啲蔥油都好夠香，呢間真係一間被忽略了嘅高質餐廳。最後仲要讚埋佢個凍奶茶，沖得好甘甜，同一般茶餐廳嘅凍奶茶唔同。…Read More

叫咗一杯玉子麻薯奶綠，要咗半甜，甜度啱啱好，裏面嘅朱古力粉同奶蓋都好香好好味，經常喺呢間舖頭買嘢飲，各類嘢飲都沖得好有心，甜味唔會太假。另外佢生果類飲品都真材實料，好重生果味。非常推介呢間飲品舖。…Read More

咖啡好飲，朱古力酥同提子酥都好味，老闆娘好細心，值得再去。一杯咖啡加牛角包套餐都係$40有找，價錢公道。飲品種類都好多，有咖啡、水果茶、牛奶抹茶。荔枝角嘅綠洲，出色咖啡店。…Read More

豚肉濃湯拉麵啲湯完全唔夠熱，味精湯，蜂蜜水果檸檬茶要＄38但係淡而無味，，總括嚟講難食😩😩。海鮮湯烏冬個湯好夠熱👍🏻，不過烏冬份量好少。店員落單態度差😡😡…Read More