Bobocheng121's Profile

之前睇過有人寫都話差， 點知去到真係見識左 個收銀女人 ，串到一過點 ，問佢係咪點燒肉餐之後幫我開爐， 佢話點左咪幫你開囉 ，拎轉頭就同個男經理笑我唔識咁 ，問個男經理餐個湯有冇肉，我話想知係咩湯，佢即刻話比我唸唸今日係咩湯先啦 嘩！全個場得另一個男侍應服務好好多 ，比錢問有冇payme同會員想儲分,呢個收銀女人話,儲左啦，冇呀 比$193，拍卡呢到。。。。真係食得唔係咁愉快 ，可能屯門分店問題啦 不過真心真係未必有下次。。。…Read More

話說上網最近睇到有人介紹，話呢間鋪下午茶好平又抵食又好食。有次咁岩經過，見唔太多人就入去試下，叫左茄汁蝦仁帶子意粉，意粉煮得岩岩好，味道幾好，3十零蚊有野飲，份量唔算少，仲可以加錢有雜菜食，鋪頭入面位置唔算多，但都算舒服，不過感覺空間有啲暗，廚房似係老闆一腳踢，好似仲有個女人幫手，唔知係老闆老婆定咩呢，另外咖啡應該係即磨，我飲就要多奶！哈哈！不過整體價錢同質素，個人感覺唔錯又抵食。如果之後經過，之後都會再幫襯！…Read More

座門口都有烏蠅，唔緊要！椰菜花飯有肉碎，我同朋友第一次來唔知,職員態度勁差仲話要早啲講！大佬第一次來點知？唔肯換唔緊要仲要語氣差，鮮茄滑蛋咁樣真係唔多開胃！咖啡完全唔得！真心想投訴！結果50蚊只食左一個番茄。。。當黑吧…Read More

之前生日食訂左位去食晚餐，店入面坐位唔算多，環境投射海底世界魚，都幾有特色，野食整體唔錯，份量都夠，最滿意係pizza,薄底果隻一流，服務都可以，算係有質素小店。有機會會再食。…Read More

不知不覺都見呢間探客開左好幾年，出面太少有桃膠，所以最鐘意佢地啲桃膠系列，比好多桃膠之餘，仲可以選擇唔甜，走冰咁！出面好多都唔比，水果茶真材實料，唔似有啲落水果醬！今次叫左個仙蜜百香果桃膠，睇個樣都夠仙氣！走甜都好好飲，勁清新，少少酸，夏天飲消暑一流，另外極力推介抹茶桃膠！真心好飲！本人至愛！！！近來仲出左個青瓜苦瓜檸檬茶！又係一流！價錢唔貴大杯又好飲！認真好飲過好多大集團！有特式之餘仲保持到水準！…Read More

平時經過唔多起眼既鋪頭，冇華麗裝修，細細間咁，唔多留意，但今日天氣好熱，冇乜胃口，突然之間好想食湯飯，見佢門口寫住有wor，即管叫個鴨腿湯飯返家食！嘩。。。返到家一開盒，聞到濃郁既味，入味之餘仲要好好食，鴨夠軟，冬瓜入曬味，湯底一流，仲送埋老火湯，冇咪精，白飯超大盒，真係冇得輸！！仲要送埋野飲，咁既價錢係邊到搵！！家庭式經營，有人情味之餘又足料，真係怪自己發現得太遲！之後都要多多幫襯下，支持小店！！！…Read More

上次食過一次，見味道唔可以都大碗，用app外賣自取有8折，今日想食粥咪再叫，今次寫左走蔥，行到去見到女士係到玩緊個膠袋，應該係污糟左，見佢申手入膠紙係咁抹，我心唸唔係我呀，到見到粥出來，女士即開蓋整走蔥，再裝返頭先個膠袋，見到我之後話好串咁話“要咩呀，講啦”。。。我指住碗粥，佢話你嫁，我點頭，其實可能只係一碗粥，但態度唔使咁既，28蚊一碗粥唔係話好貴，但都唔算好平，平時開6點，可能太子女，串到咁，唔休做我呢啲細生意呢…Read More

事源見新開，一直想試，今日下午一點幾去到冇乜人，唔使等好耐，叫左個羅漢齋紅米腸，23蚊，份量足，料又多，個人喜愛唔咸，豉油分開，腸粉有口感，呢個羅漢齋腸有木耳絲，蘿蔔絲，什菇，食完都幾飽。門面小姐又好nice,大家傾傾下計之下比錢，之後睇返自己仲銀包，自已大頭蝦冇睇原來找小10蚊，打返去鋪，小姐大半個鐘左右好快check完就即刻打比我係找小左，之後仲即刻payme返，仲say sorry,其實係傾計大家都分左心，今次可見鋪頭果然誠實又有效率，之後都會多多支持！…Read More

事源上次食完唔太滿意既餡餅外賣後，今次堂食意粉，龍蝦汁大蝦意粉，煙三文魚香草忌廉意粉同黑松露雜菌忌廉意粉，味道同以前差唔多，個人感覺稍咸，一坐低落完單，肥侍應問要唔要加5蚊飲品，見張紙得可樂，以為冇咖啡奶茶果啲，聽到人叫後，再問“靚女”佢答“咩事”。。。我再係咪咖啡奶茶都係加5蚊？佢答“頭先咪答左你話係囉”。。嘩，大佬，問多句咁既態度，真係唔多順氣，見佢對其他客又好好態度，可能我今日當黑。。。老老實實，下次都係外賣算。。。…Read More

之前見報道話任點任食，好吸收咁，所以一早book左生日時去任食，之後就上網睇下評價，大部分都話服務差，但野食質素唔錯，今日終於一試，12點8左右去到，即時入座點就可以點野食，茶我覺得幾好飲，第一轉份量係2人正常，第二轉開始慢慢減少，第三轉就更少，咁樣減少浪費，而且都夠飽，野食的確唔錯但個人認為稍油私心推介南瓜西米露！一流188元一位，茶位25元，加一收費，2個人加埋469元，我自己認為幾抵食，至於服務方面，我感覺正常，雖然唔係話好好但又未至於差。整體都滿意，生日點心餐祝自己同大家身體健康…Read More

話說之前試過食一次自助午餐，2個人194元，都覺得不過不失，由於就生日，就同家人提早慶祝食次自助晚餐，記得之前食午餐時寫住晚餐188元有折，150元左右，就唸住覺得都ok,今次11月29日去食5個人940元，已經冇左折，比起午餐係多左少少款，送左鮑魚同燉湯，今次因為生日，仲送左個壽司蛋糕，都唔錯，侍應姐姐個個都好有禮貌，不過如果要比較，午餐就抵食啲。希望款式會多啲，例如pizza,蛋撻，猴頭菇咁。。整體食物算可以,如有折扣會更好，始終疫情未過，希望大家都加油！身體健康！最後都祝自己生日快樂…Read More

終於開返，之前係大坑渠幾好食，轉左手冇試過，到而家終於係巴士總站開返，好期待！之前成日買佢啲意粉，好鬼正又唔貴，今次經過點都要試下，價錢比以前每款貴左5元，都正常既，鋪大左又有堂食，咁試叫左新出既海南雞飯同鮮雜菌餡餅，承為85元，餡餅30元，海南雞飯55元，海南雞飯算幾好食，雞都幾滑，至於餡餅就好失望，唔脆唔熱又冇汁，仲要冇乜餡，下次唔會再買呢個，可能試業期間，希望下次會更加進步，買返意粉可能穩陣啲。…Read More

一向經過都冇唸過幫襯，因為睇落價錢偏貴，門面又唔多討好，事源今日行左好耐，個人突然好想食豆腐，經過見到佢有羅漢齋豆腐，心大心細，小菜都要69，心唸即管試一次啦，6點幾時間，都見幾多人食同買外賣，唔通真係好食？重點見到有咕嚕班腩，好似好開胃咁wor,咁就叫左羅漢齋豆腐同咕嚕班腩，一熱一凍飲，仲送油菜，2碗白飯同例湯，不過冇要例湯，怕太味精，外賣每個減3蚊，總數埋單136。都等左約15分鐘，返到家一打開，賣相都唔錯，咕嚕班腩都好多舊，酸味合適，羅漢齋都足料，味道剛好，唔咸又唔杰，油菜就正常，2樣份量都足，冇唸過都唔錯，都會下次再買。…Read More

話說今日放假，同老公想食西餐，見呢間西餐新開冇幾耐，睇網上食評又幾好而且唔太貴，閒日下午三點幾去試，呢個時間冇乜人，廚房冇咁忙，全場得我地一台，環境幾乾淨，地方好乾淨，服務超級好，超級有禮禮貌，我地叫左個冬陰功海鮮意粉同蘆筍什菜白汁意粉，都送蒜蓉包同湯，個包超脆同好香，湯係粟米忌廉湯，味道唔錯，冬陰功意粉味道唔錯同辣，白汁反而稍奶味重，送叫左冷熱咖啡，味道都幾好，服務態度一流，整體好滿意，會再來食…Read More

事源早幾日同老公第一次食，覺得抵食，當日餐做88折，部分食品半價，埋單先知，4個餸都係200蚊有找，而且野食唔錯。今日獨自再去食，叫左韓風新豬肉薄餅59，素魚露炒雜菜25，今日已經冇折了，份量反而比之前少左dd,薄餅咪唔錯，稍咸同多左少少油，雜菜味道開胃唔錯25蚊細份但都夠食，一個人2樣唔算誇吧，92元埋單已收加一，鋪內仲有好多素野賣，做會員可以儲分，一蚊一分咁。其實間野都多款選，如果元朗都有就更好了。…Read More