IsabellCheung's Profile

好明顯學Like, 但完全兩回事：1. QR Code落單，但Menu設計極其混亂2. 賣相差，餐送來已經覺得伏3. 沙律份量少，但容器大，好似食剩咁4. 牛肉不三不四，又薄又長似火鍋用嘅牛肉，方便同隔離好鍋共用？5. 落單時要選牛肉的醬汁，揀味增原來只是在牛肉上面唧一pat醬，不是平時牛角牛肉醃料意思，其實枱面都有果pat醬，完全冇意義6. 揀燒肉汁=豉油浸肉，勁咸7. 附加醬汁擺位混亂，要逐支拎起睇，又污糟，印喺樽上的名又甩哂8. 3人去，2爐壞，只有右邊有火，校1火已火燭咁9. 網不是即棄，但火不均勻，一陣就變黑10. 牛肉味道質感都差，未試過100g已經冇胃口3人都話不會再去…Read More

2月5日透過Openrice，訂了年初一4位1pm，系統顯示訂座已接納。於是通知外國回港親友，之後便收到玉庭電話，以為是要預交人頭費的問題 ，原來是稱年初一不能book 1pm, 要分時段並提議訂11am。問題是 ：1. 為什麼沒有該時段訂座，但系統仍然顯示可以？！是沒有update Openrice? 還是Openrice系統有問題？ 2. 玉庭是附屬酒店的酒樓，一般都沒有節日時段限制…… 3. 食品不是特别出色，但人均要250, 只是沒一般連鎖的多人而已。4. 原來朋友有類似經驗，第一輪訂座是5:45，7:30要交枱，還要預付人頭費……消費諸多限制，完全沒有理會客人感受，不要怪人北上，此酒樓正正是害群之馬！…Read More

4月尾親戚請去食晚飯，除咗環境舒適之外，估唔到菜式都非常好，尤其北京填鴨兩食最為驚喜。填鴨皮脆肉嫰，咬落去仲有肉汁同少許油香咇出來，10個人秒速幹掉2大隻。琴晚老媽子想用埋d消費券，豪氣請我一家去食，佢仲話等佢試吓係咪咁正(佢上次冇去)……OMG, 今次真係比佢yo到暈，堅差！！！性價比超低啦，鴨送過來已經心知不妙，乾到巢皮，仲有部份黑晒，完全唔同上次漲仆仆立立令。本住鴨不可貌相，同對呢間東來順嘅名，安慰自己唔會咁差嘅……食完一件已經冇聲出，皮係un嘅咬唔開，似紙皮feel，肉係乾嘅，冇味嘅(香味同味道都冇), 老媽子話吓任何一間北x樓呀，普通商場京菜中菜酒樓都好過佢喎, 似係翻焗……連2個仔都識話上次好食好多，細仔仲只係食咗1件都唔食。如果冇品質控制，真心唔好做臭個名啦，仲諗住阿妹一家返來再食，真心唔洗再去，咁嘅價錢應該都有其他選擇！…Read More

Farewell男同事,  叫咗2個full course lunch set, 頭盤麻麻無驚喜, 蟹盒個pastry似現成買, 蟹肉應該係罐頭。主菜portion好細, risotto 薄薄一層, 面頭海鮮嚇一嚇, 以為食剩, 雖然有蝦, 帶子, 小青口同小蜆各一, 建議比3粒小蜆同埋將所有料放埋一齊, 感覺多小小。 而建議三文魚比2件薯仔, 加埋錢食甜品諗住飽d, 雪糕幾好但芝士蛋糕又係超迷你, 咖啡差。 食完自己都唔飽, 何況男士, 請人請到咁真心好尷尬。雖然環境靚table setting靚, 但好嘈, 試過就算…Read More

不嬲對呢間餐廳冇好感，特別外賣質素更差。無奈阿仔們喜歡，又見裝修完，希望有d好改變……改變咗，但係更更差，熊貓叫了2盒炸豬扒飯，加小食香腸，香腸的配料蒜片同葱段已經得返岩岩蠶蠶3，4片，葱更加消失咗。最厲害係豬扒，教主色，全部得一邊熟。發現時阿仔們應該已經食咗1，2舊。垃圾級餐廳，不講味道，連基本煮熟食材的功夫都咁失敗，小朋友煮飯仔？！…Read More

一向都覺得呢間環境特別污糟，無奈老人家就腳，所以冇選擇下一年不多於兩次終於來咗飲茶，同之前一樣，全部茶杯、碟、碗同筷子好似冇洗過，有殘渣已經不出奇不驚訝，全部餐具油淋淋，用熱水冲完都仲係油，筷子全對由上而下都油淋淋，無準備下唯有用濕紙巾抹完再淥。正常情况都接受5到，何况疫情下真係好5安心，感覺大排檔仲衞生，如果閣下想見識吓，温提請自備餐具！另外點心不過不失，冇驚喜而性價比低，服務差叫極冇人，有人又 5 so你，完。…Read More

千里迢迢重臨呢間餐廳食早餐，追尋返印象中嘅味美……奶茶變奶水、菠蘿包大咗變隔夜feel、沙爹牛米嘅牛肉同醬係凍嘅……原本戒緊澱粉諗住破戒食個靚早餐，點知胃口都冇埋。嘥錢嘥時間嘥心機…Read More