momuji的個人專頁

火鍋店以中國風裝修十分匹配，門口以黑金配金色花紋嘅招牌好搶眼。餐具都配上中式藍花紋，九宮格調味盆，龍頭火鍋煲都十分有中式文化感。用QR code 落單，叫加湯非常方便😊🔸️新品推介花開富貴龍皇酸香湯$308 ~ 娃娃菜砌到成朵花咁🤩。超吸眼睛呀，湯底酸酸地似酸菜魚嘅味道。 有酸菜，豆卜同埋大量牙菜吸曬湯底嘅味道😋 鍋內放入龍躉肉啖啖肉😋🔸️大滾友牛肉拼盤細$428~ 本地手切牛頸脊，牛肉粒，封門柳，牛舌，金錢展，口感各有特色，花雕酒浸牛肉更添獨特香味。每款約有5-6件份量夠晒兩人分享😊🔸️蟹黃餃四粒$78 ~ 皮薄餡靚粒粒飽滿，食落蟹黃味濃郁超正🤤🔸️手打鵝肝墨汁墨魚丸 $72 ~ 墨魚丸很彈牙中間包住粒鵝肝，味道上有創意。🔸️滑捋捋雙併：手打黑松露墨魚滑＆瑤柱乾貝滑$148 ~ 兩款都是用墨魚滑彈牙爽口，黑松露味勁香濃。要瑤柱乾貝比較淡味一點。 🔸️鴨血$68 ~ 口感彈嫩滑溜。🔸️萵荀$58 ~ 吸曬湯底，爽脆可口。🔸️蓮藕片$38 ~ 爽脆同個湯底好夾。🔸️自家制足料竹蔗茅根$78 ~ 材料十足，清甜下火，打邊爐必選，一樽都分到5杯架。…查看更多

朋友話帶我嚟西環食特色餃子。 鋪位於巷內，唔係朋友帶我要找一輪先嚟到。 尼泊爾文餃子就叫做momo。 佢哋嘅餃子多數會混入香草同埋洋蔥。 所以味道比較濃郁，店內佈置色彩繽紛，手織藤傢俬，尼泊爾旗， 喜馬拉雅山圖案。具異國風味。價錢親民，有不少捧場客😊🔸️Dahi Puri 乳酪紅石榴薯仔波波$45必吃風味小吃👍香料薯蓉釀在脆波波內，上層有乳酪及紅石榴，食時倒入羅望子酸甜汁，一整粒入口清新開胃🤤🔸️招牌爆汁蒸雞肉餃$38 ~ 傳統尼泊爾餃子,餃皮比平時食開嘅厚少少煙韌少少。餡肉嫩滑有肉汁😋 沾上風味花生醬似食沙嗲串燒個醬汁味，蕃茄香辣醬帶微辣，辣得幾過癮🤤各有各好味😋🔸️煎咖喱牛肉餃$38~ 咖喱牛肉洋蔥包的餃子，煎香後香濃惹味，略嫌有點油膩。🔸️尼泊爾香料雞翼$35 ~ 外脆內軟，食得出有先醃再烤，濃味香料帶辣味，配上檸檬汁食非常惹味😋🔸️尼泊爾蔬菜蛋卷$40 ~ 用薄餅包雞蛋蕃茄椰菜，生洋蔥，捲起來，沾上乳酪，蕃茄酸辣醬少少辣，感覺辣清新開胃。🔸️黃金牛奶$30 ~ 黃金牛奶嘅抗炎抗氧好處好多😍見到即刻叫嚟試吓，以薑黃肉桂豆蔻加入牛奶煮暖，比例很好飲落去感覺好舒服😊🔸️尼泊爾高山紅茶$30 ~ 用喜馬拉雅高山紅茶沖泡，顏色濃郁，入口清雅。🔸️印度牛奶雪糕 Kulfi $40 ~與平時食嘅雪糕質感有點不同，中間帶沙冰感，但無沙冰咁涷都幾得意， 帶有淡淡的香滑牛奶香，雪糕配埋開心果及脆脆超級好味🤩大讚最貼心有洗手位給人洗手，潔手很衛生👍…查看更多

朗屏站附近有間日式小店，步行3分鐘就到達，主打日式定食，小店座位大約得14個。半開放式廚房，不覺有油煙味，推門入內被墻上一大幅漫畫角色嘅畫吸引住，當中有龍珠，海賊王，鬼滅等，d回憶返晒嚟🤪 午市定食均配：前菜，煎茶，味增湯，珍珠米。 可+$10轉茶漬飯/湯烏冬/特色貓飯。另可+$10追加自家制糖心蛋 🔸️貓飯有紫菜+木魚花+日本醬油+牛油，撈埋一起超級好食😍值得加$10轉🐱飯😋 🔸️茶漬飯有紫菜+木魚花+飯素再配上高湯味道清新好味😋 🔸️招牌蒲燒鰻魚定食($78 )大大條上枱夠晒大方，厚肉得嚟肉質軟嫩，蒲燒汁濃郁甜甜地送飯一流。另加糖心蛋，浸得剛好不會過濃味，流心口感一流。🔸️香煎和牛漢堡扒配咖哩汁定食($84）漢堡扒可選7成或全熟，我地選了7成，切開似8-9成熟了點，不過牛味香濃油脂充足，配上日式甜咖哩嘅很好送飯🤤 🔸️飛驒和牛可樂餅$58。炸得好出色，外面酥脆可口一d都唔覺油膩感，餡是綿滑薯蓉加香濃的飛驒牛肉非常好食😋 十分欣賞每道菜都有椰菜絲，食埋椰菜絲感覺上健康返少少😆整體食物質素及份量都很好，價錢合理無加一服務費，服務態度亦很好，值得推介朋友一起再來😋…查看更多

荃灣廣場新開了越南菜，性價比都幾高，還有2人或4人餐選擇更抵食，員工態度親切積極，換碟加水都很快手，有一大幅綠葉牆令環境更舒服，以鋪磚技藝重現河內街角韻味，整體食物有水準，值得有下次😊🔸️香濃咖哩軟殼蟹$128咖哩的香味濃郁，軟殼蟹炸酥脆可口，沾上咖哩汁又多一層味道。🔸️法式蒜茸包$38有咖哩怎可少了蒜茸包呢，另外點了一份，法包焗得酥脆內軟，散出濃郁蒜茸香味，把法包浸滿咖哩汁後進食，幸福感倍增🤩🔸️濱海伴豬頸肉串燒餅$96豬頸肉燒得很香，點了醬汁有少辣很惹味，用生菜包住濱海，酸蘿蔔絲，燒豬頸肉，加埋魚露一起食，減底油膩感之餘又添加了口感，十分美味😋🔸️香茅雞翼$23熱辣辣香噴噴的香茅雞翼外皮烤的金黃脆口，內裡肉嫩多汁🤤🔸️椰漿芒果紫糯米飯$78紫糯米飯熱辣辣出場，咬落去有嚼勁，芒果略慊生了少少未夠甜🤪 欣賞椰漿分開上，想落幾多就自己決定😋 為是晚畫上完美號😊🔸️牛油果沙冰$38炎炎夏日，沙冰入口透心涼😋不甜飲到淡淡的牛油果味夠曬健康😊🔸️越南滴漏咖啡+$18慢慢欣賞每一滴嘅咖啡，香濃帶點苦味，超欣賞這裡煉奶是分開上的👍甜度可自控👍…查看更多

朋友帶我嚟食飯傾計，個名都講咗係嚟pillowtalk吖嘛😆餐廳以復古暗色風格，氣氛很好悠閒，坐椅舒服，最啱同朋友抱住攬枕慢慢chill傾下計🥰 食物種類多，仲有多款有酒精無酒精飲品😊 Welcome dish🔸️燒大蔥配豚角煮。看似好肥的五花肉估唔到入口即溶唔覺咁肥膩👍燉煮適時，醬汁鹹甜濃郁好味。🔸️甲羅燒鮮蟹肉意大利飯$178。忌廉意大利飯不算太硬，鵪鶉蛋混合蟹膏蟹肉香滑無比，兩者加埋豐富了口味,提鮮了不少。🔸️原隻德國豬手$198。大大隻豬手外皮脆到卜卜聲😋 肉質嫩咸咸地好惹味。配上薯條，沙律菜清新一下😝🔸️黑松露大啡菇長通粉$158。啡菇大大隻香腍入味，有埋洋蔥什菇更添惹味，長通粉彈牙掛滿香濃黑松露汁😋🔸️Pillowetalk 小枕頭配紫蘇蛋黃醬$78。即炸自家製小雲吞，配紫蘇醬都幾創新，香脆可口。🔸️鹹蛋黃薯條$58。即炸薯條加上鹹蛋黃醬汁，每一條薯條都有鹹蛋黃醬包住好邪惡啊🤩🔸️Peach soda (+$12) 。淡淡桃香，清爽甜蜜😊🔸️Ice chocolate (+$12) 。冰涷朱古力甜度適中，面層有忌廉更增香滑。主菜可+$48升級成套餐，包餐湯/沙律及飲品，可另加+$38可升級甜品，生日提早預約仲可以安排畫碟添🤩…查看更多

以西湖龍井為主題嘅綠茶餐廳終於開到嚟屯門啦。屯門西鐵站一出v city 就找到，放工6點已經好多人喺門口排隊啦。門口有古箏表演更增古色古鄉氣氛。而店員的制服很有古代感，好似穿越咗去古代一樣。這裡主要食杭州菜，有米芝蓮名廚俞斌為香港專屬定制菜色。🔸️粉絲裹蝦$108店員放底爐同埋個煲，開火後計時4分30秒， 開蓋香氣撲鼻，粉絲吸曬蝦嘅精華乾身唔油膩，還有紫洋蔥絲增加甜味，煲內有好多隻蝦開邊蝦爽口冇雪藏味。🔸️筆墨酥香$48 🌟香港限定🌟做到一枝枝毛筆嘅造型好得意🤩 外層係酥脆，裏面是白豆沙茸不甜的，點朱古力醬扮點墨，玩味十足🤪🔸️綠蔥油汁蒿筍$58賣相很得意，蒿筍片與黃瓜片夾著冰鎮，咬下時索索聲超爽脆，感覺很清新，是夏日開胃菜。🔸️三色雞絲涼麵$48雞胸絲涼伴菠菜面，南瓜面，紫薯面加埋花椒油，芝麻，花生碎超惹味，整體都偏辣架🥵唔食得辣嘅要考慮下啊😊🔸️西湖雷峰塔 $28 🌟香港限定🌟造型細緻打卡一流，奶白色迷你奶凍，浮在碧綠色嘅西湖面上，甜品來說不算太甜，只是精緻到捨不得食😝 🔸️江南綠茶餅$28外層勁多芝麻好香脆，內餡是芋泥，感覺不會油膩。🔸️九曲紅梅茶$12/位坐低後店員會先給一壺西湖區的九曲紅梅茶，茶底香濃有助解利暖胃。新店開張仲有八折添🤩，店員仲提我地下載埋佢哋最新會員app，仲有迎新優惠，更加慳得多呀😍 整體嚟講，食物質素不錯，賣相精美，價錢合理，性格比好高。下次要約多幾個朋友再嚟食過，仲有其他款式未食呀😋…查看更多

荃灣同事推介抵食又唔限時之選😎火鍋放題一人一鍋，無限量無限時任食海鮮，串燒，刺身，火鍋，甜品。我地選了中位嘅b 餐$298嘅，一個價錢就可以食咁多嘢喇🤩可以慢慢食慢慢傾計了😊 坐卡位都幾舒服，一坐下店員已很細心提醒旁邊的串燒爐有熱力，取夾海蝦時同放入鍋時小心彈蝦😅態度友善收碟亦很爽快😊入座坐低先選湯底。 呢度嘅好處就係可以每人一人一鍋又得，一枱一鍋又得，今次我同朋友揀咗一人一鍋。 我要咗麻辣鴨血窩辣得嚟好惹味。 朋友揀咗椰子雞湯清清地，雞係清遠雞好滑喎😋雞件份量多又大件好滑。 湯底有清甜椰子味，滾食物時都有陣陣嘅椰子甜味。🔸️海鮮自助吧：半殼生蠔，原隻鮑魚，瀨尿蝦，蟶子，三點蟹，青口，沙白，花蜆，還可以在魚缸內自己夾海蝦，大頭蝦😍🔸️刺身任食，包括三文魚，帶子，珍寶赤蝦，鮑片，北寄貝🔸️沙律有海蜇沙律，泰式鳳爪沙律，麻辣手拍青瓜細細碟一人一份可以食多幾款口味😝🔸️即燒串燒：鮑魚，羊肉，五花腩，肥牛肉， 海蝦，雞心，八爪魚，脆肉瓜，土豆片，多春魚，台灣腸，牛舌，雞腎，雞脾肉，雞軟骨🔸️火鍋配料：美國極上牛肉，美國肥牛肉，澳洲羊肩肉，特選豚肉，三皇雞，八爪墨魚滑，餃子，烏冬，丸類，菜類等等🔸️飲品有好多款有自家制菊花茶夠晒解熱氣，自家制手打檸檬茶令人好開胃，罐裝紙包飲品，韓式飲品，還有啤酒任飲添呀🤪🔸️甜品款式多到好似去了甜品店咁😍 宇治抹茶芭菲，軟雪糕窩夫，芒果綿綿冰，法式焦糖燉蛋，雪燕流連忘返，紅豆椰汁凍芋圓，木瓜雪耳，雲呢拿軟雪糕，抹茶雪糕，榴槤芭菲，楊枝甘露，綠豆沙，心太軟。這晚大家都扶牆出門口了😆實在太多嘢食啦，都未食得晒每一款食物[IMG:2][IMG:13][IMG:6][IMG:11][IMG:2]…查看更多

天氣炎熱，放工去放鬆開心下😝一入門口冷氣十足透心涼🤩門口掛住燈籠同旗仔幾有日式風格。店內氣氛好正有大電視十分適合睇波，店提供串燒，炸物，拉麵，烏冬，還有啤酒同清酒選擇都幾多🤩味醂魚干以味醂醃製烘乾的魚乾，外香脆內軟，這絕對是下酒菜，聊天喝酒的最佳選擇。巧手芝士磨菇釀雞翼2隻外皮脆卜卜，芝士餡好香，啖啖肉食得好開心雞皮餃子6隻雞皮取代餃子皮，令外層更加金黃酥脆口，餡料飽滿實結實雞三角軟骨串三角骨爽脆有嚼勁，味道香脆可口獨特自家製免治雞肉棒外層脆脆地的雞肉棒沾上蛋液很香滑，雞肉棒內裡有柔嫩雞肉及細碎雞軟骨，咬起來有質感很過癮。自家製明太子玉子燒（兩件）表面有一層燒香明太子，鹹香味混合充滿蛋香嘅玉子燒簡直是絕配。豚骨湯，自家製叉燒拉麵叉燒拉麵湯，濃底好香濃，拉麵彈牙，叉燒看似很肥，實際好香入口即溶 清酒-真澄白妙300ml 精米步合55，輕柔淡雅純滑口感，酒精感非常低更易入口整體來說，氣氛環境都好，適合同朋友聚會微醺一晚是不錯的選擇😊…查看更多

落堂經過見到呢間餐廳，以中上環呢個位置價錢合理一於入去試吓， 估唔到性價比真係高仲驚喜喎。餐廳以白色為主，感覺很乾淨清新，樓底高坐位舒服令人很放鬆。🔸️酸奶燉牛尾配旋鍋蛋包飯賣相不錯幾吸晴，螺旋形蛋很有趣，螺旋蛋都幾滑，牛尾燉得軟腍又入味，醬汁甜甜地配飯一流😋🔸️櫻花蝦海鮮喇沙喇沙湯椰香味香濃帶微辣，份量都幾多用米線底幾掛汁，材料勁多，青口，大蝦，魚蛋，帶子，豆卜等,湯面灑上櫻花蝦更添惹味😋🔸️雜菜湯材料勁多每一羹都有都有湯料，湯微酸很香濃😋🔸️炸手打蝦餅。加$28叫了一款小食，蝦餅炸得香脆，蝦肉足料好彈牙🤩🔸️Supper Raw Cocount Latte 特濃生椰拿鐵咖啡配上椰奶充滿異國風情，一d都唔甜，咖啡同椰子味平衡得很好很清新。我勁欣賞呢個椰子脆片，香脆可口超好味，超有驚喜🤩🔸️Bittersweet Day 紅西柚梳打特飲天氣咁熱嚟個西柚梳打特飲，酸酸甜甜令人非常開胃，打卡又透心涼飲品😊…查看更多

落雨涼涼地想食火鍋。朋友帶我嚟食台灣馬祖定食火鍋放題。荃灣西鐵站一出就到地點超方便，台灣藥膳養生火鍋放題性價比好高，我地選了定量set b $138/位,90分鐘，任飲任食，一人一鍋超衛生，非常經濟。台灣養生藥膳湯底有成12款選擇。點了藥膳蕃茄麻辣湯好濃郁蕃茄同辣味，越食越惹味。藥膳蟲草花膠雞湯超足料感覺很養生。套餐包一碟Prime Grade 牛肩胛肉油花分佈平均，有牛味。一碟西班牙冇激素豬片，肉質嫩滑，切得夠薄輕輕一灼就食得自助配料區有成30多款選擇。 各款蔬菜。菇類，台式丸類，午餐肉，台灣腸等應有盡有，仲有稻庭烏冬，台灣王子麵，新竹米粉，當中最正就係沙茶牛肉同埋雞髀肉😋沙茶牛肉醃得好入味又好滑，雞髀肉大大件，啖啖肉得嚟夠嫩滑。飲品有5款台式飲品任飲，另外可在飲品櫃選喜愛的。金桔檸檬特飲都幾好飲酸酸甜甜地幾開胃。最後雪糕雪條任食，有movenpick椰子味及雲呢拿味😋 椰子味內有椰絲增加口感。 淨係食雪糕都抵返啦。…查看更多

打邊爐多是中式橫裝，這裡門口已有一個土耳其風打咭位，推開隨意門先經過中式古代空間再穿越去異國風情空間，感覺都幾得意😊🔸️招牌花膠雞湯鍋（半隻雞）先上湯底，花膠與雞分開上，一大塊又厚身嘅花膠😋店員幫手剪細放入鍋內煲，煲一陣吸晒濃湯味補充骨膠原😍美顏之選👍雞是半熟的，放入湯內5分鐘就食得，肉質嫩滑帶小小鹹雞味😋🔸️手切本地牛頸脊(細)。新鮮牛味濃郁，紋理好靚，肉質軟嫩多汁，質量上等。🔸️桂花蚌併珊瑚蚌。淥幾下已經好爽口，好鮮味😋🔸️蟹黃豚肉餃（4粒）。皮薄餡靚粒粒飽滿，食落蟹黃味濃郁超正🤤🔸️百花釀豆卜。面層勁多蟹籽卜卜脆，蝦膠餡內有粒粒彈牙蝦肉😋🔸️鹹蛋黃炒響鈴。熱辣辣即食又得👍放入湯快淥兩下都得👍一入口就知個響鈴是自家制🤩中間好多層非常酥脆，外面埋鹹蛋黃嘅香味超級邪惡。🔸️足料竹蔗茅根。材料十足，清甜下火，打邊爐必選，一樽都分到5杯架。火鍋隔隨意門是一間食材新鮮有質素，環境舒服，服務細心,有風格的火鍋店🥰…查看更多

辛苦完成個星期，周未係時候要放鬆一下，一出lift 門嘩咗一聲，有落地大玻璃欣賞藍天城景，同朋友傾下食下好好享受一個輕鬆周未🥰Porterhouse 逢週末&公眾假期有 Brunch Buffet ，源源不絕供應多款海鮮，沙律涷肉拼盤，烤肉，即煮意粉，熱盤，甜品,生果等，成人每位$528食材高質性價比好高🤩凍海鮮區有即開生蠔😍 龍蝦,海蝦，翡翠螺，青口，龍蝦包等。即開生蠔唔好睇佢細醬細隻好鮮甜爽口，重海水味👍烤肉區有烤和牛，羊架，烤雞，脆皮五花肉，還有烤芝士溶後倒淋上薯條😋多款沙律選擇Live Pasta Station 即煮意粉區，有粗通粉，意粉，蝴蝶粉，醬汁白汁或蕃茄汁，我地選了蕃茄蝴蝶粉選好後，店員即煮出熱辣辣味道酸酸甜甜好味嘅蝴蝶粉😋甜品都好豐富有tiramisu，new york cheese cake,麵包布甸，焦糖燉蛋，胡蘿蔔蛋糕等環境悠雅舒適有個小露台可以出去吹下風…查看更多

元朗宵夜之選呀喂🤩 開到零晨兩點😎 仲要種類非常之多：刺身，壽司，鍋物，串燒，炸物，拉麵等。飲品都非常之多。 依家啤酒有半價優惠好抵飲🤩價錢親民，約埋三五知己嚟飲吓食吓傾吓好鬼正🤩🔸️六品刺身盛合~ 三文魚，帶子，北寄貝，海膽，油甘魚每款3片，鮮甜無雪味😊🔸️牛肉壽喜燒~ 材料都不少，牛肉，豆腐，菜，冬粉，金菇，煮得入味涼涼地食鍋物好暖身😊🔸️炸物真係做得幾出色。 唔會感覺食到一口油，亦無油益味。 炸得剛剛好👍🔸️串燒燒得幾靚仔不錯有燒烤味 ~ 厚燒牛舌，燒安格斯牛肉串，燒黑豚肉五花腩串。🔸️牛油蒜蓉焗蜆~ 超香蒜蓉牛油味，蜆肉肥肥飽滿，整體鹹咗少少😅🔸️自家製叉燒拉麵配芝士辣湯底$82 ~拉麵彈牙，芝士辣湯底都真係辣架🥵🔸️食嘢點可以少了酒呢，呢到有幾款coctail 鹹檸七7% & 柚子八香果, 啤酒都好幾款選擇，杯杯好大杯，飲極都飲唔完咁😆…查看更多

裝修簡潔舒服，落地大玻璃透出光線空間感大增，座位距離闊又舒適。秋冬是蟹的季節，有兩款季節限定，真心推介👍 Cafe 價錢Fine Dining 質素，每道出品都看賣相都好精緻用心🥰主打手工意粉，咖啡種類也不少，平日晚餐主食連餐湯$118起，套餐追加飲品/甜品都有折扣優惠。🔸️蕃茄忌廉湯真材實料，好濃郁嘅番茄味，好開胃。🔸️黃金墨魚多士熱辣辣炸得香脆可口，面層加了芥末醬又醒胃幾好味喎😋🔸️松葉蟹他他 (季節限定）一半蟹肉一半蕃茄粒，拆出嚟嘅蟹肉一梳梳勁多，底層還有牛油果蓉，混合一起食十分清新開胃😋🔸️蟹黃醬手工意粉（季節限定）滿滿的蟹黃醬多得誇張，好似唔洗錢咁😍醬汁濃郁蟹鮮甜再加埋幼身嘅手工意粉。每一口意粉都有蟹黃醬😍🔸️西京燒西班牙黑毛豬黑毛豬以慢煮至七成熟，肉質軟腍剛剛好，用西京燒煮法甜甜地，配以自家調配嘅蘋果蓉紅波椒醬帶甜又微辣，味道提升了不少。🔸️抹茶鮮奶拉花令人賞心悅目，抹茶淡淡透出與奶比例均勻👍🔸️開心果affogato⭐️⭐️有驚喜🤩原杯雪糕攞出嚟再自己倒入咖啡。 開心果味雪糕還加上開心果碎配咖啡很香滑好味。 為這餐作一個完美句號🥰…查看更多

繁忙嘅上環，地鐵站行兩分鐘，樓上就有一間cafe,除了食嘢之外還有一個非常好的景觀，悠閒寫意地望住藍天，上環電車，行人街景。給自己放空一下心情😊店內以淺木系與白色為主給人舒適感覺，除了自我放空外，與朋友想靜靜傾計也不錯。餐飲都幾特別，可選即磨咖啡/椰子水/檸檬特飲/蘋果汁/橙汁法式燒春雞配烤香草牛油薯仔$108春雞外皮有香草，皮燒得香脆，內裡肉嫩可口😋藏紅花忌廉汁牛面肉意大利飯$108意大利飯軟硬適中，醬汁帶微酸很開胃，牛面肉軟腍有牛味。…查看更多