魔晞's Profile

上次食左個超差既團購, 差到要開呢個帳號黎寫食評鬧, 對比之下今次呢個團購簡直覺得係天堂 XDD見到呢邊評價比o個間仲少, 應該因為大家覺得難食要鬧黎出氣, 好食反而懶寫??但係為左呢間野長做長有, 下次可以再食過, 就抽d時間寫番一篇先 XDDo係bxxcrazy團購見到呢個任食火窩,雖然店舖新評價少, 但見到大家評價都唔差,一於約朋友去試一試~比預約時間早左約2個字到,一樣即刻俾入~good~坐底之後老闆黎推薦湯底,仲話前菜有唔少, 快d點可以快d上,好, 老闆話個杏汁濃湯白肺鍋好味, 就要呢個~因為有8個人, 可以有第2個湯底,保守少少(?), 要個小辣麻辣鍋~鍋都未上, 前菜開始黎~因為係懶人所以冇影相,不過一張8人枱, 剩係前菜都放滿晒,阿姐仲要拉張几仔黎放菜籃就知唔少野 XDD團購送一渣紫貝天葵~味道勉強要形容的話, 似酸梅湯+山楂??幾好飲喎...不過男仔似乎唔係咁鍾意??差唔多成渣都係同枱女仔飲晒 XDD小辣麻辣鍋到...嗚哇~好香~好多胡椒粒~不過試左少少...小辣都真係好麻辣>"<完全冇辦法想像大辣...食唔到辣既都係敬而遠之好...再黎杏汁濃湯白肺鍋~好香杏仁味>v<入面仲好多南北杏同豬肺~不過可惜後來煮耐左之後杏仁味開始走晒...>.<講野食, 前菜有海鮮拼盤~包括花甲, 蝦, 元貝, 蠔, 蟶子~蠔好好食>v< 鮮甜唔腥~~最愛~~~花甲好新鮮~~朋友放佢落湯時仲俾其中一隻夾住筷子~ XDD元貝, 蝦, 蟶子~~味道都唔錯~冇問題~招牌牛肉拼盆~肉片都好滑, 好食但唔算特別~不過大推薦個肥牛粒~~呢個真係要食~肉味濃又軟~鵝肝牛丸同黑松露豬肉丸非常特別~不過朋友對呢兩樣既分歧比較大...鍾意既想食多d覺得唔夠, 覺得討厭既完全唔想掂>.<因為佢鵝肝醬同黑松露醬味道真係好濃~所以要睇大家本身食唔食o個種味~如果鍾意食鵝肝醬同黑松露醬, 呢兩個都係好好味~最後一樣送既前菜係蟹皇包~點解特別分開講呢??因為呢樣係全枱朋友都一致認為非常好食 XDD不過夾時真係要好小心, 個皮整穿左就好浪費喇>.<因為有8個人去, 另外仲有送象拔蚌同西班牙黑毛豬象拔蚌, 鮮甜~~仲另外俾壽司豉油同wasabi~單係呢個服務已經夠俾個好~西班牙黑毛豬~冇咩點食到, 不過朋友話唔錯~講完佢送既前菜, 到自己任點既~大部份其實都係好味但冇咩特別~要特別提提係佢個子母炸蝦腐, 蝦子味濃, 鍾意蝦子味的話一定要試~韭菜餃同雲吞都係必點~非常好~~鍾意響鈴的話, 佢個即炸手卷腐皮都係一流~~到食完有個糖水送, 得番楊枝甘露, 冇得選>.<黎到其實都係每人得半碗, 而且冇楊枝得甘露 XDD味道其實比較似有少少芒果味既椰汁西米露?? 不過都還算好食既~要特別提提, 呢度既調味料唔少, 大家可以儘管混醬 XDD個人最愛係個陳醋~加少少蒜, 辣椒同豉油~好味~原本個團購唔駛$100, 加埋一同大家有點少少野飲, 位位$140~呢間再有團購一定會再買~~!!!…Read More

第一次食放題食到咁嬲~以前都試過幾次食其他團購既放題, 都覺得ok今次見到gxxxpbuyer團購咁平就約埋班朋友去啦, 點知就出事喇買完之後見到d食評, 已經心知不妙, 叫定朋友做好心理準備, 點知去到...環境唔好o個d唔講咁多 (有朋友話個廁所污糟過公廁, 咩事??!!)一開次就安排一間最入去既大房, 兩張枱一坐底個阿姐拎d野飲入黎, 問句"你地飲咩?"成班朋友9個人, 咁大家就問對方啦, 個阿姐唔夠30秒, 就已經放底堆野飲, 好唔禮貌咁話"你地自己揀喇!!"就走左出去(更好笑係, 佢係冇正式問過係咪加$10任飲ga, 佢只係講句"你地都加任飲ga啦?"就走左出去拎入黎喇)Fine, 反正本來都會加ga喇, 由你拎紙叫野食, 望下...冇野下話???!!!得幾張細到死既紙仔??!!數埋都唔知有冇過100樣囉, 刺身得7定8種!!!ok, 既然你得咁少, 咁每樣都叫d囉叫完見唔到有人, 就叫個朋友出去遞紙啦佢出左去俾紙個waiter, 結果俾人推番去入房, 咩事先???野食等左20分鐘都未黎, 催佢一下又話排緊刺身, 會唔會叫咁多野, 20分鐘都上唔到一樣呀??另一個朋友見冇野好做, 就出去望下佢其他餐牌, 見到唔係團購會多左其他紙, 就拎起望下有咩分別啦個唔知經理定咩人既一見到, 慌死佢會拎左去咁, 搶番份紙 (真係用搶), 話"你坐入面團購ga嘛~睇你o個份得ga喇~~"終於有野食黎到...點知...唉...首先講個刺身, 基本上差唔多咩都冇味, 三文魚又好, 水母又好, 全部都冇味gxxxpbuyer個網仲介紹"活水母刺身你又食過未？水母表面滑溜、實質爽口彈牙，味道鮮美，配以特製醬汁，係難得一見既菜式。"有鬼特製醬汁~~咩味都冇~~!!!更加唔知點解, 佢個海生蝦刺身, 一隻蝦要切三份囉, 一粒粒咁, 仲要冇挑蝦腸!!! 刺身冇冰鎮只有白蘿蔔絲墊底, d刺身係完全唔凍仲有少少暖暖地囉!!!gxxxpbuyer個網有介紹既"小型牡丹蝦", 現場係冇既到佢d壽司...d飯大過人地普通壽司三份一, 仲要壓到實, 但d料得人地既三份一有冇見過由上面望落去, 有一大半都可以見到飯面既鰻魚壽司??gxxxpbuye推薦既"以A4生和牛刺身手卷，生食牛肉引出層層肉味， 絕對要試下呀!"呢個張紙係寫A5和牛, 而且食落都係冇味...完全唔知食左d咩...到熱食, 冇咩幾多樣係熱既...d串燒佢切到好細仲散修修咁上, 睇樣基本上幾難分有d咩, 然後雞肝苦到死鹽燒蝦頭係一堆好細, 好似人地食野食剩既蝦頭咁gxxxpbuyer介紹既"鹽燒牛脷:只用牛脷後方三份一位置， 肉質較嫩， 極度珍貴", 只有咸味仲好韌個炒烏冬好深色, 但咩味都冇, 仲好凍個咖哩飯係少數熱到出煙既, 但好咸炒牛肉粒第一次還好, 第二次咸死人, 仲黏住好多"鑊撈屎"個炸雞球係一舊只有麵粉味又好乾唔熱既炸肉丸燒多春魚燒到好乾好硬, 仲要唔知點解加堆蛋黃醬木魚炸豆腐, 冇豆腐味, 個炸皮好粉好醬好難食麵豉湯(係放出面可以叫佢搯黎), 似落左唔少鹽既水...冇任何麵豉味, 所幸d切到得手指尾指甲一半既豆腐還算嫩滑, 不過都係冇豆腐味比較好既係燒洋蔥, 燒蒜頭同燒鯖魚, 都係唔熱, 但還算比較好食手卷, 到走都冇上過每次叫野起碼都要等20~30分鐘每次有人出去叫人或者睇野, 都會俾人押番入房仔d阿姐講野態度非常差旁邊張枱走左成個鐘都冇人執漏單非常嚴重, 數量又黎得非常唔足要熱既野食唔熱, 要凍既刺身唔凍打死都唔會再去!!!(而且明顯gxxxbuyer係冇check過佢既cilent, 所以以後gxxxpbuyer開既團購食野都要考慮下!!!)…Read More