fatboydrivebmw的个人专页

###Fat_Boy_Blog###假日去K11 Musea 7/F 既elephant Grounds 無論係11點定係下午三點半都多人到排隊嘅機會都冇，難得平日lunch 路過，終於見到冇咩人，一於試吓究竟點解咁多人食。我記得佢喺銅鑼灣開最初嘅分店時，最出名係食牛油果多士，我今日有機會試下。點知發現中伏，以$95既價錢得果一片麵包，牛油果又唔算特別香，沙律菜又少，仲要坐出面所謂花園，雖然有晒風扇，太陽哂住依然覺得熱，dreamis feeling chill, reality is hot.比咁貴嘅價錢去食呢d，寧願去返低層B2 Avobar 食仲開心。 不過呢間嘅coffee 又真係抵飲既，我點左杯Americano 都係$30好抵，當然$30嘅質素，談不上什麼層次，都係大路嘢 nutty 味…查看更多

見到朋友social media post咗澳洲龍蝦二食好吸引，走去OpenRice book枱，我本身就係龍蝦控😌呢間餐廳主打係食龍蝦/和牛同串燒，仲有好多唔同嘅日本sake，可以選擇。由於想揸車送女朋友返屋企所以就冇叫到日本清酒。呢間餐廳喺OpenRice做咗好多優惠好吸引，當中有澳洲龍蝦二食（原價$478）69折，其實唔使經OpenRice book枱都可以用$239呢個價錢享用龍蝦二食。星期六夜晚都可以輕易喺OpenRice book到枱，又可以輕易改到時間，好方便。原來係伏既開始😅蟹甲羅燒（$108）麵包正常，脆既。但主菜蟹膏冇咩蟹膏味，之前食過其他地方嘅蟹甲羅燒真係好正，呢間嘅只有失望。蟹子係夠哂多，夠晒多蔥，冇蟹膏味淨係食到蔥味😥海膽燒飯團（$88）以$88 咁既價錢得一舊嘅飯團，配上海膽以為會有驚喜…..可惜飯團想做到飯焦嘅效果但可惜燒到焦左，我淨係見到黑色嘅炭，好失望。仲有得嗰幾嚿海膽仲係腥既， 好大浸明礬味。👎🏻👎🏻👎🏻澳洲龍蝦二食$239包左蘆筍炒龍蝦&龍蝦麵豉湯最期待嘅主菜一嚟到，好興奮咁打卡！見餐廳入邊好多人都有叫，我諗大家都係為咗食澳洲龍蝦二食而黎，點知打完卡，飲咗龍蝦麵豉湯先，滿心歡喜夾起龍蝦肉，點知夾起只係一個龍蝦殼，完全冇肉嘅，嬲左！！ 麵豉湯真係普通嘅麵豉湯一啲龍蝦味都冇，好fake!!! 🤬🤬🤬蘆筍炒龍蝦係四舊用牛油炒既龍蝦肉，好香牛油味。蘆筍洋蔥嘅配料就乜味都冇，估計係分開炒嘅，然後上碟擺埋一齊，最後有啲黑色月子加幾嚿沙律菜做配料。最後兩個人食完係唔夠飽既，但係為咗唔想再中伏，唯有抱住個空肚離開。…查看更多

話說我好耐冇食過Egg Benedict，喺銅鑼灣區有唔少品牌餐廳或者小店有得食，返工成日路過The coffee academics，終於的起心肝中午lunch去試吓。餐廳裝修型格工業風，預計繁忙時間一點鐘去食都好容易有位。All day breakfast available whole day. 環觀四周，好多人都叫咗Egg Benedict，呢間餐廳有兩款Egg Benedict 一個係配煙三文魚（$138），一款係配火腿（$128），我就揀咗平啲嗰個選擇。Egg Benedict 入邊嘅溫泉蛋，烹調時間剛剛好，好流心，夠哂juicy，至於火腿煙熏味濃。麵包焗得比較燶，有d硬。Before 3pm order menu附送long black or breakfast tea，要奶變Latte既話要加錢$38如果要坐一個下午，呢間餐廳都係一個好選擇！因為冇咩人。👍🏻 PS. Lemon mint water 自助形式serve…查看更多

##Fatboy_eating_blog今次係買左柏寧酒店既staycation package 包含左係SKYERoofbar and Dining 3道菜dinner。我地坐係室內，望住維園足球同草地景，如果坐室外會望到維港夜景，抱歉無照到夜景相。以下係我地當晚既easy to choose menu首先係可以免費任添嘅麵包，同埋印有SKYE字眼既牛油。麵包主要分為兩款，我食第一款係圖中右下角，味道有十分濃味既蒜蓉味，利申我本身都中意食蒜蓉都覺得重左少少，另外一種係正路既牛油包，另外有一塊半既脆脆餅。前菜一Gillardeau Oysters, Hendrick’S &Tonic Granita for 2people (新鮮法國吉拉多生蠔2隻)，通常我地係香港係餐廳常食到既法國蠔係N.2/3，呢道菜既蠔係應該係N.3，係蠔上配有氈酒沙冰粒&白香醋醃酸青瓜，蠔殼下面係用粗鹽做裝飾，蠔配氈酒同酸青瓜好夾，隻蠔都肥美，食落口感唔錯，因為每人一隻都唔可以試得再真D。前菜二係Provencal, Asparagus, Poached Egg Dressing (普羅旺斯露筍&溫泉蛋黃醬汁)，最上面有一D香草，之後有一D巴馬臣芝士，接著係溫泉蛋黃醬汁，跟住係煎餅包住露筍，周圍就係乾蒜，整道菜好多層次感，我都有試配唔係既配菜食個露筍，我最中意既配搭係溫泉蛋黃醬汁+巴馬臣芝+露筍，補充下呢道係素菜黎。主菜我揀左200-Day Grain-Fed Beef Tenderloin (200日穀飼牛柳)，上面放左慢煮黃金洋蔥、側邊放左瑞士甜菜&牛骨筒油釀羊肚菌、周圍就灑左D燒汁，開始我食左D甜菜清一清味雷，我地叫左medium Rare牛柳，食落第一啖牛柳，我同女朋友一致認同好味，牛肉質同口感都好味，另外牛骨筒油釀羊肚菌都好味不過有D油膩，食到第2個好飽，燒汁就係普普通通大路野。甜品係Aneo 34% White Chocolate and Oscietre Caviar Millefeulle (34% Aneo 白朱古力及法國魚籽醬千層酥，係塊白色朱力上印有SKYE字及魚籽醬、千層酥入面加有羅勒葉及蕉糖榛子，呢道菜我覺得廚師太貪心，放左太多唔同既配搭，我個人唔係咁中意甜品帶有一點咸味，魚籽醬既咸味令個甜品減分，最後我獨立食個千層酥。…查看更多

##fatboy_eating_blog## 女朋友推介既餐廳慶祝佢爸爸生日，首先係5月中預訂Palco Ristorante，5月24日前信用卡俾deposit 餐廳預留坐位。另外海港城依家做緊夜晚6點後泊車，只要消費$300有6個鐘泊車優惠，泊車人士可以食完晚飯，海運觀點睇夜景。6月1號當日6點25分去到餐廳，職員安排我地6個人坐係一個每個人都可以180度望到維港夜景既坐位，正所謂食野要食環境，我本身係一個好中意睇夜景既食野既人。首先係可以免費任添嘅麵包，職員預先幫你準備好每人一碟橄欖油同醋既sauce同埋口感幾滑同幾香既牛油，麵包不過不失都做到皮脆內鬆化，如果可以係熱既會fit好多，另外芝士脆脆都正常。頭盤1:Squid Ink Crispy Chip with Sea Urchin & Lard魷魚墨脆片配海膽($198)，呢度菜入面主要係海膽配牛油果，再加少少柚子汁吊一吊味，口感既層次都幾豐富，海膽既味都幾出同埋食得出係新鮮，魷魚墨脆片都好脆。頭盤2:Stir-Fried Seasonal Vegetables with Anchovy 鳳尾魚炒勁多種既菜($178)，呢個菜勁香蒜頭味，野菜花炒得幾爽，我就唔係好食得出鳳尾魚既味。主菜1:Risotto with Black Truffle & Wild Mushroom松露蘑茹意大利飯($338)，放係野茹側邊白色既泡泡係蒜頭配落飯度會食出好香黑松露味帶少少蒜香，飯既口感軟硬適中恰到好處。主菜2:Hokkaido Sea Urchin Risotto with Garlic Foam  北海道海膽泡蒜意大利飯($498)，食左第一啖覺得自己好似去左日本旅行咁，海膽味超濃同無腥味，如果中意食海膽既朋友極力推介。主菜3:Trio Risotto with Grilled French Oyster & Crab Meat in Cream Sauce三重意大利飯配法國蠔及蟹肉($428) ，用左3種米分別係紅米+珍珠米+意大利米，口感十分之正，蠔同蟹肉都係不過不失。主菜4: Signature Spaghetti with 24 months Pamesan Cheese & Black Truffle Paste+8g FreshBlack Truffle  24個月巴馬臣芝士黑松露意粉 ($498+$200)，呢個係 Palco餐廳既招牌菜係必點，大廚會即席加bacardi wine 在熱溶個巨型芝士，之後加入煮好咗嘅意粉落個芝士度，再加啲黑松露醬一齊撈勻，將芝士同松露二合為一再上碟，另外我地加左$200 8g 一片片黑松露片，芝士味好濃郁，我係芝士同黑松露既忠實fans，所以好中意呢個菜。主菜5: Grilled US Prime Ribeye (14Oz) with Black Truffle Sauce 美國肉眼配黑松露醬($568)，我地叫左medium rare，上菜過下十分之香，但係食落十分煙韌，女朋友都咬唔開，唔知係唔係夠肉解凍出左問題，我會將呢道菜排名擺最後。主菜6: Homemade Linguine with Spanish Red Prawn Pasta西班牙紅蝦意大利面($498)，係紅蝦上面白色既泡泡都係蒜泡黎，西班牙紅蝦最吸引人既地方就是佢含有鮮甜同濃濃蝦味，肉質都好彈牙，另外最能體現佢濃蝦味之處就是蝦頭既地方，個汁配落彈牙既意粉都好好味。甜品:Signature Tiramisu 意大利芝蛋糕($138)，咖啡雪糕+黑朱古力同咖啡啫喱配Tiramisu一齊食，口感係唔錯而且好夾。 …查看更多