JanetSiu3903's Profile

突然有天好想食扒，但又唔想食百幾蚊以上，但唔一定好食，所以走到8號花園那，以前讀書時會選擇既燒扒屋，細細店面，一到中午多數坐滿，但我選擇1400左右才食，相對沒甘多人，叫左黑椒新西蘭肉眼扒，隔左5分鐘就送上，飯同扒都熱上，黑椒汁做得不錯，肉眼很淋，但應該用多左發粉，不過整體不錯，份量食得飽飽，連1杯熱飲都係45蚊，加凍飲都係47蚊，作為1餐都唔差如果想有餐湯及香蒜包就加多8蚊，但羅宋湯茄膏味太勁，香蒜包味道一般，不用加都夠飽…Read More

今天15xx行到太和個邊，覺得有d肚餓，就走左去深仔記食野，本身呢間最出名食面，但我太肚餓，決定叫個飯餐，叫左個桂侯牛腩飯，明明寫套餐，但個阿姐話唔包飲品，上面無寫供應時間到幾點，呢樣野如果係商品條例應該衰左，送到上來唔夠熱，係暖既，食落ok,但又未去到好好味，仲要主動叫佢俾杯水我，都無諗住斟杯水俾客，當時計埋我得3枱客，可能hea做，食完我同阿姐講唔包飲品好奇怪，個阿姐扮傻仲問我咩話，所以食1次夠，唔會再有下次…Read More

去完uniquo,就搵間餐廳醫下個肚，成日會經過呢間滿腹，今天終於去食下，俾佢滑蛋牛肉飯吸引，正常日本餐館做得好好味，入到去就叫左呢個同柑桔檸檬，但當佢送個餐到我度，發現中伏，蛋少到都唔知有無1隻……d牛肉無味，唯一係得個熱字，唯有落豉油撈飯食，我唔食，肚那個都要食，杯飲品應該用粉沖，柑桔同檸檬咩都無……我飲左半杯，都係唔飲，早知去吉野家食個和風牛肉飯都無甘伏，不過下次都唔會再幫襯呢間野或者甘講平野無好野…Read More

因為近日fb見到中學同學提起呢間粥店，所以特別帶自己同事遠自港島區朋友試下，本身自己又唔係太好食粥，但近來食得比較清淡，過去試完後一試難忘，個粥(皮蛋艇仔粥同及弟粥)好綿，入味，另外還叫了碟雞蛋腸粉，生菜，食落口好滑，今天又去食中學同學話好味既雲吞面，同左媽媽去，今次都係叫粥(皮蛋艇仔粥)，雲吞米粉，生菜同牛肉腸，個雲吞米粉真心好味，粥都一樣，不過牛肉腸d牛肉有待改善，消費又唔貴，真心值得推介!分別2次都係7x蚊，就食到甘多野…Read More

今早跟家人外出，到大埔昌運麗宮1號飲茶，去過呢間飲第3次茶，今次叫左6個點心，2個北菇雞飯，1個鳳爪排骨飯，1個牛肉球，1個潮州粉果，1個雞扎，點知食飯食到有隻細昆蟲，個職員就扣1個點心，令外我們叫既野，酒樓都打錯2樣點心，變左3個北菇雞飯，同潮州粉果變了菜，最終只是換回粉果，北菇雞飯因為我食到有d異味，再加上個隻細昆蟲，我飲完茶就走左出去嘔，回到家還標冷汗，腳震，剛剛休息好，決定寫這評論，呢間酒樓唔會再去飲，黑名單…Read More

今天放假，即刻約公司同事好友食好野，去左品香樓食中菜，呢度食飯價錢唔會太貴，款式好多，今次叫左南乳豬手，西蘭花鮮魷帶子，豉椒酸菜炒豬大腸，魚雲煲，口水雞，仲整左2個少炒，1個炒烏冬，1個炒飯，最終都係613~5個人食，平均都係120蚊左右1個人，抵！今次食飯上菜上得好快，但d菜都係熱，唔係叮熱，所以係水準以作，不過略為差既係炒飯有點鹹，所以只食了1點，其他菜味道岩岩好，但食呢間一定要提早打去book枱，因為都幾滿場…Read More

就岩係香港，見呢幾天天氣都甘凍，所以諗住食雞煲或打邊爐，但近來食雞又有事，唯有選擇食打邊爐，因為朋友住港島，我住新界，所以最終約個中間點~旺角係openrice搵到呢間，即打電話book位，原諗住2030左右，但full到2130先有，唯有照book,我們提早15分鐘左右到，但人全企滿晒門口，是否証明好食，最終2145先入座，第1時間就睇下有咩選擇，見到食品種類，飲品，連醬都幾多選擇 仲可以再加錢食刺身，或海鮮打邊爐，但最終加了刺身 ，但次次刺身都漏單，要問佢才是但俾幾塊，食用時間為2小時，職員係2320問仲有無最後order,我們話無，隔左10分鐘就話收錢，唔緊要，我們坐到2345，應該無問題，但多次話夠時間，其實佢地係計book位時間定我們坐低時間，都唔緊要，出面無人等……甘點解甘樣趕客走，呢樣就美中不足…Read More

平時中午都習慣帶飯返工，因為無咩選擇食飯，時間得1小時，食飯比較趕，但撞正今天沒帶飯，跟同事們出去食飯，去到沙田1田樓下餐廳意粉360，午餐選擇很多，內有餐飲，主茶同選擇窩夫或沙律，基本消費為大約100左右，今次我們叫左4個lunch set + 1個田園雞翼沙律，1個飯，2個意粉及1份pizza,廚師很有心做得很好味道，不似外面一d大集團做既套餐，估唔到可以做得這麼高質素，服務方面亦做得很好，上菜算快，不用等很久，但奈何沙田一田重新裝修所以暫時會停業，不知道幾時會再開返了………Read More

今天剛好公司要培訓，所以去到尖沙咀區返，係呢區食咩都好貴，又要搵位，而且高消費，我們9人要搵位都很麻煩，甘岩俾我們發現有間易找位既日本野餐廳，價錢屬中等價，有魚生飯，有其他熟食，都係以套餐為主，我就叫左個3色丼飯，個餐仲配上生果，湯，糖水同飲品，加多1蚊就多份3文魚，最終連埋服務費剛剛100蚊，服務算唔錯，上野又上得快，相對其他日本餐廳做得不錯！凍熱飲都唔使加錢，不過比起上次來食今次選擇好像少了，上次來選擇比較多，唔知是否換了餐牌定點，希望下次來食都keep住呢個水準…Read More

呢間由我細細個就食到大既面店，因為持牌人過身，而要結業實屬可惜，個時1碗面由11蚊變到23蚊，但味道依然沒變，佢地做既魚蛋，貢丸，牛根丸，牛雜，牛腩，豬手，炸魚皮都做得好正，而且還有可用佢地自製辣椒油，醋倒係d面度真係好好味，服務方面好好，次次去食d姐姐都好有禮貌，有時仲會見有小朋友（學生）會主動俾豆漿飲，所以好遺憾明天結業，今天亦只食到魚蛋，牛腩，豬手同貢丸……亦都留下了遺憾，希望早日佢地再攞返執照……再次開業…Read More

剛剛由台灣回來，好想去食特色既野，所以走左去深水埗食愛文生食小炒，呢間野成日要等位，好在今次唔係等得太耐，好快有位，去呢到必叫椒鹽鮮魷，食落去好香口，今次都係叫左豬潤啫啫雞煲（但份量比以前少左），仲叫左黑椒薯仔牛柳粒（薯仔做得好入味），豉椒炒蜆（夠鑊氣），生炒骨（味道ok),叫埋個菜（少炒王)，1人叫1枝飲品，1人1碗飯，埋單都係668，除返5人都係134，食到少炒風味又夠飽，不過位置略遠，容易走錯，如有私家車會比較方便…Read More

同朋友新1年見面，但中伏食左1間話海膽係水貨，會黑既，完全無話換過份我，兼收走埋我個份同除消我個份，但俾我朋友個份無黑既，好搞笑囉，個經理姓林話搵咭片，但搵左3秒就話無，講整日d海膽都係水貨，板板都1樣，無客話有問題，甘你甘快收走我個板，到個飯……洋葱已佔大半，我完全唔想再食，對於呢間日本餐廳印象係差，作為經理處理手法很奇怪，唔係解決問題，而係話水貨係甘，同自行決定除消我單，即時收走我板黑既海膽，自說自話，而且d職員玩電話，落單都叫幾次才有反應，落左單後，水都飲晒都無人主動來加水（正常食既正統日本餐廳）會留意，下次俾錢請我都唔去活受罪…Read More

尋晚1月1日同班朋友去食好野，但知道應該好多地方會full,甘岩想食雞煲就上openrice搵，就搵到佢，去到個度1940，原先book左2000，佢見有枱即時執好俾我們先坐，我們點左個花雕藥膳雞煲，我們即飲個湯，好正，d雞又滑，另外又點左佢地特色芝士響鈴，四寶丸，象拔片，雪花牛，羊肉，午餐肉，脆魚皮，牛柳粒，粟米，南瓜片，水餃，魚皮餃，皇帝菜……各自都叫左野飲，最後食左合共12xx，材料新鮮，而且佢沒特別驅趕我們，由0800至2320，服務都唔錯…Read More