oikt0817's Profile

見呢間cafe 新開無耐，望落裝修唔錯，感覺幾舒服，所以同老婆入去試一試。我地叫咗手作和牛漢堡，南瓜蟹肉意粉，latte, vanilla latte.個漢堡都幾好味.件和牛漢堡食落唔鞋口, 仲有唔少肉汁流出黎但佢又唔會好油淋淋, 煎得幾好.個包唔太脆口, 我鐘意包面脆少少的質感.漢堡醬汁無咩特別如果可以另外加磨菇, 芝士, 煙肉之類咁就very good喇.蟹肉意粉就中規中矩，無咁驚喜，合格的。蟹肉唔算好多, 食落又唔係好有蟹味, 不過平民價錢, 當然唔可以要求太高.起碼蟹肉唔係梅.南瓜煮到林林地, 煮出咗南瓜既甜味配埋意粉食幾舒服醬汁唔太厚身, 唔會食到好糊口.兩杯咖啡都ok的，但又未算好好飲，不過已經好過好多連鎖店，如星字頭嗰間睇相都見到, 兩杯唔同拉花, 都拉得幾靚.有機會我會再試，希望佢各方面都愈做愈好…Read More

為咗避開母親節人流, 下午5點幾就去食好彩一去到就有位, 放題限時110 分鐘一坐低就自動波拎碟燒肉併盤俾我地, 有肉有瓜感覺OK燒第一round, 食落普普通通, D 肉無咩味, 又無乜淹料味, 以為係基本組合, 所以係咁好喇, 跟住自己揀野食, 叫咗D 柑栝味, 香草味, 鹽燒之類野食黎到, 有D 失望睇得出佢係肉還肉, 醬還醬, 佢只係將D 醬料塗晌肉面, 無完整淹過好多肉都仲係本身既紅色, 無醬料既....呢一刻, 其實我懷疑D 肉跟本係無淹過...唔緊要, 燒完食咗先算OK, 結果都係失望既大部分肉都係無味...唯一印象D 肉有淹料味係柑桔雞肉...其他都係好難食...燒肉類真係大失所望...同埋佢得一款燒肉汁同辣汁俾客點, 無蒜鹽, 有少少失望.全晚最好味係牛油粟米同雜菇...收我二百幾蚊一位, 完全唔值, 唔會再黎…Read More

唔知會唔會係第一個幫呢間食肆寫食評呢??同女友返家企前, 去到黃大仙中心搵食無意間見到有間新野成9點都仲有人等位不過都唔係等咗好耐一叫到我哋既時候, 侍應叫我哋去xx號枱ok, 咁我地跟住佢指既方向行去到一張無人座既二人枱ok, 但點解未執枱既? 仲有好多食剩既野喎想點先?!?!幾乎想搵門口個侍應理論一下好彩, 有另一個男侍應快快手咁埋黎, 仲叫多一位同事幫人即時清理終於可以坐低見餐牌有好多野食我哋點咗帆主貝意大利飯 + 墨西哥肉醬焗扁意粉 + 白湯 + 紅豆冰首先, 飲個白湯先唔算好好味, 的確稱唔上好味膠碗 + 厚膠匙, 好似食bb 餐咁之後係意大利飯, 係幾好味的如果多返少少汁會仲好dd 海鮮唔覺腥, 但又唔算鮮以價錢來講, 合格了再來一個墨西哥肉醬焗扁意粉味道濃郁, 夠辣, 唔會焗得太乾, 幾好, 但多咗d 油無咩餸但食落又幾好味可惜要等得比較耐, 等到頸到長先到的主餐最後的紅豆冰, 不過不失, 正常不過埋單都係$100 元正無加一, 算好抵食呀勝在選擇多味道係ok 的, 環境都ok, 服務有待改進我會再幫襯的 …Read More

每次喺大埔廣場行街時,都見到好多人排隊....心諗呢間'爭鮮'應該ok好味先有咁多人等位...所以懷著希望入去一試, 誰不知坐到入去,眼見迴轉上的壽司,件件賣相都麻麻地第一樣試'帶子'一入口感覺好腥...之後無奈地試吓其他....三文魚,鰻魚...等等...越食越唔掂...真係好唔掂....:(唯一一件比較好的係鯖魚但, 只係比較好而已食完之後心情好down, 真係好down, 好難形容未試過食完晚餐之後會咁down以後都係唔會再幫襯了…Read More

放工去佐敦拎信用咭禮物之後特登去亞龍食咖哩我同女友分別叫咖哩牛腩, 咖哩牛筋, 兩個都係中辣另外加多個薄餅食左咁多年, d咖哩始終都係咁好味! 可惜今日d 牛腩有少少硬牛筋一樣好好味, 好辣, 好正咖哩撈白飯/薄餅無得頂!…Read More

行到去mk, 無咩特別野想食所以就入咗去仙果園食印象中, d 野食都過得去, 點知....我叫左一個雞扒飯, 另外俾錢加份魯肉你地睇下, 得d 肉碎加個豆粉茨稀到不得了我呀媽都煮得好味過佢真係接受唔到....可惜雞扒飯, 都ok 的…Read More

同女朋友行大埔, 由於想儲錢, 所以唔食d 相對貴的野食但又想坐得舒服d所以就入咗銀咖哩今日係第一次食, 我哋叫左2個set:咖哩芝士蛋包飯+ 免費加飯 + 炸薯角 + 飲品咖哩吉列豬扒飯 + 沙律 + 飲品由於小弟當日比較肚餓, 見到有免費加飯, 當然唔放過炸薯角好脆口, 好香, 推介!!:)主角咖哩芝士蛋包飯, 典型日式咖哩, 少甜, 咖哩再香d 就好芝士同蛋貼埋一齊, 顏色又似, 但芝士味好濃, 食入口會分得到飯, 同珍珠米, 乾濕度適中, 幾好吉列豬扒其實係好味, 但又不至極好味我覺得炸薯角好味d沙律, 好普通, 可以不吃當日買完野拎個牌返埋位等食首先黎左咖哩芝士蛋包飯同炸薯角咁女友食吉列豬扒, 心諗可能即炸要等耐d點知一等就等左25 mins等到新黎的客都已然有吉列豬扒食, 我地都未有.追單時, 個店員呆呆地咁望下張單, 跟手就拎個沙律俾我, 一句野都唔講就走咗我同佢講, 我地仲差個吉列豬扒飯呀!!佢又望咗張單好耐, 再拎張單去廚房等多5 mins 先有得食諗起都嬲嬲地…Read More

首先講一講地點晌正times square 附近, 夠晒方便但要行兩層樓梯, 但為咗食好野, 值得既入正題:同女朋友行完街, 星期六晚上8點半左右等位10分鐘有窗口位座, 幾好叫咗一個食咖喱牛腩的2人set楜椒薄脆, 炸得好脆但唔油膩, 好乾身, 味道偏濃, 好岩我口味, 加分!乾汁咖喱牛腩: 由於之前睇過openrice 先上去食, 所以都有期望, 而呢個牛腩係絶對合格的.唔太辣, 咖喱幾香, 牛腩林林地, 又唔係林到散開晒. 但主觀地說, 我喜歡亞龍咖喱多d (記住: 唔係呀龍咖喱呀!!!)咖哩雜菇青豆: 個咖哩汁同牛腩唔同, 偏甜, 同d 蔬菜好夾. 唔會用千篇一律的咖哩, good! 香飯: 無咩驚喜薄餅: 有兩款: 一款係軟身, 一款係薄身又脆的. 兩款都好好味.飲品: 青檸七, 正常總括而言: 食物好味, service 合格, 乾淨企理, 仲好抵食, 晚餐都免加一推介推介…Read More

同女朋友去九龍灣行街途經麻酸樂, 諗起有好多年無食過所以就入去試一試我叫左一個豬肉麻辣米線女朋友叫左一個雞肉酸辣米線麻辣個湯底勁難食我平時都算有衣食但佢個湯底令我只能夠食左大部份既餸剩下來既米線就完全食唔落女朋友個酸辣都算還可以但食落只有辣味, 毫無質素可言簡單一句, 無下次!!…Read More

今日同女朋友去旺角行街正諗緊有咩想食之際女朋友突然醒起之前同朋友食過一間土耳其餐廳所以就去試一試我地叫左一個土耳其特式炒蛋, $25感覺係: 咁細碟既同茶餐廳既午餐炒蛋份量差唔多第二個餸係轉轉雞肉拚薄餅有新鮮生菜, 蕃茄, 軟芝士(?), 雞肉同薄餅唔算十分好味, 但合格.第三個餸係轉轉雞肉卷雖然都係轉輚雞肉, 但呢個加左洋蔥, 生菜, 都醬料一齊食比第二個餸好味好多值得一食再食我地飲左兩杯凍檸茶. 佢個茶底同一般檸茶唔同飲落個味道幾好.重點一提, 呢度既servers好好, 店員特登留張4人枱俾我地坐招呼夠誠懇…Read More