Jan16ice's Profile

冇得飛😩😩唯有周圍搵食解一解思鄉之情.次次經過阿佳都大排長龍, 今次我忍唔住唔執輸排埋一份. 排左5分鐘左右就可以落單, 勁多野想食. 花多眼亂, 心大心細! 落單個位姐姐就麻麻啦, 態度唔好極之唔耐煩. 落左單後,見到冇禮貌個位姐姐都馬上去做order. 見到拌麵同麵線都係即叫即整,唔係預早整好曬! 好好呀…我叫左兩種貴妃雞卷同烏來烤豬肉腸. 我目測個個都會叫呢個雞卷.呢個姐姐超好人又有禮貌. 勁詳細解釋又話自由隨心落自己鐘意既調味, 落完再幫你入袋. 佢個個都講個個都解釋超級敬業呀!! 最後叫左5樣野. 樣樣都好高質. 最欣賞係個古早現燙魷魚, 好爽好彈牙. 個沙茶汁好野味又唔會太咸. 好味到有小小唔夠喉鹽水雞拌麵真係抵到難以置信, $38 咁大盒仲要多麵多料好好味. 麻辣味配呢個麵底真係一絕. 舖滿既雞絲再配埋一舊滷豆腐,錦上添花.大腸麵線絕對係完美解決思鄉情. 疫情下買到番屋企都仲可以咁高質, 仲要係台灣夜市價錢… 食完都覺得感動. …Read More

好耐都冇出去食好西~ 今日放假又懶就諗住simple食番餐... 行行下見到間唔錯既餐廳就衝入去試試. 餐廳環境唔錯, 好寬敞冷氣好夠凍... 已經肚餓, 極快就CHECK OUT 個MENU. 一睇... 嘩!! 咩事呀!! 點解個門面唔錯點解個價位咁平既. 心驚驚咁都叫左幾樣野食. 我地最後叫左個PIZZA套餐. 先黎套餐既一個小食,係燸米釀雞翼~~ 我既至愛!! 好正呀! 炸得超級香,好乾身! 仲要冇骨可以大大啖咬落去~ !裡面釀既野令到我好滿足, 正呀!! 唔洗甜辣醬或者茄醬, 調味調得好適中. 食2隻好唔夠呀~不過之後仲有其他野所以冇叫多一客. 跟住就係Manhattan Pizza~ 偷睇到廚房係我地叫左佢即刻做, 好期待! 一出到黎見到出到黎芝士仲滾滾下,好吸引! 個皮真係做到好有口感外脆內軟, 材料 好多好充足. 一拉出黎仲有拉芝... 好滿足! 食左一陣野當然唔少得黎番2杯冰涼涼既套餐特飲, 青檸SODA 同檸檬茶, 食到咁滿足再飲番啖真係成個人GUR晒. 其實已經好飽, 但見到$38 既蜆肉炒意粉忍唔住叫左黎試一試. 真係仲平過碗雲吞麵. 佢既份量仲要唔係小, 正常既PORTION. 炒到好香, 重GARLIC!!! 又唔會好酒. 剛剛好. 最後埋單$250 都唔洗... 平民貼地價錢, 高尚既享受! 超值!!!…Read More

鐘意食野既我地有左小朋友後已經小左出動,今日咁啱經過葵廣見到有新野開就忍唔住唔試. 店舖圍住好多人,店面裝修好吸引用全木仲好日系, 望一望個Menu原來係生果茶...終於唔再係黑糖唔再係珍珠同奶蓋啦!!! 店員好好推薦左4杯俾我地4個. 我地當然番到屋企就互相交換試下啦左1. 香印提子茶...欣賞既位係唔只飲到好多好多既提子肉,個茶底係超香唔係苦澀係飲完會係會想繼續追住飲既感覺左2.係我最鐘意既桃茶平時公司飲既只係有香味但食唔到肉,呢杯好唔同係食到啖啖桃肉. 都係同一個茶底,又可以食到桃又可以飲到咁正既茶底真係一杯滿足晒我2個願望呀右1. 紅肉火龍果奶 店員話通順暢便! 好重火龍果味夾埋奶真係好正! 好解渴又鮮甜右2. 呢個係童年回憶系列之一 蜜瓜奶 真係好飲到不能. 唔係假甜有果肉又鮮甜新鮮感覺比什麼黑糖什麼珍珠什麼奶蓋已經升左一個level, 非一般既水果茶同水果奶. 咁大杯咁重料都只係賣緊$40 有找, 茶底香水果新鮮 OMG...一定要多啲支持呢種小店! 誠意推薦…Read More

同朋友好耐冇見, 大家都帶住小朋友既時候就要搵一D 又舒服又唔趕人走既地方. 一來又可以慢慢食慢慢傾,另一方面又可以俾小朋友多D時間食野. 朋友介紹左大圍一間開左一段時間而又話好正既小菜館. 去到環境都好寬敞7:00左右已經坐滿客.店員既服務態度好到你估唔到, 見到我地有大有細就安排左一間房俾我地,有電視又夠冷氣!! 真係好適合同埋小朋友一齊. 前菜都好有HEART 唔係一般既咸花生. 有酸梅苦瓜同埋麻煩木耳! 響呢個又成日落雨同埋咁熱既天氣真係好好既開胃菜!有小朋友我地都必定會叫叉燒. 嘩...呢個蜜汁黑豚肉真係令到我地好喜出望外!!!! 店員果然冇介紹錯... 入口鬆化肉質好林仲要好有肉味. 真係好好味!店員見我地大讚話就我地知師父之前係做中環都X利,佢既叉燒任何人食完都番唔到轉頭! 哈哈... 之後叫左幾個小菜, 呢個腐乳蝦球係我最鐘意既! 真係不得不讚師父既創意. 腐乳汁做到唔咸不過好香, 配埋大大隻既爽口蝦球. 有D 似芝士焗龍蝦不過係轉左腐乳. 真係可以食到幾碗飯. 呢個家鄉煎藕餅我見到都必定會叫. 呢D 係屋企唔會自己煮既食物, 同埋間間的家鄉口味都唔同. 次次食都有一番風味! 呢個都冇令到我失望, 香口又唔油膩, 食到啖啖既蓮藕既爽脆口感. 又唔會好咸調味啱啱好!!! 好好好味~最後真係有一個好好好好感動既位, 飯後既甜品係我細細個放學門口伯伯既糖蔥餅呀! 仲要有回憶地有埋個個糖蔥餅箱. 呢個絕對係童年回憶系列之一, 啖啖滋味!!!!真係估唔到一間中菜可以令到我地有咁多驚喜! 小朋友開心時大人又開心... 讚讚讚~…Read More

生左個女後都未有機會去旅行, 以往成日快閃台灣食下野而家對於我地黎講已經成左好遠既距離. 近排聽朋友介紹有間質素格局味道食物...都同台灣一樣. 所以就帶埋個女同老公去試一試. 位置超方便地鐵一出對面上樓就已經到. 抱住阿女完全係FRIENDLY呀!一去到樓面既店員已經非常熱情, 對我地好好! 見到我有個BB 即刻俾個好D 既位置有冷氣而又唔係吹到正既位. 裝修都好有風味, 再加上周圍都籠罩住好香好濃既辣味, 嘩未坐底已經超級餓!!由於我餵緊人奶啦~ 所以都唔係好敢食辣住! 店員都好好知道我既需要介紹左呢個椰子雞湯底. 起初都以為只係幾片椰子既湯底, 真係有D喜出望外, 係成個椰子再加新鮮雞!仲要有細心既哥哥幫我地處理個湯底! 先飲湯底再加料去打邊爐, 嘩~ 湯底正到好似煲老火湯一樣. 好正~當然唔小得既就係我地叫左好多既火鍋料啦~炸魚皮我地平時食得多, 咸蛋黃炸魚皮用黎打邊爐都係第一次!!! 吸埋D 椰子雞湯底~真係一絕呀!!! 超香口食到停唔到口. 要讚一讚出面既醬料區~ 款式應有盡有, 但係位置好乾淨,唔似出面咁混亂!! 店員仲好勤力一見到有人整到一點污濁就已經清潔同不停FILL番D醬料. 好值得一讚~ 呢個台式既臭豆腐同港式的有分別. 唔似港式既咁臭同埋比較香口. 醬料配合埋個豆腐真係一絕!!整體上所有野都好好味~ 而且最令到我一定會番轉頭既係服務同埋環境! 下一次再思鄉就可以再黎止一止渴!!!…Read More

今日約左幾個BUDDIE去打邊爐順便團年. 朋友仔話呢間正野所以我地就一齊去食. 去到好開心呀, 地方又大張枱又寬敞, 叫勁多野食都唔會迫迫夾夾. 重點仲要有電視睇, 一枱一部獨立TV 我地可以隨意睇99 又得81都得... 好似響屋企打邊爐一樣. 叫晒食物店員就好好咁俾左個醬料架俾我地混醬, 要既醬料都有齊. 最重點要推薦既係佢地好豪咁俾左XO 醬我地. 裡面係足晒料又夠辣真心好味. 打邊爐我係必備XO 醬既野飲食物都好多仲要有大陸最HIT既天地一號呀~ 我地女仕最鐘意嫁... 所以我地都叫左黎一齊SHARE.先先黎左個熟食先, 老友鬼鬼-- 係熱辣辣脆卜卜既油炸鬼釀左爽彈既蝦滑. 唔用黎打邊爐當餐前小食都真係好正, 夠晒熱氣香口. 非常好味. 跟住鏡頭一轉一個霸氣既牛蹄湯鍋就已經到左, 俾佢既霸氣鍋吸引住.  裡面除左牛蹄仲要有鮑魚蘿蔔等等等等既配料. 令到個湯更加香. 當我地都唔知點樣落手既時候, 店員超好態度咁黎幫我地細心剪開細舊細舊的牛蹄等我地食得唔洗咁煩... 真係好窩心. 之後就一次過黎晒我地叫既食物, 樣樣都非常精緻. 我地都食得好開心, 味道上都真係好唔錯. 響鈴仲要係即炸熱既配上甜酸汁, 正正正!! 呢個四寶丸真係要食, 我都冇諗過可以咁細心, 黑白墨魚丸都一齊出動. 仲要食落真係有分別. 黑墨既香再配上爽口既墨魚粒同白色既清新係有好大既分別. 呢個係手切牛肉都未去到最TOP既LEVEL 都已經有呢個質素, 真係好IMPRESSIVE. 4個牛魔王開心到跳氣... 食得開心又愉快!! EVEN 我有住37週既巨肚都坐得同食得咁舒適呢度必定會再番黎... …Read More

成個孕期都冇食過放題呀, 日本野呀... 今日老公就皇恩同我去食放題, 當然啦佢自己都好想食...我就唯有食D 平時自己唔會點叫既熟食而佢就可以食魚生啦. 一去到呢間近排朋友都極力推薦既店, 門口已經令到我眼前一亮... 唔知係我太OUT成10個月冇食過放題定係點而家有埋清酒梅酒啤酒任飲WOR. 真係好貼心好多選擇呀... 未到出動自己填既放題紙, 出面已經有好多野可以俾我地食左先. 款式都唔小, 主要係以冷盤為主. 沙律呀... 我冇份不過老公食得好滋味佢話沙律同蝦都好爽好新鮮. 飲品都令到我嘆為觀止!!! 咁多款仲有而家最新既白可樂! 仲有窩心位係有熱飲, 咁我就可以有多D選擇啦... 最後仲見到有好多甜品放晒響度俾人任攞, 款式多又精緻仲有水果可以食. 小小地我都試左, 甜品真係永遠都令人難以SAY NO既東西. 由於我好多野都食唔到, 而點餐紙已經有咁多所以我地都冇升級$28食好D, 生完先再番黎食盡佢. 成1X張真係花多眼亂~ 樣樣都好似好好味. 樣樣都好想食食物出得太快而且PRESENTATION 都真係好唔錯. 味道就更加唔洗講. 呢個真係勁多種頖又高質既放題呀!!!…Read More

呢間餐廳已經係我第唔知幾多次黎嫁啦, 叫做係水準KEEP 得好好既心水餐廳之一.  今日都同老公番黎食, 食下串燒RELAX一下. 今日餐廳真係好多人, 如果唔好食真係冇可能上樓店做到呢個效果. 我地BOOK左都只可以坐BAR 枱面對住師傅食.  我地好快就叫左野食見到咁多人都知要快手如果唔係燒物都要等. 好快就上左田樂茄子, 個味噌好好味.配上我最鐘意既茄子好夾. 淡淡既茄子夾埋濃濃既味噌做成一個PERFECT MATCH.呢個係雷魚一夜干, 通常見到一夜干我都唔會放過! 呢個正在可以連骨都食埋, 真正食"魚"唔吐骨!味道有小小焦又有咸魚既咸香加小小檸檬汁真係好FRESH好好味. 呢2個係我地次次都必點嫁. 因為一來超抵食又超好食. 牛仔骨係$78, 味道係甜甜地不過又唔會掩蓋左牛肉既牛味, 令到我地愈食愈想食. 海老係小小鹽味, 味道好鮮肉質好爽. 跟住我地再叫左個串燒盛, 由師傅發辨次次都令到我地有驚喜... 今次我最欣賞既係露筍牛肉卷, 食落有露筍既鮮同爽, 又有濃濃既燒汁牛肉. 又FRESH 又好味.最後就係呢個不能錯過既系列... 我因為小B 所以冇得食...我老公又點會唔食. 好彩之前都食過好多次, 店員在旁邊慢慢燒熟晒中間既蟹肉同蟹膏,當聞到蟹膏既香時再打隻蛋上去俾我地自己拌好黎食. 嘩... 今次冇食不過諗番起之前既味道都真係流緊口水. 生完一定要番黎再食呀!!!!! …Read More

見到各大飲食評台既報導知道BLUE ELEPHANT 出左WEEKEND BRUNCH話 $188, 就同老公心思思去試下. 去到見到原來係SEMI-BUFFET 而唔係WEEKEND BRUNCH都已經心有D.... 不過算啦個VIEW 同環境真心係可以搭夠既. 響出面見到野食款式都好多好吸引... 泰式野想食既大部份都有齊.  炸物甜品... 樣樣都好出色. 只係睇賣相都好吸引. 一想攞野食之際, 我見到打落既5隻碟都有飯粒痴住. 應該就係洗碗洗得唔好所至. 同店員反映佢地都好似見慣見熟唔緊張亦唔係好理咁. 另一排白碟就有咖哩同其他食物留底既SAUCE. 海港城中既高級食肆都會出現呢D 情況又令到我有D 震驚既! 驚訝呀~最後我地既MAIN 到左, PORTION 好細. 味道都可以既... 係個TOM YUM 炒意粉比較偏咸. 海南雞飯味道正常, 其實又好難做到難食既... 不過對於食物既衛生同埋廣告既出入真係有D 失望. …Read More

今日去到APM 搵食, 見到錦麗都開左一段時間而且次次都咁長龍今日條隊又唔係太長而且又有時間就去排一排. 等左唔算耐5分鐘左右, 見到佢地都一枱起身新客人就會即刻坐落去, 真係坐無虛席. 店員個個都做到木口木面... 有D 燥燥地, 態度真係好一般. 終於到我地有位啦. 坐底睇下個MENU 選擇好有限. 所以我地叫左2碗粉同埋2個小食. 除左河粉係冇其他既選擇例如金邊粉呀... 都係冇既. 呢個蝦餅其實只係2件開4, 個中心位係凍既. 外面好油! 食落去好似係一早炸左放左好耐咁. 食落都唔係好彈牙, 不過欣賞既係中間有D D 芹菜同馬蹄個D. 口感上幫到小小. 呢個係生熟牛肉湯河, 黎到見到係好細碗. 不過係熟牛肉而唔係生熟牛肉... 牛肉好乾柴好痴牙. 絕對唔係廣告宣傳講到咁勁咁好食. 有D 雷聲大雨點小. 呢個係老公既綜合牛肉粉, 呢D 牛肉都係好老柴既... 不過唯一既可取之處就係個湯底係夠熱同有牛肉味. 最後呢個都係一般唔算好食, 又唔係話難食... 冇特別! …Read More

之前見到好多OPENRICE REVIEW 都講呢間SHOP 好好食... 好多特色野, 所以就襯自己生日就去試一試... 點知...有點失望!!!好經辛苦老公塞車塞左勁耐終於到左啦. 去到見到個MENU....UMMMMM 完全係有D OUT OF 我地既EXPECTATION. 唔緊要咁遠黎到就試一試啦因為我都已經太餓啦.我地好快咁叫左2個LUNCH 再跟埋小食同飲品. 呢個係AVOCADO Fries... 食落去非常油. 食到一口油既FEEL. 要印左D 出黎再加埋千島醬先可以COVER 到個D 油味. 不過咁樣食AVOCADO 又真係第一次, 特別既. 之後就係呢個CHICKEN ADOBO, 叫做正常既. 不過就咸左小小. 呢個係我叫既DUCK LARP, 味道唔錯, 可能肚餓好好味. 鴨肉碎做到好香不過食到中間就已經見到有一層油浸住D 鴨肉碎. 真係食唔到落去, 係一層既油浸住唔怪得咁好味. 其他既配菜都係一般冇咩特別. 仲有呢個價錢呢個PORTION又真係小左D D. 老公就叫左呢個LAKSA. 湯底真係好味再加埋佢地另上既醬令到個湯更有層次HOWEVER.... 個麵底出左事. 以為一般都係米粉, 麵.... 佢用左一隻我地都唔知係咩既麵底. 樣子睇落似米線實質食落食似一D 好粗糙既麵. 麵係完全吸唔到湯底既精華, 係麵同麵湯還湯FEEL.整體真係令到我有D 失望. …Read More

今日約左朋友去K11食飯, 佢話孕婦食D 健康野同好味既野, 所以我就聽佢講.... 間SHOP 我去到都要搵左一陣. 係比較隱閉既. 去到先發現就係之前響始創下面個間既尖沙咀分店. 心中有點......... 因為之前食過LUNCH就真係好一般, 但朋友已經坐底左所以冇抱期望下去食呢一餐. 行到呢個位都有D 另眼相看WOR, 好新派好開心!! 見到周圍既DECORATION 同埋放出黎既食物已經覺得好唔同既FEEL. 呢間好明顯同旺角差好多WOR. FANCY 好多好多...我地坐底後每人一份餐前, 熱烘烘同軟身既. 好有誠意唔係個D 恐怖既凍包. 我地好快就叫晒野食就可以開始吹吹水. DINNER既MENU 都好多CHOICE. 睇落都好多好吸引. 先先黎左呢個係GRILL 既我以為係南瓜啦. 原來係ORGANIC 既黃金松露蜜糖蕃薯. 食落口感一流, 唔會好似未熟硬又唔會軟到一PAT PAT咁. 啖啖蜜糖蕃薯既清甜又有一陣陣松露既香味. 成件事原先好似好唔關左但放埋一齊又異常地夾左. 呢個就係我見到隔離都叫而唔叫唔得既鹽烤焗魚.黎到仲有一碟GREEN 伴碟. 店員好用心咁慢慢幫我地開左條魚, 因為怕D 鹽落左條魚又會好咸. 一層屠打開就聞到勁香既薄荷葉, 香茅同埋一D 香葉既香味飄出黎. 嘩唔洗食呀... 聞同睇都暈到一陣陣呀. 配上店員俾既酸酸甜甜又辣辣地既汁醬同埋旁邊個碟GREEN 真係停唔到. 一個人食一條都真係冇難度呀. 跟住就黎個雞肉PIZZA WRAP, 除左雞肉中間仲有小小SALAD. 食落去薄薄地又唔會好滯. 配埋上面既Avocado sauce, cream cheese 就更加RICH.本身我個人又真係好LIKE 呢D TYPE既WRAP 卷卷所以覺得更加好味. 最後呢個PASTA真係不得了. 我除左響意大利食過呢個TEXTURE 既PASTA 真係響其他地方未試過. 一食就知道唔係買既而家自家制. 一條條既PASTA 係好有咬口好有口感, 煙煙勒勒唔係同一般個D 完全冇得比. 真係呢個PASTA 令到成餐飯加左唔小分呀.  …Read More

自從有左阿女後, 已經小左好多同老公出去周圍搵食. 就算有都未必可以之前咁周圍食, 因為好多野都要戒口. 今日產檢完一切都已經進入大直路所以就可以放鬆小小. 同老公開車去到見到一間氣氛唔錯既居酒屋就去試一下. 入到去氣氛真係好好, 好有日本FEEL. 店員都勁熱情咁招待同介紹番好多佢地既特色食物. 佢介紹左一隻係日本直送到香港既魚可以做刺身.... 真係聽到都心郁郁呀! 不過再望番自己個肚...佢都話下次你黎呀, 生完再食. 服務真係貼心到又熱水唔俾茶, 仲介紹有咩係孕婦食得唔食得... 真係好似媽媽關懷女女一樣. 好快我地已經ORDER晒所有食物. 小店都有小店既風味手寫既單令到我都好清楚睇到自己叫左D 咩.老公望左MENU 見到$68呢個價錢飲一杯日本WHISKEY 又真係好抵, 所以佢都SAY唔到NO!! 仲放棄左店舖中一個FREE FLOW 日本BEER 既機會. 叫左一杯余市HIGHBALL. 我當然又係有得睇冇得飲啦. 等食之際, 我就要去一去TOILET. 細心店員就陪我去啦驚我整親. 上到去樓上別有洞天WOR. 我當然就多口一問...E呢度係PARTY ROOM黎嫁? 佢話呢度係俾人BOOK 黎食野包場玩既. 平時老闆10點後都會迫我地上黎玩同食嫁. 如果你下次有興趣都可以包場食野... 靜靜地都唔錯嫁. 嘩嘩嘩... 呢個真心PERFECT WOR! 仲要有BOARDGAME , DART 同街機. 不過所有配套都係假食左食物先再講... 不過有呢個包場服務又真係加左唔小分.黎到老公自私食系列, 由於過去既35週佢都陪我冇得食SUSHI. 而今日遇上余市佢都忍唔到要自私一番. 佢既回應係真心爽! 魚生好鮮真係唔似CHEAP CHEAP 魚生. 每一件SUSHI 同魚生都配合得好好. 食完12件都唔會覺得太多, 爽口同好味既情度係可以食多12件既. 呢個係胡椒牛舌, 同我想像既有D 唔一樣, 以為會係油油地. 估唔到係咁清新咁PRESENT出黎. 因為我本身麻麻地油膩野, 不過見到牛舌又好難SAY NO! 牛舌好爽, 好有口感再配上一個酸酸地既胡椒芥末醬食落真係另一番風味既. 味道真係調配得好好.  呢個係我次次見到都未叫既一晚乾 (我會叫佢日本咸魚) 當然佢唔係真既咸魚啦, 係口感同味道都有小小似. 佢係咸香而肉質都保持到. 而唔係好似港式既咸魚, 齋食咸到苦唔送飯唔得, 肉質又梅個隻. 所以見到都一定會食.到左呢個店員既健康之選蔬菜豚肉豆腐鍋. 佢好強調佢地係用日本蛋所以叫我可以放心食. 個湯底真係令到我反左一下眼呀... 好濃好香既味道我再撈埋蛋花真係好味到不得了.  清清地又好好味仲要唔咸真係食到停唔到口呀. 中間仲要有金菇粉絲等等... 令到我大滿足呀. 我地都叫左4串好特色既送酒串燒. 一口和牛啦, 雞胸軟骨啦 (雞軟骨就食得多,雞胸軟骨都係第一次), 豚腩串啦 同埋牛舌芯. 真係食得好細緻. 4串都各有特色真係一D 都唔行貨. 絕對唔似出面個D 雪藏串, 真心好好味. 唔會死咸同黑椒去掩住D 唔鮮既肉味, 真係愈新鮮就愈唔洗用任何既味去調. 最後就係呢個石鍋牛肉飯. 一見到佢既時候我同老公都覺得好似PEPXX LUCXX.... 不過店員落左SAUCE 再撈埋俾我地食既時候, 真係另眼相看. 雖然外表真係有9成相似, 不過味道, 口感同埋牛肉既質素真係差好多皮. 牛肉有咬口又有肉味, 飯唔會好似個間咁油. 食到底仲有飯焦香味. 個汁係辛口燒汁不過唔辣反而有黑椒既野味. 食到停唔到口呀. 總括黎講呢間居酒屋係會令到我再番轉頭好幾次既店舖. 無論價錢, 食物質素, 同埋服務都真心超水準!!!! 10000000個推薦!…Read More

老公睇OPENRICE見到茶木出左小丸子主題餐廳, 佢就扮晒SURPRISE咁同我去試下(其實我一早已經知道啦...哈哈哈哈)一上到去真係俾餐廳既氣氛吸引住, 好開心呀!全部都用晒小丸子同埋佢既同學+家人呀! 開心死禾啦... 去到邊個角落都見到. 就連本MENU 都好有HEART, 唔似另一間咁佢連食物既中間都加左D 插畫呀... 真係唔食睇到都已經開心到暈暈地! 我地好快咁叫左幾樣野食. 當然全部都係小丸子MENU上度叫啦... 食都要食得開心嘛!! 先先黎既係爺爺同花輪既飲品. 一杯係ROSE COFFEE另一杯係GREENTEA MILK TEA. 我地都係叫微甜... 味道真係好! 唔會好甜明明同平時既味道一樣既但用左個開心杯個人都開心好多, 飲落都好似好飲左(純個人心理作用) !!之後就係我地次次去茶木都不能錯過既牛肉麵!!! 呢度既牛肉麵真係麵質,湯底同牛肉都同台灣最最最最接近! 湯底飲完唔會口渴, 配合埋爽彈既麵底真係次次黎親都唔可以放過既食物. 間中都會好似要上電咁黎食番碗.之後我地就叫左呢個花輪同學造型既飯黎SHARE! 真係見到未食都已經心花露放...係花輪同學呀!! 佢地有HEART 既地方真係好值得讚, 連旁邊既伴碟都好用心~ 好明顯睇到係小丸子, 爺爺, 花輪同埋永澤同學. 就連旁邊既小配菜都做到咁細緻難怪餐廳咁多人黎潮聖既!! 真係有又唔捨得食,又要食曬既茅盾呀!!! 最後又點可以放過小丸子既DESSERT 呢... 佢係有雪糕, 心太軟同埋拿破輪既小小DESSERT PLATTER. 絕對係啱晒我呢個眼闊肚窄既人呀~ 樣樣小小又可以試多D唔同既款. 我又有一個變態既心理...忍唔住又要睇下心太軟係唔係小丸子同花輪型嫁呢? 定係只係一張糖紙呢? 果然冇令到我失望, 一起左張糖紙下面真係佢地既頭型呀! 走前仲見到花輪同學呢個打卡位, 又點可以放過呢? 無論杯,碟,食物.伴菜........ 都做到咁細緻! 呢一餐真係令到我童心出晒黎, 咬咬都食得好開心呀!…Read More

大約3年前我同老公有一日行過登龍街初次同呢間餐廳相遇, 當時俾佢地既店同事HENIZ 既熱情招呼以及食物既質素深深咁吸引住. 即刻我地住響新界區都會專登或者去到銅鑼灣都必定幫襯. 後尾知道尖沙咀THE ONE 開左後, 我地就轉戰THE ONE, 雖然THE ONE既店員真係不及HENIZ 既熱情招待以及對食物既熟悉, 不過食物既味道同質素真係咁耐都冇咩落差. KEEP 到個水準真係好難得.... 呢個係我最鐘意既食物, 每次都必叫! 出面最多既係薯條但我鐘意既就係佢地既蕃薯條, 甜甜地又夠香口. 再配上一個千島醬成件事令到我好滿足!另外我地今日我地有新嚐試...叫左呢個單骨雞翼. 一籠仔有4隻2個人剛剛好... 咬落去香脆又有JUICY既雞肉汁啖啖肉, 一D 都唔乾身! 做得非常好. 呢個熱辣辣出爐既Cajin Chicken pizza. 個D MELTY CHEESE 再加埋小小辣辣地既雞肉同蘑菇. 味道又香濃又野味. 2個人食左4件都真係剛剛夠喉呀!最後我地再叫左一個海鮮PASTA, PASTA都係我地次次必叫不過呢個口味就第一次. 酸酸MAY MAY 同D 海鮮都好夾, 食完PIZZA食呢一個酸酸地既PASTA 中和番真係好唔錯呀!2個人飽到捧住個肚走都只係500幾... 唔算話好好好平不過而家出去食得去食飯又點走得甩人頭 $300, 而且野食又好味我覺得已經滿足嫁啦!! …Read More