ycwong0119's Profile

🐷先生放假出城去西環，為🐧小姐帶來美味精緻甜品手信😘😋.Viola Mango Bavarois $48花同芒果肉每樣少少鋪得超靚，呢件甜品比較低糖，食完都唔覺得guilty🧡可食用花有小小花香味，食落同件甜品冇任何違和感。反而3塊綠葉會有微微苦叶滲出，可以搵其他嘢代替🍃會更佳。面層果凍只有微微甜味，第二層奶凍味最為突出，最底層有極之薄嘅海棉蛋糕稍為增添口感👍🏻.Nana $44我哋非常喜歡呢件Nana💓佢係香蕉mousse朱古力tart. 香蕉味好香，好天然，mousse包住另一層極香濃香蕉焦糖，好味，好享受，感覺好高級的甜品😋.P.S. Artisan Room有露天庭園，有機會好想直接係果度渡過一個悠閒下午～...CP：9/10😋：9/10📍：Artisan Room @ 西環…Read More

事前已被🐷先生提醒香港仔南小館唔好食，但我唔信邪，係咁話「都未食過，可能ok呢～」.我唔續一評價了，實在冇碟好食（除咗碟黑松露磨菇包），口水雞花鵰雞都有雪藏味。鍋貼同小籠包嘅豬肉餡味道有點奇怪，唔太識形容，有點腊肉味？未至於難食，但係怪怪的。.小籠包五隻有三隻上菜時已穿🤦🏻‍♀️.佢杯芝士四季春，5分鐘左右芝士同茶已經完全融合，媽丫，變咗杯濃芝士但淡茶味嘅飲品🤢....CP：2/10😋：2/10💰：total $368📍：南小館 @ 香港仔…Read More

大家一定要加Ruby Tuesday個Whatsapp，佢時不時會send d promo誘惑人去幫襯.今次promo於2019年7月16日前需出示promo圖片，可享30日手機版特別通行證乙張，並即享餐飲美食半價優惠。.Build Your Own Sampler Normal size $218有7款小食選擇，normal size可揀4款。buffalo雞翼都幾辣下，隻辣會擴散至胸部位置🥵肉質好鞋。芝士條凍咗，唔太拉芝。洋蔥圈夠脆，洋蔥肥美，夠甜。最好食係焗薯皮，焗得夠香口，上層焗芝士幾厚身，好似食緊糯米糍👍🏻.😋：6.5/10.Smoked Salmon Caesar $218煙三文魚有4大塊，麵包粒稔咗，生菜夠爽脆鮮甜，沙律配菜太過單一，如有多d款式更好.😋：6.5/10.Ribs & Wings $338揀咗honey bbq味，調味有滲入d肉，肉質頗嫩。燒汁雞翼陣味滲唔晒落層皮度，食唔落層皮，肉質比buffalo味冇咁鞋，即都係鞋。.😋：ribs 7.5/10 wings 4/10.Premium Age Sirloin $408叫咗三成熟，火喉掌握得好。牛味頗香，筋位較多，半價ok嘅。.😋：7/10.Loaded Potato $58呢個超抵食！整隻焗薯都夠軟棉，薯皮口感煙煙韌韌，好食！.😋：8.5/10.Side Risotto $68有d Risotto會有陣酸味，佢嘅酸味都幾勁，說好的大菇risotto，大菇都溶了嗎？極力不推介.😋：3/10.Mago Mojito $92芒果味唔突出，mojito味澀咗d.Ruby's Mudslide $92味道就係baileys 加小小cream加小小朱古力味，唔會過甜，好飲啊.P.S.半價食都幾抵食嘅，但味道好壞參半。唔好咁傻比正價食丫🙈.P.P.S. 當晚full house，所有工作人員忙到踢晒腳，叫個order都要等好耐。全部食物送黎時都攤凍咗。...CP：6/10😋：6/10📍：Ruby Tuesday @ 銅鑼灣…Read More

門面design得好古色古香，台式飲品店黎講相常闊落，有細細嘅打卡位同牆枱比客係入面抖下冷氣.萬丹紅豆烏龍鮮奶 $32(M)嗯，烏龍茶底清香，奶幼滑但實在冇乜奶味，ok的，我鐘意茶味出d嘅奶茶。紅豆煮得太碎，同佢係用小粒嘅好豆，個人更喜歡大粒紅豆嘅紅豆冰。我諗佢其他飲品應該ok嘅，感覺好適合夏天消暑清涼。至於呢杯紅豆奶茶認真不推.P.S. 眾人都一致認為大快活紅豆冰更好飲🙈🙊🙈.CP：5/10😋：4.5/10💰：hkd32 (M)📍：春陽茶事 @ 銅鑼灣…Read More

我哋真係好少出省😂出親都係銅鑼灣居多🤣.依家實在太多過江龍黑糖珍珠啦，價錢仲好似fix死公價$30咁🙈.黑糖珍珠鮮奶 $30需然係每日新鮮牛奶，但奶味唔算濃，冇改到任何甜度，偏甜咗小小，珍珠好似細粒dd咁多，外層3/5煮得軟咗小小，剩返裡面2/5保留Q彈口感。.飲完杯野有大量冰剩，建議叫小冰。.P.S. 另一招牌係黑糖珍珠厚奶，會有一層cream係面，感覺太heavy，冇買.P.P.S. 心目中最好飲黑糖珍珠鮮奶係老x堂同小x糖！硬要比較，小x糖略勝🥳.CP：6.5/10😋：6.5/10💰：hkd30📍：吉龍糖 @ 銅鑼灣…Read More

在家都可以品嘗到高級甜品。LeTAO雙層芝士蛋糕 .好後悔冇買多一隻返香港丫，價錢比起香港買實在平太多啦！香港賣$220，日本只需¥1800!!.外層係好微粒嘅蛋糕碎，為蛋糕整體增添少少口感，上層軟芝士，入口即溶，非常香滑，下層係焙烘芝士，一樣香滑，芝士味更濃郁，甜度同芝士鹹度剛剛好，食多都唔會漏👍🏻😋.係中環店試食過佢哋另一款產品，芝士撻，芝士味又係好濃好好味，需然唔好意思，都忍唔到口拎多一粒試食...😋：9.5/10💰：¥1800…Read More

話晒呢間都係炸雞專門店，但炸雞真係唔出色囉，衝住炸雞黎嘅話，會好失望芝士雞蛋捲 $128全晚最好食嘅一道菜！雞蛋軟滑，包住小小流心拉芝芝士，芝士口感有小許煙韌，好似麻薯的質感，食多咗都唔覺漏👍🏻.😋：8.5/10.韓式海鮮煎餅 $138可以唔叫🙊餅煎得有點油膩，味道太淡，即使沾上辣醬都冇吊返餅的味道，味道冇層次可言.😋：4/10.芝士年糕拉麵 $158呢度菜永遠都令我流晒口水。辣度可揀，我哋揀咗小辣。年糕煮得夠腍夠煙韌，基本上全部食材都索晒個甜辣醬，好食！拉麵多返小小就好啦🤤.😋：8/10.韓式辣焗烤雞 $185說真的，佢哋嘅烤雞同炸雞都唔太出色。呢款係烤雞，烤得頗老，除咗外層有調味醬嘅味道外，內面d肉唔入味。.😋：5/10.蜂蜜牛油脆雞 $192炸雞處理得好過烤雞，肉質較嫩。同樣，入面嘅肉都唔入味。蜂蜜味唔突出，係甜，但唔似蜂蜜味，明冇😅.P.S.香港暫時最好食之炸雞係Gxxbxx Chicken！食過好幾次水準依然！...CP：6/10😋：6.5/10…Read More

親愛吃位於銅鑼灣名店坊，雖然甜品超吸睛，佢哋都有主菜咖～.烤椰菜豆腐雜果仁沙律，芝麻姜汁 $68+10%好健康嘅沙律丫，有紫椰菜之餘，底層仲有頗多火箭菜，食材非常新鮮，烤豆腐好滑，雜果仁烤得好香口，個沙律汁姜汁味就唔太食得出啦😋：7.5/10.炸蠔豉香菇春卷配陳醋 $58+10%表皮炸得夠香脆，但整體都偏死鹹同油膩，蠔豉味好濃所以春卷好鹹😋：6/10.親愛做鴨肉意大利雲吞+煙燻忌廉薯蓉 $98+10%醬汁甜甜地，好味，雲吞皮就稍為硬咗d，一碟得4粒有d唔夠喉🤤薯蓉好綿密，忌廉味夠濃郁👍🏻😋：8/10.蕃薯糖水 $68+10%What?! Yes! It is 蕃薯糖水丫！痴線咖咁靚😍 紫色倒出黎嘅水係蕃薯糖水味，再配香芋雪糕，薑味蛋白霜，紫薯蛋糕。旁邊再加上紫薯，哈蜜瓜粒。一樣甜品有咁多花款，實在太有心思了！我覺得$68係超值！跟本係一件藝術品！講返味道，雪糕香芋味唔太突出，但好軟滑。薑味蛋白霜有點偏甜。紫薯蛋糕係最底層，吸咗d糖水，有小許爛爛溶溶，但影響唔太大。d粒粒味道幾突出，但太細粒了，食得有點麻煩。如果將全部夾埋一齊食，會變成好有層次感嘅甜品，味道會更佳😋：7/10.木瓜雪耳糖水 $68+10%另一心思佳作，有3塊超薄切自家製風乾木瓜，軟芝士，薑糖粒，真木瓜加雪耳，再配超膠質雪耳糖水。風乾木瓜非常好食，木瓜味好突出，再沾一沾糖水，食法好新奇，但係好食嘅😋👍🏻軟芝士香滑甜而不膩，薑糖粒即使浸咗糖水好耐都保持小小脆嘅口感👍🏻😋：8/10.P.S. 我好努力記住店員對甜品嘅介紹😂P.P.S. 熱食份量有點小，但價錢唔貴，又有特色，fair enough😆...CP：8.5/10 (太有心思了好嗎）😋：7.5/10…Read More

端午節依日熱到咁，點戒凍飲啊！難得出城，見到台北黎嘅小黑糖，門面裝修得好instagramable，點咗杯小黑糖珍珠厚鮮奶，奶味唔算太鮮甜，但佢嘅黑糖珍珠無得輸，每粒軟硬度適中，夠煙韌，係"真"黑糖珍珠，粒粒都充滿古早黑糖味，但唔會過甜，係暫時食過最出色嘅黑糖珍珠❤️唔知果日太熱定佢唔會落太多冰，杯飲品大約3個字飲完，飲完個杯吉晒，冇冰剩咖！👍🏻👍🏻..CP：8.5/10😋：9/10💰：hkd32…Read More

企鵝小姐好中意食蝦，一聽到蝦湯底拉麵即刻放入saved list！那年冬天身在北海道，凍到腳指都冇知覺，都要走去唔太就腳嘅一幻拉麵總店，將佢馳名嘅蝦湯底一探究竟，食完好滿足，為味蕾帶黎一份新鮮感.講返香港分店先，有幼麵同粗麵揀，粗麵比一般粗身拉麵更粗，好似油麵咁，麵底非常多，叉燒薄切冇豬臭味，好食，溏心蛋熟度適中，蛋黃仲係處於半凝固狀態👍🏻辛辣味噌蝦湯拉麵。💰$88+10%明明冬日限定點解6月份仲有得落單😂😂，有d辣，唔食得辣嘅朋友未必適合，蝦湯味冇鹽味咁突出。😋：7.5/10鹽味蝦湯拉麵。💰$88+10%鹽味係最突出到湯底嘅濃郁蝦味，同時為湯底提鮮咗唔少，果然係最受歡迎口味😋👍🏻。😋：8.5/10餃子。💰$35+10%一d都唔脆，餃子皮仲腍腍地，味道ok啦，勝在夠大隻。😋：6.5/10.P.S. 天氣實在太熱，食濃味嘢唔多合胃口😅 地理天氣唔同，即使食同一樣食物，感受都會唔同🙊.P.P.S. 個人認為幼麵更好食...CP：7.5/10😋：7.5/10…Read More

留意咗呢間餐廳一段日子，取點又唔算山旮旯嘅，但算少人煙，開大個門口做生意，好適合放假或放工過黎chill一chill，可惜嘅係佢哋未續到酒牌，暫時未能提供酒精飲品，否則今餐飯會好寫意蜜糖黑椒雞翼非常好食！成隻雞翼都查晒蜜糖，仲會滴落黎添丫。雞翼皮兩邊烤得焦脆，熟度剛剛好，內裡充滿肉汁，好食！泰式飛天通菜通菜軟硬度又係剛剛好，非常抵讚，成碟菜都好夠味，係油左小小燒牛舌我一般鐘意食薄切牛舌多d，始終牛舌唔同牛肉質感，厚切處理得唔好，係好噁心的。我哋一望到係厚切時其實驚驚哋，一咬入口，嘩！超腍！點解可以燒得咁腍又保留牛舌陣味！好好食！老干媽香辣一口和牛粒炒意粉整體意粉都幾油膩，好大陣豆豉同辣油味，麻麻地。依個價錢我都冇expect和牛粒係高質入口即溶果種，但都唔錯嘅，唔太韌，牛味都算重。期待下次再黎時已成功續到酒牌！…Read More

翡翠小籠包我食過n次啦，最記得第一次十年前係機場食，果時我覺得佢嘅小籠包真係無敵，係爆好食！隨住越黎越多上海食肆開店，依家嘅翡翠小籠包已經冇以前咁旺場，不過佢咁多分店，有時為求方便唔想諗食咩都會幫襯涼拌海蜇每條都好肥美，爽口，可能因為佢哋推行少鹽少油，略嫌味道淡左d花雕醉雞雞肉好濃酒香味，可惜肉質比較霉炸銀絲卷似炸饅頭多d，沒有絲毫油膩感，但個人比較喜歡外皮炸得再香脆d上海小籠包曾經係我心目中第一位嘅小籠包，雖然而家食都好食，但冇咗以前果種驚艷感，皮應該冇以前做得咁薄，但佢嘅湯汁依然好鮮甜好味雞火炒飯望落平平無奇，食落又幾香口喎，飯粒炒得夠乾身，加上少少鹹雞粒，好食韭王炒鱔糊依碟同行有三個人都覺得麻麻，一個覺得好食。同行三個人包括我都中意稍稍炸過嘅鱔肉，呢碟應該就冇啦，有少許滑潺潺我係唔食皮蛋咖，今次係我首次食呢味菜，冇皮蛋陣怪味，唔知對食皮蛋嘅人是好是壞，對我黎講就好好食，有好多鹹蛋粒，菠菜好夠味，惹味道啱啱好，全晚最好食就係呢碟…Read More

銅鑼灣時代廣場Lady M開幕啦！佢嘅crepe cake真係無得頂，今期出嘅開心果味係佢眾多口味中，我哋覺得最好食咖！佢哋嘅招牌千層蛋糕真係做得好出色，層層分別，今次開心果味比其他味稍為無咁甜，蛋糕面嘅開心果碎粒都好濃果仁味，一個人兩件都食得落🙊法式香蕉千層酥係另一佳作，d cream一d都唔漏，香蕉味好濃，雖然個千層酥保持唔到酥脆口感，但意外地同埋cream一齊食一樣咁夾，完全唔會因此失分😋😋 媽丫，好唔夠喉丫。。。…Read More

第四次努力，終於成功食到啦開咗都一段時間，依然長期有條人龍係門外，自己搵位加排隊落order，建議一人排隊一人搵位啊是晚22:30最想食的芋薯圓Q麻薯牛奶冰已經賣晒，叫咗其他招牌款式。味道不能稱上好好味，真係普普通通咋，芋圓冇乜食材嘅味道，但煙韌度就好滿意。招牌仙草沙冰芋圓數量適中，但身為芋圓控係會無任歡迎更多芋圓咖，仙草望落好多，查實底下全部都係冰，個冰充滿仙草汁，都可以，但冇乜驚喜芋圓4號可能太夜黎啦，好多食材都賣晒，珍珠冇晒，換咗仙草，芋頭就如相中所見，個人較愛食芋蓉，但佢呢個芋頭同樣地唔夠芋頭味，亦都煮得唔夠腍芋圓2號紅豆湯底唔錯，唔太甜，呢碗芋圓份量奇多，最好食係依碗冬瓜茶好飲，其實我冇今過唔好飲嘅冬瓜茶😅…Read More

每次經開kikusan都見好多人等位，裝修好日系，大部份地方都用上原木，感覺好舒適。入面地方寛敞，餐枱頗大張，雖然坐得舒服，但餐廳多客的關係，環境較嘈吵，要大聲講野先傾到計😅千層豬排擔擔麵友人吾食得辣，所以叫左個走辣版，湯底冇左陣辣味都依然出色，非常濃郁炸豬排先最令我意外，肉味突出，好食燒鰻魚飯燒鰻魚唔錯，冇魚骨，魚肉索晒d燒汁，但唔會死鹹，白飯就一般，唔粒粒分明錦繡野菜天婦羅呢碟抵食，$68有5件大大件，除左件蔬菜餅外，材料新鮮，炸得非常乾爽，一d都吾油膩串燒飯糰棒─除非你好中意食飯焦同好似爛飯黏埋果種口感，否則絕對唔推薦雞腎─非常彈牙爽口，保留小小雞腎獨有嘅味再加好入味嘅酒味鹹味，非常好食煙肉年糕卷─佢呢度嘅年糕都偏腍，吾煙韌，所以一般豚肉小籠包大大粒，充滿湯汁但唔算鮮甜，外皮唔算超薄，整體都可以嘅日式年糕配雲呢拿大葉汁望落好吸引，有微微烤燶，以為烤燶嘅地方會脆脆地，點知係冇嘅，成粒都腍patpat, 唔煙韌，個汁偏甜，整體麻麻綠茶紅豆驢打滾呢個嘅外表反而有輕微焦脆口感，內有原粒紅豆，適合唔中意食太甜嘅人士…Read More