tze0527's Profile

同朋友07-Apr 晚上6時30分左右，光顧了蝴蝶分店的極上放題系列。1）極上系列中包括有蜆，揀餐個陣又唔講沒有蜆供應。揀完餐要Order 蜆個陣先同客人講無得供應。2）芝士蠔，上黎既時候D蠔仲係有結冰，同d芝士一齊煮，全部都係水，極差。3）牛類食品包括牛小排同LA骨，肉質好差，超級韌，完全真係咬唔開，d肉就完全好似以前漢陽苑既平價質素，唔明點解可以賣$328/位4）八爪魚完全唔新解，未試過食落口係軟瀨瀨，完全冇爽口冇煙靭既口感，食左2條就放棄。成個套餐唯一比較正常就得個護心肉。個套餐120分鐘，我地食到19:17就已經唔想再食呢d劣質食品，叫賣單走人，我同朋友個個星期都食唔同既放題，真係從未試過連1個鐘都食唔到。我地仲要只係得第1次落單既時候同職員點菜，之後都冇加過任何單，因為真係好差。當日係紅色假期，晚市時段全場眼見都係得4-5台客人。永遠black list要食放題既朋友，建議真係揀過另一間😂…Read More

Lunch同 同事去食雞煲任食黎到見到裝左修，環境闊落左好多每位都係$138😻：雞煲依然係正推介芝士竹輪👍🏻👍🏻👍🏻👍🏻😿：部電視定左格、食足成程唔識郁可能午市少客d，冷氣比較凍…Read More

夜晚10點經過，見到鋪面有張相show有b仔雞翼尖賣，就幫襯左一份。廿幾蚊細細份都ok la見個阿姐撈個陣都知中伏，佢係一個無熱爐既煲都撈，心諗一定唔熱啦，拎到上手，真係唔熱😂😂😂算，拎返屋企自己用微波爐叮lo……….返到屋企，叮熱佢滿心期待開餐，完全係淡到好似水咁，冇辣味、無咩蒜味。好似烚既咁，D雞翼尖又溶溶爛爛咁。食過一次就真的不了。。。。。真係龍津個雞翼尖都好味過佢，起碼人地幫我叮埋😂…Read More

早2日經過買左串燒、蒜爆雞腎同雞軟骨串燒算正常，冇咩特別但蒜爆雞腎同雞軟骨真係淡味到一個極點，完全無咩蒜爆味，得d豉油味，拎到返屋企宵夜，完全冇胃口，食唔落………..見到d員工炒之前，用滾水烚熟之後先撈起黎炒，完全都唔使醃咁，真係食過一次都唔會翻轉頭再幫襯。再加上見到個爐其實都幾污糟，好多千年油積，衛生方面真係要再加強好多。眼見間鋪員工都3-4個，咁充裕人手就好心加強下食物既質素，烚熟呢下真係趕客走。…Read More

Order左個菠蘿雞扒漢堡配薯條好😻：個雞扒好有肉汁 好正薯條拎到屋企仲好脆唔好😿：鋪頭好多時得一個人，落單又係佢、整野食又係佢、要等15mins菠蘿應該係用罐頭菠蘿，賣到$52蚊，新鮮菠蘿會加分好多…Read More