Kitsmile8238's Profile

晚上朋友介紹嚟呢度食飯， 去到門口係落咗閘， 以為朋友玩嘢 關咗門。 原來佢哋開咗小巷嘅門口🤣🤣 仲有間店舖叫樂富茶餐廳但係開喺油塘 都以為朋友整鬼我。😂食物嘅質素非常好 🤤超出預期。椒鹽蝦全部都係新鮮， 剝殼上嚟仲方便過食瀨尿蝦。 芝士龍蝦伊麵香濃， 全部份量都非常多， 鮑魚扇貝味道都好好。連最後嘅 水果柑， 都非常之甜‼️ 我哋六個人 基本上係食唔曬， 飽到要帶走。 如果唔係朋友介紹都唔認識呢間餐廳， 下次同屋企人嚟食❤️…Read More

旺角小方糖惡霸侍應 以後唔會幫襯‼️😡😡😡😡兩個後生女侍應態度極度惡劣‼️同朋友farewell變食一肚氣‼️-態度好差-全程怒啤我地-未食完就收碗-勁大力飛張單落枱-朋友另叫外賣同職員講分單（有講唔該）繼續一張單過，朋友講左幾句，佢走埋鬧人詳文星期日2/3晚7點幾，店只有1/3客11人兩張枱，其中一張6人枱坐左7個人，4人枱的朋友想轉另一張枱，變6/5人咁坐，個女侍應好惡咁問我地［究竟坐邊張枱］但事前佢無幫我地安排坐位，咩都無幫手就鬧人果位朋友湊住兩個小朋友，費事係佢地面前同侍應開火，直接帶兩個小朋友走唔食，攪到得返個爸爸坐果張枱期間果個侍應全程怒啤我地，大家都食得唔舒服。未食完就行埋黎收野，但當時店面有一半空位我哋未叫埋單 ，因為仲有朋友未食完，侍應勁大力將單據（黑皮夾單果種）離好遠咁飛同揼落枱，背住職員坐果位朋友嚇一跳，無啦啦有野飛埋黎。侍應仲用臭串語氣叫我地睇下張單啱唔啱。當時後面仍然有好多張空枱！朋友另叫左個甜品外賣， 同侍應講咗分單 亦有講唔該。 最後都係冇分單， 而且態度極惡劣 。我地開始嬲，點解食個甜品變食佢地脾氣都飽‼️重覆左幾次［都話叫左分單架啦］俾說話佢聽。個侍應即刻情緒激動咁走埋黎鬧我地，仲話我地話佢中文唔好（但我地無人咁講過🫤）最後年紀比較大既女店員（唔知係咪老闆啦）推個惡霸侍應入返廚房，同我地講唔好意思，可能後生女唔識野。走既時候另外個收銀女侍應都繼續怒啤我地既‼️睇返啲網上評論， 原來已經有好多人話職員態度惡劣， 咁即係老細根本就唔理，包庇又或者係皇親國戚。佢兩個 到底係冇家教 ，定情緒有問題？ 佢啲甜品係ok ，但食佢哋兩個脾氣都已經飽哂， 唔會有下次‼️‼️‼️…Read More

極度失望，最普通嘅韭菜湯餃 都可以煮成咁， 韭菜餃 係好大隻 ， 但係啲韭菜就 overcook咁，煮到淋同黃曬， 好似平時屋企 隔夜再拎返嚟煮咁 😵 一係就煮得太耐 ，一係直頭係隔夜拎返嚟煮 ‼️但係啲豬肉又係粉紅色，咬唔爛 ，菜就overcook，肉又好似未熟咁 ，呢個技巧真高超🤮🤮🤮 星期六嘅中午， 而且我要嘅係湯餃唔係煎餃， 都要等十幾分鐘先有外賣， 慢都都唔緊要，但係質素差成咁，真係搞唔掂， 希望唔好肚痾🫠 最後淨返三隻真係食唔落， 都係想填飽個肚開工姐😵‍💫…Read More