vi1289's Profile

好耐冇黎食牛大人嘅火鍋今次就食極上和牛set 呢一個set可以選擇所有嘅食物同埋肉類 但其實唔係貴過其他set好多 所以個人覺得來講應該比較抵食我哋揀嘅湯底係阿嫲養生湯 湯底好清甜😊打邊爐嘅時候亦唔會覺得口渴 應該真係冇落味精 😋首先佢嘅牛肉我都覺得係幾好食😋因為佢嘅肉同脂肪比例都合適😛同埋食落去真係會有一陣牛肉嘅香味另外每一枱都會送四粒和牛牛丸 呢一款牛丸真係好好食😆未食過牛丸係咁有牛肉味 而且咬落去真係會有牛肉汁 感覺真係真材實料👍🏼仲有比較少有嘅牛胸爽食 另外仲有魚滑蝦滑 同埋一啲炸小食等等 魚滑入面會有一粒粒嘅魷魚好足料 口感亦都好彈牙😛我自己幾鍾意食佢啲鯇魚腩同鯇魚片 食落去唔腥 而且幾彈牙爽脆👍🏼自助區方面可以任拎蔬菜肉丸響鈴同埋醬料等等 都好多選擇我哋都食唔晒 蔬菜我哋食咗皇帝菜同西洋菜 感覺都新鮮🥬最後每人會有兩杯雪糕🍦有movenpick揀😍😋太滿足了我哋額外叫咗jumbo sour🍺 同平時又苦又澀嘅啤酒唔同 佢反而有少少甜甜地嘅味 幾啱女士飲其他野飲都係任飲 啲冷泡茶都好出色😊…Read More

中環一向都係一個中西澮合嘅地方 有好多唔同嘅嘢食 今次嚟到呢間日本嘅餐廳 非常推薦店主係一個日本人 但係佢會嘗試同你講廣東話介紹食物😆感覺好親切 舖頭望落去個門面好細但原來入面仲有室外同室內環境 坐得好舒服😌今日主要想同朋友過嚟食下啲小食 本身都唔太肚餓 😆牛油果蟹肉沙律🥗$68入面嘅蟹肉非常豐富 啖啖肉 牛油果又好新鮮 加埋少量嘅芝麻醬同埋蔬菜 食落非常開胃牛油clams $68我非常鍾意呢碟 佢嘅clams牛油味非常香 而clams 嘅size 唔係細嘅版本 係偏向比較大嘅 😄食落去啖啖肉 好有口感 唔似平時出邊食嗰啲細細粒 🥲牛肉虎蝦$98好大隻就咁咬個外殼都已經食到好香嘅炭烤味 啲蝦肉非常彈牙 又唔柴 燒得剛剛好😏👍🏼日本白珠牡蠣🦪$78講說 我真係未試過食牡蠣有咁新鮮既海水味 食落完全冇腥味 仲非常鮮甜 呢個價錢係好值得👍🏼👍🏼油甘魚琉球 $88魚生好新鮮 完全冇腥味 油脂分布得好恰當☺️稻草熏烤鰹魚$128超級正😍未食過呢類烤魚 外皮燒得好香同埋係熟既 但裡面就係完全生同埋凍既😆真係好佩服師傅有咁高既烹調技巧鳴子舞 深海酒$280好中意呢款清酒 🍶飲落口好香醇 一啲都唔苦 我好怕飲到苦既酒 不知不覺就會飲多左🤣重點係有靚靚清酒杯揀😍🥰…Read More

日式紅酒燉牛肉蛋包飯 $145好有去日本食蛋包飯嘅感覺😄牛肉燉得好淋又唔會好多牛筋 紅酒汁唔會太咸 有加到小小洋蔥係入面 食落去好開胃 而且隻蛋煎得十分之靚😍南蠻塔塔醬日式炸豬扒定食 $138佢啲豬扒炸得非常脆👍🏻👍🏻 豬扒係大約3-4成肥既 用咗日本四元豚肉☺️ 夠曬香口 配左好多菜絲 中和下油膩嘅感覺🤣 食埋飯其實夠晒飽啦 如果再多少少汁就完美啦😝😝南蠻炸雞 $88炸雞炸得十分香脆 配埋酸酸甜甜既醬汁 非常開胃 每一舊炸雞都幾大舊 兩個人食份量啱啱好 另外仲有埋配菜一路食嘅時候冇咁膩 呢碟我好鍾意❤️櫻花日式布甸船 $108造型非常之可愛少女🌸有櫻花做主題嘅糕點同埋布甸 我幾鍾意個布甸食落去又好濃郁嘅蛋味 而且口感好棉密😋嘢飲方面叫咗一杯凍嘅紫薯鮮奶同埋提子梳打 每杯先加$28都算幾抵飲👍🏼…Read More

平時好少嚟圓方食嘢 不過我知道呢度開咗一間新嘅韓式Cafe 就同朋友過嚟打下卡 環境好寬闊仲好靚🥰棟子蜂蜜牛角包窩夫 $82一望到個樣就覺得好吸引🥰🥰 有好豐富嘅柚子蜜 而且仲有配上少量嘅蜂巢蜜 視覺效果再好睇啲之外 味道口感再多啲層次 窩夫就屬於偏軟嘅 食落都好有牛油香味👍🏻😊海鮮年糕拉麵 $122佢嘅韓式醬嘅甜辣比例拿捏得好好 👍🏼有時好怕會食到太辣味嘅醬 裏面嘅年糕同拉麵份量唔算好多 但係就有好多唔同嘅海鮮 例如魷魚 蝦 蜆 青口等等😃黑芝麻豆腐提拉米蘇 $59呢個蛋糕其實主要係黑芝麻同豆腐嘅味道 冇乜咖啡嘅成份 黑芝麻嘅味道好香🥰 蛋糕嘅質感都好綿滑😊花開碟舞南瓜牛奶 $38呢杯嘢飲嘅造型超級靚個杯病仲有隻蝴蝶 🦋 另外仲有樣小食配埋 😍類似菓子咁煙煙韌韌 飲落去唔會太甜 而且仲有好多南瓜蓉 感覺好健康配搭都好新鮮 ☺️Lotus 焦糖奶昔 $48好香甜嘅焦糖味 仲配上鬆脆嘅Lotus餅乾🍪 係邪惡嘅😏 但的確係冇得輸嘅配搭👍🏻👍🏻本身飲品嘅味道唔會太甜 所以就算配上依啲配料都影響整體嘅味道 唔會太膩…Read More

如心廣場開左間馬來西亞餐廳🍴感覺似蘇媽蘇媽果啲既便價野食 見咁便就黎試下抵唔抵食啦芝士九層塔避風塘炸雞$38超香脆又正🤩🤩有好香既芝士同椒鹽味 食落好邪惡但會好想繼續食🤣呢個份量應該係for 1-2人 如果一家人黎就要叫多份 但係$38就幾抵食！沙煲清湯椰子雞$73份量好多 唔係一大煲得幾舊雞果啲 除左雞仲有菇 豆卜 腐皮等配菜 湯飲落去有清甜椰子味 而且唔會油😋馬沙拉蟹肉海鮮炒飯$78好鍾意呢個炒飯佢夠乾身 唔會過分油😆 除咗有啲蟹肉之外仲有啲魷魚等等嘅海鮮☺️ 香口得來令到炒飯口感更加有層次👍🏻桔仔話梅水 $20佢係一個好清新嘅飲品😊 食咗咁多濃味嘅嘢食 有杯酸甜適中嘅飲品就最啱👍🏻冬瓜龍眼茶 $20真係飲到台式飲品冬瓜茶嘅味道 通常都係好甜 但呢一款飲品就唔算好甜😊 又唔會比水沖得太淡👍🏻…Read More

好耐以前都黎過 一路聽人唱歌表演 一路飲下酒 真係好chill 知道佢地最近因為疫情轉左做埋食物 就好想快啲試下😍🤩估唔到都一樣幾高水準👍🏼👍🏼Grilled beef $108呢個appetiser 一般 可能因為冷盤 唔太突出到啲牛味Mediterranean meatball spaghetti $138呢個超級正🤩個醬好特別 唔係好似啲肉醬意粉咁特別酸 而係有陣香草 南瓜同少少甜味 肉丸味道都同平時唔同 有好香既香草味 好正😙Quesadilla (pork) $118呢碟好抵食😚豬肉一絲絲甜甜地 而且又多芝士 又咸又甜好開胃👍🏼仲要份量都幾多兩個人食份量岩岩好 性價比好高💛💛會繼續黎支持🥰…Read More

今日想試吓位於大埔太和嘅呢間fine dine 門面雖然唔係特別豪華 但係都幾有架勢一開始每人有一道前菜同一配龍蝦湯😚碟豆花木魚清湯 鯛魚刺身賣相真係非常之靚🥰 啲清湯味道有淡淡鮮甜😊 鯛魚刺身主要都係靠個清湯帶出魚嘅味道😌 波特酒釀葡萄 法式鵝肝凍鵝肝凍嘅味道好濃郁🥰🥰 配上唔同口味嘅生果🍇 加返少少清新香甜嘅味道 其實都好夾👍🏻👍🏻 主菜方面我哋揀咗傳統法式鵝肝牛柳鵝肝煎得好好 入口即化 油脂喺口裏面花開嘅口感真係好正 牛柳我哋叫五成熟 都煎得啱啱好 食落真係好香好好味😋另外仲叫咗烤龍蝦海鮮薏米飯 第一次食薏米飯😙佢嘅軟硬煮得剛剛好 本身仲驚會太硬添 但都冇呢個問題 龍蝦好大隻啖啖肉 好彈牙😍最後甜品方面佢哋有個好特別嘅美女與野獸🌹其實係用蓮蓉去整個形狀 造型好靚而且擺盤都非常有心思🥰都值得一試🤩出邊都好少見到呢款甜品🍮另一個係朱古力慕絲🥰朱古力味好濃 甜味唔會過分膩 係永遠不敗嘅甜品選擇😏每個set都有一杯飲品可以揀白酒或者果汁🍹白酒配今日嘅嘢食岩曬 冇紅酒既濃烈 但亦都有淡淡酒香呢度兩個set分別係$480同$488 fine dine來講價錢合理😌…Read More

黑松露雜菌意大利飯 $118不論係Cafe定酒吧都會有嘅一款飯 但係成日都食到啲好唔足料嘅🙁 呢一款就相當唔錯🥰 每啖都好有雜菌同埋黑松露嘅香味😋 唔會過分飽同滯香烤檸檬瑪莉法國春雞 $238隻雞烤等好靚😍食落去好有肉汁 啖啖肉又有陣陣檸檬清香味 好開胃 好欣賞佢有足夠既配茶配搭😌呢個要求好似好基本 但其實好多餐廳都做唔到 而配茶有翠肉瓜、茄子、黃瓜同烤薯 全部都好好食😋食得出係有擺心機👍🏼Yuzu Gimlet $118個賣相好得意☺️ 其實本身唔係太鍾意棉花糖 因為好甜 但點下雞尾酒（混合左柚子嘅微酸🥰 ）你就會發現原來棉花糖係咁好食😋 雞尾酒味道唔會過甜 好清新👍🏻👍🏻Jeremy’s passion $78呢杯cocktail 好開胃 主要係熱情果配搭果汁 🍹飲落酸酸甜甜 又帶點薄荷味 成個配搭好fresh 飲落好舒服☺️非常推薦比唔飲酒精既人👍🏼整體來講 非常滿意呢間bar 環境好舒服好relax 好岩同fd再黎吹水😆😉🍹…Read More

行過銅鑼灣 見到間新開嘅餐廳😍門面好靚😋😌似食韓國野 門口侍應又好好態度 就入去試下前菜主要係由韓式嘅醃菜同泡菜組成 佢嘅調味做得好好👍🏻 開胃得來又唔會過分酸😌 熟成泡菜布拉塔$145以往食韓國料理嘅泡菜大多都好酸 今次食呢味先知道正式嘅韓國泡菜係幾香同惹味😂 配上香軟嘅布拉塔芝士🤗 口感味道都一流😆紅竹蝦$178第一次食呢一種蝦 真係又大隻又鮮甜 仲要有蝦膏🥰 燒出嚟嘅焦香 令人一聞到就好想食 識落啖啖肉又鮮甜😌 係性價比非常高嘅一道菜😆牡丹蝦 $178前菜叫咗牡丹蝦 外型晶瑩剔透 🤩食落去非常鮮甜 上面仲有配上新鮮嘅海膽同埋少量嘅魚子醬 而蝦下面又有配脆卜卜嘅紫菜 食材非常新鮮海膽一啲苦味都冇 😉成個配搭非常之夾👍🏼👍🏼👍🏼烤和牛肉 $178韓式烤和牛肉伴有牛肉醬汁 食落去味道比較偏甜 牛肉唔會煮得過熟 係燈光底下睇仲有少少紅色嘅 聞落都好香 食得出係靚牛肉😉韓牛胸肉 $520呢度菜式係即場有侍應係你面前幫你燒同煮埋 😙首先有職員會幫你煮熟啲牛肉 然後再加少量橄欖油 將其餘嘅配菜煮熟 配菜有好多種類其中包括靈芝菇 泡菜等等 😋值得一提嘅係呢間餐廳嘅泡菜調味調得好好 辣度、酸度同甜度嘅比例拿捏得非常之好 食落去真係好開胃☺️😋…Read More

今次試吓小本經營嘅泰式店舖廣島蠔冬陰功湯底金邊粉$99廣島蠔食落去都新鮮 份量都好足夠 有大概五隻而湯底方面 飲落有陣先甜嘅味道 亦都唔算好辣怕辣嘅朋友都可以試吓 😆另外仲有蝦同埋青口等海鮮嘅配料 一人份量來講都好多餸🙈青木瓜沙律$49青木瓜嘅份量好多 沙律嘅調味有酸酸甜甜咁 喺食飯之前食過好開胃 $49來講都算抵食😚泰式炸蝦餅$49蝦餅食落去有口感 啖啖肉😜食得出入面都係有足夠嘅蝦肉去整 再配埋蝦片食 好香口😙香茅斑斕梳打$28味道比較fresh 偏清淡嘅路線 如果食得太過濃味飲番杯中和下都唔錯㗎😌…Read More

屯門市廣場呢間cafe次次經過都要排隊 今次夜晚終於試到😚煙三文魚芝士窩夫🧇$98咸窩夫有驚喜 入面有火腿同黑胡椒粉做調味 三文魚份量都好足夠 有四大塊💕😍另外仲有配埋芝士醬 芝士醬味道唔算好濃 所以食落唔會好膩 推薦👍🏼慢煮雞胸紅菜頭沙律🥗$72呢個沙律份量好多 兩個人都食唔哂 有好多紅菜頭同雞胸肉 雞胸肉冇落好多調味料 食落感覺好清新同好健康😂😉燒醬油黑毛豬白切肉飯$128簡直似係韓式嘅東坡肉飯😂 醬汁調味恰到好處😆 唔會話過分甜或鹹 之後帶到豬肉嘅香味 不過怕邪惡嘅人就唔好食太多啦🤣 賣相同份量都好充足濟州甘橘乳酪$68有個橙插咗喺度令到賣相好睇好多👍🏻 金橘同埋乳酪合埋嘅味道都好襯 互相唔會搶大家嘅味道🥰 熱情金菠蘿沙冰$68飲得出係有真正菠蘿汁係入邊 成杯嘢飲嘅甜度都適中☺️ 有菠蘿嘅香甜味道 👍🏻清甜菠蘿忌廉三文治$68呢道甜點好特別 菠蘿勁甜😆又切得好厚 啖啖都有好甜既汁滲出黎 好fresh…Read More

今日嚟到新加坡出名嘅火鍋店 裝潢都新同光猛 座位都好舒服乾淨 先要讚一讚佢嘅食物大部份都有半份同全份選擇 😌可以根據自己嘅食量去叫 非常貼心🥰清涼解熱雪耳椰子鍋 $168個椰子湯好清甜啊🥰🥰 一滾就忍唔住飲咗幾啖先開始碌野食 湯料有好多椰子肉🥥 雪耳嘅份量都好多 口感同味道個樣都好夾👍🏻👍🏻醬料方面每人為$20 有好多醬料選擇 😛包括沙嗲醬、辣油、蒜油等 佢仲有前菜任食 例如涼拌雲耳、青瓜 仲有生果任食🤩例如西瓜、火龍果同橙🍊真係非常之抵！凍豆腐$19 腐竹條$19凍豆腐一舊好大舊 食落好索湯 而且口感都好滑 腐竹條都係食落去好滑 好有味😋蔬菜方面叫咗皇帝菜$19娃娃菜$14同埋白蘿蔔$14 我哋叫嘅全部都係半份 兩個人食其實都已經好足夠 😉價錢方面真係一啲都唔貴 啲蔬菜食落都好新鮮👍🏼新鮮鴨血$29以往食啲低質嘅鴨血都覺得同食豬紅冇乜分別🥺 呢次就食到鴨血嗰種Q彈既口感 加少少醬料就好滋味啦🤏芝士蝦丸$49蝦丸質地都幾彈牙😆 加埋芝士喺中間估唔到有幾夾喎☺️ 如果大粒啲啲就過癮啲啦嫩肩小羔羊肉49依個份量又幾抵食喎 羊肉都冇乜騷味😏 加少少醬油就已經好夠味🤗🤗炸魚皮$24依樣好快就嚟到🤗 完全係止餓救星 又香又脆🥰 日本香肩白豬肉片$69食豬肉片通常都比較穩陣🤔 依一樣都唔例外 唔會太肥 而且都有少少肉香味😆 啱晒想食啲肉又唔鍾意油膩嘅朋友👍🏻值得一讚嘅係嘢飲$25每位 🤩係無限添飲 😍😍有紫背天葵、竹蔗茅根同埋自家製水果茶揀 我最推介竹蔗茅根 店員幫手添飲嘅時候見到水壺有充足嘅食材 😙睇落去都見到好足料 而且亦都唔會太甜😇…Read More

今次嚟到元朗一間主打日韓料理餐廳 元朗不嬲都好多嘢食 呢間餐廳性價比好高 🤩非常推薦👍🏼👍🏼韓式泡菜煎餅 $58呢個煎餅味道好有層次 😚一食落口我就感覺好香口 慢慢咬多幾啖 嗰種泡菜嘅酸味同辣味就會出嚟 😋佢唔算好辣 點埋啲醬食都幾開胃㗎 而且份量都好大碟 抵食！🤩👍🏼蟹子芝士蛋卷 $68蟹子同芝士嘅份量好多 每一啖都食得到 我鍾意佢啲芝士味唔算好濃 😽成個味道感覺好balance 而且都好大條 食完都好飽😹牛油果炸蝦卷 $58啲蝦新鮮炸起 暖暖地又夠趣 飯嘅份量都好多 每一個蝦卷都好大嚿 🤤啲飯唔會好酸 飯同醋比例都調得好好👍🏼👍🏼海膽炒飯 $128就算唔係大排檔都可以炒得好有鑊氣😆 啲海膽就算炒熟左識落其實都係有啲甜味🤗 都令到個炒飯香口左 所以其實都幾有驚喜👍🏻刺身(三文魚、油甘魚、帶子) $148首先抵讚係佢切得好厚😆 咁先至食得出魚生嘅質感👍🏻 佢溶雪都做得幾好 三文魚味道都唔錯 帶子就會連埋一小塊檸檬 都鮮甜既😆 油甘魚就好好味 有魚油甘香☺️凍蜂蜜紅棗茶$15呢杯茶好足料 有好多紅棗 飲落好解渴又好開胃夏天飲好爽😆🥵…Read More

肉醬千層麵蕃茄醬酸酸甜甜好開胃 中和一下芝士既邪惡感 配上稍稍煙韌嘅千層麵 整個配搭都好夾蒲燒鰻魚滑蛋飯隻蛋整得好滑 鰻魚好大條又多汁 而且鰻魚都好新鮮 又冇咩骨 好好味😋仲有啲沙律做配菜 食落都好Fresh 檸檬氣泡咖啡呢個飲品好似飲緊汽水咁🤣 我都唔知要形容佢係檸檬梳打水味嘅咖啡定係咖啡味嘅檸檬梳打水🤣🤣 但個感覺好清新 係好少有令到我有啲解渴感覺嘅咖啡飲品👍🏻😏Tiramisu 特飲呢杯野好少Cafe有得飲 所以就叫咗杯 聽個名就知道係肥仔嘢 但係飲落都好爽嘅 尤其是大熱天時就更加應該要飲番杯凍野啦🧉😆…Read More

今次黎到北角打邊爐 呢度環境好有特色 好有家既溫暖感覺 😝一開始侍應就拎左一大盤醬料比我地選擇 有佢地自己炒既沙嗲醬、麻辣醬、蔥油...淨係啲醬料就已經落足心機👍🏼值得一讚😙椰子雞湯侍應拎煲湯埋嚟嘅時候職場開咗個椰青倒晒啲水入去 鮮雞同湯係分開上🥰 湯啱啱滾嘅時候飲咗幾啖先至再落雞 非常之甜 同時又好濃郁🥰🥰 而且最犀利係啲雞有雞味之餘擺落去煲湯到一路滾都仲係好嫩滑👍🏻蝦滑🦐真係打得非常之滑 食落口感都係非常彈牙😆 再配上粒粒蝦令到味道更加有層次👍🏻 鮮腐竹、紫菜炸響鈴腐竹最緊要就當然係夠滑 同埋食落有淡淡的豆香味🤗 響鈴夠脆口之餘仲落咗好大塊紫菜 擺一擺落湯拎返上嚟就聞到好香嘅紫菜味🥰娃娃菜、白蘿蔔打邊爐都要食返啲菜平衡下嘅🤣 依度揀嘅蔬菜都好新鮮 蘿蔔完全冇花心得來都夠晒甜 🤩 好適合呢個濃郁嘅湯底羊肉+黑豚肉羊肉一啲都唔羶 本身仲驚落左會整羶個湯底 但都完全冇呢個問題🥰另外 豬肉肥瘦比例適中 唔會話一落左肉就成個湯底變到好油唔飲得😆啲肉真係好新鮮👍🏼👍🏼檸檬薏米水🍋依度都有啲清熱嘅飲品 係一榨咁買 味道清新唔會過分地甜 可以中和下打邊爐嘅飽滯感 同時又清熱去濕😉…Read More