hahanama's Profile

屋企人生日訂左呢間。點既菜有片皮鴨，金華火腿，醬飯，荷葉雞，高力荳沙，松子魚。隔左好奈先記得寫，但整體感覺係好食，片皮鴨會請你食個小油酥，的確好酥，但係幾有特色。個雞慢煮，入味之餘d肉滑嫩。其他餸菜都好正，有機會會再帶屋企人過去再食。…Read More

朋友即興約食飯，之前有留意開呢間，不過一直無機會食。本身book左726果間，果到話呢邊即刻有位，同我留定先，好nice。要個辣花螺雞煲，4個人，全隻雞，一pot兩食，bb辣，岩岩好。跟住點左d店長推介既菜式，十全大寶丸，牛三郎，菜籃，響鈴，無限真露同青島，喊出黎。個丸真心正，雖然價錢係貴，都有佢價值係到。牛都好食，如果份量多d就更抵食。由於飲左唔少酒，已經無食慾去試個響鈴，非常之可惜。朋友話個芝士戈既份量唔夠，不過就咁自己炸大大碌響鈴都夠晒gimmick。總括黎講，食物係好食，價錢係貴，不過質素相約，掛住飲酒無食野好悔恨，會再黎。…Read More

想食健康少少，女朋友行開見過呢度有淮山面食，佢點左個醋浸豬軟骨蕃茄湯淮山面，我點左個雞肉魚腐淮山面。裝修舒適乾淨，仲有雲石枱，四四正正。上菜時會比埋個木盆你，雖然唔知有咩用，有d奇怪，但都算特色既。食物方面，豬軟骨好正，酸甜度適中，口感一流，淮山面感覺比一般面無咁彈牙，但係唔難食。雞肉全部雞脾肉，去脂去皮，健康得透切，唔錯，魚腐同譚仔果隻唔同，都好食既。開心既係呢到有冬瓜茶飲，唔開心既係佢果日無供應，喊出黎。一碗$50內。接受範圍內，會再返去食。…Read More

口㾗想食上海野，咁岩同friend係附近，就入去。叫左個咕嚕魚柳飯，加錢配小籠包，一份排骨擔擔面，一份水餃。咕嚕魚柳，酸酸甜甜，好開胃，皮都脆脆地，仲要無骨，唔錯。擔擔面，食過好多款，我本人唔鍾意食酸果款，呢隻個味唔錯，不過我鍾意湯汁濃稠d，多d花生同肉碎。ok啦。水餃同小籠包，老實講好失望，個水餃個賣相好差，係，無圖我講咩都得，似係真係用水烚，無味，個皮好厚，又爛爛地，似係一早煮定再加熱，我明做生意分秒必爭，上得遲又比人鬧，幫你解釋埋，但係都希望可以諗個辦法，唔好比我發現你煮定，比如係個皮薄d，會唔會快d熟。仲有就係個餡，我覺得唔係咁好吃~每人口味唔同~小籠包無期望亦都無驚喜，最後埋單$2百幾。總體黎講，食物素質參差，連鎖上海菜黎講可以再做好少少。…Read More

有朋友出國，最後聚餐，一行12人，九點後入席平$10，我地有兩個鍋兩款湯底，一個係養生鍋，治陽痿同早洩，另一個係麻辣。落單方便，掃掃code,㩒幾下就有，唔㙙得人過黎收你張點菜紙，仲有提醒埋你有幾奈時間，個人好欣賞。食物質素方面，我覺得物超所值，肥牛肥羊滑雞件我都好鍾意，丸類又新穎，款式又多，仲比你任叫海鮮，朋友狂點蝦同埋蜆，仲有黃金魚皮，雖然無Irving咁正，但至少有提供到，淨係食物種類與別不同呢一個point,已經吸引到我再黎多次。嗌左半打啤酒，埋單每人$180到，大滿足。大家朋友聚會黎講都推介呢一間！掛住吹水食野無影相，有機會再補返~…Read More

同朋友一共4個麻甩佬食，就好豪爽咁叫左個八款海鮮既鍋，送埋串串燒同熱鍋任食。一上菜，非常浮誇既大鍋，上面放住各色各樣既食材，鮑魚，聖子，蜆，帆立貝，蟹等等，仲有烏冬底，蘿蔔又入味，正呀。因為太心急，我食既時候d野未熱晒就放左入口，浪費左，大家去食既時候記得滾起先好食。最後叫左個hogarden tower, 埋單每人$450到，對窮j黎講係貴，但係食海鮮，飲啤酒，我覺得差唔多價，係一個唔錯既體驗。會推介比大家,亦會再返去食，不過應該唔會食咁貴啦~…Read More

女朋友介紹，除左譚仔，雲貴香有得食米線外，呢間都好似唔錯。我地一人叫左一碗，價錢$50-60到，都平民大眾化。我果碗藥饍雞，雞浸得幾滑，個湯有d當歸頭，黃耆，甘草味，藥材味睇大家鍾唔鍾意，我就接受到，雖然無飲晒d湯，但我都覺得健康作為賣點係唔錯的。另一碗蕃茄豬軟骨，酸酸甜甜，我女朋友都好鍾意，仲有d金針花定唔知蟲草花，菇，豆卜等等，都幾豐富，食到好飽。總括黎講，食物質素唔錯，店員友善，對鍾意健康飲食既貧友係唔錯既選擇。…Read More

早幾日睇youtube，見到有人介紹wellinton beef，咁大個仔未食過，好想試下，女朋友揾左呢間方便就腳既西餐，又見食評唔錯，lets go！呢間係openrice訂枱點set menu上有折，但係因為唔岩我地，最後都係單點，叫左個威寧頓牛，一個蝸牛酥，最後加左個雪糕梳夫里。一入到去，個感覺唔錯，四四正正既西餐廳。第一味蝸牛酥，口感特別，外面鬆脆，內面有𡁻勁。第一道菜等左頗奈，以為佢新鮮焗，不過唔知點解上菜果時都唔係特別熱。而且個底好厚，有d位焗唔脆，變成一大舊粉團既東西，食得落肚，但係唔好食咁解。第二道我最期待既畫面出現了！賣相唔錯，價錢適中。食第一口好興奮，不過舊牛有d凍，又好似唔夠juicy,一樣有角位粉團焗唔熟既情況，呢一味既夾層佢係用菇，而唔係攪碎佢再做醬，睇你鍾意食邊款。我睇一次，無比較，我比6.5/10啦。最後甜品，整體都ok，好味既。衰在佢有粒莓，發毛，係真係睇到d綠色既毛係到。omg。我接受唔到。所以係呢個位對間餐廳既印象即刻大打折扣。希望佢地會留意返，難食係其次，唔好食壞人，保持衛生先係最緊要。…Read More

本人唔係成日飲早茶，最常幫襯就係都係同樣係旺角區既點點心。同果間比，呢間算係比較傳統果種飲茶。早市六折，星期日加一蚊，另外加12%服務費。一入黎，見到d餐具都幾新淨，本人覺得加分。點左個$16既北菇蒸雞飯，份量唔多，細細碗，岩岩好可以留返d quota食其他點心。跟住黎既係煎芋頭糕，雖然我覺得好乾，我女朋友點辣醬食話好正，勁多芋頭。第三樣係我每次飲茶都必叫既奶皇包。呢個奶皇包有驚喜!本身expect佢只係聲稱流沙，點知入面真係勁流沙，奶皇涵足，入面仲有旦皇粒，好癲！最後既係灌湯餃同燒賣，兩樣點心都唔差，本身對灌湯餃無特別鍾情，之前係第二間食過好難食，有泳池氯水味，至少呢到無，我已經收貨。上面仲有少少魚翅，唔食魚翅既朋友就要注意啦。總括黎講唔差，上菜慢左d，但食物夠熱，而且素質同價錢相稱，岩晒咁岩口痕想飲茶既食客。…Read More

外表裝潢很有味道的一家面店，內裡格局也很有中國古色風味。點了一碗魚角雲吞面，一碗炸醬面。魚角非常彈牙，比一般出色，雲吞餡料也很足。炸醬面反而有點失望，可能小弟吃不慣，感覺甜酸辣咸未找到平衡，內也硬硬的。價錢比一般面店貴小許，質素參差，未能比較。下次再試試我最愛的牛腩面！…Read More