ChristinaF..'s Profile

同男朋友星期五晚一齊食餐豪嘅上次同朋友黎時人流唔多，印象中野食唔錯，仲嗌左一勺清酒今日冇咩興致飲酒，但記起呢度野食都唔錯就黎左食張檯本身擺左清酒杯都知間鋪提醒我哋要飲酒待應前後問左總共我哋三次要唔要飲酒😂食左成五舊水唔係好知食左咩呢間野真係有其他人講得咁好食咩？😓好普通，玉子唔香甜，芝士係上面燒既一pat野，鰻魚有但唔係好食到😂男朋友鐘意食魷魚，但好失望，食到酸味，又唔酥脆，分分鐘街邊$20一包都同佢差唔多甚至好過佢😂免治雞串$38雞軟骨串$32蘆筍豬肉卷$38串燒唔差，如果再黎（但唔會啦）應該淨係嗌幾串串燒&酒就算了😂免治雞肉串有蛋黃壽喜燒汁可以點，幾香甜，雞軟骨正常，蘆筍串啲蘆筍又甜又多汁幾好味//雞皮串$32⭐️⭐️⭐️⭐️⭐️得一串所以冇影相…岩岩炸起，炸得好香口，成餐飯最好食//唔太新鮮，蝦身正常甜，蝦頭食到酸味😂冇得輸之選，有鑊氣，鰻魚好香，有魷魚係入面。有嗌到呢碟補救返餐飯係不幸中之大幸…Read More

三個字講哂：平靚正好食夾大份平，兩餸飯$36 三餸$44服務態度好，次次都多謝我☺️員工熟手爽快仲可以係OpenRice預先嗌外賣自取，指定時間到店攞完就走得強力推薦…Read More

同眾多其他食評同樣，後悔冇睇OpenRice 就入嚟…嗌左個三色芋圓同芒果雪花冰加荔枝爆珠，兩樣都份量好偏少，尤其個芋圓真係細份，又得堆糖水浸住，芋圓唔算好食（同堆台灣甜品鋪比輸幾條街）雪花冰啲冰還可以，芒果好少唔算甜，爆珠更少，咁樣要加十蚊。埋單成舊水，心諗我食左啲乜。個店員一副厭世樣完全冇招呼，以食物質素黎睇好合理。希望其他人睇左食評先唔好中伏入黎。雖然你睇到呢度應該都好大機會已經好似我地咁坐左入黎😂…Read More

係附近上完information session 路過呢間野 諗住食d野先留屋企所以就比個熱情既姨姨招左入去😂大伏，唔好試：雞脾薯條茶餐雞脾太濃味 好乾 好老 得個咸字薯條岩岩炸起 得新鮮一樣好 但係冇調味 食到好乾噌噌晚餐價$43 其實只係平左少少 內容同茶餐一樣我比盡你都得$35啦阿姨個句「冇早餐供應所以茶餐轉左做全日餐」其實唔make sense …Read More

同係韓國留學試既朋友們重聚，梗係要簡返d韓式既野食啦。適逢bhc來港，一於去一探究竟啦～大約6點3去到攞飛，登打士廣場𨋢位個入面變左做純出口，收銀&排隊位係對頭。個個位好窄，好多人出出入入，我地等左半個鐘到就入得座，以排隊人數黎睇應該係算快既，不過店內有一兩張枱成晚都係reserved既一入去女待應就同我地解釋個menu邊d有邊d冇，最頂頭個款芝士粉得返全隻雞，冇全翼或全槌。想嗌既芝士蛋捲又冇。另外仲有幾款都有限制，店員草草講完就走，明一半唔明一半咁。D雞等左無幾耐就到，雙拼甜酸雞同原味雞熱辣辣，呢點抵贊，但係芝士雞粉太重，一食落去成咀都係粉。佢地d雞胸砍得太散，食一件好唔滿足，下下食到骨，炸粉又太多。店員既態度一般，好幾次好似都唔太想理我地，menu雖然有英文但說明不足，我地搞清楚有咩好食都要一段時間。鋪頭應該冇領酒牌，本身想食炸雞啤酒都要放棄了。:(下次食炸雞會去其他地方～…Read More