Lovefood_loveeat's Profile

豪宴薈係位於將軍澳康城路1號The LOHAS商場內4樓新開嘅中式酒樓當中 #晚市開心孖寶 好吸引！$338就食到 上湯焗西澳洲龍蝦🦞 + 脆皮吊燒雞🍗一斤重嘅龍蝦啖啖肉，肉質鮮嫩並創新地以稻庭烏冬作底🍜吊燒雞外皮烤得非常酥脆，帶有金黃色澤。雞肉多汁，口感柔軟👍🏻#海皇什菜煲足料海鮮，有帶子、魷魚、大蝦乾🍤蝦球🦐 乾瑤柱，鮮味十足！粉絲、什菜吸收哂上湯同海鮮嘅鮮甜！呢味餸清清淡淡，無論老人家定小朋友都啱食。…Read More

今日晏晝同班friend嚟到土瓜灣呢間「有間茶記響附近」，卡位坐得闊落舒服，冷氣夠涼又唔會太凍。伙記阿姐見我哋第一次嚟，好友善咁介紹招牌菜，仲提醒我哋焗飯要等耐少少，服務真係冇得彈！✨必食推介✨牛扒咖喱焗飯：焗到金黃色嘅芝士鋪滿成個碟，切開見到厚切牛扒同香濃咖喱汁。牛扒嫩滑唔韌，咖喱香而不辣，撈埋焗飯一齊食真係無得頂！炸雞髀：雞髀大過手掌心，炸到金黃酥脆。外皮脆卜卜，入面肉汁鎖得好好，點埋喼汁食更加惹味。厚切西多士：邪惡甜品之選！西多士厚切到成吋厚，炸到外脆內軟。甜到入心但完全唔膩。間舖雖然唔大，但食物份量十足，價錢又街坊。最鍾意佢哋嘅人情味，伙記仲會同熟客傾吓波經。臨走時伙記仲送多杯凍檸茶俾我哋，搞到已經心思思想再嚟過！…Read More

遇見小面在內地有眾多分店，之前出去玩都試過幾次，見香港開了分店就過來捧場。理所當然我哋點了招牌的金碗酸辣粉。酸辣粉酸辣煙韌，配以榨菜花生，口感層次豐富。接著是老麻抄手套餐，抄手皮薄餡多，抄手的餡料鮮美多汁，搭配麻辣湯底，麻辣味十足。另外也點了爆漿豆腐串，外皮金黃酥脆，內里豆腐依然保持嫩滑。之後是安格斯肥牛陽光番茄湯麵，湯底帶有番茄的酸甜，肥牛份量十足，還可以續麵，性價比極高，我見在場都好多人點。最後是琥珀冰粉，冰粉滑嫩，帶有茉莉花清香的味道，搭配花奶，十分清新，很適合食完麻辣主菜 Refresh 一下。…Read More

放題店必點嘅菜式，非刺身莫屬各類型魚蝦、帶子等等都新鮮好食！而熱盤除咗有日式小食：燒魷魚、鏝魚、牛柳粒、羊架、牛舌，仲有韓式小食炸雞🍗燒得好香，炸得好脆！一上碟就香氣撲鼻，份量十足。呢間餐廳連打邊爐都有，幾特別，湯底要左個花膠雞煲，個湯濃郁香口，仲有大量花膠，好滋補👍🏻👍🏻配料亦又好多選擇，有肉、各底滑類、菜、麵等…我哋更升級咗生蠔set，淡淡海水香味，入口清新🦪有時候想食放題，又想打邊爐，呢間餐廳一次過滿左兩個願望！…Read More

🌟必點菜式🌟即煎嘅熱辣辣生煎包，肉汁豐富，餡料飽滿！🌟開胃推介🌟酸辣湯麵🍜足料酸辣湯，酸味岩岩好，同煙煙韌韌嘅麵條一齊食，好夾！🌟滋補湯水🌟雲吞雞湯飯個湯底好有雞味，食得出落足料煮，食完都唔口渴，雞肉又多，再配埋個白飯，滿足晒。🌟親子啱食🌟兒童餐份量好多，有齊意粉、雞排、腸仔同粟米，仲有野飲添。堅信號上海生煎皇 地址: 香港將軍澳唐德街1號將軍澳廣場1樓L1-126 - L1-129號舖…Read More

光線充足，環境優雅，有室內及室外雅座，幾十蚊一份嘅下午茶，絕對吸引！強烈推薦🔸芝士安格斯牛肉漢堡：🍔🥓份量十足，唔講以為食緊過百蚊burger餐安格斯牛肉肉厚多汁，配上芝士同秘製醬汁，啖啖滿足，配上美式薯角，新鮮脆炸，加埋野飲，都只係幾十蚊🔸英倫紳士炸魚薯條：炸魚薯條🐟🍟唔係好多餐廳會供應，因為要新鮮即炸，魚大大塊，外脆內軟，好多魚肉，足料呈上，加埋檸檬汁不得了，又係超值好推介👍🏻👍🏻🔸芥末雞扒漢堡呢個雞排包大大件，芥末清新開胃而且雞扒啖啖肉，肉汁爆曬出黎係一個好豐盛嘅下午茶…Read More

今次選擇咗佢嘅三道菜套餐，價格$275。無論擺盤定食材都有高質享受😋前菜嘅牛肉他他鮮嫩，加上鹽漬蛋黃濃郁口感，清甜嘅韓國梨，令成道菜清新細膩，而多士酥脆口感與牛肉他他柔和，形成強烈對比，好特別！朋友前菜就揀咗炸腐皮蝦卷，香脆可口。主食我就加咗$88升級做澳洲和牛肩胛板肉 M6-7，非常值得，grill mark好出燒得好香，澳洲和牛肉味亦好濃郁，推薦！朋友揀嘅焗釀雞卷，包住咗火腿同芝士喺入面，食落口感豐富。甜品好多款都想食，我哋一個揀咗車厘子朱古力慕絲，好香濃軟滑；另一款揀咗海鹽檸檬梳乎厘蛋糕，梳乎厘蛋糕口感輕盈，檸檬酸甜，海鹽微鹹，麻糬Q彈，香緹鮮忌廉絲滑。…Read More

餐廳環境清新優雅，感覺舒適。座位闊落，一家大細坐都唔會迫，朋友聚會都啱👍🏻兩公婆一齊晚餐，於是叫咗一份 <與你分享2人套餐>有主菜，飲品及雪糕▶️照燒汁煎乾蒜美國牛柳粒煎得香脆可口嘅蒜片，啖啖肉嘅牛柳粒，最啱食肉獸嘅男士▶️龍蝦汁鳳尾蝦意大利粉🍝濃郁龍蝦汁，掛上麵條，配拆殼嘅大蝦🍤▶️紅酒燴牛面肉 伴薯蓉+烤澳洲西蘭花🥦高質嘅牛面肉，肉質幼嫩，牛味十足🥩而咖啡店嘅主角，一定要試吓咖啡，甘香回味☕️…Read More

今年聖誕大餐無去食西餐，而去咗陶源食中菜因為聽講最近除咗買一送一位每位小朋友仲送 西班牙黑毛豬叉燒飯 同小禮物🎁平均都係$284一位，就可以一家大細坐得舒舒服服嘆 鮑魚燕窩豪華餐🥢🔹冰燒五層肉拼黑醋高山木耳開胃冷盤前菜🔹五頭鮑魚伴百靈菇豪華五頭鮑魚配 大大隻冬菇🔹野竹笙鳳風燴燕窩食得到睇得到，啖啖燕窩🔹鹽酥小黃魚炸得香脆可口🔹秘制妙齡乳鴿外脆內嫩好Juicy🔹濃湯珍菌泡菜苗上湯浸嘅豆苗好清甜🔹紅米小珍珠健康嘅紅米版本珍珠雞🔹生磨蛋白杏仁茶滋潤養顏糖水仲有果汁🍹紅酒🍷除夕到新年前都有做推廣…Read More

每次經過屋企樓下嘅✨ 皇玥✨，兩個仔都話要入去買曲奇🍪咁啱要去朋友屋企housewarming，就預備咗兩款禮盒送禮🎁☕️伯爵茶蝴蝶酥精裝禮盒 一盒有16件，採用獨立包裝，每四件為一小包，乾淨俐落👍🏻採用法國天然牛油🧈配上秘製嘅酥皮，炮製出酥香鬆脆，媲美米芝蓮嘅蝴蝶酥。選用來自英國🇬🇧上等伯爵茶葉，經多重浸泡研磨，將茶嘅精華融入酥皮當中，茶香清新而不澀口😌🌰榛子脆曲奇精裝禮盒 一盒12件，獨立包裝結合中式桃酥嘅鬆脆口感 + 西式曲奇濃郁牛油香，獨特的烘焙工藝🧑🏻‍🍳創製出集「酥、香、鬆、脆」於一身嘅脆曲奇。
 
唔用豬油、起酥油，改以天然牛油、上等麵粉及鮮雞蛋為原料🥚配合精細嘅多重打發技巧多段慢火烘焗，令脆曲奇既能保持酥脆，同時有濃郁牛油香味。而混合香脆榛子粒，令口感更加脆身，充斥住果仁香氣🤤店員姐姐仲俾我地搶先試食皇玥人氣No.1 🏆🥇流心奶黃月餅🥮過一排又要準備為中秋節嚟搶購啦🛒🛒…Read More

工人姐姐界名物嘅Jollibee快樂蜂喺菲律賓爆多門市嘅速食店，以炸雞最為出名。今次就食咗佢嘅樂脆雞🍗同蘑菇飯🍄‍🟫組合啦！仲有最新推出嘅青檸茶梳打🍋‍🟩留喺餐廳堂食，成盤炸雞出場，見到流晒口水🤤而每件炸雞都做到外脆內軟，肉汁豐富。蘑菇飯唔會胡椒味好重引致好辣，好爽口。青檸梳打清爽可口，酸甜適中，好解渴👍🏻標準配備嘅薯條，鹽粉唔會太多，有少少淋身。一份餐$49，有肉有飯，性價比高。…Read More

🐻熊熊主題餐廳同小朋友去街要揾親子餐廳真係唔容易，今次嚟到呢間，裡裡外外都被熊仔包圍，又有遊戲區嘅親子餐廳🍴哥哥揀咗一份得意又可愛嘅兒童餐肉醬意粉🍝+芝士雞尾腸 +粟米粒粒🌽加上小朋友至愛💜啫喱 同果汁🍹生日之星⭐️細佬要咗份安格斯漢堡包生日大餐🍔有齊炸蝦🍤薯條🍟炸雞翼唔少得飯後甜點🍧雪糕啦！職員仲好細心，送嚟兒童餐具🥰#九龍灣 #MegaBox #九龍灣餐廳 #親子友善#熊仔主題餐廳…Read More

依加主題餐廳 大行其道，今次就嚟同Kuromi打咭啦！主菜揀咗💜Kuromi邀你共享精緻意大利飯紫色嘅意大利飯，完美展現Kuromi加上滑嫩肉卷，成盤又靚又好食🤤💜與Baku共享全日早餐呢個All Day Breakfast好豐富，有齊香腸、煙肉🥓、煎蛋、煙三文魚、番茄🍅沙律，再加上得意又可愛嘅吐司麵包🍞無論顏色定口感都好吸引🤩配杯熱咖啡☕️成個人暖笠笠。Kuromi公仔喺面，微甜嘅紫薯中和咖啡嘅苦，好好飲👍🏻小朋友就最鍾意飲果汁沙冰🍧呢杯 藍莓無花果沙冰，藍莓🫐嘅果酸同無花果天然甜味好夾，有種清新嘅感覺。當然唔少得飯後甜品啦！呢度嘅pancake最出名🥞藍莓希臘乳酪梳乎厘，表層微微焦香，口感輕盈蓬鬆。酸甜嘅藍莓，配上creamy 嘅希臘乳酪…Read More

食材高級，殿堂級既放題🤩有黑魚子醬、鵝肝、海膽、H同M品牌雪糕等，數之不盡…所有海膽菜式都用日本海膽🇯🇵三百幾蚊連魚子醬都任食刺身款類多，有三文魚、赤貝、海老、帶子等，點完好快上菜，而且全部都好鮮甜！除左刺身，必叫既野食包括黑魚子醬、鵝肝多士、冰鎮鮑魚、海膽軍艦、三文魚子海膽拖吞拿魚卷，食材難得🍣🍣由其係黑魚子醬，甘味清新，誠意十足 ‎熱食亦選擇好多，包括各類串燒、羊架、牛柳粒、椰子燉蛋白等🥩🍗餐廳內內外外裝修都好光猛、空間感大。飲品櫃有大量選擇，各式各類既凍泡茶、汽水、無糖飲品，仲有咖啡，連樽仔奶茶都有，多不勝數，實有岩飲既野放題自助吧絕對係酒店級，冷熱盤都有，而且絕不欺場，有凍蝦、青口、三文魚子醬、🥗沙律等，熱盤有炸雞、小龍蝦、炸鮮奶甜品🍧🍦🍨亦有多款選擇，名牌雪糕、機製雪糕、各類cake、連楊枝甘露都有，真係款色多而且高質。真係食到飽住出去，呢個價錢有呢個享受，cp值絕對係高💯…Read More

#臨近年尾越來越多party 早排halloween就成班朋友嚟咗屋企玩，人多要預備嘅嘢就更多，懶得煮就梗係叫到會啦！今次order咗✨到會家 皇牌10人套餐✨包裝好好，絕無滲漏，送到嚟都熱辣辣👍🏻十人餐份量好多，有齊沙律🥗三文治🥪小食🍗主菜🥓麵食🍝仲有甜品🍮蜜桃燒雞車厘茄沙律🥗受大人小朋友歡迎，清甜蜜桃🍑、香嫩燒雞、新鮮爽口車厘茄🍅搭配清爽沙律醬，整體味道更加均衡。而且營養價值高，適合追求健康飲食嘅年輕人至尊龍蝦沙律酥盒🦞酥盒既外皮香脆，配合龍蝦沙律作為小食，非常開胃。香蒜蜂蜜BBQ脆炸雞中翼🍯雞翼香脆可口，肉質鮮嫩，配上香蒜BBQ蜂蜜，口感豐富，屬小朋友最愛之選。牛油果醬吞拿魚三文治🥪牛油果醬口感creamy 順滑，配埋吞拿魚非常夾蔥香牛五花和風炒烏冬🍝牛五花肉汁多，少少蔥香加和風調味炒烏冬，唔會太油膩，可以食多幾碗。炭燒豬頸肉燒雞扒🥓豬頸肉以炭燒處理，而燒雞扒外皮香脆可口，内裡肉質鮮嫩多汁兩者再搭配微辣醬汁，更添風味！麵包布甸🍮聖誕節必備嘅小甜點口感獨特，甜度適中，大人細路都岩食。…Read More