556mummum's Profile

今日去咗大埔採購材料，行到晚餐時間，發現呢間德國餐廳，都幾多人食，環境又幾好德國鹹豬手配酸菜及薯仔沙律🐷🥗份量非常大，2-3人都絕對夠食！豬手皮脆肉嫩，而且上碟起肉，方便進食，配上蜜糖醬同埋黃芥末醬，可因個人口味點醬汁，酸椰菜絲同薯仔沙律都唔錯香草醬煙肉三文魚意粉🐟🍝意粉嘅香草醬濃郁，同煙肉同三文魚好配合，而且配料好足，有兩大塊煙三文魚同埋煙肉、蘑菇呢間餐廳環境氣氛不錯，而且性價比高，有機會去大埔可以來試吓！🗺️德國餐廳 (大埔超級城) (大埔)大埔寶湖里3號大埔超級城E區地下319-320號舖…Read More

作為酸菜魚愛好者，我都食過好多間唔同嘅酸菜魚，去到屯門專登搵下有咩好店，呢間嘢係Openrice好多好評，諗住去試下啦呢度嘅枱、餐具都啲痴立立，我同朋友一坐低就用濕紙巾自行清潔。叫左個前菜黑醋小木耳，$38唔算好大碟，味道就一般，醬汁都幾多嘅，酸酸哋，本身鐘意黑醋嘅人都可以試下。黑醋小木耳($38)魚嘅份量好少，唔入味，湯又太鹹，底下就有薯粉、芽菜墊底。酸菜鮮魚片($138)本身仲叫左個麻辣乾鍋，但餐廳漏咗單，食完成盤魚都未上，見啲嘢食唔係咁啱食，所以都冇再提返餐廳了。…Read More

鳳嗚居真係我耐唔耐就想食嘅餐廳，醉香雞湯麵真係百試不厭，試過一次叫咗其他嘢之後，以後都叫返醉香雞湯每次嚟都一定要等好耐嘅人氣餐廳，但我次次都唔介意等，因為真係太鐘意！而每次都一定係叫醉香雞湯麵，湯底好濃嘅酒香，但不失鮮甜。湯仲有木耳同紅棗，好好味。雞件份量唔少又大件，嫩滑又夠味。仲配埋個辣椒豉油用嚟點雞超正！價錢仲要唔貴，50蚊有大大碗。醉香雞湯麵($50)呢度嘅店員一路工作一路唱歌，好搞笑😂😂有良心又好食嘅店真係唔多㗎，一定要嚟試！…Read More

係香港好少接觸到新加坡嘅食店，一船食海南雞都會係食泰式嘅。因為好奇下新加坡嘅海南雞所以就去左試呢間。叫左招牌嘅海南雞飯，由於我未食過新加坡式嘅海南雞我都唔知佢正唔正宗，但我就麻麻哋鐘意。雞件冇雞味，好淡又冇味，但就好嫩滑嘅。油飯好甜，佢比起泰式平時食開嘅油飯甜，亦都較深色。星洲雞飯海鮮喇沙米粉個湯好淡，唔好味，唔夠喇沙嘅香料味。而海鮮配料就係預期中嘅兩隻蝦仔、兩片魚片、一隻青口同半隻蛋。海鮮喇沙米粉 ($55)…Read More

呢間船麵係朋友推介嘅，佢話食過好好食咁今日嚟到元朗就去試下。餐廳位於西菁街一排車房個邊，行到附近就比呢間店嘅外歡吸引住。叫咗碗豬肉船麵，有豬肉片、豬肉丸、炸豬皮。豬肉丸正正常常，炸豬皮好脆亦好特別，但豬肉就好失望，好鞋好韌，仲有陣雪味，我估呢樣係冇人接受到嘅。但係湯底就幾濃，會令人想飲嘅。豬肉船麵($60)之後我同朋友講返，佢話上次食牛肉船麵係冇問題嘅。如果想試，建議叫牛肉千祈唔好叫豬肉！由於個豬肉片令我好失望，我只當今次係支持一下黃店。…Read More

呢間位於聯和墟嘅拉麵小店，係我由細食到大嘅一間都幾喜歡嘅店。記得以前細個食呢間門口係要排長龍，亦都非常樂意去排。近年少左去食，唔知原來由太子女接手。今日同一位由外國返嚟，自少住聯和墟嘅朋友重遊舊地，見到呢間拉麵店即刻決定食呢間。我哋揀左雜錦拉麵，有一塊肉仔、半隻蛋、紫菜、蟹柳同粟米。湯底我就揀味噌，朋友就揀醬油。我哋不約而同覺得湯底係死鹹，麵質似太硬。朋友更話食似食緊碗出前一丁，質素比以前差了很多。相信佢真係好失望，童年回憶破滅。😂叫中size係正常份量，如果想試嘅話就唔好叫細size啦。味噌雜錦拉麵(中)$52醬油雜錦拉麵(中)$50…Read More

呢間位於新城市廣場地下最入面嘅一間餐廳，好容易被人忽略。咁啱見到個廣告「好食不止酸菜魚」就想去試下，因為同行嘅友人都非常鐘意酸菜魚。因為第一次食，所以冇升級到龍𧄌，只揀咗鱸魚，唔算好入味，但勝在大大塊，又冇骨。湯就好濃味，好味到湯都想飲埋。配菜嘅酸菜同薯粉就好正好送飯。稻成酸菜鱸魚($258)賽螃蟹好味，有一絲絲瑤柱同蟹籽口感有層次。瑤柱芺蓉賽螃蟹($158)小籠包都好滿意，皮薄肉汁多，又不會漏湯。稻成小籠包($48/4隻)叫左3樣嘢就差不多5百，但味道好，服務好，所以都好推薦嘅!…Read More

位於荔枝角D2 place嘅呢間勿當奴，次次去都滿座嘅。先購買食物再入座嘅，食物款式都好特別有乳豬卡邦尼、荷葉焗意粉等等。但我就試下啲basic嘢先😂美國穀飼叉燒煎蛋飯同炒蛋飯。叉燒好大塊亦燒得香口，蜜汁甜甜哋。煎蛋、炒蛋好襯個叉燒就唔洗特別講，最欣賞係個豉油汁，令到個飯更加生色不少。$58叉燒同飯嘅份量好多，非常抵食!美國穀飼叉燒煎蛋飯 ($58)美國穀飼叉燒炒蛋飯 ($58)呢個餐廳嘅佈置得好生動，仲有得儲mee積分，推介大家試下啦！…Read More

呢間吉列牛好多foodie都有推介，今次專登出去試食。星期日下午一點去到已經好多人排隊，等咗超過半個鐘先入座。今次叫咗一份必叫嘅板燒吉列牛同板燒安格斯牛。兩份都分別係$118，加$20配定食就有埋飯同流心蛋。成set咁樣上菜，充滿儀式感，擺盤擺到成個笑哈哈咁好可愛。味道方面，我比較鐘意安格斯牛，肥瘦適中，有牛肉味，又唔會韌。反而吉列牛比想像中有啲失望，有幾片都痴到筋位，好韌，但就炸得好香口。溏心蛋都好正好啱味，加左定食就啱啱好！…Read More

銅鑼灣登龍街有好多食店，有幾間都係要排隊嘅人氣食店。今日去到想試下新嘢就去左呢間燈籠滷味。都需要排一陣先入座，入面有分上下兩層，位置都比較窄。好似車仔麵咁落單，喺紙仔上剔想食嘅嘢，款式都好多。咁就叫咗豬耳、鴨血同甜不辣。朋友就叫咗蘿蔔同貢丸，我哋都係叫王子麵。王子麵嘅麵質其實有少少似公仔麵，但份量就偏少，豬耳滷得幾入味，鴨血都係襯個麵，甜不辣就最欣賞，有台灣嘅感覺，甜甜哋煙煙韌靭。朋友叫嘅貢丸都好味，好重香菇味，但蘿蔔就好細粒，大粒返啲會更好。係銅鑼灣食一個人50幾蚊都算幾抵食嘅，下次再試埋啲小食先！…Read More

銅鑼灣有好多文青打卡cafe，今次去呢間係專飲茶嘅茶cafe（唔知可唔可以咁叫）成間店都係文青主題，客人都係靜靜地享受飲品、或者用電腦工作。專登揀左窗口位，曬住太陽打下卡，又可以望下出面繁忙嘅街道，同休閒嘅環境相映成趣。呢間店推介岩茶牛奶,其實就係烏龍茶嘅一種，好濃郁茶香。而我特別推介桂花蜜青心烏龍，係夏日限定，桂花蜜有好滋潤嘅感覺加上烏龍茶，好清新，好啱夏天。兩款飲品都好重茶味，完全同台式茶飲兩種層次。茶香係清新，入口好舒服，低糖但又唔苦。Chin Shin Osmanthus 桂花蜜青心烏龍 ($45)Rock Oolong Latte 岩茶牛奶 ($50)…Read More

珍苑真係平民美食，要推介比所有住上水嘅人。由細食到大，由舊鋪食到新鋪，仲要係良心食店！係珍苑我嘅至愛係滷水雞翼、雲吞同炸醬麵。呢三樣我平日會輪流咁嗌。今次同朋友嚟到就三樣都叫，一次過比佢試哂3樣。炸醬撈麵（$46）個炸醬甜甜地辣辣哋好好味，肉絲夠粗，唔會話叫炸醬好似冇肉食咁。麵好爽口彈牙，麵質超好。碗湯好香，又落左韮黃，每次一齊飲哂。淨雲吞（$39）雲吞好足料，蝦爽口彈牙，配埋辣椒醬食就最適合不過雞翼麵（$39）雞翼滷得好入味，又大隻，肉質嫩滑。每碗只係$39係我經常去幫襯，最緊要係又有良心又好食！💛…Read More

幾次經過都多人排隊，見下午茶時段就去試下。下午茶餐雞髀配沙律($43)雞髀炸得好透，外皮好脆，內面肉質嫩滑。沙律係普通罐頭水果，好甜又唔好味。下午茶餐配一杯熱飲$43唔太抵，呢個價錢我會選擇茶記或連鎖快餐店較抵食。…Read More

呢間酒店Cafe最出名係佢個Tiramisu，甚至話係全港最好食，因此來到Staycation一定要試下!Cafe係正酒店門口，一入到去就聞到好香咖啡味。佈置得好文青，嚟打卡十分適合。入住當日Cafe外面已經排住長龍，諗住check in完上房放低行裝再落去買Tiramisu，點知落到去已經賣哂!到咗第二朝，落去Cafe食Statcation Package包嘅早餐。Package包兩個牛角包同兩杯嘢飲，可以揀咖啡或者茶。牛角包好鬆軟，好重牛油味。Tiramisu($52)雖然係早餐，但都好想試埋個tiramisu 因為真係太難遇到！上層鋪滿可可粉，中間cream好軟滑，蛋糕又滲透了咖啡同酒。唔會太甜，好香咖啡味。唔鐘意太甜又鐘意咖啡味就非常合適。…Read More

平時因為工作關係好多時會係又一城食lunch，我好多時都會揀EXP，環境好、對住個溜冰場，一路食一路睇住啲小朋友溜冰都幾正。大蝦西柚芒果冷蕎麥麵($102)當日因為唔太肚餓想揀啲細細份嘅輕食，所以試咗呢款蕎麥麵。冷麵汁好足夠，蕎麥麵好掛個冷麵汁，唔會因為凍同唔夠汁而痴埋一舊。西柚、芒果、蕃茄都好夾個麵。西柚有啲酸，芒果好甜，食落感覺好清新。蝦都好大隻又爽口，但就冇咩味道。下次去EXP我都會再叫，清新嘅感覺好適合夏天，份量又啱啱好!…Read More