KaKa_2's Profile

好耐冇去中環mid-levels食野，原來宜家soho都已經易名叫荷南…ummm…Anyway…想食正宗pizza同意粉，找到呢間Fini’s，就在伊利近街街頭，扶手電梯旁。成條街好多舊樓都已經拆得七七八八。Fini’s都依然多外國人捧場。點了Fish & Chips, Bronx pizza 同Linguine Vongole,  正宗的味道，pizza做得相當唔錯，夠薄身，脆邊，陷料豐富。蜆肉扁意粉意粉夠Aldente…Read More

唔知食咩好時，就會想起呢間印度餐廳。熱辣辣、鬆鬆軟軟，富有麵粉香的印度烤餅，絕對係令人增加幸福感的comfort food，咖哩款式好多，其實有時不太懂得分辯，反正對我黎講，咖哩係配角，烤餅先係主角皇子印度餐廳另一道菜係好出色的，就係鐵板蒜子烤雞，一份大約有五件無骨雞件，大大件、啖啖肉，烤得香口有焦香，令人食唔停口。怕辣的朋友，一定要點一杯mango lasi 配搭咖哩，其實係芒果乳酪，唔會好甜，解辣一流。…Read More

個個月都要打下邊爐先安樂，今次嚟到啟德Airside的四面泰。因為新開關係，裝修真係幾舒服幾靚，冷氣超足，凍到要着外套。點左寶藏海鮮盛盒，就會送湯底，揀左冬陰功湯同椰汁雞湯，湯入面都幾足料，同埋湯頭好飲，順口唔會太過濃味，海鮮新鮮，另外加左一盤牛、菜同埋芒果沙冰特飲，最後當然要叫招牌椰皇凍，真係不愧為招牌，又滑又濃郁，超好味，而且份量都大，兩個女仔share都ok!…Read More

聽聞這個日式 brunch Semi-buffet有無限長腳蟹腳供應，相信亦是此brunch最主要賣點。星期六的12點鐘到達，相當快就差不多全場滿座，室內裝修係靚的，日光充足，令人坐得舒服，適合邊食邊慢慢傾計。自助方面的食物選擇算少，但魚生同壽司都高質，帆立貝相當厚切，比個讚！另外燒物都幾好食，關東煮都好好味，Encore了兩次。反而主角長腳蟹令人失望，蟹肉只得一個鹹味，沒有蟹肉應有的鮮味，並且肉質有點柴，遲了一條之後已經不想再食。套餐另外每人可以選擇兩樣主菜，我地揀左燒鰻魚同A4和牛鐵板燒，呢兩款都對板，尤其是鰻魚，很厚一大塊，燒得表面香脆，入口油脂豐富，相當不錯。希望餐廳可以改善蟹的質素，增加自助食物的選項，咁就perfect啦！…Read More

星期六來到一家大小最愛的意粉屋，時間上早，稍等20分鐘左右就入座了。小朋友本來話要食意粉，但見到燒豬仔骨同Pizza又改變主意，ＸＤ。最後三個人選擇左薯條，一整份燒豬仔骨同埋菠蘿火腿pizza。整體都好味，最出色係燒豬仔骨，非常非常入味濕潤，一Ｄ都唔乾柴，肉質好軟熟，一咬Ｄ肉就輕易離骨，小朋友竟然一個人KO左半份！！！下次去意粉屋，記得要點燒豬仔骨！！！…Read More

日本居酒屋，位於灣仔合和中心，開左好多年。傳統日式居酒屋裝修，昏昏暗暗燈光，帶點舊舊的復古味道。令我印象最深刻係和風卷，用Pancake皮卷住鰻魚，牛油果，飛魚子，鰻魚係軟綿綿唔洗咬果種，成個口感好似食緊一件捲蛋咁，好輕盈，難怪老闆話係人氣菜式。…Read More

鯉魚門海鮮餐廳林立，但就係欠蒸氣海鮮，呢間蟹仙開左係最碼頭隔離，位置好又有靚景，一家幾口，三兩知己食都可以盡興。蒸海鮮最講究食材質素，一食便知龍與鳳。揀左推廣二人餐，龍蝦、鮑魚、蟹、紅蝦、大蜆、生蠔、青口、螺等一應具全，食到尾已經10成飽，仲有海鮮粥，超級滿足。龍蝦同蟹最好食，蟹多膏，甘香鮮甜，肉質都幾鮮，每人有半隻。龍蝦係澳洲青龍，size幾大，長過手掌，多肉，肉質彈牙鮮甜。慢慢食，慢慢傾，享受180度海景，人生一大樂事。…Read More

好朋友話要帶我食好西，知我鍾意重口味，特登帶我試下台灣名物胡椒蝦。舖頭仔細細，但係人氣非常高。蝦煮法有好多種，胡椒、三杯、麻油、檸檬、蒜頭等，樣樣都好似好好味。最後決定要招牌胡椒蝦。由於蝦都係活蝦，限量供應，黎得早就着數Ｄ。活蝦真係唔同Ｄ，蝦膏滿滿，鮮橙色，非常鮮香，蝦肉好彈牙，胡椒味又唔會搶左蝦味，但可提升鮮味同食慾，食到停唔到口。檸檬蝦同樣出色，有Ｄ泰式風情。另外墨魚腸非常香脆可口，墨魚粒粒分明。下次番黎想食其他味道蝦，同埋其他小食。好朋友話要帶我食好西，知我鍾意重口味，特登帶我試下台灣名物胡椒蝦。…Read More

每次經過都會被精緻的環境吸引，同靚女舊同事食飯就選擇左呢度。有選擇困難的我們就選擇了二人餐，有沙律、蘑菇湯、扇貝明太子意粉、香煎西班牙豬鞍。推廣做緊加七十幾蚊有忌廉青口，價錢好吸引所以都加左。樣樣野份量都好足夠，兩個女仔食曬整個餐係非常飽。最鍾意蘑菇湯，好濃稠，好順口，味道平衡得好好。另外豬鞍都非常出色，肉質好嫩，煎到外表有少少焦，好香口。結尾叫左個心太軟做甜品，無論食到幾飽，唔食個甜品好似意猶未盡咁。呢個心太軟朱古力夠濃郁，好流心，暖烘烘咁食落好舒服。環境好好，好寬敞，燈光裝修等比到人一種好柔和放鬆感覺，真係好適合傾計。…Read More