davidli2010's Profile

偶然發現屋企附近有此店，由日本人夫婦主理，水準應有保證。捧餐招呼由老闆娘負責，可能有點慢，成日返開日本鄉下既我當然知道日本人速度，可以理解。最緊要係好味丫嗎，果然冇令我失望！兩個人食，嗌左一客咖哩豬扒飯、一客咖哩牛肉烏冬。試晒沙律同麵豉湯，沙律夠fresh不在話下；麵豉湯唔係濃果隻，但都夠味，又加左洋蔥，幾特別！咖哩配吉列豬是常識吧？外皮酥脆，肉質亦鮮嫩；咖哩牛肉烏冬都係上品，靚牛同甜洋蔥炒過，配稻廷烏冬，一流！另外加左兩款cheesecake, 布丁果款好香；NY夠晒濃郁。$15/件，細細件都好滋味。整體性價比都算高，每個餐都包沙律/湯，仲有汽水送。回頭率非常高既小店，值得支持！…Read More

一行5人去吃宵夜，眼見座無虛席應該靠得住吧。點了椒鹽鮮魷、魚香茄子和豉椒炒蟶子：先說鮮魷，菜單英文是deep fried ，但竟是炒的。不緊要，味道才最重要，但魷魚只炒至介乎生熟之間，亦不算惹味；之後茄子煲中規中矩，滾熱辣的，送飯還好。但塊頭較大，若能切細點則更佳；最後亦是為何筆者會大字標題為差勁呢，因為侍應阿姨在我們點菜時劈頭就是說海鮮最好味，一定要試試云云。甫上菜賣相都算正常，蟶子亦有小指的粗度。但有沙則罪無可恕！不是少量，而是啖啖都是沙！醬汁火候再好也是徒然。最後敗興而還，冇下次！…Read More

泰國菜響香港開到成巷成市，相信大家年中總會食唔少次今次去試呢間舖面細細，但坐得都幾闊絡服務員態度都幾親切，話唔想食套餐既可以推介幾道菜式畀我地:)於是乎我地就嗌左牛肉串燒，咖哩豬頸肉配薄餅，辣椒膏炒蜆同原隻菠蘿炒飯逐一點評下啦....首先串燒牛略厭肉質較韌，蘸用沙爹汁可更香濃為佳咖哩豬頸肉值得一讚既係薯仔夠多，切到一粒粒容易淋同入味。不過咖哩汁偏甜，香料同辣味可以更多就very good用黎蘸既薄餅堪稱全晚最佳，不論油酥同內鬆外脆程度掌握得好好，值得推介至於炒蜆可以佢地聽到我朋友話唔想食太辣，所以碟蜆幾乎唔辣，愛辣既朋友記得叫佢重手d最後炒飯：話明菠蘿炒飯菠蘿數量夠晒多，飯粒亦炒得粒粒分明，惟獨味道方面調味可以更濃總體環境都幾乾淨，味道再改進下就掂晒…Read More

一家三口逛完誠品和地庫的超市後六點半就打算入座，誰不知所有中檯(兩位以上)已滿亦因母親不願在8人方桌撘檯下等了廿分鐘:(甫坐下便立即點餐.....點了酸辣湯：傳統口味，以酸為主，初入口我也差點嗆口，誰知越飲越過癮，有點三六九的酸味加強版。雞排擔擔麵：雞排夠大塊，肥瘦得宜，肉汁相當豐富。至於擔擔麵用了牛肉碎做配料(一般以豬肉碎)，惟湯頭不夠辣，但麵質彈牙板回不少分數 (若份量像金滿庭般多更好)涼拌拼盤(四喜烤夫，口水雞，糖醋排骨，鎖江肴肉)：烤夫切至一口size不得不讚一下、口水雞麻而不辣亦要一讚，肉質亦十分鮮嫩、排骨和肴肉整體一般無錫小籠包：皮質略厚，湯汁不算多，但新鮮蒸起亦難有大過失清湯燉牛肉麵：牛𦟌相當的“鬆化”，湯頭清而不膩(人家標明是清湯耶)，可挑剔的地方又是份量一般吧最後是南小餅(兩塊起)：其實即是牛肉餅，肉汁沒有清真牛肉館的多是預期之內，但皮質厚薄適中配合起的口感卻令人難忘送餐速度不俗，除了加單的南小餅漏了....但跟進後也迅速製好 順帶一提南小館的茶水味道有點加了梳打餅似的味道，挺有趣，大家可以留意一下 店內的佈置亦相當用心，黃銅水壺，舊國產單車，吊扇等都成功地fusion了現代與老上海風格 :)總括而言，服待不錯，食品優秀，環境舒適。價錢亦相宜，3位連每位$6茶錢只是$320 …Read More

同朋友二人去書展前醫下個肚攞飛果陣門口既哥哥仔已經好快手咁畀左個餐牌我寫定野食跟住等左幾分鐘已經有位, 一入去坐低畀張單阿姐就即做, 超有效率:)我自己就嗌左碗酸辣湯麵傳統味道既酸辣湯一直係我既至愛, 冬菇絲, 肉絲, 木耳, 豬紅, 腐絲, 荀絲稠稠略酸而辣度適中既湯羹, 再配上粗幼合宜既麵條成碗麵真係一滴湯都唔會嘥朋友就嗌左碗雞絲泡飯份量充足, 又大量薑絲荀絲既加持, 不錯整體黎講一定要搭枱坐架啦, 有d逼逼地, 但亦好企理, 員工效率又高值得一去再去…Read More

相約同僚好友一行六人入西貢食海鮮, 朋友介紹下就揀左全記已經去左遠dd既呢間7點半左右都人山人海拎完籌就去搵個哥哥仔揀左海鮮先我地揀左一扎蟶子, 一斤四隻南非鮑魚, 兩桶美國桶蠔一隻公加一隻毑膏蟹, 一斤海蝦同六隻扇貝先黎白酌海蝦海蝦非常新鮮, 用黎干煎同白酌咁食都冇問題蒜蓉粉絲蒸蟶子蟶子可能燕蒸既時間較耐所以肉質偏韌, 但可以接受蒜蓉粉絲蒸扇貝粉絲超多 不過若然係以金銀蒜效果會更佳陳皮蒸鮮鮑一般之作, 可取既係果皮味足夠薑葱炒蟹全晚最滿意係佢, 既有膏蟹既香, 又有肉蟹既啖啖肉, 薑葱亦相當入味 酥炸生蠔 起初想要砵酒焗, 但經理大力反對, 狂踩自己舖整既砵酒蠔超難食下...就用左酥炸 其實應該用薑葱掘先更帶到大大隻既桶蠔既鮮相反酥炸佢都處理得唔好, 粉太厚, 搞到食多隻都已經好膩腐乳炒通菜最後先炒起, 不過有啖菜食下都好既~~ 雖然食得出落左好多"師傅"敬送生果盤埋單千七蚊, 服務態度唔錯, 兩樓環境都望到下個海, 三聖外另一選擇…Read More

北京人家開左咁耐, 一直都無緣一試午市攞位比較慢, 睇黎係知客問題先嗌葱油大餅, 未食過d生葱舖響上面, 好脆好有蛋香, 葱味濃郁酸辣湯麵, 湯比麵好, 雖然係即叫即拉, 但麵質唔係我杯菜反之酸辣湯好足料, 大量豬肚, 木耳, 冬菇等, 味道傳統牛雜份量較少, 味道較辛辣甜品試左3樣, 有杞子糕 杏仁丸子 同南瓜丸子杞子糕唔會太甜, 亦唔會一夾就散開, 不俗 至於兩款丸子黎講就以南瓜丸子較出色, 因為我比較鐘意滑溜既質感 午市11點至4點半餐牌大部分菜式同點心紙都有半價, 有落地大玻璃睇到荃新天地內園景觀, 係翠園外另一選擇…Read More

相約2位好友響大概7點鐘歎下happy hour因為地面個bar太full所以落左地底坐bar 枱 (對住bartender個feel好d )仲爭一個人既時間, 嗌左Kristall (友人)同 Helles (小弟)對酌友人話Kristall味道偏淡, 冇咩麥味/ 而我呢杯Helles就比較重味少少, 但對我黎講就仲未夠遲到大王黎埋, 幫佢嗌左杯alcoholic free既 Tropical Mix我自己都試左啖, 幾醒胃, 甜甜地, 不過 芒果味稍稍搶埋菠蘿同香蕉既味道主菜就要左個Fass Haxe, 即係烤豬手, 薯蓉+酸菜豬手堅係正, 外皮脆到好似燒腩仔咁, 外脆內軟薯蓉最好食, 因為食得出加左好多牛油整出黎, 越唔健康既就越好味酸菜呢d就見仁見智啦~~趁happy hour響9點完之前每人嗌多杯, 我同友人都嗌左Hefe Dunkel, 黑啤既細一度麥含量大王就嗌左Summer TreatHefe Dunkel味道果然較甘, 麥香十足Summer Treat就同奶昔分別不大, 但都幾好飲最後以Chocolate Thunder 作結尾外殼既脆亦朱古力味, 個心雖然唔夠thunder, 但朱古力味非常濃郁總括服務態度都唔錯(要用英文點菜), 裝潢甚有情調, 埋單都係六百蚊, 好抵食…Read More

諗番起對上一次食佢整既蛋卷起碼都十年前有多去親九龍城經過聖三一果邊既球場都會見到既木頭車自從十多年前失蹤後, 今次終於可以再嚐滋味問過店主, 原來早響7年前已經搬左入舖, (肯傾下計服務態度算唔錯)可能基於當時資訊冇無咁發達...我都係近呢一兩年先響網上同電視上得悉萬千感慨呢個滄海桑田呀 不過最可惜既係鳳凰卷已經賣晒 :(惟有下次早d去買!!依家舖面定名做士多, 亦都張貼左香煙同樽裝水, 啤酒既價錢一踏進店內就有一圍欄, 店主等四人當時正響度打緊麻雀亦有一中型狗響圍欄之內, 估都估唔到咁細間舖都擺到麻雀枱衛生方面所有雞卷均以密實袋獨立包裝, 以保持其新鮮及不受污染, 唔錯:)事後同朋友行到九龍城廣場忍唔住開黎食, 好鬆厚, 好脆口, 陣濃濃既牛油香的確十年如一日, 絕對值得"特登"經開去買…Read More

食完泰國野, 一行8人得番5個人一齊去食糖水繼續吹水 人山人海呀~~試左麥提莎糯米糍, 榴槤飄香, 白馬王子, 金玉滿堂同珍珠芒果糯米佢地都話唔錯, 同松記都不相伯仲至於我自己果碗金玉滿堂: 好夠芒果, 果然係多芒! 小丸子口感不俗唯一可彈既係雪糕溶得好快!去九龍城食甜品呢間應該係首選 :)…Read More

久不久就會相約一眾好友一聚, 今次搞搞新意思, 不去放題/火鍋/韓燒轉投泰國菜的懷抱, 經介紹下就揀呢間一試預早左一日book定7點鐘8人大枱, 早知就再book遲一粒鐘想不到好友們星期6都可以咁忙, 阻左人地可能一轉枱生意都有少少過意唔去等到8點左右人黎得七七八八, 就揀左個6人餐+2人餐 (因為冇8人餐既源故)上菜既速度真係好抵讚, 唔會話一氣過上晒搞到臨尾d野凍晒又唔會斷下斷下咁, 唔錯咁我地有d咩食呢, 包括:豬牛雞串燒一打: 3種肉質都好滑, 加上火侯掌握唔錯, 冇話過熟/唔夠熟, 正!個咖哩蟹佢落左唔少椰奶去煮, 所以非常creamy, 好香, 不過亦因為咁偏離左少少咖哩應有既香辛味道但純以醬汁角度去睇, 係做得幾好的咖哩蝦既咖哩味道竟然同蟹果碟唔同?! 呢碟既香辛味比較重d, 不過個人鐘意咖哩蟹多d (雖然食蟹較麻煩)鱸魚魚質好新鮮, 夠滑, 不過梅子不足, 唔夠酸, 冇左傳統果隻酸酸mai mai既感覺, 為一敗筆最後既海南雞...呀...我地冇將佢作海南食法, 反面蘸落d咖哩度, 咖哩雞黎講唔錯 之後食完我地都仲坐晒響度吹水, 招呼真係一流, 好 nice, 吹到11點半人地真係打烊先去走…Read More

Planned for a very long time for a try, well, no disappointment and I very enjoy this meal! Ordered a today's Sub, Wed is set as Ham (In fact I wanna try more different meat but it is ok )6-inch Parmesan Oregaon (Very tasty and soft) with Cheese, Lettuce, Tomatoes, Cumcumbersalso mistakenly pointed Jalapenos!! (I wanna take Pickies but this two are so similar )luckily I love spicy favor so much and this one is acceptable :)Dressed with BBQ sauce and finally made as a meal with cream soda also double & normal choco cookies, yummy~Good taste, good service, good price!…Read More

考完試同老媽, 阿姨飲茶坐響窗口位置, 面向半島酒店同維港, 正講番野食有欖角炒飯, 見到咁快食淨咁少就知好味啦飯粒十分分明, 欖角同肉粒配合起黎幾咸香之後係鵝掌柚皮, 本身唔好柚皮, 鵝掌幾入味, 幾好肉金銀煎堆, 呢個正! 煎堆仔夠細粒容易食, 餡係芋茸, 好creamy最後介紹既係黃金蝦, 因為係最正蝦身連殼炸得夠脆口, 可以成隻食, 面頭既咸蛋黃均勻咁滲入蝦肉 咁靚海景, 26樓又夠高, 野食唔錯, 價錢3個人都係2百蚊左右, 掂~!…Read More

講真我係幫襯開九龍灣果間先兩間對比不論裝潢燈光, 師傅手勢都係九龍灣更勝一籌但都唔代表荃灣呢間唔好食今次有東亞卡優惠套餐128蚊2人餐有:糖醋小排, 呢種係冷盤魯到硬巴巴的, not my cup of tea涼伴茄子, 真係一絕, 少少辣, 醬汁味濃, 可惜我只係搶到一條冇得試真d 2碗酸辣湯, 煮法正宗, 有金滿庭果隻原味酸辣湯既影子, 好味好濃郁, 不過辣番少少更好 虎皮尖椒牛肉, 尖椒唔夠辣, 牛肉亦比較韌炒白菜仔, 蒜茸清炒基本上係同白菜仔係劃上等號的老上海炒飯, 幾有水準同黃金心太軟(即係流沙包), 熱辣辣, 流沙香濃可口一家3口驚唔夠食仲以跟餐特惠價加左煎鍋貼 $15, 一般(仇恨感)...仲唔小心畀d湯汁彈到 小籠包 $1 + 4000分, 都係一般, 不過冇佢彈, 因為我係食小籠包既專家同麻醬伴麵 $19, 好杰....好濃好重味....一個人係唔可以單獨食晒成碗的埋單咁多野食都係2百幾o者…Read More

午飯時段黎講其實真係幾抵食有個120蚊左右既二人餐有2個主菜, 2個湯, 加2個潮州粥或白飯今次揀左個 "潮式炒肉粒"(都有d忘記左個名, 大概啦)幾特別, 又有麵筋, 豬肉, 3色椒, 用豆豉少得幾入味細細粒容易食跟住係椒盬九肚魚, 其實呢道菜既難度幾高而不論撲粉厚薄, 炸既時間廚師都掌握都好好不過可惜既係九肚魚既選材魚身太薄, 冇咩肉食, 白白浪費左咁好既工夫呀老火湯係扁豆豬展, 冇咩特色, 係叫有啖非味精湯飲下由於一家三口個2人餐唔夠食再嗌多個潮式魚蛋粉個人唔係咁欣賞, 食魚蛋粉都係去返灣仔春園街間潮記比較好…Read More