小婆仔's Profile

睇完戲tea time係商場搵食，見佢Menu有好多選擇，所以就擇左佢:)揀咗個牛肉船河，龍眼冰，味道OK，正正常常去埋單時，拎現金出嚟，先話我知只收電子付款我即時係袋摷張八達通，後面又有客叫外賣，好狼狽。 其實喺帶位嘅時候可唔可以通知啲客你唔接受現金付款，咁個客可以有個選擇，或者比錢時有個準備呢？ 個牌係比錢時我先見到…Read More

我最鍾意食壽喜燒，就算去和民都必點壽喜燒，今日一家三口係商場周圍搵食，見到個menu有壽喜燒，我二話不說就話揀呢度我哋叫咗兩份牛肩胛肉壽喜燒，佢有張制作方法比我哋跟，試完之後我個人覺得落砂塘太甜:(唔落糖嘅話，我覺得唔錯嘅另外我哋叫多個鐵板豬，唔錯喎下次經開行街，又再黎試過…Read More

阿仔係炮台山上興趣班，我哋係附近搵小店食，經過大飯桶好多次，因為佢舖頭凹咗入去唔太起眼，我哋都冇入去食。今個星期爸爸話不如試吓，阿仔係cafe愛好者竟然話試吓人仔細細竟然話叫藥膳燉湯，味道好濃，好足料個湯好油，隔咗好多油出嚟仲叫咗蒜蓉開邊蝦帶子煲仔飯，好足料呀:)味道仲唔錯添仲有鮑魚沙薑手撕雞煲仔飯，呢個清清地幾好兩個煲仔飯啲飯略為濕，不過我反而覺得咁好啲，飯冇咁硬，好怕有啲煲仔飯好乾好硬，好驚唔消化呢間唔錯，如果個湯隔咗油先上仲好，可以番轉頭食…Read More

成日行經都想試吓呢度嘅甜品，但係次次同仔趕補習都未有機會，今日夜晚臨返屋企前專登走去試。一去到已經有幾個party等緊，我哋最後都要15分鐘左右先至拎到。我哋叫咗：芒果UFO同綠茶椰子奶凍芒果UFO入面係有椰子水啫喱，好清甜呀，相信夏天食一定透心涼兩個甜品份量都好滿足，仲要甜度適中，好味下次想試吓香芋味嘅款…Read More

今日坐巴士經過三德素食，農曆新年食太多，太滯，突然間好想食素，好在兩仔爺肯陪我:) 上到去好快就有位，雖然唔係話好多人等位，但係都keep住有人走，有人上黎。我哋唔想諗，揀咗個二人餐，有一湯加兩餸我哋叫咗紅燒素翅可能尋晚食咗一X麵嘅素翅，得個死咸，所以覺得呢個清清地幾好紅燒海蔘豆腐正常發揮錦鹵雲吞，呢個個汁酸甜適中，好味唔錯，會回頭…Read More

今日去食蛋主題餐廳呢個生雞蛋伴飯，好似雲朶嘅蛋白，未食已經勁吸精，打咭一流，加埋豉油同飯素伴食，阿仔話好味雞肉蛋包飯，一黎到有啲驚訝，咁大碟嘅好在係爸爸食，都食得曬我就叫咗個雞扒多士配薯條，份量好足，味道都唔錯個水果茶又係大份量好飲…Read More

疫情盡量減少堂食，突然想食素菜，即時諗起聰嫂 兩大人一小朋友，唔太肚餓，所以叫咗一飯一菜一小菜，份量剛剛好:)第一味咕嚕肉，送到黎仲脆口，甜酸度剛剛好，唔錯跟住係福建炒飯，個汁濃度適中，好味最後係肉鬆四季豆，本人最愛四季豆，點整都咁好味以前都有用外賣平台叫開聰嫂，佢個例湯好正家，不過唔知點解而家下咗架冇得叫強烈要求佢哋加返呢個item，真心正的總括嚟講，將軍澳真係唔多素食選擇，聰嫂水準都算唔錯，可以番轉頭的 …Read More

以前食過其下世貿、沙田同九龍灣分店，三間分店都好高質將軍澳分店21年11月新開，剛剛開時幫襯過一次，今日又再黎食過同平時一樣，叫兩個main course ，一個甜品，兩大人，一小朋友剛剛好:)第一個main course 係：肉汁燴牛肉蛋包飯阿仔讚好味，下次要再食第二個係次次都叫嘅壽喜燒牛肉烏冬次次都叫，唔駛講就知好味飲品，我哋叫咗綠茶拿鐵，每次叫呢度熱飲，我反而猴住旁邊嘅杏仁脆脆如果有得單賣脆脆，我想買而呢杯拿鐵，我覺得奶太多，唔係好夠綠茶味最後，當然係甜品，以前去其他分店可以有pancake 食，呢度分店冇:( 同事話東涌分店先有pancake 。所以我哋叫咗焦糖香蕉French Toast 望個擺盤已經覺得正，食落就梗係正頂喇整體同其他分店一樣，水準keep到，當然有下次…Read More

之前早餐時間行經，見好多人排隊，今日同阿仔下午茶經過，見冇人等，就入去試吓喇。兩點幾去到，個menu 可以叫午餐同下午茶餐。由於阿仔肚餓，佢叫咗午餐，溫泉蛋滷肉飯。份量都ok，不過我覺得比傳統台式口味，好似比較甜咗啲怕阿仔食唔曬，我就叫咗下午茶黑糖西多士，都唔錯，有黑糖香而唔太甜飲品我叫咗奶茶，佢唔係茶記嘅奶茶味，而係伯爵茶底嘅奶茶，味道都Ok，不過我比較鍾意傳統味道。阿仔果杯係芒果味嘅梳打，正常味道喇。整體都可以，下次可以再食…Read More

趁住將軍澳新都城新店新開張，又趁墟試吓先專登揀28/12假期完結上班日第一天去食少啲人，最後都要等5張枱由深水埗，食到廣華街，奧海城，香港站⋯⋯永遠最出色就一定係雪山菠蘿包外脆內軟。相都未影得切我仔就拎咗一個黎食得返兩個除咗菠蘿包，其他食物都係正常味道，冇乜大驚喜:)叉燒腸粉燒賣個蝦多士都好脆，唔油，幾好味喎:)可能因為新店關係，太多客流轉得太快，啲水煲唔切，好多枱客都投訴啲水唔熱希望做耐啲可以越嚟越好喇:)…Read More

一如過往，每逢西式節日，我同老公會去中餐食慶祝，今個聖誕節老公預早book位，黎咗呢度。上到去，可能我哋早咗到，冇乜人。今次叫咗呢啲野：好普通嘅金腿菜絲炒飯蟹粉小籠包，個皮好厚，蟹粉有啲腥半隻北京填鴨，隻鴨好肥，啲膏厚到呢佢個餅皮係厚餅皮，我比較鍾意食其他店薄薄哋果啲全餐最好味嘅，四季豆好香，全碟我霸曬黎到呢度，當然試吓傳統甜品，拔絲香蕉好可惜，點解同我幻想嘅咁唔同，唔見有絲嘅整體來講，黎呢度係食佢古舊環境，冇下次喇…Read More

係屋企hea hea下，lunch都變下午茶時段，唔知食咩好，記得好耐之前search 過Comfy，放咗係個list度，好喇，帶埋阿仔去試吓。我哋叫咗一個黑松露意大利飯 份量都好多炸大啡菇配黑松露醬 比勁多醬點，絕對唔孤寒阿仔嘅蘋果花茶，我哋覺得蘋果味唔夠，但花味有啲似藥水味我嘅係Mocha好正喎臨埋單，個員工好細心咁幫我將其中一杯飲品轉做餐飲，幫我慳咗整體唔錯，下次一定翻頭…Read More

今日帶囝返畫班趕時間食小小野，係將軍澳廣場馬天奴咖啡食意粉，叫咗個白汁雜菌意粉，等咗15分鐘 ，個侍應拎咗碟白汁雞肉意粉黎，話太子爺炒錯咗問我哋可唔可以要咗去。為咗唔好浪費，我話好呀，點知個侍應叫我補返個差價一蚊，你哋冇睇錯係一蚊比佢。我老公當堂慶過火屎話唔要，叫佢倒咗去！ 最後佢話佢重新比個碟白汁雜菌意粉我哋，但食到最後發現有兩條頭髮係入面。呢間舖頭，我哋一定永不幫襯！…Read More

今日係朋友既生日，專門請假同佢high一high tea，揀左 THE CHOCOLATE LIBRARY，貪佢有好View，傾計都開心d。可能係平日關係，我地2:30去到登記，receiption同事叫我地行陣，開始入座就call我地，我地只坐係lobby，隔左一陣，同事已經叫我地上去喇~~~~上到去，已經比個view吸引，真係有種大地在我腳下既感覺~~~~~ 尤其是今日天氣甘好，望住維港景，真係人生一大享受！我地懶得去揀食咩，於是三個人都係食tea set~~~~~同事拎黎一個似書既盒，原來係high tea 架~~~~ 好得意呀~ 可能好多人都會影低，同事好醒甘唔拎開個盒住，比我地任影~~ haha~一開出黎~ 嘩~ 好靚呀~左邊果款，可能我個人喜歡濃味芝士，我覺得唔夠濃~ 右邊果款，中間白色果層cream好好味~兩款都好甜~ >_<呢款朱古力味既marcoon唔錯，中間夾左橙味jelly~ 因為唔食鵝肝，所以我冇試右邊果款佢地推介既朱古力，如果喜歡朱古力既朋友，應該覺得好好飲，因為好濃味~整體黎講，我覺得佢地既食物不過不失，冇咩驚喜~~~ 唔好甜既朋友，一定唔好黎，因為好多都好甜~ 我平時喜歡甜品既都頂唔順~~~不得不提，佢地既洗手間都好好view~ haha~…Read More

之前行組呢間舖頭，見佢門面唔多靚，一直唔敢去試。其後，有同事話我知呢間既雞超級好味，於是有日趁老公OT就買外賣自己食，食過一次一試難忘！今日帶左老公去試，我地叫左一個二人套餐，老公一試即讚呀！套餐只係$55~ 內容包括：海南雞 (半隻) - 超滑，估唔到D雞可以煮 到剛好熟，仲可以甘滑，雞皮同雞肉夾左薄薄一層雞油，好香白菜仔 - 果甜豉油汁好好味雞油飯 - 好香，有雞汁之餘，仲有淡淡既椰香，老闆娘仲話可以添飯添呀雞湯 - 一飲就知冇師傅，食完完全唔頸渴我地食完，老闆娘仲叫我地比多D意見，感覺超NICE呀~今次食左海南雞，下次一定要試埋口水雞！…Read More