為 食 仔's Profile

一直有留意開呢間coffee shop（係太古坊同美麗華都有分店），作為街坊行行下popcorn發現有新開張係自己地頭，就決定搵個少人嘅時間支持下～😋 如果係平日lunch time過嚟嘅話要排好長龍☹️ 同太古坊分店一樣都係採用high end流線形設計，整體感覺舒服。唯略嫌每張枱嘅空間太細，如果係擺兩份餐同餐飲就有啲抆水。 行到最入有個隱藏小小嘅位置，非繁忙時間可以比較安靜小小用餐。落單需要行岀去cashier，需要加水等等都係要行岀去同樣位置自助。 之前同同事幫襯開另一分店，點解一再回頭係因為大家都有共識：呢間餐廳嘅主食大份兼好食😋 新開張嘅呢間分店保持住一貫水準。我地今次叫咗青醬忌廉雞肉長通粉，長通粉彈牙同青醬忌廉混合，清新而不膩。 餐飲方面叫咗earl grey chocolate 加flat white😋 比較推薦earl grey chocolate 係因為earl grey味好岀，但又做到同chocolate 味道balance ，每次嚟到都一再encore。 另外甜品方面有生酮忌廉卷選擇，啱哂想食甜食但又驚有罪惡感嘅我😎 食落口感偏實淨，不太甜。 總結整體都係水準之上，不過想坐得舒服啲燈光靚啲就比較推薦太古坊分店。不過貪就腳就會得閒過嚟坐坐，會再encore～ …Read More

本身唔太熟火炭工業區，咁啱有一次同朋友係附近就求其openrice有咩食，結果呢間估唔到都幾ok。 呢碟蒸魚啖啖魚肉😛 估唔到d肉都幾實淨同夾起唔散。同埋都幾大條，食落都算新鮮。 呢碟惹菇炒豆腐，啱哂我地呢d懶健康嘅女仔。d掛汁幾正，份量都唔小，扺食。 蛋白蒸蟹，呢碟正呀。d蟹肉超多，d膏都好滋味。略嫌蛋白唔夠多唔夠送飯。 好大一碟豉油王炒麵，正常發揮。勝在夠大碟一定食得飽。總體幾好，餐廳位置闊落，又可以靜靜地傾計，唔錯。…Read More

突登入嚟好遠嘅元朗，試一試朋友想食嘅omakase舖頭。一入嚟就覺得舖頭好靚～ 用咗好多原木色枱櫈同水泥地，感覺柔和得嚟帶點grand。同座位之間唔算好逼，坐得都舒服。 今次幫朋友興祝生日，晚市嚟到可以有2個選擇：$1300 15貫壽司或$1600 20貫壽司，同樣都有前菜，刺身，飯卷，壽司，湯同甜品。我同朋友叫咗個平小小嘅set試下，果然冇令我失望😛 刺身同壽司上到嚟到油令令，而且感覺好新鮮同鮮甜。尤其係獅魚壽司，食到超滿足😛 …Read More

金馬倫道一直都有比較多日本餐廳，今晚想食日本野就求其揀一間～ 疫症之下想揀間坐得舒服小小嘅。呢間餐廳同時都好貼心要客人量度體溫至可入座，食得都安心小小。 餐廳亦算闊落，bar枱對面可以望住師傅即場整壽司，幾過癮。點餐時要用提供嘅QR Code落單。 本身見到三色丼好靚想試，可惜竟然賣哂⋯咁就唯有叫咗一個香蔥吞拿魚腩丼。睇個賣相就知好足料，呑拿魚蓉竟然佔咗個飯嘅三分一😂香蔥令到個飯好香口之餘亦令到成個飯冇咁膩。重有wasabi調調味，令到呑拿魚蓉更鮮甜。雖一嘅缺點係食完呢個飯已經好飽食唔落其他😂 啤酒類選擇較小，得suntory，但仍然好飲～另外仲有清酒梅酒嗰啲揀。…Read More

呢間咖啡店係商場嘅地庫一角，雖然有啲隱蔽但係裝修一啲都唔馬虎，比人嘅感覺幾chill同舒服。想靜靜地等人或者係嚟hea下一流～ 裝修以柔和嘅燈光做主調，同大理石檯比人嘅感覺high brand小小。但估唔到價錢唔算貴，同岀面連鎖coffee shop價錢差唔多。 首先叫咗杯earl grey chocolate，必叫呀～其實唔太重朱古力味，但因為加咗earl grey所以好香，而且好滑❤️ 呢杯係岀面似乎幾少見，所以值得一試。 跟著一個咖啡白朱古力西多士，幾得意。總體咖啡味比較重，有啲似食緊果jam多士咁，口感幾有趣，口痕嗰時可以試下。 今次下午茶淨係叫咗咁多，見正餐唔貴下次可以試下叫。最重要覺得坐得幾舒服，可以再戰～…Read More

以我認知，如果要搵間大小小嘅coffee shop可能要岀灣仔西環嗰面。估唔到係北角竟然都有空間比較大嘅coffee shop😨 真係啱哂可能要傾project或者要趕assignment嘅人。 我地當日嚟座無虛席（後尾坐晏咗😂），再加埋假日夜晚嚟仲有歌手表演live，幾好氣氛。 有幾part文靑嘅area，有得睇下精品同欣賞下藝術品，同推廣緊一啲活動。估唔到嚟食野都咁多野睇同玩，好似去咗活動中心咁😂😀 開放式廚房，顯得空間好大。同因為餐廳重點promote 咖啡，所以一面沖，咖啡嘅香氣就會佈滿整間餐廳～ 主餐食得唔多，叫咗一個法式煙鴨胸沙律配日式柚子醋。雖然係沙律，但係分量算多，其實好飽肚。食材好fresh，再加柚子醋好醒胃。啱哂要溫書但唔想食主食嗰時試。 另外主要想試試咖啡，叫咗一杯flat white😛 拉花好靚呀，飲落充滿滿嘅奶香。夜晚試啲soft啲，聽聞咖啡師識沖啲特別小小嘅咖啡，下次再嚟試。…Read More

住附近嘅朋友介紹嚟呢一間壽司小店，真係唔係街坊都唔太知有呢間舖頭😆 不過食落又幾有驚喜，所以就介紹返～ 裹面有堂食位，不過就相對細小小，同個朋友貪方面就坐係裏面食。因為招呼客人唔多，所以老闆都幾好招呼，照顧周到。 平時都見到多人買外賣走，有已經set好嘅壽司拼盤放係舖頭裏面。 叫咗一個甜蝦蟹膏丼，甜蝦好新鮮好甜呀～而且甜蝦佈滿咗成碗飯賣相好好，食落都好開胃。 蔥粒吞拿魚腩卷，蔥味令到個卷物更加有層次，裏面嘅吞拿魚腩都唔失色。唯一係紫菜唔多脆🙈 同朋友夾份散叫嘅壽司，記得朋友話海膽幾好食。總體水準之上又幾抵食，值得推介。…Read More

呢間我之前係尖沙咀飲過，飲完覺得好好飲就記低咗個名。今次行經北角，竟然比我誤打誤撞見到佢啱啱開張！ 一入去就見到好醒目嘅連儂繪馬牆，上面有可愛嘅pepe求包養😂 見大家都好用心畫得咁靚，等小妹又獻醜下。 寫啲願望上去睇下實唔實現到先！ 入正題，上一次我飲白桃烏龍覺得好好飲呀！個茶底好濃又好夠自然桃味，又夠大杯。今次我揀咗黑糖珍珠厚鮮奶。仍然係茶底幾好味，黑糖個味都唔太死甜。唯一我嫌珍珠唔夠彈牙，不過總體 so far so good～…Read More

行經銅鑼灣，見到有間裝修得幾靚既川式野。好耐無食過麻辣燙，其他菜式又食到厭厭地，就試下新野喇！ 舖頭裝修得幾別緻，樓底好高所以顯得空間感多。座位之間都有好闊既空間，坐得舒服，又唔怕太嘈。最緊要舖頭睇落夠乾淨企理，好多平價川式野都有種污糟既感覺，難得呢間坐得咁舒適。 我地差唔多傍晚去，唔算好多人。侍應岀餐幾快手，無耐就有野食lu。 我叫咗一個蕃茄麻辣燙。我唔係好食得辣，所以叫咗蕃茄湯底，但朋友試咗麻辣湯，覺得個湯底好好味！我就好奇試一試擺係隔離既麻椒油，果然真係好好味～雖然麻，但佢唔算辣，而且仲有一種獨特既香氣係到，一試難忘。 …Read More

嚟到大角咀，特登嚟搵呢一間咁靚嘅餐廳嚟打卡影相😍 餐廳係酒店裏面，唔太難搵。 裏面真係好靚omg，樓底好高，所以成個感覺好grand。門口亦有好似萬花筒咁嘅打卡位。 入座時仲有一個萬花筒鏡任你玩，切合哂個主題。 連餐具都咁靚🧐 但野食有小小心理準備係偏貴🤣 菠菜辣肉腸西西里醬配意大利粉，呢個幾好味。炒得唔太油又彈牙，辣肉腸都幾開胃。 香煎日本帶子配黑松露意大利粉，呢個就失色小小。太多黑松露醬所以食到有啲膩。不過帶子大大隻，都尚算唔錯。 潘朵拉的盒子。呢個必叫omg，淨係打卡都值。 要用槌仔朴開外殼先食到裏面嘅果tart架。但果tart雪得太凍，有啲硬，尚算還好。不過甜品同野飲都設計得有心思，有得食有得玩，值回票價。…Read More

呢間餐廳長期係熱門排行榜到，一直都想試好耐啦！見今日小人排隊，就入去試試佢😋 用餐時間一個鐘，因為外面等候嘅人龍較長，所以時間都幾tight。另外餐廳亦都比較早截龍，差唔多九點就last order 了。 餐廳裏面坐滿哂人，好熱鬧。姐姐雖然忙，但服務態度幾好。裏面不乏台灣式嘅deco。見到我們都是食豬大的有啲搞笑😂 蔥油豬扒麵，因為睇其他食評講如果叫飯會太多食唔哂，所以試下叫粗麵😋 豬扒真係好好好大塊，大過我隻手😂 而且非常厚身，淨係食豬扒都飽。炸粉唔多，啖啖肉。仲要十分抵食😨 不得了 炸魷魚，味道唔錯。但係配炸豬扒嚟食有d too heavy😣 炸蝦大大隻，可以一試。小食得嚟唔算重口味之選。 炸辣魚蛋，呢個好味又唔會太辣😛 食到好開胃！…Read More

今日又去慶祝食下放題😂 搵過幾間滿屋，睇上網評論好似呢一間至尊最正，所以就揀咗呢一間。 入到嚟，比起之前嗰間坐得舒服啲，野食嘅選擇似乎都多啲！而且野飲嘅選擇都十分多，甚至有任飲清酒🤤 坐低就拿拿林叫個刺身食下先，質素都保持一貫水準。三文魚同蝦都頗新鮮，而且仲啖啖肉😋 野食份量唔算多同比較的式，啱哂胃口比較細嘅我，可以試多啲唔同種類嘅野食。呢舊燒玉子都幾好味，不過叫一舊就夠了。 的式壽司😋 壽司質素唔錯，尤其是我最鐘意嘅吞拿魚壽司。舊牛都腌得幾好，好夠味。 牛舌，食落都好juicy同夠厚身，牛味夠。 我朋友鐘意食嘅燒菠蘿，乾身咗小小，不過食落都幾甜呀～ …Read More

路經上環，朋友話想試一間舖頭，就跟住佢行到石板街上小小嘅位置，見到有一間食waffle嘅舖頭。 夜晚入座，雖然舖頭望落去細細地，但入到去其實都幾大。 裹面設計都幾溫馨，可以比三五知己傾下計relax下咁。 首先大推呢個鑊炒薯仔粒！炒得十分香口，又有小小芝士做topping，食得意猶未盡。呢款有兩款大細揀，好後悔冇揀到大份嚟食😭 香燒煙肉芝士忌廉蛋黃意大利飯，呢個水準亦十分不錯。雖然睇過好濕，但仍然咬到粒粒飯骨。芝士同忌廉均勻佈滿飯粒，所以食落都幾有口感。 我諗呢間舖頭另一個賣點係健康食品，所以飲品有好多水果或者係smoothie嘅選擇。今次我選擇咗rocket fuel，係一杯芒果菠蘿冰沙。因為份量比較大杯，所以店員都貼心比多咗一杯冰我地，費時溶得咁快。飲落味道唔錯，而且仲十分新鮮。 到咗窩夫時間，我叫咗一個火焰玉桂香蕉窩夫。估唔到朋友仔比咗個生日驚喜我😀 總之呢餐飯都感覺唔錯，野食都係水準之上～…Read More

今日行經佐敦，又唔知有乜好食，於是就揀咗好多好評嘅呢間餐廳。一開頭見到個裝修咁平實，就對佢冇咩期望，點知原來好岀色喎！ 關西風玉子燒，水準頗高。一上菜時見到佢岀哂煙咁就知佢應該好高質！果然蛋軟滑之餘仲甜甜地，必食！ 魷魚鬚唐揚，唔錯，略嫌炸得唔夠脆。不過值得一讚係魷魚腳唔係平時我地見到一條條，係一抽咁，所以夠足料！ 刺身拼盤，刺身都幾新鮮。鮮蝦大大隻，啖啖肉😋 三文魚都夠厚身。 講到最高質一定係呢個香桃雪葩同蘋果雪葩！我自己覺得蘋果好味小小，雪葩個質感好似蘋果，食落好粉同食到蘋果嘅自然甜味。桃味都唔錯，好甜🤤 芝士燒天婦羅蟹腳卷。芝士好重好濃😋 但反而有小小蓋住了天婦羅嘅味，不過都唔錯，食落幾有口感。 …Read More

聽同事講有一間質素頗高嘅餐廳，所以決定試一試😋 由於有幾間分店，所以決定揀一間近自己屋企嘅。不過餐廳係屋苑附近，所以就要行入小小喇。 比同事吹奏嘅特濃雞白湯拉麵。果然湯底好濃，呈乳白色，仲好重雞湯味。拉麵爽口彈牙，叉燒亦厚薄適中，入口即溶。裝飾嘅牛蒡好搶眼，不過我自己唔太接受到個味，只好忍痛淺嘗。 蒲燒活鰻魚飯，上菜時係以傳統日本式盛飯方式，以托盤上盒飯，鰻魚湯同小菜。 先講鰻魚飯，鰻魚十分厚身佈滿整個飯盒。且份量平衡得十分好，因為一羮到底可以取到同等份量嘅鰻魚同飯。但美中不足嘅地方係，鰻魚比較多剌，食嘅時候請小心 湯頭雖然好清，但飲落好香，好重鰻魚味。 Total嚟講，兩道主打菜都食得十分滿足，果然同事冇介紹錯🤗…Read More