傻小雞B's Profile

平日工作已經好忙，星期六相約朋友飲下咖啡，吹下水，都係一種舒緩壓力的方法！呢間Cafe我係第一次黎，座位唔算多，星期六中午已經full左可能大家都想見下柴店長（柴犬）一面！因為呢度會有schedule出柴店長幾時會出黎巡鋪，而咁岩今日1pm-3pm都會黎Cold Brew☕️天氣好焗好熱，點都要飲返杯凍飲，咖啡中我必點會係Cold Brew！Cold Brew唔算濃，加左冰，略略有點溝淡左，但飲落都還好，咖啡豆唔係燶！English Breakfast Tea成壺俾曬你架！所以可以坐係度慢慢飲Egg Benedict with Salmon估佢唔到有塊包係下面，蛋再加三文魚再加蛋漿係好好食！味道層次感豐富Pesto Chicken Penne醬汁唔太咸，剛剛好，雞肉鮮嫰Honey Cake臨尾叫左件蛋糕作結柴店長因為有另一隻柴犬入黎所以行開左但呢隻柴犬都好可愛…Read More

自從上次食過番尋味，今日再推薦朋友黎食！我地就算係平日，訂座都要第二輪先有位，證明依家人氣幾旺！入到去就會見到以前舊式圓檯，十下的霓虹燈牆身仲整左細細粒的磚仔做裝飾我地揀的係二人餐，湯底係養生白玉湯同胡椒豬肚湯真係好好味！養生白玉湯偏向藥材味，再加左蜂巢豆腐吸味！材料足夠！就算打打下加湯，藥材味依然係度！而胡椒豬肚湯，有好多豬肚，酸菜都係度，胡椒味會令到有少少辣，但感覺係驅寒！醬料選擇多，會俾客人自己選手切牛肉不會太肥，牛味好夠，都好大碟配合胡椒豬肚湯好正三寶滑三樣都好彈牙！蔬菜盤用黎配合兩個正到暈湯底就very good…Read More

記得初開業時想黎一試，結果因為好多人排隊所以試唔到。過左一段時間，咁岩今日附近放工，時間尚早就黎碰下運氣，結果唔洗等位就入到必點當然係老壇酸菜魚辣度我地要左小辣，咁的確唔係好辣，我呢種level低都食到，酸菜都比較酸，不過魚我覺得唔夠滑，同埋偏少，而且我地加左寬粉，但寬粉好似吸唔到酸菜的味咁，再者我地加左白飯黎襯托下，點知太多油，過左無耐發現d油已經浸住d飯酥炸無面男其實係豬肉，係幾好食，香口！同埋唔會太多粉！隔壁的小孩饞哭了其實我覺得係豬油渣炒椰菜，香係幾香，但由於酸菜魚已好多油，變左加埋呢個都好多油柚子特飲好開胃…Read More

星期日晚上想去觀塘搵d平靚正的cafe！記得好耐之前黎過呢度食，環境同食物都唔錯！適合聊聊天！所以就黎呢度喇高興應該出左名，黎到已經full曬，加上我地無訂檯，等左一等，就安排左我地坐bar檯！裝飾以老香港為主，會見到霓虹光管整的招牌同埋舊式髮廊的用品，都有打卡位韓式泡菜雞扒烏冬鍋每次黎我都差唔多係揀佢，一來比較平（$60），二來份量多，三來又真係幾好食！偏酸的泡菜，少少辣！雞扒好夠味，同埋有d菇襯托下，幾得！英式炸魚配粗薯條粗薯條會配有黑松露醬同蕃茄醬，我就喜歡點黑松露醬！而炸魚係大大塊，唔會太厚粉，反而魚肉好厚身！好好味！蕃茄湯肥牛烏冬鍋肥牛真係好足料，成碗都係，但就變成賣相好一般。而蕃茄湯唔夠多，好快烏冬就吸曬d湯，變得好奇怪…Read More

端午節假期，有時間黎呢度排下隊食個下午茶。平日經過呢間都人山人海，所以都唔會排！今日終於試到喇！茶飲係必點，因為有少少餓，所以叫左一個麵同小食share下！紅豆鮮奶茶我係十分推薦！作為紅豆控，呢個係非常好飲！我點左無糖少冰，無糖的話突出左茶底的味道，而紅豆就已經撈左入去，所以每啖都會有十足紅豆味鐵觀音奶茶友人話好好飲，係堅有鐵觀音的味，就算無減糖的唔太甜！杏鮑菇估唔到咁有驚喜！口感好爽，少少咸而且脆口！麵的份量比較少，如果晚餐應該唔夠。但個人覺得蔥油好香，幾好食！…Read More

預早同父親大人食父親節飯，由於假日關係都怕人多，所以都會預早訂檯，而負責留位的侍應話早15分鐘到，所以我們都早15分鐘到。結果就真係一肚氣！咩services?成場得返兩張4人檯同一張3人檯，我地一行6個人，無可能坐到呢個位，原來餐廳將我地訂左的檯俾左walk-in!檯walk-in唔肯轉位！侍應強行將一張係門口的4人檯變左6人檯，其實咁做係好逼同埋阻住路口，佢地自己又危險我地又唔舒服都唔明點解訂左檯都可以俾左人！之後我地有人話算啦，照坐，個侍應話有檯就俾我地，仲俾左幾杯可樂我地飲，條氣係順返少少，點知到真係有檯的時候講要等佢地arrange因為有人訂左檯！即刻問佢家陣我無訂檯？真係嬲到爆！訂左同無訂係無分別囉！到佢地老闆出黎先俾我地坐過去！其實都已經一肚氣！介紹下食物食德國菜不得不點豬手，隻豬手都好脆，酸椰菜夠多，我最鍾意！餐廳會切左一件件先上檯，呢樣可以讚下！薯仔沙律的蛋黃醬都甜甜地！係可以的！德國香腸係另一必點，份量剛好6個人，唔太咸，長果條係會爆芝士的！但唯一不足係個芥茉醬好似溝左水，好稀！燒春雞好老，呢個菜可以唔點，真係唔好食肉丸松露意大利飯的松露味都算足，唔會太滯，整體黎講呢個算唔錯！呢個沙律又係一個miss order,其實suppose沙律係第一個上，點知遲遲都唔黎，點知原來出左俾第2檯....可以有幾混亂？順帶一提，初初以為啤酒but one get one free,原來假日係無，但menu係無寫假日無！…Read More

朋友請食飯，睇中左十下呢間火鍋店一段時間，所以二話不說推薦左呢度，都幸得朋友們就我黎左呢度！終於有機會試試！呢度賣的係香港情懷，見到d檯都似以前d摺檯款，但當然唔係摺檯！仲有霓虹燈裝飾、舊式保暖壺等等！播的係80年代經典金曲，非常有feel!一行四個人點左個四人餐，再散叫左勁多食物，因為朋友驚我地唔飽，點知黎到就變左眼闊肚窄！牛肉、海鮮同雞都齊，當然打邊爐唔少得的響鈴同魚皮都有！個人最喜愛係沙白，非常新鮮！上到檯仲見到佢旭緊，食落口非常甜！安格斯牛肉比起手切牛肉少左份新鮮，但都好好食！牛味濃！花膠厚厚地，剛好每人一塊！蠔都係每人一隻，大隻到差唔多有手掌咁大！厚肉！仲好鮮甜！最後講返湯底，麻辣火鍋唔會太辣，比較著重麻，所以我唔太係得辣都接受到。另一邊就係藥材湯加豆腐。…Read More

對於我呢種魚精黎講，魚的料理一定係好吸引！加上前排上左大陸食酸菜魚，無論酸菜同魚都係我的最愛，所以在香港都想試試而周圍都愈來愈多餐廳賣酸菜魚。十二味係一間專賣四川菜的餐廳，自然都有呢個酸菜魚潮流，所以專登搭車黎試！酸菜魚+寬粉入到門口好自然見到每一檯都有酸菜魚！所以一定一定要食！的確真係名不虛傳！魚塊大大塊，好吸酸菜的香味！又唔會過咸，塊塊都好滑！而且仲有少少瓜類一齊煮，保持到清新感覺過去食的酸菜魚總會覺得油膩感，但十二味呢碟係唔會！加上寬粉都吸左魚的鮮味同酸菜味，值得加分！我地要左唔辣，相信加辣效果更好經典香辣鍋除左酸菜魚呢個名物，此鍋都係十分出名，都係每檯總有一個！個鍋只少要點5種食材！我地集中要左蔬菜再加牛肉！其中四季豆同蓮藕同花椒呢d香料好夾！必點之選！香口惹味慾望酸梅個人覺得成餐飯都好好食，唯獨呢杯我覺得十分難飲...有種藥水味…Read More

之前去台灣都試過度小月，覺得擔仔麵的肉碎好香！知道度小月係香港都開左分店，今日咁岩經過又唔太多人排隊，所以黎試試！銅鑼灣分店的門面有點細，坐位之間都幾逼，變左坐得唔耐。講返食物擔仔米粉必點一定係擔仔系列，今次我揀左擔仔米粉，米粉係非常幼的台灣新竹米粉係我至愛！米粉味道比較淡，但吸收左肉碎汁的精華就變得好好食！三杯燒雜菌其實係三杯雞的變奏版，味道十分濃烈！係好好食！送飯就一流喇蔥頭爆得好香，而雜菌都吸曬汁的味道炙燒胡椒肉黑色邊的係胡椒，肉係腩肉黎，如果唔點汁食會有少少膩，但點左蒜蓉汁又好食…Read More

今晚要在將軍澳返工，返工前同同事黎呢度搵下有咩好食，霸嗎拉麵開正係地鐵站上黎的位置，所以唔想揀的我地就入左黎！湯底方面湯底有豚骨同雞白湯，又有得揀少油，岩曬我呢種怕滯的人！兩種分別有得揀跟唔跟玉子，跟雞叉燒定豚肉，仲有分辣同唔辣！小食同飲品方面都多選擇！雞叉燒味玉雞白湯拉麵我揀左硬麵同少油，的確湯底比較清，無咁滯！仲好有雞湯的甜味而麵就剛剛好，少少彈牙！不得不讚雞叉燒的嫩滑，用左做豚叉燒做法去炮製，保留左雞肉肉汁！炙燒豚肉拉麵呢個湯底就濃厚，如果喜歡豬骨濃湯，係不錯的選擇！而豚肉的脂肪都比較厚，食耐左會有點滯羽根燒餃子用左冰花餃子煎法去做，餃子饀以菜多肉少去製，口感比較清新，無傳統全豬肉餃的油膩感…Read More

星期六的下午想係尖沙咀搵野食，經過呢度寫住有手工麵，又有胡椒湯底，咁岩最近身子比較寒涼，所以就入左去試試！食物組合都多元化，餐牌原本係單餸，加錢可以加多個餸，有羊、牛、雞甚至蜂巢豆腐都有而麵仲有唔同size揀！滑雞手工麵 （胡椒湯底）由於想驅寒，而胡椒湯底出面又比較少，所以揀左！滑雞好多，仲真係幾滑，無骨同無雪味！而我揀的係寬麵，唔會因為面積大而中間唔熟，都幾彈牙，有d似刀削麵，配菜的生菜都吸左胡椒湯味，好正最後講返個湯底，的確係少辣，食到出曬汗！但胡椒味唔重，似加左好多香料落去雜菌手工麵 （胡椒湯底）可能有菇的關係，個味有點酸，金菇份量非常多！好足料！而呢個手工麵係中size,食落去比寬麵更彈牙，而菇同生菜都好吸胡椒湯味，所以成碗更加辣！門面都幾舒服…Read More

是咁的，放工本來想去新開素食自助餐，但俾人包左場，而呢間豚骨湯拉麵店剛好係對面，門面小小，幾有日本小店感覺，而時間都唔早，所以就入黎試試門口有個大大的招牌餐牌都有，由於係小店，所以選擇唔會太多！白湯豚骨拉麵跟左兩塊紫菜同埋溏心蛋，所以唔需要額外加蛋而豚肉係厚切，肥肉都幾多，食落有點滯，我揀的麵係要硬身，但上菜後就淋左少少，都可以接受，可惜湯底太咸。名古屋二郎系拉麵拉麵配菜有蒜粒、椰菜同芽菜，係有點與別不同！但可惜蒜粒的味落唔到湯同配菜，帶唔出蒜的香味，而湯底同白湯一樣都偏咸…Read More

平日經過呢間cafe好多次但都無幫襯，因為好多人等，今次經過無乜人，而同行朋友又鍾意咖啡，二話不說就入左去吸引我的原因除左咖啡，仲有文青的門口呢度出名的係鰻魚和食同咖啡☕️，兩樣我地都有點！其實好少cafe會有鰻魚食鰻魚滑蛋定食Yummy鰻魚好大舊，鰻魚汁加滑蛋用送飯，個飯會由平凡帶點色彩！而且賣相好和式好文青！加分咖哩牛腩滑蛋定食友人想食日式咖哩就點左呢個，咖哩好味！牛腩都好淋，薯蓉好特別，加左花生碎，我地都好喜歡Hand Drip加左錢要左壺Hand Drip，Kenya豆，有花香，飲落會帶酸Latte層次感幾好，奶同expresso份量剛好…Read More

Long Weekend的最後一天聽日又要返工，對呢日到底有多多的不捨簡直想將佢無限延長！既然係咁，一定要食飯個good dinner想食日本菜，搵左一陣就搵到呢間，標榜日本米使用，個人對日本米其實無太大認識，只係知比較圓潤同埋營養豐富d!門口有餐牌擺左係度，食物都幾吸引，諗都無諗就入去主菜加唔同價錢就會做到唔同set，最豐富的set會有湯、飯同埋沙律，湯寫係粟米湯，但其實係酥皮粟米湯，好有誠意仲好飲跟餐沙律的蔬菜好新鮮，有甜味！靜岡八女抹茶紅豆拿鐵，唔係太甜，加上紅豆就剛剛好，紅豆蓉好正，大大舊，岩曬我呢個紅豆控牛肉壽喜燒烏冬的牛肉好新鮮，牛肉味好濃，仲好多塊面且大蔥、洋蔥呢d都係我至愛！小煲仔滾滾下！由於呢度用日本米，專登叫多個白飯試下！又真係幾得…Read More

荔園，應該係唔少人的童年回憶，有遊樂場、動物園，當年的小朋友入到去會樂而忘返！但當年的小朋友都長大成人了！我雖然未去過荔園，但都聽長輩講過。呢間餐廳就用左荔園作主題，勾起左大家回憶。雖然同食物無乜關係，但睇下d展品都幾好入門口就有大大個荔園仲問左邱氏家族領左隻真荔園木馬作display!佢d油都剝落左好多，都係年月的印記！食物方面係可以的，一般酒樓的小菜。馬拉盞生啫芥蘭煲好惹味的一個煲仔！爆香左馬拉盞同埋辣椒等香料先擺菜落去炒！香口得黎唔會令到芥蘭太老蜜椒金薯牛柳初初以圍旁邊啡色一條條係朱古力，好彩只係醬汁！牛柳都幾淋，金薯都香甜！食物質素都可以，但價錢略貴…Read More