loollnnl's Profile

今日中午剛巧經過灣仔，終於有機會一嚐永華的雲吞麵，一點多，店內還有一半客人，部分更是慕名而來的遊客。四十多塊，一碗小小的雲吞麵。麵，吃得出是手打的，吃起來比其他吃到的更彈牙，也能吃到一點蛋味。湯底，嚐不到大地魚的味道，鮮味亦不突出。:(雲吞，有四粒，大小適中，但蝦唔夠新鮮，反而胡椒粉味較重。:(值得一提，是很少在雲吞麵店見到的小食醃蘿蔔，反而幾好，很爽很甜。總結，用這個價錢，我個人會期待一個更好吃的雲吞麵。…Read More

牛奶公司真係黎過好多次,間唔鐘都會心思思想黎.今日七點幾個場都幾爆.但個伙計極快地搵到個位比我.之後我拿拿臨叫左個午餐.叉燒湯通粉: 叉燒中規中矩, 湯很濃通粉不太淋,質素尚可但絕不是主角.炒蛋加鮮油多士: 真的唔明白點解個蛋咁滑同有蛋汁,但似奄列,鮮油多士好脆,牛油是溶入了多士內的,咬下便感覺到油香,正之後再order左個炖奶,好滑唔錯.其實呢度d服務都唔係好差,要快就當然是這樣啦,呢間野好代表到香港人既特性.…Read More

其實本身見到一眾爸打既評語,都唔想幫襯,但星期日行過見到好多人,心諗會唔會改善左呢,於是走入去試一試.我叫了個豬扒酸辣米線,女朋友就叫左個韮菜餃米線.麻酸秘製手撕雞.先講豬扒酸辣米線,豬扒連最基本要求-新鮮炸都做唔到,而味道就係好咸,可能佢要係個酸辣湯底度突顯返出黎,但我可以話你知係錯唒.仲有個酸辣,有種酸到苦既感覺,我很少吃剩東西的,今次是第一次.韮菜餃米線可以話係整晚較為可取的,可以吃得出韮菜味,其他的也平平無奇,但要是吃韮菜餃,不必專程黎呢度.手撕雞同樣的酸辣,仲要見到有條長長的頭髮,叫人黎睇,即刻黑面,好不情願地話換左佢,但拎出黎既時候我覺得佢係無換.或者我先入為主啦我望見d人入黎都係見到入面多人同埋出面貼哂野咁,以為ok,但最後都係不知所謂!…Read More

同一大班朋友吃飯,最開心當然是打爐,專程過黎大角咀試一試個豬骨湯底,已經訂了位,但黎到仲要等十幾分鐘:(,埋位後我地即刻落單,等左好耐都淨係得個湯黎左,再催多幾次先黎齊d野,真係唔明d野食都係執出黎都要咁耐.講返食,叫左個肥牛,手切牛,魚片,手打墨魚滑,四寶丸,雞子,鱔片.其實大部分食左既野都唔係無乜印象,因為唔係太普通,就係偏差,唯一可取既就係手切牛,食牛對我來說係食佢個濃濃的肉味同軟淋感,可以比到7-8分佢.仲有個湯,很甜不太辣,合我心意,但如果淨係為左呢個湯黎既話ok.但其他的真的不感恭維.…Read More

星期六同女朋友去尖咀行街,之後求其搵d野食,跟住就黎左唯一.叫了個粢飯,排骨麵,北京餡餅,紅豆餅.個粢飯唔知係唔係賣剩的原因,d飯比較硬,但味道依然ok.排骨麵的排骨都是老樣子,酥軟得來較油,麵比上一淋.今次最想讚的反而是兩個小食.北京餡餅皮很薄,咬下即滿口肉汁,非常好吃,雖然吃後覺口乾,但至今依然回味.紅豆餅,其實本人不太喜歡吃這類食品,但這個紅豆極滿,卻沒有"漏"的感覺,加上煙韌外皮,正!埋單都只是$82,抵!…Read More

尋日睇eason 演唱會,順便過黎時新買個包,遭遇同樓下位師兄遭遇一樣,老闆娘同我講要等半粒鐘,趕時間睇演唱會就唔好買啦!人地一首歌貴過我地一個包呀,但我就認為一個包飽過一首歌,所以照買.買了一個雙層芝士漢堡,等了三十八分鐘,人生第一次等個快餐咁耐.這個包肉汁好多,肉唔"鞋",芝士恰到好處,加上這個價錢,可以比8~9分,抵你咁囂張.…Read More

香港米芝蓮星級餐廳當然要試啦!今次一行六人來到,地方不大,服務一般,食物質素如下:香糟鴨舌 - 酒香, 滑 ,好食蔡瀾撈麵 - 勁香, 好肥膩 , 正芥末雞腳 - 特別,但其實一般鵝翼 - 食唔到鵝味, 可以不叫醉鴿 - 好香酒味, 肉滑, 超好食鹵水鵝 - 鮮嫩美味, 鹵水味夠, 加辣椒油仲正墨魚餅 - 香口彈牙白菜仔-唔肥膩, 還可以這樣的價錢,有這樣的質素,超讚!…Read More