shuichi's Profile

星期六晚市時間，突然想食吓北京填鴨所以放棄等詠黎園走咗黎逸逸居。先講服務，其實又無網上講咁差，啲侍應都好有禮貌，特別係個男仔反應好快即刻帶位，仲有收銀姐姐又好禮貌細心提我哋下載黃埔app會送多個鐘免費泊車，所以服務呢方面我覺得係好好嘅！再講番食物，作為一間餐廳無論啲職員服務幾好都要睇食物好唔好食先會回頭，可惜嘅係今次嗌咗幾樣嘢幾乎無一樣合格。首先蒜蓉炒小白菜太濕無鑊氣，其次蜜汁叉燒食落去完全無蜜汁唔係叉燒味黎，好在肉質搭救當自己食炆豬肉算，但呢碟絕對唔係叉燒，其三北京填鴨嘅拌菜乾如柴，而且甜醬有酸味嘅，最後條魚un到好似食緊走地魚咁（係，你無聽錯，係走地魚唔係走地雞），唔知以為條魚做開gym，食到尾聲隔離枱上海人已經投訴緊條魚好un唔想食，不過公道咁講，加$68有條一斤嘅沙巴魚算係咁，唔可以要求得太高，但結論都係下次食番詠黎園算。…Read More

as titled. pulled pork tacos... I don't know what's the meaning of pulled if the pork comes in cubes. the tacos are not even steamed right, dry and raw(if it was made by them.) the pork tasted like sweet and sour pork mixed with puke (looks and smell the part too.) salsa and guacamole so dry it must have been in the fridge for weeks. not to mention there is not a hint of lime in any of the stuff. am not asking for San Francisco level stuff but for this price, I might as well set fire to my cash and go hungry. if it requires my very own energy to turn shxt into more shxt, why bother…Read More

今日用app嗌左個紅酒煮牛肋條，呢個菜式要讚吓佢係做得好過黃埔某間出名同類型食店的，可惜輸響個蔥山飯，食得出啲蔥啤水啤得唔夠，而且泥味非常重，唔似係日本蔥，希望店家會注意吓，始終非日本蔥洗唔乾淨的話，可能食客食左會肚痛。btw外賣員可能跳住舞過黎，圖片只作參考用😂…Read More

由佢初開食到而家，中間有段時期唔係肥哥哥整麵難食好多所以無黎，好彩而家個味道又番返黎啫，我地又多番個飯堂！推介赤天王同黑天王比愛濃味嘅人，又或是佢近期嘅魚介沾麵都無得頂，記得問佢地拎辣芽菜加埋落個麵度食仲正！…Read More

最近行過見到呢間新開嘅石板牛，好開心屋企附近終於開左一間，所以當晚即刻去試。入到去首先有部機可以自助點餐，可能新開關係，雖說係自助都有職員會耐心喺隔離教你點樣用。基本上所有牛都有200g、300g同400g三種份量揀，價錢亦唔貴。揀完職員就會安排你坐低先，呢個時候你就可以去自助區度拎定醬汁，裝湯、沙律同飯。餐廳亦好細心提供左圍裙比你食牛果陣唔會比啲醬汁彈到成身係，而以新開嘅餐廳黎講佢地都算run得幾順，座位亦舒適。唯一一個我認為有好大進步空間嘅問題係佢地嘅醬汁，我相信應該幾多人都食過牛角或者pepper lunch之類，食牛嘅醬汁最緊要係咩？就係唔可以唔加甜……個人認為佢個醬汁完全唔合格，好可惜佢有價廉物美，有招呼有環境呢啲優勢，結果衰左喺個汁上面，希望佢地會改善吓呢點，咁就完美啦！順帶提一提，我地去食果陣由於坐喺自助區附近，所以都睇住好多人去裝飯，我地發現好多人其實都幾無手尾……開完飯煲蓋成日唔冚，咁樣做無公德心之餘，啲飯好易凍晒變一舊舊。同埋敏感時期，都唔該戴住口罩出去自助區拎嘢啦，無人想見到有其他客對住兜沙律／飯／湯講嘢，噴晒啲口水落去囉………Read More

今日突然好想食麻婆豆腐，於是係foodpanda搜尋到呢間就即管試吓。點知送到黎個麻婆豆腐係油仲多過啲餸，而且得好少好少好似豆豉咁少嘅肉，其他全部都係豆腐同油。講起豆豉就一定要提吓呢個麻婆豆腐入面居然係加左原粒豆豉的，真心麻婆豆腐個醬汁已經咁咸，你比咁多豆豉都唔比肉係想點？幫你啲客練腎者之石？就算你要加豆豉，起碼都搗碎啲豆豉先加入去，唔使人地係麻婆豆腐入面咬到成粒豆豉個口感咁差阿！不如個餸改名叫麻婆豆豉，唔好叫麻婆豆腐啦！最後想講，間舖喺紅磡新開唔係好耐，啲食評正評仲多過一啲開得耐嘅店家，呢間嘢到底可以有幾好食大家自己諗。不過呢個舖位一年半載就執一次，紅磡咁多好嘢食，呢間嘢唔努力啲睇吓幾時又執啦！…Read More