HelloKittyFan's Profile

是日晚餐: -牛肉鮮蕃茄湯麵-路邊攤小香腸肉燥飯-清境和牛薯餅-台式滷水豆腐如果唔係朋友介紹,其實係唔會留意有間樓上餐廳...-牛肉鮮蕃茄湯麵聽講蝦仁卷好好食, 所以又加左; 有三塊牛輾, 三塊都好大塊下, 有少少咬口, 但好入味;麵條彈牙, 份量唔少-路邊攤小香腸肉燥飯又加左蝦仁卷, 蝦仁卷皮脆, 有少少似春卷, 蝦肉彈牙, 間唔中會食到蝦粒;香腸仔冇咩肥肉, 外皮煎過所以脆身, 但因為冇肥肉, 唔算焦香;肉燥撈飯好好送, 肉燥油多, 送飯唔會覺得好膩-清境和牛薯餅講真, 食唔出牛, 但薯蓉好多, 裡面會比較淋身,一夾就分得開-台式滷水豆腐呢到最有驚喜!因為係先滷後炸, 食得出滷過係因為豆腐裡面好有味!平時既炸豆腐有味極都係面層, 食完炸皮就咩味都冇, 但呢個滷豆腐係裡面爆汁返出黎!炸過既外皮好脆, 真係外脆內爆汁!總結:$50-$60一個晚餐真心抵, 而且質素好唔錯, 有D小食, 加幾蚊就有, 而且食物飲品選擇多…Read More

是日午餐:-炸魚薯條-漢堡扒蛋包飯-炸魚薯條魚好有油，不過唔係炸皮的油， 而係本身魚好有油甘香， 所以食落唔dry!後來問老細先知,魚塊叫冰魚, 係南極生長, 所以本身就好重油脂, 先會有油甘香薯條粗身，新鮮炸起，其實配鹽食係最好食兩樣都係炸物， 講真配啤酒真係好夾-漢堡扒蛋包飯蛋包飯一般是茄汁飯，用煎蛋包住，再淋醬但呢到既咖哩蛋包飯使用白飯，白飯上披左煎蛋皮，隔住左咖哩唔易沾到飯粒；日式咖哩偏甜唔辣，但香料味仍然有， 配飯食會掛汁而漢堡扒是亦相當出色，煮的時候已經有適當既調味，扒肉不會太乾太柴，非常腍口但也不失咬勁； 而且有兩塊，好抵食總結:配搭相當出色, 跟餐會免費送三款茶, 其他特飲需要另外加錢, 叫的玄米茶同黑糖冬瓜茶解膩都好唔錯~…Read More

是日晚餐：-黑白胡椒鹹菜豬肚湯-香芹豆腐魚頭湯-日本芝麻汁凍豆腐-醉香牛脷托-蟹肉炒滑蛋-黑白胡椒炒蝦球老巴剎聽個名我真心以為係四川菜，但原來老巴剎係新加坡其中一個美食廣場名，所以食嘅嘢都好有南洋嘅風味！-黑白胡椒鹹菜豬肚湯成個湯都好重胡椒味，重胡椒味到遮晒其他味，間唔中先會聞到少少西芹味；鹹菜唔算好咸,食落都冇浸到好冧；豬肚，切條咬落去都算爽口-香芹豆腐魚頭湯飲湯嘅第一下其實係聞到好重嘅芫茜味，湯頭算清淡，魚肚同埋豬皮，仲有冬菇豆腐夾配搭恰到好處，清淡得嚟有些少嘅鮮味-日本芝麻汁凍豆腐其實本身想要“老巴炸豆腐”，點知侍應話冇炸豆腐，唯有改轉芝麻汁凍豆腐...豆腐細細粒一啖一粒配合埋芝麻汁加肉鬆，係一個好開胃嘅前菜-醉香牛脷托一食落口好重嘅酒味，牛脷托爽口彈牙但係一咬就可以咬開-蟹肉炒滑蛋唔記得影相...食滑蛋嘅時候其實唔係好食得出蟹肉嘅鮮甜，真係要單獨咁挑蟹肉出嚟食，先食得出佢一梳梳，相信其實係新鮮嘅蟹肉！滑板有部分係生蛋唔係全熟，送碟底下嘅米通其實好適合！-黑白胡椒炒蝦球蝦球彈牙，食得出鮮甜，而且好大隻！配黑白胡椒,香茅同埋九層塔炒,另外再加埋蝦球上面嘅一啲炸粉絲同埋炸蒜，其實食落係有幾種層次，包括蝦球嘅彈，炸粉絲嘅脆，黑白胡椒嘅香！總結：食飯嘅兩個鐘頭只得我哋一枱客，三個侍應喺門面不斷傾計；傾計其實唔係大問題,無客悶其實明既，不過其中有個男侍應有幾次都除低口罩傾計，而且三人傾計嘅聲浪大到我都聽唔到朋友講野！其實同朋友都係想輕輕鬆鬆咁樣食個晚飯，但侍應傾計之餘仲有仲要除口罩，喺疫情咁嚴重嘅情況之下除咗覺得有些少唔衛生，仲好影響同朋友食飯嘅感受…Read More

是日午餐：-雞腿便當-鹵豬耳程班長其實已經食過一次又一次，每一次黎都依然覺得好好味😋-雞腿便當炸雞脾自然係重點，雞皮好薄，炸得好香脆，配上些少椒鹽，正；雞肉好厚實，咬落去啖啖肉，不過有時會略嫌乾咗少少！便當裏面仲會有配菜，例如係白烚生菜蘿蔔，魚鬆滷蛋，醃菜同埋魚腐；魚鬆偏甜脆身，醃菜偏酸亦都爽脆！白飯上會配有少許嘅滷肉，送飯一流！-鹵豬耳鹵豬耳嘅醬有些少辣，豬耳爽脆，豬肉部分亦都滷得入味，有些少咬口唔係一咬就散曬，份量亦合理總結：其實程班長嘅甜不辣，蛋餅，炸豬排便當/麵，牛肉麵，甚至係跟餐嘅酸梅湯/冬瓜茶，芋圓，全部都好好食！真係食極都唔會厭！…Read More

是日午餐:-招牌癡花膠雞濃湯(轉薯粉)門口有大大張花膠雞湯米線相，好吸引！-招牌癡花膠雞濃湯(轉薯粉)冇諗過薯粉同埋花膠雞湯會分開上，跟湯會有一個爐㷫住啲湯令到佢冇咁容易凍；花膠大約有三塊，尺寸大約係一口半，口感脆身唔黏口！雞件大約有五六塊，雞件滑身，有皮有骨有肉！雞湯鹹香，湯面有一層雞油，亦都可以保到湯暖薯粉上枱時係一“餅”野，要撈湯可以夾得開，有少少美中不足的地方係，因為薯粉同雞湯唔係一齊煮令到薯粉其實冇吸到太多雞湯嘅味道，食入口嘅時候薯粉還薯粉，雞湯還雞湯總結：撇開薯粉，我覺得花膠雞湯已經值回票價！…Read More

是日晚餐:-芝士鵝肝手打牛肉漢堡-NANA至尊手打牛肉漢堡-NANA炸雞扒-鹽燒杏鮑菇-芝士鵝肝手打牛肉漢堡漢堡多料到我要分開逐層逐層食！鵝肝算大嚿，煎香過，裏面好多油份，但因為夾埋麵包食，食落唔油膩！油香直接送我上天堂！手打牛肉好有咬口，一樣係煎過，肉味好出！配埋半融芝士同生菜，三種唔同嘅口感係嘴到互相配合，好夾！-NANA至尊手打牛肉漢堡應該係同一款手打牛肉，因為一樣有咬口，肉味一樣好出！配合埋半熟荷包蛋同埋炒過嘅雜茹仲有洋蔥，分解咗手打牛肉漢堡扒嘅肉膩，食落突然覺得健康左！-NANA炸雞扒炸雞扒皮好脆，但裏面嘅雞扒一啲都唔乾，而且份量都叫合理-鹽燒杏鮑菇一上枱見到咁大兜真係嚇親下，鹽燒好夠味，杏鮑菇本身亦都好juicy，再加啲黑椒，其實送酒一流！總結：好好食，冇諗過係咁好食，相信餐廳係有諗過點樣配料所以每一樣食材都冇突兀感！…Read More

是日晚餐:-甜不辣-百頁豆腐-牛肉麵-阿宏蔥油拌麵行過好幾次都排長龍, 今次係突登早D去!!-甜不辣估唔到份甜不辣係咁細份...甜不辣食開都係炸的, 但呢個係唔知係蒸定煮...完全食唔出係裡面係咩, 唔知自己食緊咩...甜不辣其實係"Tempura"的台灣譯音, 已經係魚蓉炸完配醬, 咁樣唔炸好不知所謂-百頁豆腐一樣好細份...就係一份硬豆腐...配醬-牛肉麵裡面有多塊牛𦟌, 好軟淑,一咬就散散地麵彈牙, 無煮過; 湯頭好濃牛肉味, 略略有少少辣-阿宏蔥油拌麵真係淨係得蔥油同蔥...成個麵都好dry, 因為真係得蔥油+蔥+麵; 雖然嗌的時候都預左係素麵，但落單個時會期望個蔥油/拌麵醬會比較惹味 但食的時候完全唔係同一回事!而且食晒成個麵都唔夠飽總結:兩個小食要加$10/份, 份量少, 唔好食, $10俾得好唔抵...而且舖頭真係好迫...最緊要係價錢其實係偏貴, 但野食唔值得相對價錢!…Read More

是日小食:-本灣海赤米蝦-鮮味魚仔湯只要行長洲碼頭的一條街, 好難唔發現呢間舖頭; 舖頭的枱仔由汽水膠盒組成, 成間舖頭都感覺好chill!老細會用IPAD介紹有咩食, 8成係炸物, 總共有6款野食,同4款野飲.-本灣海赤米蝦原本想食"去骨鱭魚",因為未聽過鱭魚; 但睇到相的時候, 忍唔住要左份赤米蝦!炸到好香脆, 調味亦都岩岩好, 略帶少少咸, 同炸蝦好夾!因為赤米蝦蝦殼好薄, 炸完連蝦殼食都得!嫌齋食會好寡,旁邊有檸檬汁同沙律醬作調味!-鮮味魚仔湯據老闆娘講, 已經有半年無做過魚仔湯, 因為D魚仔好細條, 買唔落手, 應為魚仔太細條係應該唔好捕獲魚仔湯裡面有蔥花同紫菜, 魚仔湯好鮮甜, 而且飲落去, 身都暖晒!總結:蝦同魚仔湯都食得出好鮮甜, 亦都食得出老細揀既時候好用心;老細好中意同人吹水, 不過臨走的時候, 老細講左句,"肥仔下次再黎呀", 我就有少少唔係幾開心...…Read More

是日晚餐:-娘惹二人餐(怡保芽菜,香茅骨, 脆皮燒肉,檳城麥皮蝦球, 峇峇娘惹珍寶滲滲喇沙)上菜好快, -馬來拉茶先黎一杯拉茶, 先入為主以為係印度拉茶個種, 但無咁重香料味, 拉茶好滑-怡保芽菜唔知點解芽菜好粗, 咬落去好爽口, 同出面食的幼切切比好大分別, 配埋D炸蒜真係好夾!-香茅骨就係排骨外面有裏香茅碎然後炸; 口感未算係好特別, 不過香味好出~每嚿都一啖就食晒-脆皮燒肉皮好脆, 肉算係一層肥一層瘦, 不過美中有少少不足就係燒肉切得太薄, 皮唔係幾夠食...-檳城麥皮蝦球麥皮蝦球真係好驚喜~麥皮好香口, 而且有少少甜; 蝦球好大件,咬落去好彈牙!呢個係食幾多次都唔會厭~-峇峇娘惹珍寶滲滲叻沙一上枱真係嚇親,個碗有成塊面咁大, 果然係珍寶!叻沙裡面有蛋, 魚腐, 雞翼,魚蛋; 比較特別的係叻沙用左兩種麵, 蛋面同幼面, 兩種麵有唔同質感, 溝埋食好得意!叻沙愈食愈積辣, 好彩之前既都未食晒~總結:$200+/2個人(未計加一)都叫抵食!真係每碟都好食!份量多到三人食都夠!!…Read More

是日晚餐:-自助餐!!!逸東酒店全晒名好"黃", 大概半年自助餐佈置就有"721", "831"有關的暗示!香港武肺疫情時好時壞一直都唔敢出街食飯....直至見到「蝦兵蟹將大鬥法」海鮮主題!!點忍wor..-海鮮海鮮區有好多種蟹(分別係麵包蟹、鐘拿蟹、鱈場蟹、花蟹、三點蟹)，小龍蝦，劏半的波士頓龍蝦，海蝦，生蠔 ，青口等無論幾時去海鮮區都係有好多人排隊，所以職員要經常補海鮮! 可能疫情關係啦，會有塊擋版係海解區隔住食物， 你要邊款職員會幫你夾！職員好貼心咁放冰係隻大碗到，然後你話要咩海鮮佢就夾咩俾你！食左幾次麵包蟹身同鱈場蟹腳同鐘拿蟹蟹鉗～鱈場蟹腳最重海水咸味， 條條腿都好多肉！麵包蟹身無任何膏，但勝左都厚肉！鐘拿蟹蟹鉗係我的最愛， 每一啖肉都好厚！生蠔偏細隻而且唔太重海水味，不過夠滑夠鮮-日式區日式區分為刺身/壽司區 & 日料區。刺身有基本的三文魚, 吞拿魚, 帶子, 生蝦; 壽司就係師傅即叫即整帶子好甜, 三文魚同吞拿魚就無咩特別啦!日料區有多種天婦羅,  串燒, 日式前菜, 日式煮大根!最值得讚的係蘿蔔, 入味, 而且腍, 應該真係煮左好耐!-熱食區熱食區粗略分做三區: 中式，東南亞，西式中式有粥，粉麵，叉燒等；期間有個小時段就片皮鴨， 鴨皮脆， 夾醬同大蔥係唔錯， 不過一個人只可以拎一份兩件東南亞有烤物（例如烤菠蘿， 烤冬菇等)，， 喇沙， 冬蔭功等 西式有燒西冷， 烤五花腩同幾款焗菜； 烤五花腩同燒腩仔無咩分別， 一樣脆皮！-甜品區正路的切餅當然有， 有部份的甜品都幾有創意， 例如咖啡焦糖燉蛋， 好唔好食就見人見智雪糕是Ｍovenpick， 味道有好多， 由常見的士多啤梨味、朱古力味到唔常見的青檸味 焦糖合桃味都有最得意係有好多唔同種類的糖， 好多都有兒時回憶， 例如白兔糖！ 總結: $500+/人真心合理, 而且地方好大, 唔係一眼望駛個種自助餐廳， 而係行左三轉都仲未記到邊到係邊到...職員收碟收得好快, 斟水都斟得好密；今次無酒水區， 統一有職員最後問想飲咖啡定茶~性價比幾高！…Read More

是日晚餐:-煎蛋飯捲-香蒜蜜糖炸雞餐廳外有隻好大隻的啤啤熊, 好似等緊你上來食野咁~餐廳keep住播韓文歌, 不過好大聲, 有時都唔係幾聽到朋友講咩...落單後會有泡菜, 醃菜做前菜~-煎蛋飯捲紫菜飯包住再有蛋, 面頭再包住蛋, 有5件飯捲再有蟹籽!甜酸汁好開胃, 蛋味濃!-香蒜蜜糖炸雞好大一盤薯條薯角薯格同炸雞!!另配四格醬, 唔係幾分得出係咩醬, 食得出有辣醬, 有蜜糖醬, 有隻甜甜酸酸...炸雞皮好脆, 一啖/兩啖一件雞, 炸雞面有香蒜粉, 不過蒜味唔算重味!薯仔炸物 好脆口, 脆口到食晒應該會喉嚨痛果重脆口!淨係薯仔炸物 都好飽!!總結: 每碟野食都大大份, 多幾個朋友share會開心D!而且一邊吹水一邊食,再一邊飲下燒酒咁就一晚!…Read More

是日下午茶:-鹽酥雞滷肉飯配蔥油餅+豆漿因為「去唔到台灣就要食台灣菜」，所以試下明星開的餐廳「大茶飯」，餐廳滿滿的古早味!-鹽酥雞滷肉飯配蔥油餅+豆漿鹽酥雞應該是選用嫩口的雞腿肉塊，炸衣做到台式咁薄薄一層，鹽味也不會過鹹; 滷肉飯飯粒分明，肉燥的份量剛剛好，撈一下就撈勻每粒飯，食落去都不會肉燥過多或不足; 肉燥也很香，略帶少少油脂。葱油餅份量足夠二人進食，餅身薄薄，放近嘴邊有淡淡葱味，不會很乾很難入口。點豆漿時，侍應話是自家磨的，喝下去後，喝得出豆漿有一些渣的，也不會太甜落很多糖，真係有少少喜出望外。總括: 除了價錢稍貴之外，這裡的茶餐是有質素 ，有驚喜!試得過!…Read More

是日晚餐:-和風凍蕃茄-極上芝士龍蝦沾麵-豚肉魚介沾麵好彩早到, 排左一陣已經入去坐得; 不過又要等左一陣先有野食...因為最近疫情關係, 所以餐廳有送膠口罩收納夾!幾靚~-和風凍蕃茄作為前菜係幾好, 蕃茄爽口, 浸住酸酸甜生的汁好開胃!-極上芝士龍蝦沾麵沾麵醬話係龍蝦汁, 不過似係罐頭或者粉調出黎, 好膩!!好濃!!好"杰", 熱食都仲好D, 凍左會變成一"pat"醬龍蝦上面係厚厚的芝士!!芝士起塊起出黎好好食!!!焦香兩個字講晒!!成隻龍蝦一開二, 遮晒碗麵, 龍蝦肉有少少韌, 龍蝦籽就好好食!-豚肉魚介沾麵沾麵醬是日晚餐:-和風凍蕃茄-極上芝士龍蝦沾麵-豚肉魚介沾麵好彩早到, 排左一陣已經入去坐得; 不過又要等左一陣先有野食...因為最近疫情關係, 所以餐廳有送膠口罩收納夾!幾靚~沾面醬如果唔夠, 餐廳仲可以加醬加湯!!-和風凍蕃茄作為前菜係幾好, 蕃茄爽口, 浸住酸酸甜生的汁好開胃!-極上芝士龍蝦沾麵沾麵醬話係龍蝦汁, 不過似係罐頭或者粉調出黎, 好膩!!好濃!!好"杰", 熱食都仲好D, 凍左會變成一"pat"醬龍蝦上面係厚厚的芝士!!芝士起塊起出黎好好食!!!焦香兩個字講晒!!成隻龍蝦一開二, 遮晒碗麵, 龍蝦肉有少少韌, 龍蝦籽就好好食!-豚肉魚介沾麵沾麵醬雖然呂係龍蝦汁, 但都係濃味醬叉燒邊有少少焦, 因為無芝士無龍蝦, 食晒成碗麵都係飽而唔係膩!總結:另加左兩啖仔海膽, 就咁睇一個麵都叫合理, 不過一加到龍蝦, 成板海膽, 黑松露就真係貴!雖然帳面係貴, 但合理既!!真係一分錢一分貨!…Read More

是日晚餐:-柚子炙燒三文魚沾麵-鹽味雞湯拉麵行過幾次都見到好多人排隊...少人D都排左十五分鐘-柚子炙燒三文魚沾麵沾麵醬完全唔係醬!只係一碗湯, 湯汁完全掛唔到麵!柚子汁有D似柚子蜜開水煮成汁咁...麵太多, 汁算少; 麵餅一舊舊,有D痴住, 好難夾起沾汁, 不過係酸酸甜甜既三文魚扒煎得好香, 魚皮脆, 魚肉唔易散, 點柚子汁比麵更夾-鹽味雞湯拉麵有比較下, 雞湯拉麵更出色!雞湯味唔濃, 咸味濃D; 叉燒應該係雞肉叉燒, 易咬!薑蔥油同湯好夾!麵底浸湯, 無沾麵底夾唔起的問題, 所以更加食得出彈牙!總結: 柚子沾麵醬真係唔得!可以話做得好差...其餘食物都叫合理!…Read More

是日晚餐:-鰹魚味豚骨拉麵-燒海蝦味豚骨拉麵一直都唔明間餐廳點解叫"台風", 明明就好日風....餐廳裡面好多手畫的卡通動漫公仔餐廳 午市是沾麵, 晚市是湯拉麵, 餐牌都係得4款麵, 可以揀配料配搭, 可以揀麵、醬份量-鰹魚味豚骨拉麵因為揀左(大量)醬, 所以湯底好濃味, 飲得出"沙沙"既質感!麵底彈牙, 一挑起麵底, 熱湯的蒸氣會冒, 所以飲到最後個湯都會暖木魚碎做點綴好出色; 叉燒焦香, 肥瘦均勻!!-燒海蝦味豚骨拉麵好多櫻花蝦仔舖面, 因為都係揀左(大量)醬, 所以湯底好重海鮮味!筍同叉燒同蛋都可以互相轉, 但今次唔記得左轉筍...唔中意食筍.....總結: 舖頭的牆都係客人的comments, 感覺好warm, 每個客人入黎同走, 店員都會用日文嗌"歡迎光臨"同"多謝惠顧", 好有被重視的感覺!每款麵食都食得出用料靚! …Read More