al7058793的個人專頁

黎到尖沙咀，想普普通通食餐晚餐，就黎左呢間喺地庫嘅pizza hut。呢間分店都算幾大，店員安排左我地坐角落，靜靜地咁。雖然係平日，不過都幾多人黎食，好多係外國人添。最近食左好多肉🐷🐮所以pizza揀左「素食至尊」🥒🍅。雖然就淡味啲，同埋係普通批邊，但今次嘅厚批邊好鬆軟！👍🏼另外食左個「海鮮闊條麵」，海鮮有蝦、魷魚，同蟹柳😂呢個就麻麻地，醬太多太稠。最後就食埋個甜品「朱古力窩夫」🍫，好食！朱古力雪糕係靚嘢，個窩夫夠鬆軟！…查看更多

喺Elements行到肚餓，見到呢間台灣嘢有好多人，咁就入黎試下。牛肉麵有肉又有筋，兩樣都煮得好腍，麵條有咬口。叫左蚵仔麵線，大腸就仲有騷味，不過啲蚵仔就好肥美。黑醬油炒飯嘅飯炒得乾身，入面有切得好細粒嘅台灣香腸😂酸菜煮魚嘅魚湯好好飲，少少辣，夠晒酸。魚就好滑，仲有好多配菜芽菜酸菜咁。香炸蚵仔酥就炸粉厚左啲，不過就好香脆。手抓餅整得乾身，唔會好油，上枱時仲係熱嘅。整體黎講呢間就係中上水平嘅台灣菜。…查看更多

聽聞outback lunch set好食，今日黎到moko見到有，當然要試下。先上黑糖包，上枱時仲係暖暖嘅，咬落外面少少脆，入面好鬆軟，搽埋牛油更加香。今日餐湯係粟米湯，有粒粒粟米，好飲但就嫌佢鹹左少少。仲有個沙律，食完咁多樣其實都飽左一段😂叫左芝士白汁燒雞肉雜菜寬麵，有啲辣，不過好香芝士味，係削左薄片嘅芝士落去，啲汁包住每條麵，不過雞肉就乾身左啲。另一份就叫左豬肋骨，好腍，唔洗切一拉啲肉就離骨。仲配薯條，係真·薯條，有薯仔味，仲有薯仔皮喺面，炸得外面好脆。整體黎講，lunch set真係好食又大份，絕對值得再食！…查看更多

嘢食好快就黎到小籠包皮薄多汁，正！擔擔麵叫左少辣，麵條爽，果湯就唔會好辣，不過就嫌唔夠多花生碎雞絲粉皮就夠晒多麻醬瑤柱賽螃蟹嘅蛋白好香好滑百頁結烤肉嘅五花腩好淋，百頁結入晒味鴛鴦高力球就有兩款，一個係紅豆，一個係蓮蓉。個包好鬆軟，啲餡唔會太甜整體黎講，係值得再食嘅上海菜！…查看更多

聽左店員推介左個二人餐，就揀左呢款前菜有燒煙肉凱撒沙律，塊煙肉係要自己燒嘅，燒到脆口之後就放上去個沙律度，油膩嘅煙肉配返落去個沙律度就變得啱啱好廣島燒燒嘅步驟雖然複雜啲，但係跟住佢俾嘅步驟來做就唔使驚整得唔好食我哋仲揀咗個上級牛肋肉黎食，不過就覺得唔係太特別呢個二人餐份量好大，兩個人食真係會食得好飽…查看更多

隔左冇耐又黎返呢度食，今次叫左個二人餐薯條配蜜糖芥末汁， 上枱時仲係熱辣辣嘅，薯條雖然唔係粗嘅果種，不過保持脆嘅外圍，配埋甜甜辣辣嘅蜜糖芥末，好夾今次同樣揀左「海中狂點」薄餅，上面嘅海鮮保持到juicy，大蝦仲係爽口嘅，扭扭批邊點芝士醬，帶出晒啲芝士味…查看更多

今日喺青衣城行街，黎到二期呢邊，見到呢間日本嘢未食過，就入左黎食餐廳唔算大，不過坐得都舒服，叫左嘢食之後，5分鐘就有嘢食，黎得好快叫左叉燒豬骨湯拉麵，叉燒肥瘦適中，拉麵腍，湯底唔會太鹹最正係石燒和牛，加$30有飯、湯同沙律上枱時個和牛已經煎封左，所以一上枱其實就食得，建議唔好放喺石板上燒太耐，驚會嚡和牛肉質腍，唔係入口即溶，有少少嚼口，和牛下面放左芽菜，所以唔驚好快煎燶件和牛有3款醬汁跟埋個和牛，不過我就覺得原汁原味已經好好食…查看更多

琴晚食左呢個二人餐 份量好多 真係要三個人先食得晒😂是日餐湯係周打蜆湯 不過就冇咩味 又稀 麻麻地主菜揀左芝士焗牛柳粒飯 芝士拉到絲！牛柳粒又淋 好食！另外食左白咖哩香茅豬排飯 豬排脆 個汁撈飯一流！蒜蓉牛油雞翼 又香又脆 每人兩隻真係唔夠喉！呢間分店夠大坐得舒服 可以再去!…查看更多

今次食呢間近近地嘅粥店粥係用細瓦煲仔上！夠晒熱叫左皮蛋瘦肉粥($25) 好多好多料 瘦肉夠鹹👍🏼粥底都綿碎牛粥($25)嘅粥底都綿 只係炸米粉少左啲蝦米腸($15) 皮薄 蝦米香油條($9) 可以揀切 食得更方便 不過可能係預黎做炸兩 所以硬身左啲 就算浸落粥都仲係硬左啲…查看更多

估唔到平日都幾多人等位 等左半個鐘先入想試下新嘅「點芝扭扭批」所以單點左個普通批個批唔係厚 火候控制得幾好 上面嘅蝦 蕃茄仔都仲好juicy另外叫左半隻意式香草烤雞 冇食一段時間都仍然咁好食 好香好滑葡式雞皇飯都好香 不過略嫌太多汁…查看更多