chinyulee's Profile

食鬼巴士唔一定要去元朗嘅 原來旺角而家都有 咁都比我撞到實在太開心 之前銅鑼灣都有不過執咗好耐之後都好耐冇食過 最鍾意鬼巴士比起出面既滷味有好多小小選擇 好食肥x果兩間今次叫咗兩樣嘢食 反腸同生腸 其實本來係想叫脆腸 唔小心叫錯咗生腸 不過都唔緊要都係好好食同夠凍 反腸比起生腸爽脆有咬口 而生腸就都夠爽同埋唔會太韌同太大夠 最緊要配埋鬼巴士獨有嘅豉油 豉油係好得意 杰杰地既仲有好香麻油味 仲有小小甜味 淨係落一種醬就夠 其他甜醬芥辣根本唔需要落都已經好好味…Read More

奇趣餅家應該好多人聽過 今次我係第一次食同買呢度款式好多有摩囉酥 合桃酥 雞仔餅 棋子餅 皮蛋酥 馬仔 光酥餅 雞蛋糕 真係多到數唔哂 我買左幾樣野食試一試皮蛋酥一買就忍唔住要即刻食 好開心 🥳 好香好鬆軟香滑 但可惜入面冇薑 有埋薑就真係完美喇馬仔 好似$30兩包 我唔太肯定 但一定唔貴既 一包有四件 仲要獨立包裝 好方便食 甜度夠香 最好食唔會太甜 😋 cp值高光酥餅🫓呢隻細細粒既光酥餅方便又好食 唔會太乾身 兩啖一粒咁 小朋友都好鐘意呀雞蛋糕🧁大大個既雞蛋糕 食落好香濃蛋味 一食就知係新鮮整出嚟 比起而家出面成日有既台式古早蛋糕 雞蛋糕真係有得fight …Read More

話說亞姨成日都話要同我食飯 今日就帶我去咗九龍城打邊爐 以為去係嗰啲普通火鍋店 點知今日帶我去咗一間有驚喜嘅火鍋店由於本人好鍾意飲湯特別係豬肺湯 亞姨竟然搵到有菜乾豬肺湯湯底 實在太犀利 可以飲完湯先至再打邊爐 真係兩倍開心今次仲叫咗條象拔蚌開心吓 象拔蚌好鮮甜 仲有鮮鵝腸 不過鵝腸應該係雪過 味道一般 響鈴係自家製嘅不過就唔係好夠脆 如果炸一炸單俾我哋會好好多呢度價錢唔算好貴 我哋呢度其實夠三至四個人食 但係我地兩個人食 埋單好似八百幾蚊 價錢算係中價啦😂…Read More

朋友話楚撚記係非常人氣 搞到我一直都好想試 今日終於有機會食到 開心仔😋 原來喺土瓜灣嘅一條巷入邊 冇人帶我去真係唔知喺邊度豬油撈飯🍚呢啲咁唔健康嘅食物真係好好食 有豬油之外仲有豉油芫荽蔥俾埋你自己撈 真心好食過大x華 香煎黑松露蓮藕墨魚餅🐙呢個真係煎得好香 墨魚彈牙夾埋蓮藕爽脆仲有啲黑松露香 好正燕麥金沙蝦球🦐呢個有少少似新加坡嗰啲麥片蝦 食落甜甜地 麥片都可以食埋 其實幾開胃 我都好鍾意 不過我朋友就覺得麻麻地楚撚沙拉骨🥗呢個有少少失望 真係好普通 唔可以話係唔好味但又唔難食既 只可以叫係正常味道 同平時出邊嗰啲差唔多 冇乜驚喜由於得兩個人食 所以叫得唔算多嘢 希望下次可以多啲人一齊食 最後餐廳仲送埋番薯糖水俾我哋 糖水好夠薑味 味道唔錯 多謝晒😋…Read More

九龍灣一路都好小呢D PANCAKE店 MEGABOX有一間呢類野食已經好開心唔洗去到尖沙咀 旺角 銅鑼灣出到咁遠  果d真係見到條人龍都唔想排 今次食左梳乎厘班戟食落都好香 但我就覺得可以再鬆軟ｄ dum dum dum D 但賣相睇落都好好芝士漢堡配薯條 今次真係專誠要讚 估唔到好好食 薯條好食到真係好小地方食到芝士夠香 牛肉夠 juice 包都有烘過 好明顯係用心制作重點黎喇~～～～就係薯條幼身既薯條非常脆 注意番～～係脆而唔係硬 每一條都係有調味 點小小茄汁 真係好好食好開心 真係好耐冇食過咁好食好滿足 大家都真係可以一試 如果食唔到咁多野 無記錯薯條係可以單點既…Read More

自從疫情 真係好左好多出去食晚餐 難得可以同家人一齊食飯 當然要去番婆婆最愛既聘珍樓最鍾意呢度環境清潔又夠靜 餐具又唔會油淋淋咁 疫情下清潔真係好緊要呢度既差燒同燒腩都係婆婆喜歡 我都覺得唔錯 椒鹽九肚魚都好好食希望呢度唔好咁快執啦…Read More