力兔不太快's Profile

好多年前已經嘅天仁茗茶嘅fans 經過尖沙咀飲吓囉，不嬲覺得佢哋公司水準係有保證但無奈原來尖沙咀呢間係咁難飲啲奶好似溝咗水，咁超級稀，冇奶味亦都冇茶味，真係一杯廢水。。。唔知飲咗啲乜。。。唔想話佢偷工減料，但個味的確係非常之淡。希望呢間分店嘅員工檢討吓明明其他分店唔係呢種味。都OK失望。…Read More

平安夜周圍都好難搵餐廳但竟然book到呢一間，雖然係諗住叫散叫嘅但冇計啦，佢哋只能夠食Christmas Set，配合返聖誕節氣氛就一於食Set。一去到只得返outdoor有位不過餐廳都好貼心勁多暖爐，圍住好多枱雖然寒冷天氣警告，但客人都係唔覺得凍的嘢食方面，都幾好味，上菜速度都好正常。雖然兩個人食，不過份量都好足夠特別黑松露芝士通粉，完全是飽飽的其他前菜都冇令人失望。希望有機會，可以喺平日再試多一次。另外想睇吓喺餐廳嗰個大廈好高級好靚完全估唔到喺寫字樓，中間竟然會有餐廳…Read More

細個喺石硤尾附近讀小學，放學通常都跟屋企人去七喜食碗雲吞麵一個星期起碼食幾日啊長大後搬走咗，機緣巧合底下今日經過太子，一於入去食個下午茶重溫一下以前嘅味道。裝修同埋嗰啲雲石枱都冇變，真係同20年前一模一樣。首先叫咗一碗水餃粗麵同埋黑柏葉湯麵🍜上菜速度我諗10分鐘已經上齊左兩碗，湯底仍然係晶瑩剔透，面嘅質感仍然軟硬適中。另外叫咗小食炸雲吞同埋蜆介鯪魚球炸雲吞出面個皮好脆，入面果然係鮮蝦仲要好大隻，值得推介。不過兩個小食食完就有啲口乾。…Read More

喺香港想搵間坐得舒服少少嘅越南菜，都唔容易架，原來1957集團有做埋越南菜，裝修同環境都好舒適。即刻book位試吓先服務員相當有禮貌，因為唔係成日食越南菜，服務員不厭其煩咁介紹咗Menu上面好多唔同嘅菜式，以廣東話嘅咬字亦都十分清楚，溝通好愉快我哋亦都聽咗佢介紹嘅熱門菜式即刻落order等咗一陣就上菜，擺盤同埋小食都好有心。越南炸春卷好香口，一啲都唔油膩，仲可以配埋青檸汁另外一個炭燒豬肉亦都好特別，配菜有啲生菜，包埋一齊食一啲肥膩嘅感覺都冇然後主食梗係越南生牛河啦，冇得輸呀！服務員果然好介紹下次肯定會encore…Read More

成日經過都見到佢哋舖頭門口排晒隊認真睇清楚，入邊啲裝修同埋餐具都幾特別喎，真係好有泰國夜市街邊檔嘅feel，嗰啲粉紅色同埋淺藍色嘅膠碟，去泰國旅行嘅回憶全部喺一個腦海度徘徊一個星期五嘅晚上成功book到枱不過要齊人先入得，大熱天時喺門口等隔離喺條馬路都真係大汗淋漓，不過老細都醒，見到有吉枱都即刻俾我哋，一坐低即刻叫咗最出名嘅蝦餅皮蛋，仲有生蝦刺身不得不讚賞真係有泰國嘅味道，仲要係好接近香港好難食到呢一種味，認真啲望吓個廚房，原來入面真係有泰國一家人喺度煮，係正宗嘅泰國人煮泰國餸，而服務員嘅侍應都係香港人，溝通完全冇難度。期待下次…Read More

我相信呢間餐廳，漸漸都會成為預約困難店，因為佢哋book枱嘅電話長期打唔到就算通咗都冇人聽今次好慶幸喺下晝四點幾，打咗兩次就有人聽呀，仲即刻book到星期五嘅晚上不過要六點入席7:30交枱唔理啦都要照食雖然侍應咬字不清，唔清楚係英文定係廣東話但服務態度都唔算好差，畢竟佢哋應該唔夠人手，個個服務員都勁忙，在7:15已經不停催我哋埋單，同埋交枱。入正題，醬油蟹真係超級好食絕對係想encore，服務員會幫你將啲蟹膏同埋蟹肉撈埋啲飯，然後放喺個蟹殼上面，原汁原味一滴不留 好少見韓國餐廳有呢個食法。一試難忘已經準備約朋友再食，希望電話快啲通…Read More

牛大人真係從來都未令我失望過啊已經漸漸變咗每個，話都要必食嘅餐廳了！今次都係經OpenRice book位，方便快捷。首先我哋揀好咗個湯底，今次係食蒜頭雞一坐低，已經即刻叫咗個澳洲和牛M5牛肩同個湯底好match呀，只需要擺喺湯底大約10秒，牛嘅熟度就啱啱好，再配埋喺出面嘅自助醬料，心情簡直大喜悅呀！仲有炸魚皮，炸午餐肉，鴨血，當然唔少得就係王子麵啦！然後再食咗個北海道十勝豚，估唔到啲牛咁出色，啲豬都好好食，完全今晚變咗食肉獸。每樣小食都必須要落單，皮蛋豆腐，鹽酥雞，台灣腸，真係每次嚟都必備，仲有好難喺出面食到嘅蔬菜水蓮，果然係牛大人先會食到呢啲咁特別嘅台灣蔬菜。必須要encore！牛大人台灣火鍋世一丫…Read More

我諗Mango Tree都算香港食泰國菜之中比較靚餐廳，相比起九龍城嗰啲餐廳，Mango Tree都算係我最鍾意嘅泰國餐廳嚟。首先佢嘅裝修絕對係華麗同埋高級圓方呢一間直頭有落地玻璃大景今次我哋一家四口食咗晚飯時段不過期間上菜比較慢，可能因為假期嘅晚飯時段但係仍然冇失水準，小食同埋主菜都好好食。最期待嘅就係甜品甜品拼盤分別有芒果糯米飯同埋一啲椰汁糕佢個芒果糯米飯絕對出色，大家有機會一定要試吓另外佢有一個用南瓜做嘅甜品，都幾特別㗎好少餐廳食到。…Read More

假日出尖沙咀搵餐廳食飯都係一個難題如果冇book位嘅話，Lunch嘅時段應該有排等唔想再喺海港城等位了，過咗對面1881嗰邊睇吓有冇餐廳結果王子飯店有位我諗係午餐嘅時段滿座嘅情況只有三成一坐低到心諗會唔會好難食㗎？首先一坐低就沖茶洗杯然後上咗一個好似生果咁樣嘅小食好似啤梨但又唔知乜嘢，大家都冇食。然後叫咗啲小食同點心未到唔差個喎，仲有啲水準添，份量唔算好多 咁就可以叫多幾款其他小食雖然環境唔算好靚，但係喺繁忙嘅尖沙嘴區有位，都冇破壞一個美好嘅假期。…Read More

食過呢間餐廳已經無數次嗰陣時海港城有coupon係好抵食㗎漸漸已經冇咗呢種優惠，全部都要用正價了OK唔緊要啦，始終佢個景係靚無論有陽光或者係晚上，佢呢個景色依然都係無敵。咁就約咗朋友慶祝生日，待應安排咗位置喺最入面，雖然坐得比較遠。但亦都冇忽略，周不時都走過來問我哋有咩需要，服務很好然後食物嘅質素仍然都係好味，呢間餐廳都冇乜缺點。唯一嘅缺點就係假期Walk in未必有位。然後要book可能要預早一兩個星期。但都係值得回頭的。…Read More

上網介紹呢間餐廳有好高級嘅魚子醬下午茶食一於就星期日去試吓沒有book位的，當日Walk in就已經有位，成間餐廳面積都幾大，應該係下午茶嘅時段沒有爆滿人。待應安排咗我哋坐窗口位，就咁睇全部侍應都係外國人，態度認真麻麻。。。不過環境都幾舒服，夠晒陽光同埋觀景都幾好:)然後就叫咗一個指定嘅Tea set有黑松露嘅三文治，同魚子醬做主食嘅下午茶坦白講，佢除咗擺盤比較用心同埋茶具比較靚之外食物嘅味道超級普通黑松露三文治凍嘅生蠔唔好食如果嚟食嘅朋友千祈唔好有期望啊。…Read More

聽過呢個餐廳名好多次，乜嘢日本過江龍？好出名嘅米芝蓮一星拉麵店？喺日本最威水？見佢啲分店都幾多，今次經過尖沙咀就試吓佢佢嘅選擇唔算好拉麵嘅湯底都係有幾隻揀。不過我覺得最吸引嘅係佢哋嘅小食所以叫咗一份沙律同埋八爪魚兩個都幾好食喎，果然係米芝蓮一星連小食都沒有令別人失望到拉麵上菜嘅時候，反而好似遜色咗少少湯底同面都冇咩特別，突然有一刻覺得豚王仲好味。不過都會試吓第二次，叫一個佢哋最出名嘅湯底環境都幾舒服，職員安排咗我哋坐入門口嗰邊嘅卡位，私隱度都幾高。…Read More

上網不停見到好多關於呢間餐廳嘅介紹最出名嘅肯定係佢嘅裝修同風格有一個沙地，可以盡情打卡佢又會有室外嘅地方，有粉紅色摩洛哥風嘅裝修，亦都可以瘋狂打卡所以約埋朋友三五成群一齊去食lunch我哋叫咗好多嘢食估唔到份量都幾多，碟碟都好大碟以為係普通三文治，沙律仔，蛋糕仔點知上菜發現每一碟都係二人份量價錢完全同分量成正比不過可能Cafe仍然好多人，所以上菜方面要等比較耐。但係服務員都幾盡責，有問必應。我哋今次坐咗喺室外嘅位置，雖然冇咩打卡位但係勝在食物取勝。下次都會再嚟。…Read More

不過真的需要成為預約困難店？喺沒有晚市堂食嘅情況下，Book位book左半年，轉為食lunch 。就係因為廚房嗰個廚師2:30要收爐所以1:30之前就要出現，都冇約實時間㗎淨係叫我哋lunch過去OK去到，原來入面嘅環境咁細，位置同餐枱都唔算好多，唔怪之得預約困難啦原來廚師做唔切，然後用餐嘅地方不多。等起菜嘅時間都比較耐。入面所有服務員都係老人家。見佢哋溝通同埋效率都唔算好靈活。不過都體諒的，話晒都係多年嘅傳統名人飯堂。食物唔算好出色，但都會飽肚囉，份量都多㗎最出名嘅豬扒飯原來係六人份量，唯有全部打包啦。不過冇下次了哈哈哈…Read More

估唔到閑日都咁多人已經有幾對情侶排緊隊，一場嚟到冇理由唔等㗎，攞咗飛之後喺門口徘徊等咗一陣（20分鐘左右）入面啲裝修係幾靚嘅，幾特別，同出面嗰啲Cafe有少少唔同，佢有張凳係專門打卡嘅，所以令到等候時間長咗都冇辦法可能六點關門嘅原因4:30左右已經冇咗佢哋熱門嘅Tiramisu叫咗三杯唔同嘅嘢飲其實都係純粹為打卡，飲品方面都冇咩特別評語但都要讚下入面嘅職員，安排位置嘅靈活性好高，亦都有同等位嘅客人溝通，唔會只係忙住入面廚房嘅工作。…Read More