yikloveyou's Profile

今日係大圍既隆亨邨街市內發現左一間飲食男女介紹過既車仔麵，身為為食貓一定即刻去試下，食左個滷水雞翼、燒賣、炒米粉。覺得唔錯，今晚再去試下最撚手既車仔麵。先講吓滷水雞翼佢滷水老得入味，啲雞翼唔會鞋又唔會生啱啱好好滑。再講下個燒賣食得出唔係平價貨，蒸既火候啱啱好唔會整到啲燒賣爛晒。最後係嗰個炒米粉，個炒米粉軟硬適中，入邊有紅蘿蔔絲，椰菜，芽菜，佢嗰度有一啲自製嘅辣椒油，嗰種辣椒油好香撈埋落去個米粉嗰度個味道啱啱好唔會太辣又唔會唔辣。…Read More

話說早幾日同屋企人去旺角行商場，行到7點令鐘肚餓就話食飯啦，近幾年變左百貨公司既瓊華商場原來右邊個有個位行入去上樓仲好多野食。之後我地就上左12樓既八幡屋日式蒸氣火鍋放題，行到門口有位類似知客既人，笑得幾燦爛，甘入左去之後就叫野食啦，好似有分三種牛肉既餐，只能選擇一種按品質收費既！叫完啦唔夠五分鐘就上左菜！好快就有呢兩個蒸氣海鮮來左先，拿有類野好緊要！大家一定要知，你見到既海鮮係可以無限無限無限無限再叫嫁！係免費既！D海鮮都好新鮮！好鮮甜！食到甘上下口渴出去拎野飲啦！又發現左平時去7仔買既Apple Cider 竟然係呢到係任飲嫁！如果自問鐘意飲下啤酒既其實飲返佢半打都已經回哂本，到最後就係食甜品一共有芒果布甸，牛奶奶凍，糯米滋，CupCake，泡芙選擇！最後食完埋單走人，報告完畢…Read More

記得食果晚係年三十晚，晚上大約9點，同女朋友兩個人去旺角花墟行年宵啦，就係花園街尾近花墟方向發現呢間火鍋店！睇裝修都覺得唔錯所以決定一食，佢唔係放題來，價錢亦一D都唔平！比個餐牌大家睇下先甘果晚我就叫左個$660二人套餐既因為講真散叫係對我來講係真係貴左D!不過唔緊要既因爲當食物上台既時候，我有意外驚喜，因為食物真係好新鮮！先睇睇個湯底！我叫既係蕃茄薯仔湯底!佢茄味濃郁，薯仔夠溶，飲湯可飲到薯仔沙，真係有種屋企既感覺！好啦！坐左無幾耐呢樓面就拎左一盤調味料比我地自助使用，調味料亦都好新鮮好靚光澤好好！跟住落來就睇下個二心套餐既盧山真面目，拿！問心真係好新鮮！全文介紹完畢！多謝收睇無線新聞…Read More

早幾日同個朋友Book左呢間個放題食物同市面上既放題餐廳差唔多，睇齊一般放題餐廳價錢亦都大眾化大約229蚊港幣連埋加一大約250蚊港幣一位，食物選擇都比一般既放題餐廳多少少。單單係點餐既紙就有十九款以下落來就推介一D我覺得比較好食既食物啦！佢地既壽司好好味，入口即溶，有一種和諧既感覺，如果避風塘炒蟹係惹味，佢地既食物係和味！呢碟係好多放題餐廳都有既唔知咩野薯仔一口牛，牛味滾薯仔香鑊氣夠！一個字正！食放題唔少得既一定係刺身你睇圖都見到刺身油脂均勻，新鮮夠光澤，味道亦當然鮮味以上幾種壽司係必食推介，和味！天婦羅亦炸得香脆內軟嫩呢味帝王海鮮鍋只可以講係好鮮甜，好味道到叫左兩鍋，忍者亂哂龍！一級棒！正正子…Read More

食食食食食食食食食食，今日光顧左位於大角咀中匯街既漁民樂 ， 門口賣相鮮明，以綠色做主意，應該係希望以健康新鮮為主，我亦好贊成健康既主題，因為本人係好唔中意食味精…咁贊下先，首先佢地有幾樣野做得唔錯既，就係火鍋配料既分量有少為大，中，小，三個級別，一問之下發現原來老闆希望客人可以一個人食火鍋唔洗一碟碟叫，食得幾樣就飽哂，特別安排火鍋配料分量為大，中，小，令一眾餓底都可以一個人食好多種配料，享受同慢慢食(>﹏<)一聽完，嘩，頂你個肺勁感動 。完全唔似其他火鍋店咁，呢到令我感覺到佢地真係，以人為本，以客為尊 。好啦，咁講下我試完之後最值得推介既美食啦推介1：大澳海山雞翼，用大澳傳統古法蝦膏和蝦醬醃製半日，沾上些許炸粉，落油炸，先用慢火炸至半熟，再推大火將油迫出雞和炸粉之外，令雞翼食起上來香脆嫩滑到一個點，所以外脆內軟，我比推介2:：手切肥牛(厚切)，中意牛味香濃既人一定中意，因為厚切既關係肉汁係表層完全熟透之後都依然鎖係肉既入面，一塊牛肉，Juice到咁，真係太好味 。推介3：又講下墨魚丸丫，墨魚丸講求既係，墨魚味濃，彈牙，比例均勻，有墨魚肉，係香港想食一粒靚既墨魚丸真係太難啦，點知呢到就有真係好開心…Read More

早幾日食嫁啦，細節就係下午茶果陣鼠左落去食RedRice可能因為新開，啲野食又未食過，所以真係好似上左引咁，今日要介紹既就係呢一個黑松露炒蛋，細佬睇電視就講得多，食就真係未食過，碟野一上台有一陣電油味沖上鼻，可能我聞唔慣，聞聞下啲電油味變左做濃郁既菇味，果下我Feel到自己聞慣左，試下放入口，嘩果陣菇味即刻湧出來，配埋個炒蛋，岩岩好，其實36蚊有黑松露食都算係咁…Read More

自從上次食完個士多啤梨奶凍之後一直念念不忘，好想再試下佢地其他產品，今次再去食左佢地侍應話超勁爆正既焦糖燉蛋，嘩，有我係酒店單獨叫既甜品水準，一問之下原來主理甜品既廚師以前係某酒店任職，唔怪得整得咁好味環境靚野食好味水果新鮮免費Wifi漫畫任睇真係唔捨得走…Read More

今日去左大角咀閒逛，見到食開果間RedRice米飯主題餐廳，即刻就入去，諗都唔諗 。未食過佢地啲米線，點知比想像中好太多豬骨湯 - 濃 ， 香 ，滑米線 - 滑 ，入味配菜 - 夠多 ， 入味肥牛 - 唔鞋口，都幾滑環境餐台衛生門外價錢…Read More

近年好的魚湯產品已經買少見少，今日經過大角嘴一家叫漁民樂既餐廳，一望餐牌完來係我尋找左好耐既魚湯產物，入到去叫左個set lunch五香豬扒白蘿蔔麻辣魚湯米線。豬扒夠淋，夠五香汁，軟硬適中白蘿蔔，無渣，夠淋麻辣，唔夠辣，但正因為咁無阻擋魚原有既鮮味，我分唔到佢係唔係特登咁整魚湯，鮮，甜，唔腥，滑米線，正常…Read More

今日去慈雲山工作，見到呢間裝修有趣既餐廳，原來佢係之前我出過食評既餐廳，上次我比左LAMLAM脷佢，今次再試佢個吉烈豬扒豬骨湯公仔面，個湯一個字甜(>﹏<)，夠豬骨！公仔面面身好爽唔會淋哂，吉烈豬扒外脆內軟，真係平凡既價錢，帝王既享受…Read More

今日老闆話大家都辛苦啦，所以請一班寫字樓同事食飯，6個人，本來話去中環食牛扒，點知班女同事話想快啲食完返屋企陪老公，於是就唯有係返觀塘食，一睇就發現左呢間蒸氣火鍋，入正題！湯底免費有8種選擇，不過我已經唔記得啦我地簡左粟米蛤蜊湯個湯好清，有好多粟米，味鮮，因為好多蛤蜊唔知佢地做緊咩野優惠😂全單9折一人送一盤海鮮，鮑魚，蟶子，蝦，元貝蒸氣火鍋/火鍋任食張點菜紙仲有唔係間間都有得任食既響鈴(>﹏<)♡主力推介蟶子扇貝鮑魚響鈴肥牛雞子埋單2000除開一人350左右最後要讚一讚服務優質但環境太嘈…Read More

路經新蒲崗，發現一間隱世餐廳，好鬼多野食一入去個收銀員望住我笑，感覺好親切，完全唔似茶記果啲一來就急急腳問你食咩 。於是我柯打左一隻熱狗，唔算太特別，但真心好食，菜夠脆夠爽，包夠熱，汁夠香，腸就到到都一樣嫁啦咪問啦，有機會再同各位報告其他野食…Read More

話說到左午飯時間肚餓就落左街搵野食啦，見到一間甜品屋入面個女侍應好靚，咁就行左入去，一路望住個女侍應，都唔記得叫野食，之後佢行埋來好鬼有禮貌咁問我食咩，咁我就叫左個士多啤梨奶凍，個奶凍來到既時間好鬼靚，食落口又好食，好有奶味，講住咁多先，下次再去食其他 。…Read More