LeannaWong's Profile

好難食既糖水，好差既體驗，難食到嘔，俾錢買難受，完全諗唔到藉口幫襯第二次。打電話去叫外賣，嗰個人一邊傾計一邊接電話，我都唔知佢同邊個講，態度又差，中途仲將電話俾左第二個人聽，最後仲cut我線。最後再打電話去第三次終於叫到，等咗成個幾鐘都未送到，最後終於到咗。個兩碗腐竹雞蛋糖水成碗嘔吐物咁，見到都唔開胃，係冇味既糖水，得少少甜味。個心太軟簡直新突破，顛覆左我對心太軟既認知，心太軟冇流心，呢個只稱得上係朱古力蛋糕。…Read More

如題蛋既份量小左，相對都煮老左，飯既份量都小左，以前個飯好大碟，大碟到你根本食唔哂，但好味你根本唔會想浪費。好好味，一邊食，每一啖都會覺得好滿足，而家d蛋小左，每一啖都覺得差d，因為d蛋唔夠厚，蛋味都唔再濃，唔滑之餘仲會覺得老。好可惜，未行入去發現個門面唔同左，但見都有叉燒蛋飯只好抱住一絲希望行入去，入去一問原來轉左手，OK，叉燒蛋飯照試……地點一樣，位置一樣，叉燒蛋飯??一樣…？可惜原本已經不再一樣。…Read More

先講擺盤，d壽司放到密密麻麻，有個成語好貼切，水泄不通。你要攝對筷子落去，夾得起一件第二件已經俾你壓爛左。都明白，壽司外賣店唔好講擺盤。OK。講味道，叫既壽司中規中矩(除左海膽同左口魚)，其他都 放到 入口既。但係舊飯真係好大舊，大舊到掉得死人。海膽壽司:60蚊2件，臭左既，嗅都嗅到，唔好諗住放入口。左口魚壽司:上面放左d鹽再火炙，你會好清楚食到一炸鹽係口，多到好似咬緊d沙，我有嘗試過吞，當然呑唔到，試一試，你會明白咩叫咸到苦，真係苦咖。牡丹蝦壽司:黎到俾錯左我，俾左個大大件既珍寶帶子，腥。…Read More