小貝貝的個人專頁

事隔幾日個心都好唔舒服，都特登要開返個帳戶寫差評俾你啊「油麻地紅茶」。當日落住大雨門口無簷蓬，我擔住遮想買個包做早餐，個專責賣包嘅阿姐當我完全透明，我只係想買一個麵包唔知要阻你工作幾耐時間，記住當時外面是落住大雨，雖然擔住遮，個身都濕，我望住佢佢就完全唔理我，我大概都企係度1分鐘，佢都完全無理到我，真心出面落住大雨你咪嗱嗱聲用你唔使10秒嘅時間就可以買個包俾人走，唔理話知你淋雨。最後我嬲到走人唔買，所講嘅都係事實，的而且確紅茶阿姐係無同埋心無心服務👎🏻👎🏻👎🏻，受過氣嘅人大家同樣都好有共鳴。…查看更多

海皇粥店好耐之前都仲係做得好好先可以開禁多間分店，最出名係香脆的炸両。但現在已經越做越差，炸両唔再脆，碗粥食到一半已經起晒水，仲要米都唔多粒，同食粥水無分別。自問要求唔高，食物都算講得過去，但職員的態度真係完全接受唔到，而且唔係一次，食左好幾次都係咁，朝早時段最多大陸客，人家拖男帶女來旅遊自然是人多幫襯，職員對人家呼呼喝喝，嫌人地大班人企係路囗阻路。去幾次叫三樣嘢都會有一樣係落錯單，送錯嚟同佢講唔係叫lee樣，之後講嘢態度好似講到我叫錯咁，仲要放埋落枱面屈我叫這樣，洗唔洗錄音做證呀？！禁大集團BB櫈都無一張，我同職員講我攞佢幾張圓櫈疊高坐，當時得兩三枱客大把櫈，職員就係咁係背面嘈，講第一句已經唔理佢，仲要講，我回一句，「得喇跌親唔入你數得未」。職員仲要講話自己好心同你講，「乜咁嘅人都有」<~~咁樣話食客，係好心就幫手攞櫈啦，職員企係度，我都係自己搬櫈，次次用完自己放返好，無麻煩過佢地，我帶住小朋友唔幫手都仲要咁樣對客人，究竟是什麼的服務態度。就是因為大集團才永遠不死，即使食物已經差到街市一檔粥，都做得比佢好，職員態度差都一直生存至今，油麻地海皇粥店是垃圾垃圾垃圾垃圾垃圾…查看更多

無睇過食評只係行過就走入去試吓！我同2歲半仔仔一齊去食，我抱住仔仔，叫兩位，阿姐問計唔計埋個細路，要唔要坐位，我話要，阿姐即刻俾面色我睇覺得我地好麻煩！原本問要唔要俾多個位係無咩嘢，但我來俾錢仲要受面色真係一肚氣！況且，咁都要問嗎？唔通我攬住個半個人禁高的小朋友食嗎？果3蚊茶錢我未至於俾唔起呀？！還有叫親佢地第一句都係話，等等先～禁細間舖有幾忙呀服務差還差但食物都唔錯，所以不至於劣評點了蘿蔔糕，好油但香有口感，食到蘿蔔絲馬拉糕夠鬆軟，係傳統的味道叉燒腸，皮簿餡多食得過…查看更多

同老公慶祝拍拖紀念日（不要取笑結了婚還要慶祝拍拖紀念日），一早已經諗好要去大尾督燒烤，係openrice做晒research，睇晒附近一帶的燒烤場，有D就話服務態度差，有D就話食物無醃過難食，因此最後選擇了不過不失的一間，我們揸車去，可能是星期一，只有兩三架車泊，大把位！去到原本選定了的一間，在門口看看入面一個客都無，但正正隔離的一間就不斷都有人入場！老公同我都覺得應該襯人堆應該無死錯！但我肯定這應該是新開的，因為我做research時openrice度係無Lee間，門口已有大大個LED燈牌寫住價錢，不過第一次去當然要問清楚，門口收銀姐姐好有禮貌（我應該大過佢，不過叫人姐姐親切D)一一解答我的問題，來回三次我問左價錢、泊車位置及有無蚊怕水賣，佢都好有耐性答我，俾我都覺得自己好煩！乖乖俾錢入場第一時間衝去小賣部買蚊水，因為係門口已經餵緊蚊！$40枝蚊水都已經唔算開天殺價喇！由門口收銀姐姐開始印象分都良好！我們選擇了重慶串串燒，選擇位置後就要拿著單去取食物（只是第一次取時需要，因為佢會俾埋工具及一卷廁紙，油、醬汁、辣粉及孜然粉）我們去完取食物個爐都仲未到，碳爐大概要等二十分鐘！爐到了，不是火紅紅的碳，是白灰的有想過叫佢換的，但食物放上爐燒不久很快熟，不留心的話有些已燒焦了，這些碳很高溫的，學到野了！跟老公玩開檔my串燒很開心！食物是他們包好一大盆的，每樣都有一串，這也不錯，好味的再拿，不合胃口的吃了一串便算！蔬菜建議掃小小油就不會太乾，最得意係燒豆卜脆卜卜都係第一次食，燒燒賣又係燒到皮脆心軟好得意的口感，肉類樣樣都不錯雞翼牛扒好味，食燒烤最怕醃到唔知食緊咩肉，又怕多味精，我味精敏感，太大的味精會即時頭痛，真好沒有頭痛而且食得出是什麼肉，他們貼了banner寫住不添加味精醃製，暫且相信他吧！推介食物似午餐肉的火腿扒串，有驚喜！燒賣皮脆心軟大量蔬菜夠健康蒜茸包同粟米，要特別問的不是第一盤食物已有的。蒜茸包在我已吃飽的情況下還可以吃三個，真的又香又脆！雞翼肉類都很好醃得不太鹹有個大草地，環境乾淨舒適我們燒慣蜜糖不喜孜然粉，但黑色醬汁(不知道是什麼汁）搭夠，今次不落蜜糖我們都Ok!另外我想說的是這店很有心，裝了捕蚊機，多些蚊就可以賣多幾枝蚊水，但店主沒有這樣做，雖然我依然俾那捕蚊機都捕不到的細細粒黑色咬到一粒二粒，但這也看得出店主的用心！抵贊仲有這裡很乾淨，我竟然在燒烤場見到兩位女工在抺櫈，像火水罐揭蓋可以放手袋的櫈，全場有大概三佰張，她們用濕布一一抺乾淨，燒烤場污Jo 就緊嫁啦！但這裡很有心，我們有乾淨的櫈可以坐都係店主及女工的細心及功勞，抵贊！還有這裡用的餐具是鐵叉鐵碟，雖然這要花很多時間清潔，但真的減少了很多垃圾產生，很環保的一家燒烤場！一定會再來第二次，一定要keep住用心經營啊！…查看更多

九龍灣德福新開左間,我係果度食,暫時入黎俾評語.我叫左個午餐,$37有杯意米水,有個小食,有碗雲吞麵.先來意米水,有野咬吓,有d彊味唔太甜都ok丫.小食我選了冬菇,果然無簡錯,d冬菇好新鮮又好入味好香,麵方面,個湯無皂水仲有一粒粒細細粒蝦子,雲吞一口一粒,蝦好新鮮好爽口,有濃郁蝦味,真的不愧為招牌貨. 朋友仔叫的柱侯蘿蔔無柱侯無牛腩味,唔叫好過.南瓜炸蝦餅好味道.好香口. 下次都會再去,但一定唔會成日食,因為$37一個lunch黎講九龍灣區都算貴.…查看更多