MatthewCHOW2004's Profile

由於是新開張，裝修整潔，鋪面細，用餐環境比較迫。落單到上菜嘅速度都幾快，等5分鐘到就有得食。最快上嘅系滷水糖心蛋，唔太入味，蛋黃較熟唔夠糖心，整體可以接受。滷水豆腐，夠入味，但呢間鋪頭嘅滷水味道較清新，濃味怪會覺得唔夠味。牛三寶麵，金錢𦟌、牛筋、金錢肚都好霖好入味，麵質，彈牙，唔削，整體唔錯最後胡椒豬肚飯，酸菜&胡椒味唔夠，豬肚唔韌，都可以一試。整體黎講食物質素唔差！記得一定要試佢地嘅蒜辣醬&麻辣油，超級無敵究極級好味！…Read More

放假唔想自己煮😂，出街試下呢間韓國🇰🇷。睇網上食評唔錯。lunch set 大概$60左右，包熱飲☕️，冷飲🍹加$3。有d湯類，例如：人參雞湯🐔，牛肋骨湯🐮就大約$100。鋪面唔算大，兩邊設置卡位，中間放佐4排枱，每排大概有8-10個位，比較擁擠。如坐中間位置，需要與人搭枱坐，出入唔方便。今次食咗石頭芝士豬肉飯、拉絲芝士炒年糕。芝士夠多🧀🧀🧀🧀🧀！芝士控必選年糕煙韌有趙口，魚蛋魚腐一般貨色。石頭鍋好夠熱🔥（大家小心燙到⚠️），上菜時渣渣聲，而且好保溫，食到尾都仲熱。攪拌時，有小小芝士黐住鍋邊，會聞到好濃嘅牛奶香味，如果你唔攪佢，最後會變芝士脆片🍘，又系令一種食法。肉片有小小柴但可以接受。如果想食到底有飯焦，就等1分鐘左右再攪拌。兩種野食嘅辣醬甜度適中，唔太辣，適合唔食得辣嘅人😛生薑茶🍵好夠薑，杯底好多薑絲，驅寒🥶一流！最後，呢一間系性價比高⬆️，整體味道唔錯嘅餐廳。…Read More