chloechau33's Profile

星期六下午度度都多人，京林居堂食要等位不意外，所以決定買外賣，其實都係想買一杯抹茶雪糕，點知前邊咁岩有個客人竟然要買啲枱櫃嘅禮盒，一直問長問短侍應又唔熟就要打電話查問，然後因為要講英文對答，侍應又講得好慢好唔順暢，結果等咗成10幾分鐘都可以買唔到一杯雪糕，明明後面仲有幾個時應企喺度都冇嘢做，點解唔可以搵個侍應serve個VIP，其他侍應賣返外賣/收錢？ 真係好神奇明明得兩個客人都可以等10幾分鐘都買唔到嘢，真係浪費時間🤦🏻‍♀️…Read More

門口沒有侍應招待以為有位，進去之後發覺沒有位，侍應好慢咁行出嚟說一句沒有位，然後就離開了，那我就站在入面門口想等一會，因為都已經裝了安心出行了一開始又不知道沒有位，過了好幾分鐘那個侍應又出來叫我要出去街邊等，唔可以喺室內等，我心諗咁你唔一早講一開始就應該喺門口有個接待處擋住啲人入嚟啦，搞到我裝左安心出行入埋嚟睇先知道冇位，又要行返出去街邊等，入口嗰條門實心既又睇唔到入面環境。個侍應一早喺門口講清楚冇位叫人喺出邊等或者叫我買外賣咪算囉嘥晒我啲時間都唔知喺度做咩，有生意都唔做指示又唔清楚！…Read More

肺炎疫情下人與人的距離太近容易受感染，門口見入邊座位好迫，原本都在考慮不進去比較好，擔心一個人進去吃很大機會要搭枱，門口阿姐游說我話不會搭枱還有透明膠版阻隔好安全，好啦自己又想食，聽咗佢講入去坐咗兩個連住四人座位的旁邊，有量體溫和酒精搓手一開始感覺是安全的，可惜開始吃的時候突然一堆人入來，就連膠板都被拿開跟一堆陌生人坐一起，有些還沒戴口罩，然後阿姐很好心在我奶茶旁邊噴酒精消毒枱面，我完全沒胃口再吃下去，不要問我食物好不好吃，我只用了5分鐘吞下食物就即刻離開，一定要賺最多錢一定搭枱的話就不要騙人進去吃！ 沒良心的餐廳！…Read More

見到食評咁多個好評，一個負評都冇就黎試下，地點都唔係大街有啲難搵。叫咗一個牛肉麵和鹽酥雞拌麵，哇個牛肉麵麵又少又林好似超時煮咗好耐，個湯超鹹完全唔想飲多啖，牛肉又好難咬，同網上食評講啲面好彈口完全兩回事，真心好難食，未食過咁難食嘅牛肉麵。個鹽酥雞已經好鞋好乾口，個拌麵超乾又冇乜味，真係唔知自己食緊啲咩，杯凍奶茶溝粉嘅啲粉仲留係杯度，廚房真係連用手搞拌下都無做...依個質素仲要成$70一個主食唔包飲品，飲品仲要加$7！粉都唔搞拌下，真係唔會再上想黎食，直情要blacklist!…Read More

見下午茶有75折，諗住想食得飽肚D又好魂無黎咪黎食，點知中哂伏！！叫左3個麵質素都好差：1. 擔擔麵完全無料，湯底勁油似係放左好耐出哂油咁勁難食，淨麵加隔夜湯都成＄6-70真係好唔抵2. 燉雞麵勁少料得幾件碎雞，唯一覺得個湯算幾濃似返D樣3. 牛肉麵雖然多料但好UN好難咬，質地都怪怪地咁即時上網睇返食評原來已經有人講翡翠拉麵小籠包的質素差左好多，仲有人提到擔擔麵好唔掂，先知已中伏，又貴又難食，平一半都唔想再黎食！！真係下次真係要CHECK清楚openrice先好去食野⋯⋯…Read More

突登帶外國朋友黎食雙皮奶，12點正等開門，我地4個人，2個排住隊，老人家行出出面少少休息，一開門同個STAFF講4人食，佢見我地得2人即刻鬧我地唔齊人唔俾入，惡到連外國人聽唔明都知係鬧人，駛唔駛咁惡呀態度差成咁！開開心心諗住帶外國朋友黎食地道野，未入座就被鬧好似欠左佢咁。坐底叫野食因為外國人睇餐牌慢又俾STAFF催幾次，終於等到個熱雙皮奶黎，竟然唔熱！！！！好似返"叮"一樣入面都凍凍地，口感好差LOR！！！！真係我想講唔係呀嘛，態度差都算，連最出名既雙皮奶都搞成咁，又貴又唔好食，我真係唔會再帶朋友黎食，出面大把糖水有誠意過佢，駛咩黎哂時間又受氣！！！…Read More