Mi-sell GM的個人專頁

今日放學之後去咗好耐冇去嘅一風堂食午飯。以前成日都去尖沙咀嗰間食，一直都覺得佢係好味店嘅。直至到上個星期六，我去咗佐敦道嗰間分店，完全冇諗過而家水準去到咁😓我叫咗一個炙燒三色叉燒蛋飯同埋一個芝麻菠菜。炙燒三色叉燒蛋飯嘅其中一款叉燒又乾又硬，鞋過硬過豬肉乾😥真係完全想像唔到叉燒拉麵嘅叉燒會變成咁樣😓最恐怖就係隻流心蛋，雞蛋黃有一半係熟咗，仲係白色嘅蛋⋯⋯可能而家改變咗冇用醬汁浸過嘅蛋，但係重點係蛋黃有一半係熟咗😓究竟搞乜鬼？失望到唔想講😓…查看更多

久不久我和好友會搜尋一下特別嘅餐廳去試吓，今次值得介紹ULURU。原以為只係地方靚啱影相，原來食物都有驚喜😋全個餐廳以黑白色為主題，簡單得來真係好靚👍🏻我哋一去到就掛住影相，餐廳職員已經好明白，食客通常會先影相後點餐，所以完全好配合。我們點了一個挪威三文魚凱撒沙律，韓式泡菜蝦肉意大利粉，Lavender Dream和Rose Tea。真係所有嘢都好好味，好合心意😋已經加入自己好食表列店💕💕💕…查看更多

07/10/2022星期五，約了好友一同去Flagship食午餐。第一次去，位置也很易找到。餐廳不大，但氣氛是有的。我們只點了麻唔辣炒蜆和避風塘豬排諗住share。餐廳職員很親切也帶點幽默😄麻唔辣炒蜆真係名副其實的只係麻而不會辣，蜆肉冇沙而且好肥美😋食到舔舔脷😋避風塘豬排真係好香好香好香呀😋肉面佈滿炸蒜粒，肉質軟熟唔乾而且好有肉汁😋勁好味👍🏻👍🏻👍🏻（聽職員講解豬排係慢煮完再煎的）😋我已經再預訂咗下星期再去了🥰…查看更多

平時都會去留意吓邊間餐廳啲嘢好食，邊間餐廳裝修好靚可以影相⋯⋯。今次呢一間兩樣都有，而且我覺得好童話，比較特別。地方唔大但係都算舒適。因為枱唔多，所以要一個月前訂位。12點開門，所以最好早啲去排隊入場會比較好，如果排第一位入場會更好，因為可以有一個好短嘅（冇其他食客）時間去自由影相。有限時兩小時✌🏻我哋兩人去覺得時間足夠的。一入場就被佢色彩繽紛嘅顏色吸引住，好自然就四處影，店內職員都巳經習慣，所以唔會阻礙食客四處影相。影夠了便坐下來點餐🙂我哋點了：1. 自家製酥皮黑魚籽牛油果煙三文魚水牛芝士波波他他 - 擺碟好靚，味道又唔錯喎👍🏻2. 慢煮比利時杜洛黑橄欖豬鞍伴脆甜番薯條 - 好厚好大塊嘅豬鞍，肉好嫩味道又香😋伴碟嘅甜番薯條也好好味😋3. 香煎日本帶子黑松露忌廉意大利粉 - 好creamy，好香黑松露嘅味，以為好少，原來份量好勁😅又係好好味道😋4. 紫醉金迷 - 樣靚，味道好香甜，但杯drink就唔係好甜嘅，杯底下係好軟身嘅啫喱，好飲😋兩個大人，點樣都食唔晒⋯⋯😅今日影飽又食飽👍🏻大滿足💕問心，價錢唔係平嘅，但係食得舒服、味道好、有得影相📸️店員態度有禮⋯⋯我接受到😌唯一係地段問題，感覺食完就會好想離開嗰區😂…查看更多

由朋友搜尋到一間隱世好食店「原藝」餐廳。我們在10/08/2022落住大雨咁揾，跟住google map由石硤尾地鐵站出口開始行⋯⋯後來發現應該九龍塘地鐵站出可能會行少啲。我們三人一路行一路睇，真係唔似會有餐廳嘅路，最後都要問路人，原來再要上一條好似行山時見到的窄石梯，再望原來在女青年會旁邊的唔起眼嘅位置⋯⋯🤣預訂是旁晚6點，可能早所以冇客人。（8點後就多人）店內不大但環境乾淨好舒服，枱與枱之間也有足夠空間，非常之好👍🏻唯一要一提係廁所（只有一格）要出去旁邊另一大樓入面，但都可以接受😅只係唔方便。店員有禮親切的。我們點了洋蔥🧅湯、牛油果蟹肉他他沙律、橡木豬鞍配紅桑子汁、燒雞、龍蝦湯、燒三文魚、一件芝士蛋糕一件撻（忘記咗名）😋1. 洋蔥🧅湯一定要點，非常濃郁同好香洋蔥同埋有芝士on top, 總之一定要飲👍🏻👍🏻👍🏻2. 牛油果蟹肉他他沙律🥗都係好味道，食到好新鮮好似啱啱剝殼嘅蟹肉味咁👍🏻沙律菜又好好食，主要個沙律汁係好適中😋3. 橡木豬鞍配紅桑子汁😋😋😋豬鞍肉質超嫩，又香口，點上紅桑子汁好醒胃😋旁邊啲配菜全部都好食👍🏻👍🏻👍🏻4. 燒雞也是很好味😋皮脆肉嫩多汁👍🏻👍🏻5. 龍蝦湯好香好濃⋯⋯我一向對龍蝦湯感覺一般，所以好難俾評語，不過，真係好香濃湯底好厚身👍🏻6. 燒三文魚😋皮脆肉香，係好味的👍🏻👍🏻7. 芝士味蛋糕🍰好輕好香好味👍🏻👍🏻8. 撻，除咗撻面嗰啲朱古力忌廉我冇食之外（唔係唔好食，而係我怕肥）個撻底係冇得頂😋😋😋超級好味👍🏻👍🏻👍🏻我諗住外賣兩件返屋企，點知佢哋原來唔可以外賣😔呢間真係隱世好食店💕我哋點咗上面咁多樣，冇一樣係唔好食😋😋😋一定會再去💕…查看更多

今日01/08/2022係至愛的生日，所以一定要搵一間特別啲嘅餐廳慶祝💕這間Epure由門口到餐廳都有好多影相位，好優雅，好靚⋯⋯💕如果天氣涼少少，可以選擇室外坐位也不錯。餐廳職員服務非常好，好似五星級酒店都未必會有嘅服務態度👍🏻在香港，真的比較少選擇食法國菜，因為通常印象都係「都係咁啦」，但今次好有驚喜🙂法國餐少不了牛油同麵包，值得一提，佢哋嘅牛油👍🏻有🍋味嘅，質地好正，一啲都唔似牛油😋我哋同樣要特濃蘑菇湯，餐廳職員介紹話冇加水去整⋯⋯不過真係好香濃蘑菇味好好飲👍🏻我哋各自點了杯Non alcohol cocktail, Passionate同Cucumber Peach。值得一贊我杯Cucumber Peach, 味道好清新好舒暢👍🏻由頭飲到成餐食完到6粒冰溶晒味道都冇變過，一樣咁好飲，唔通嗰六粒冰都係Jucie🤣🤣🤣另一杯Passionate就有好香熱情果味，質地好厚身，亦都好好飲💕生日主角點了血鴿，佢話好味，肉質好幼嫩😋我點了白鱈魚，同樣好香好好味😋甜品係疏乎厘，我一向唔鍾意食疏乎厘的，因為唔覺得好食⋯⋯⋯但今次係我生平第一次覺得好食嘅疏乎厘👍🏻p.s. 唔知點解今次上戴唔到相片⋯⋯😅…查看更多

應該係26/07/2022去捉住海港城Coupon尾巴的。因為太忙所以今日至發表。海港城真係有不少食店都唔錯，平又有貴又有🙂近期發現呢間新食店唔錯，真係值得推介一下🙂店不大所以坐位不多，環境算okay，想影相係困難的，因為多人又細面積，所以唯一係食。店員態度係正常的👍🏻正常已經係好吧🙂我哋兩人點了三樣嘢，辣蟹肉意粉、濟州柑橘炸雞同濟州柑橘乳酪。本人對帶有橙味嘅嘢特別有興趣，所以便隨著自己興趣去選擇。最後都發覺冇揀錯😋濟州柑橘炸雞超級好味，味道醒胃之餘雞件係大大嚿，而且非常有肉汁👍🏻濟州柑橘乳酪又是非常之好飲，真係一啖就想飲晒😋最後辣蟹肉意粉，夠辣都係好食嘅。整體來講，今餐好滿足，但最回味都係兩款柑橘味嘅嘢😋已經同自己講，一定要再嚟食😋😋😋…查看更多

放寬限聚令第二日，在好友介紹下去食好嘢😋兩個月冇見，要聚下舊的😙在香港，真係好少去食𧐢，就算去大酒店食自助餐，我都唔敢食𧐢⋯⋯但係呢間，只係見到隻𧐢個樣，就巳經同自己講，唔驚可以食😅第一碟上枱的係半打「鐵盒燒生蠔」，隻隻肥嘟嘟白雪雪😋入口非常爽而不膩，滿口海洋鮮味😋😋😋（呢碟係我覺得最正，不能不試的）第二碟便是拖羅蔥花卷，呢個壽司卷嘅飯好精彩，好黏嘅米飯特別好味😋第三碟是明太子芝士玉子燒，我個人對明太子感覺麻麻的，但呢個味道係接受到，而且又唔錯👌🏻第四碟是8款盛盒，有7款不同種類嘅魚生壽司加一個穴子燒壽司🍣，聽講每次都會有些少種類不同的。食魚生最怕咬落去啲肉有筋，即係用牙咬係唔可以輕易分開，但呢碟全部都好易一咬就分開👍🏻好味😋第五碟係生𧐢，今日種類有五款任揀，我哋一致點咗岩手縣嘅獨眼龍品種，又係非常肥美，入口即化非常爽口鮮甜，重好有海洋味道😋😋😋正👍🏻第六碟燒牡蠣飯團，有着好香濃嘅𧐢味燒飯團。只不過佢係一碌碌，唔係三角形飯團🍙。最後一碟牡𧐢豬肉（鹽燒和汁燒）好味😋豬肉卷住一隻𧐢，非常惹味😋好味😋好味😋好好味😋一定會再嚟🤟🏻最後好重要一定講，店內服務員服務非常親切友好，絕對係好有誠意💕走咗至知道叫咗7碟，大吉大利百無禁忌😆…查看更多

上個月21號去了都忘記寫食評，今日補上。兩人特意地來這裡食午餐，全因為之前與朋友來過下午茶☕️嘗過Cheesecake🍰之後就一試難忘。可能因為疫情嚴重關係，市面店舖和餐廳都很少人⋯⋯不過，這裡雖然地方不大，但環境氣氛與裝修很有置身於外地的感覺，就是要這樣，可以短暫忘記這兩年不能往外地的心情🥰今次好簡單點了帶子蘆筍意大利飯和燒豬鞍。等了一會便上餐😋先上了黑松露霧絲忌廉湯，看得出來的香濃美味；帶子蘆筍意大利飯是我愛的質感，帶子就是那一缐剛剛好的熟，所以非常柔嫩，飯糯香滑😋😋😋好幸福💕燒豬鞍看似好厚實，但是入口不至於溶化，但就是非常軟熟有味道😋😋另外再點了甜品，分別是一試難忘的New York Cheesecake🍰真係好好味，最喜歡就是好rich嘅感覺，不是一陣風💨⋯，另一個是咖啡味雪糕蛋糕，個人覺得這個略為遜色😅整體來講環境舒適，服務態度良好，食物質素也非常之好😋😋😋我會再來探訪🙏🏻希望一直保持。p.s. 走時買了兩袋小食，但真的有些失望😥…查看更多

今日要外出捉住K11 Musea的coupon就快到期的尾巴，選擇食川菜。首先喜歡店內環境好舒服和店員服務態度真的非常之好👍🏻今日我兩點了兩個午市套餐，「荔枝咕嚕肉」同「麻婆豆腐」，另外套餐可加$38要多碟小食「重慶辣雞翼」。等大約10分鐘便上「重慶辣雞翼」，雖然小食，但係份量都唔少，呢碟雞翼非常惹味好食😋味道有點似「土匪雞翼」但這個更香，加上脆皮和麻辣，即時令我胃口大開。「荔枝咕嚕肉」清的味道脆的肉（肉質比較硬，如果軟些會更好）😋「麻婆豆腐」香滑得不得了😌麻辣度適中，我碗白飯巳經差不多見底了😋😋😋大滿足因為有$50 Coupon可以扣，所以這午餐是剛好$200。我一定會再去食✌🏻…查看更多

其待巳久的「グリル滿天星」終於可以試了。在外面食蛋包飯的店也有，但我未必想去食⋯⋯⋯😅我們選擇了平日的1點多到，見到輪候人數大約8-10位，以為會等好耐，好彩只等了10幾分鐘便到。（注意用餐限時90分鐘）（純粹個人喜好，我認為餐廳裝修得不夠好，非常普通的一間新餐廳在海港城海運大廈。）職員態度正常有禮，地方整潔乾淨。我們今次點了日式咖哩炸蝦🍤蛋包飯、滿天星咖哩蛋包飯、日式炸雞、炭燒咖啡奶昔、抹茶窩夫🧇。來了來了，就是這個令人期待的蛋包飯😋蛋質地是非常之好，可能是採用了蘭王蛋的關係，蛋味十足，而蛋包住的飯也非常有料😋單食這個蛋包飯已經好滿足🤤當然再配上適量的日式咖哩汁😋巳經可以秒殺了碟飯😋炸蝦雖然做了配角，但都不可不提，因為蝦好大隻，而且完全冇油膩感😋日式炸雞，炸雞嘅雞皮完全冇油脂，脆卜卜，但係雞肉完全唔乾，好味😋炭燒咖啡有好香濃嘅咖啡味，唔會好甜🥤抹茶味窩夫🧇配合香濃抹茶奶味嘅雪糕🍦，簡直絕配怎可不試。非常大滿足的一餐😋😋😋一定再回頭✌🏻…查看更多

一般來講，大多數日式沾麵都可以令我有滿足感😋但「多賀野」的沾麵確實可以令我有超級大滿足嘅感覺😋😋😋自製小麥麵係用三款唔同的麵粉製成，非常煙韌有質感👍🏻👍🏻👍🏻我覺得麵的份量比較多，要三份二麵應該都非常飽肚😅我點的是豚鴨沾麵，湯底用豚、鴨、雞同魚介餚成，所以湯底好濃厚👍🏻👍🏻👍🏻另外，炸雞⋯⋯非一般的炸雞🤣皮脆肉很厚，好大舊，有肉汁好鮮嫩；個醬汁甜甜酸酸又帶有芥末味，所以醒胃唔膩👍🏻👍🏻👍🏻必試😋😋😋最後要講的也是好重要，店內環境給人一個寧靜的感覺，好舒服😌店員服務也很好。我必然會再去😌…查看更多

今日我專誠帶朋友去食呢個一試永難忘嘅「咖喱豬軟骨」😋我已經係第三次去食，三次去都是食同一樣「豬軟骨野菜咖喱飯」，水準依然冇改變👍🏻一碟飯有不少的咖喱汁，野菜方面雖然係配角，但也不是求其敷衍，份量也不算少（今次加咗隻流心蛋）屬於主角的豬軟骨香軟入口即溶🤤唔係要睇到至會流口水，我寫住食評都寫到吞口水🤫與朋友食完走的時候，門口排隊啲人多到睇唔到條路。要去食一定要早啲去，一係就避開正常食午飯嘅時間。今日我哋12點前到，唔使等位😌…查看更多

閒日冇嘢做，同老公去咗東涌東薈城行街睇戲。其實食咗好幾次，不過今次係第一次同佢寫食評。講真我本身好怕食油炸嘅嘢，所以如果令到我肯食同覺得佢好好食的話，佢一定唔錯😋（自己覺得）如果平時食飯時間去到一定要排隊，我哋因為睇戲所以12:00便到。雖然唔使排隊但店內都坐滿人。店舖不大，地方算是整潔。點叫食物都很快送到。我們同樣點「上天丼套餐」，天婦羅飯有白身魚、蝦x2、墨魚粒幾粒、野菜、海苔⋯⋯（唔知有冇漏，大約有以上），另外一碗麵豉湯和一碟醃漬物，份量好足⋯⋯飯內加入些少醬汁，令成件事嘅節奏變快咗🤣因為太好味😋所以食得快咗😄講返天婦羅炸物每件都好鬆化，而且唔覺得油膩，呢個就係重點😋每次食完走，都會諗住下次幾時再食😜…查看更多

星期四去了坑口的東港城行街順便食午餐。在考慮食店時，突然見到有新店未見過，所以便去試吓。首先吸引我的不是食物，而是店內經理在售賣機前面向買票客人講解食物內容，和如何運用這部售賣機。真的很詳細和有禮貌，完全沒有疲態👍🏻👍🏻👍🏻一間很整潔的半自助式食店，由餐具、水、湯、沙律和白飯都須要自己去取，而且是任添加👍🏻水機有分開熱水和凍水（這樣已經是很細心的安排），而且，這間店面積不算大，但這個自助式枱面就有兩處，真的很難得的細心👍🏻還有，每張枱上面都會有一個放四種醬汁的位置，而且不佔枱面，送食物的BB機也是，這樣就不會整污糟枱面和BB機👍🏻食物方面，很喜歡他們會說明肉類的來源地。我們點了來自日本🇯🇵的石燒池魚和石燒雞扒，另外加一客兩隻的燒凡立貝😋我對店舖食物的要求很簡單，貴有貴食，平有平食，貴不一定好，平也不一定差；今次選擇了一間中低價錢的店，食物是比想像的好👍🏻之後才知道這間「神石燒」原來已有好幾間分店👍🏻值得一試的👍🏻…查看更多