TANSY私家車's Profile

平時打邊爐必叫花膠，去咗鐘爺爺海鮮火鍋食🍲翅群花膠雞鍋，雞、花膠同埋魚翅係分開另上，下配料後滾起湯可以先飲再打邊爐，可以飲埋湯真係好正！花膠仲要係大件好足料，好啱女士食！兩個人食晒隻雞同埋花膠已經飽咗一半～點了霜降手切頸脊肥牛（小），份量比我想像之中大，份量一點也不少，兩個人食足夠有餘，厚切啖啖肉，口感嫩滑juicy! 韭菜餃同手打蝦丸非常新鮮，響鈴係即整，脆卜卜可以即食！最正係有生麪，烚一烚即刻食得，口感煙靭！記得配埋支裝汽水，依家唔係好多地方有得飲！#hkig #hkblogger #hkinfluencer #hkfoodblog #hkfoodstagram #hkfoodies #foodiehk #hkkol #kolhk #hkbeautyblogger #hk #打邊爐 …Read More

本身食火鍋鍾意食壽喜燒湯底，見到牛陣有蕃茄壽喜燒，即刻約埋朋友去試吓！湯底有分濃味及淡味，我選了濃味，店員會示範怎樣煮蕃茄壽喜，先選一點自己愛的蔬菜，然後炒至半熟，加入湯底，再加入牛肉，煮滾就可以食！酸甜開胃嘅湯底，配上牛肉及新鮮時蔬，一啖入口層次豐富，牛肉吸收壽喜燒湯底後，肉質更鮮甜惹味！牛肉方面肉質嫩滑，較薄身，是我喜歡的肥瘦適中，配合壽喜燒湯底，肉質會更滑，我自己encore咗好幾碟，配埋蔬菜食咗好幾round！我建議最初食濃味壽喜燒湯底，之後再轉淡味壽喜燒湯底，咁樣會冇咁膩！六點到餐廳不算多人，可以自己選位置，蔬菜種類也算多，擺放整齊！套餐仲有免費壽司選擇，可以一邊食火鍋一邊食壽司，雖然種類不算很多，但刺身夠新鮮，好少火鍋店會有壽司供應！雪糕有四款選擇，都是Häagen-Dazs，仲有一啲特色甜品，熟食方面都有幾款炸物，火鍋未食得嘅時候攞嚟頂住肚餓先！…Read More

去開屯門廣場，見到開咗御滿屋日本料理，好耐冇食放題所以揀咗呢間，下午六點入座唔算多人，座位空間尚算闊落，到夜晚七點就差不多坐滿人，揀咗套餐A - 77品，有好多款嘢食選擇，個人鍾意食帶子、大赤蝦、甜蝦、赤貝及三文魚刺身，味道好鮮甜！川燒蒜蓉焗生蠔encore 咗兩次，蒜蓉配生蠔好惹味！每次食放題都必叫御品鮑汁燴花膠，自己喺屋企整程序太繁複，放題可以食夠本，花膠夠腍夠入味，配菜沒有額外加油，食落健康！另外仲試咗杞子花雕醉鮑魚，質感軟身得來有咬口，幾入味！鐵板香煎比目魚皮外脆內軟，非常香口， encore咗兩次！仲點咗瑤柱什錦海鮮粥，海鮮好足料，粥底吸收晒海鮮味，非常鮮味，口感層次味道啱啱好！🤤兩小時晚餐來說時間算充裕，如果同更多朋友一齊食嘅話揀3小時會比較充足，一邊傾偈一邊食，飲品種類算多，仲有唔同嘅酒類！…Read More

去咗長沙灣海濱花園 Terrace in seaside 晚飯，六點去到天還未黑，選了看海位置，點了兩杯飲品及主食，蜜瓜沙冰及手指指餅咖啡，雞蛋多過飯的蛋飯卷、韓式燉牛肋骨配飯、玫瑰醬海鮮年糕及比初戀還要甜的蜜瓜窩夫！菜名都好特別，蜜瓜沙冰口味清新，特別適合炎熱的天氣下飲，立即消暑！蛋飯卷份量很大，兩個人吃絕對沒有問題！韓式燉牛肋骨配飯牛肋骨夠入味，玫瑰醬海鮮年糕好好食，年糕吸收了海鮮鮮味，海鮮都是新鮮的，汁用來拌飯好好味！😌蜜瓜窩夫份量很大，吃飯後幾個人share都沒問題，窩夫外脆內軟，配合cream及蜜瓜，味道很夾！現在店舖有《Summer Time 夏日陽光遊》完成消費集印於「Terrace Passport」，可參加8間挑戰分店的Game Tour 活動，有四個小遊戲挑戰，仲有旅遊禮券等，去食飯記得帶！💡 簡單3步參加：1️⃣ 任何分店消費當季產品，集滿3個悠閒印章2️⃣ 即獲 Game Tour 參加資格3️⃣ 到8間指定分店挑戰，贏旅遊禮券、限定獎品、優惠卷等等…Read More

去尖沙咀行街想食泰國嘢揀咗Nara Thai ，入到去幾鍾意個裝修，好啱女仔打卡，店員安排我哋坐望海嘅位置，去嘅時候六點幾唔算多人，枱上面放咗蝦片，可以邊點餐邊食，差不多七點幾就坐滿。之前去泰國旅行都已食過Nara Thai ，兩個人叫太多驚食唔晒，所以淨係揀咗幾款！泰式豬肉炒河粉超正，河粉好煙靭，同喺泰國食嘅一樣味道！另外點咗黃咖喱大蝦🍤同印度薄餅，黃咖喱大蝦就咁食有啲單調，蛋同咖喱好香滑，配飯或者薄餅就啱啱好！仲有燒雞扒配青木瓜沙律，雞扒份量比想像中大，雞皮爽脆口感，滿足我又想食雞扒，又想食木瓜沙律！…Read More

兩個人晚餐🍲想去打邊爐，去咗牛気食日式涮涮鍋，揀咗「澳洲極上和牛+海鮮放題」，配野菌藥膳湯底，以往打邊爐成日都想食麻辣，今次秋天清清地食野菌藥膳湯底，湯底非常鮮味，除咗任食有機盛盒菇菌，仲有海鮮同和牛任食，澳洲和牛嫩度、口感和脂肪分佈啱啱好，肉質鮮嫩多汁，可以任食😋真係食到好滿足！海鮮有鮑魚、大蝦同帶子，大蝦幾新鮮，食咗幾轉，其他食物及飲品種類算多，環境都坐得幾舒服，大卡位坐兩個人，方便傾計，like social media 仲有雪糕送！ …Read More

去開堅尼地城，本身想去海邊行開，因太多人直接去食飯，揀咗一直想試嘅《西環 Chill and Grill》，地鐵行3-4分鐘就到，之前上網睇過係#大叔的愛 取景嘅餐廳。餐廳樓底高，空間感十足！我點了set lunch 意大利飯同黑松露薯條，意大利飯煙韌，跟埋蘑菇湯，口感creamy 夠鮮味！ 薯條份量足夠兩個人食！另外點咗卡邦尼意粉同牛肉漢堡🍔意粉硬度啱啱好，漢堡包仲配埋薯條🍟份量夠哂大碟！最後食剩就打包走。…Read More

雞煲是我喜愛的食物之一，平日多數都是食麻辣雞煲，這次去米走雞就選擇黃金芝士雞煲，整個雞煲都充滿芝士，食完後再加湯打邊爐，真的非常邪惡! 去的時候是閒日，店內不算多人，兩個人也可以大卡位。 每次去米走雞，都選了麻辣雞煲，這次終止試到黃金芝士雞煲，有幾種不同的芝士，只食芝士都可食飽! 相比起麻辣雞煲，芝士雞煲較淡口，雞肉很嫩口。 兩個人叫了小的芝士雞煲，蠻多雞的，三至四人食都足夠。 食完雞煲，就可加湯打邊爐。 我點了鮮炸響鈴，是即炸的，上枱時還是熱的，喜歡它炸得夠乾身同脆口。 芝士雞煲是沒有辣味的，個人很喜歡吃辣，所以問店員拿了辣椒醬油。 食完雞煲，已飽了七成，但又想打邊爐，好在有的配料可以點半份。 半份蜂巢豆腐，有4 件大的，點辣椒醬油好好味! 這個手打鮮墨丸比我想像中大粒。 墨丸蠻鮮味，像在吃新鮮墨魚滑。 鮮製韮菜餃一碟有八件，份量算多。 韮菜餃是鮮製的，味道不錯，不會有太多味精。 我還點了辛辣麵，用芝士湯底煮辛辣麵，再配點辣椒醬油，別有一番風味! 原本想點多點蔬菜，但怕兩個人吃不完，所以只點了雜菇拼盤。 平時食雞煲多數飲汽水，這裡有凍檸檬茶實在太好了，別得太飽可消消滯! 這張是餐單，食物選擇算多。 不得不讚一下這間店的店員很有禮貌同好好人，我差不多九點幾才到，食到差不多十一點，店員開始準備關店，但還叫我們慢慢食不要急，當然我們也趕緊吃完就走。 …Read More

去葵涌廣場行完街，約朋友在附近晚飯，就選了附近的夢工房西日料理，食磯燒放題。這次也是我第一次在香港食磯燒放題，平時比較多吃日式放題。店內環境算寬敞，閒日不算多人，大約七成滿，店員安排我和朋友坐卡位，座位及枱空間夠。 這是滿兩位成人就會送的海鮮拼盤。蟹膏很鮮味! 蠔及帶子也不錯，不會有雪藏味。 一面與朋友傾計，一面磯燒海鮮，別有一番風味。 蜆很鮮味，我點了幾次。 磯燒還可以點海鮮粥，裡面放了蟹棒同蛋，夠「綿」，我食了三碗，差不多飽了。 帶子及蝦壽司刺身尺寸算大，飯的份量適中，刺身算新鮮。 刺身味道正常，不過不失，最好味是甜蝦。 由於已差不多飽，天婦羅我只點了蝦及蟹棒。 質地夠乾身，炸粉份量適中，不會太厚。 芝麻雞翼味道不錯，夠香口，又不會太濃味，如果乾身一點會更好味! 飽了吃不下甜品，有機會會試試! 除了一般的紙包及罐裝飲品，這裡竟有汽水機，汽水更有氣，仲可溝唔同味。 喜歡磯燒的朋友以每人埋單二百幾食到海鮮放題，算蠻划算! 這裡食物算多選擇，且坐得舒服。…Read More

平時約朋友多數食放題或打邊爐，今次想吃點其他所以選了私房菜。我前幾天已訂位，所以去到即刻有枱唔洗等。閑日客人不算很多，所以可靜靜地食餐飯。前菜是有機沙律、涼拌飽魚菇及黑木耳。有機沙律的芝麻醬帶點酸又帶點辣，應該是加了芥辣及醋，蔬菜蠻新鮮，吃起來很開胃，飽魚菇及黑木耳都是很健康的食物，口感偏爽口。這流心蛋伴黑魚子醬配茄子賣相精緻，茄子口感不會油膩。燉湯很足料，每盅都充滿湯渣，湯很清甜，第一次試哈密瓜煲湯，口感有點像冬瓜蝦球水芙蓉的蝦球很鮮味，起初以為底下是高湯，原來是蛋白，味道淡淡的。芝士焗蠔蠻大隻的，火候剛剛好，不會太老，吃下去夠觧味。陳皮骨味道很特別，每啖都充滿陳皮味，很香，且不會覺得苦澀，肥瘦適中，不會全都是肥肉。米王浸菜苗不會油膩，點米漿食可帶出豆苗的鮮甜，是非常健康的一道菜。最後的是荷香蒜蓉海斑片原籠蒸飯，吃得出是海斑片的結實口感，飯也帶有魚、荷葉及蒜蓉味，我和朋友每人食了兩碗。起初看到菜單以為份量不多，但吃起來其實很飽肚，吃私房菜就是喜歡吃到住家飯健康的味道，吃得出每一道菜都花了很多步驟去烹調，店員也會不時觀察我們吃的進度，再在為我們上菜。…Read More

去開銅鑼灣想食野，但又不想去連鎖店，在希雲街有好多食店，週末好多人，趁閒日少人唔洗排隊，就選了間簡約裝潢的小店坐下來，同朋友慢慢坐同傾計。我點了焦糖咖啡及炸軟殼蟹芒果漢堡。焦糖咖啡蠻大杯的，冰量適中，不會過因多冰而令味道淡掉，甜度也適中，不會過甜。我想食漢堡，未食過軟殼蟹配芒果，所以就點了炸軟殼蟹芒果漢堡。一上桌，覺得份量就是一個午餐入量，還配薯條。這個漢堡太大，每啖都想咬到全個包有點難，軟殼蟹是即炸的，配埋芒果同蔬果一齊食，食完整個包都不會覺得油膩。朋友選了芝士黑松露多士，我也試了一塊。多士外脆內軟，每一口都充滿黑松露及芝士的味道，當小食一流，食完好滿足!…Read More

同女性朋友約會，行完旺角想去HIGH TEA，就揀咗去帝京酒店的獅子樓試下，食了粉紅「鑽」奇下午茶，整個下午茶大部分都是以粉紅色為主，單是看著也會覺得心情好好，包含六款鹹點及七款甜點，每人包一杯飲品，同朋友一路食一傾過咗個休閒下午!我習慣先食鹹點，再食甜品~! 鹹點方面，個人覺得最好食係脆炸金菇牛肉卷同龍蝦伴野菌薯蓉配露荀。而這四款是我覺得最靚的甜點，因為全部都係粉紅色~!!!第一次見同食粉紅色的漢堡，名為黑松露春雞卷漢堡，漢堡味道與平時食的差不多，雞卷肉質蠻嫩的!呢朵牡丹花係草莓杯子蛋糕，頂部係草莓忌廉，口感幼滑，底下是呍呢拿牛油蛋糕，兩層一齊食口感超豐富! 這個鑽石戒指枕是開心果櫻桃慕絲蛋糕，超靚! 鑽石是由啫喱造成，戒指枕是白朱古力及開心果櫻桃慕絲製成的，吃起來外脆內軟，不會太甜! 特飲我選了SNOW GREY，是由Movenpick 呍喱嗱雪糕、鮮奶及Oreo餅乾等製成，每啖都充滿著Oreo，口感CREAMY!起初看到TEA SET 的份量覺得份量剛好，不算太多，但原來食完很飽肚，配埋特飲可以當午餐了，去食之前唔洗打定底! …Read More

跟朋友在旺角吃晚飯後想食甜品，朋友推介了我這間「米芝蓮」甜品店，說價錢不太貴之餘，味道也不錯~!去到時店裡坐滿人，門口剛好沒人等位，大約等了15分鐘就可入去。甜品都是西式的，由於我是第一次食，有好幾款都想試，所以兩個人點了三款甜品一齊食~! 這芒果綿綿冰份量不算很大，一至兩個人食OK ，綿綿冰很濃味，配上脆片食味道很特別。如果可再多一點新鮮芒果就會很完美~!很少地方可食到紫薯窩夫，所以就點了~! 紫薯窩夫上枱時還是熱的，食起來外脆內軟。可同時點蜜糖、雪糕或紫薯蓉食，令味道更豐富。個人偏好點蜜糖食!雪糕和紫薯蓉再分開食~!最後，還點了朱古力心太軟伴雪糕，因本人實在太喜歡心太軟~!!上枱時還很熱，破開後朱古力醬即時流出來，食起來很濃朱古力味，且不會太甜。整體而言，這裡的甜品質量都很不錯，沒想到以平時吃甜品的價錢就可以試到「米芝蓮」甜品~!…Read More

去旺角行街順便食晚飯，行過通菜街聞到泰廚門口的串燒好香，吸引了我，見唔算多人等，就決定食泰國菜，兩個人大約等了5分鐘就可入座。入到去見到有人食咖哩蟹超正，但兩個食怕食唔哂就叫其他野食。看到餐牌有$1 精選，惠顧滿$200 就有，超抵! 本身想點生蝦，但當天店員說蝦不新鮮所以沒有生蝦，所以點了泰式木瓜沙律。這泰式木瓜沙律酸酸的，很開胃，木瓜沙律充滿了生蟹的鮮味，同我之前在泰國街頭食的一樣味道!$1 可食到真係超抵! 食泰國菜點少得冬陰公，看到餐牌有幾款可選，推薦冬陰大頭蝦湯，所以就選了這個。原個煲上的冬陰公，令湯可保溫更久。驟眼看以為份量不大，但飲落每人都有二至三碗，味道跟平時飲的差不多，帶蝦的鮮味，酸酸辣辣很合胃口，但不會是超級辣。 　大頭蝦的膏都溶在湯裡，只有一點點肉可以食。另一款我必叫的馬拉盞炒通菜，這通菜都很入味，不算很多油，夠爽口。還點了蝦膏炒飯，食咗好多濃味食物之後要吃點飯，這炒飯炒得夠乾身，兩個人食份量OK，味道正常。原本想叫串燒及其他小食，又怕食唔哂，所以點了個小食拼盤，一次過試下幾款小食。個人特別愛食這魚餅，很重香料味道。這雞串燒很香口，肉質也很滑。…Read More

我超喜歡食辣的，約了朋友在九龍城吃飯，本來諗住食泰國野，行過見到這間川菜突然想食麻辣，就入去食~!! 幸好是閒日的晚上，有位不用等。我們本身諗住叫半條烤鯇魚，怕一條吃不完，但店員向我們推介鉗魚，會較少骨，我就點了一條麻辣烤鉗魚。配料很足，我點了小辣，麻辣超香，最愛辣得黎帶點麻! 上枱後煮了一會才完全熟，鉗魚比較少骨，魚肉很滑，兩個人食完整條魚之後點了其他配料打邊爐。點了手打墨魚滑，以為份量不多，原來煮起來份量很多，很新鮮!手打墨魚滑很彈牙，用麻辣湯煮後超正!這鮮炸響鈴卷是新鮮炸的，蠻乾身的，很適合用來打邊爐。韮茶餃是厚皮的，味道OK，蠻飽肚。另外，我還點了干煸四季豆，很香及爽口，蠻乾身的。其實打邊爐的配料也蠻多選擇的，可惜少人食，點太多怕吃不完。 …Read More