琴晚打邊爐有驚喜👍🏻我哋一行三個人訂咗枱，上到去即刻可以入座。呢間店唔算好大，但座位都算幾寬落，仲有卡位。我哋只係點最基本的A餐都已經有好多野食。前菜韓式炸雞(粒) 熱辣辣香脆的一口雞粒，有少少醬汁在面配搭，唔錯。小食便當 有黃金魚皮、沙律、枝豆、燒汁雞肉串、迷你紫薯，整體都係正常，黃金魚皮睇落咸蛋黃唔算好多但食落口好香，浸一浸湯更好食，唔知係自己整定買貨呢~火鍋一人一鍋湯底有5款，今次我哋揀咗花膠雞湯和牛乳湯，都好好味，花膠有我手掌心咁大(大概一包袋裝紙巾咁)，一直煲到差唔多最尾先食又軟又滑🤤 牛乳湯都真係牛奶，不過會好容易滾，要小心控制溫度。特級雪花牛板腱 肉質如圖，差唔多每一板都係咁樣，牛味濃，好食~日本豚肉 第一板有少少鞋，但之後的豚肉都唔錯，正常~海鮮拼盤 有蝦、扇貝、鮑魚仔、魚片、蜆，整體黎講都鮮甜(同行朋友講因為我冇食蝦😂) 海鮮已經清乾淨哂腸等等，鮑魚同蜆仔鮮甜好食，扇貝我朋友覺得鮮甜，但我可能放得太耐先食，我覺得mamaday...btw魚片好好食，又軟又滑又冇骨！店內飲品種類好多，除咗汽水、檸檬茶，仲有啲比較養生的例如洛神花茶、檸檬薏米水等等，雪櫃又有蔬菜盤、自選蔬菜bar、韓國M字頭生果雪條，仲有“茶湯飯”(冇試，太飽了)呢間真係會推薦👍🏻價錢同出面啲集團差唔多，但野食又多，服務生態度都好友善同helpful，最緊要唔洗等位😂…Read More
