YanYan124's Profile

以前去開大埔間Homeland ，無論服務態度，定係食物質素同CP值都好好。見到旺角店都開咗一排，就諗住試一試！-Pizza 2人餐（$465）✅松露牛肝菌雞肉芝士薄餅一上碟已經聞到好香芝士味，雞肉入口好柴，應該係焗得耐咗，pizza口感還好（上pizza時有小意外，冇影到…..）✅黑松露牛肝菌蘑菇湯一入口已有濃濃嘅蘑菇香味，個擺碟好靚，飲落好creamy😍✅法式龍蝦海鮮濃湯龍蝦味係極濃～海鮮有青口，不過相比之下推介蘑菇湯多啲✅煙三文魚凱撒沙律煙三文魚好香，唔會太鹹。✅香濃芝士焗西蘭花西蘭花唔會焗到諗哂，配埋芝士好邪惡呀✅蝶豆花花茶（壺）冇咩味（？）嘅蝶豆花，主要都係for 打卡🤣-服務態度方面，真係要好認真咁講，唔太好。除咗其中一位女侍應會主動行埋嚟收碟，其他店員都黑口黑面。其中一個黑口黑面咁上Pizza嘅時候唔小心整跌枱上面個小餐牌stand，成個stand 跌咗落個pizza度，佢迅速放返個牌….然後一句野都冇講就走咗，我同朋友兩個呆左。我唔係要佢換個個pizza ，至少講番聲唔好意思都得掛？講真真係好失望，唔會再想來。一間餐廳除咗食物，服務態度都好重要❗️…Read More

火炙海鮮丼定食($148)帆立貝好甜，左口魚邊入口即融，珍寶赤海老絕對對得住佢個名，睇相就知，仲長過個碗，因為有燒過，所以食落口好香🥰炙燒壽司配迷你拉麵($88）鮭魚同鮭魚脂油脂分佈均勻，入口即融化。作為一個唔鍾意食鰻魚嘅人士，呢度嘅鰻魚醬汁超夾，鰻魚唔會好腥，十分欣賞。紋甲烏賊咬起來唔會韌，醬燒蟹棒就正常啦，玉子好甜同有蛋味，加洲卷就同平時嗰啲差唔多～而迷你拉麵份量都算多，上菜係熱辣辣，都幾香濃，一啲都唔馬虎。唐揚軟殼蟹($58)軟殼蟹熱辣辣，一入口口感十分脆口，好正好好食🤤*以上價錢未加一*以上食評為個人感受，僅供參考。…Read More

Set1️⃣A+B+C set($158+$48)A.前菜：是日餐湯（蘑菇湯)配 脆麵包粒✅ 蘑菇湯有蘑菇嘅香味。B.主菜：鹽燒海爐魚柳 配 香滑薯蓉 及 青豆羅勒醬佐 羅勒油✅海爐魚柳燒得好香，不過魚真係唔係咁易整嘅，所以食落有啲韌韌地….. 青豆羅勒醬好有羅勒香味，香滑薯蓉就好似佢個名咁，好香滑。唯一不足係係海爐魚柳上面啲青瓜因為用咗醋去調味，所以食落味道有啲奇怪😅😅C.甜品：是日蛋糕✅芝士蛋糕好creamy同香濃嘅芝士味，落咗檸檬汁感覺好清新——————————————————————Set 2️⃣A+B set($128+18)A.前菜：自家製風花蕃茄希臘發達芝士意大利青瓜沙律 配 自製油醋✅雖然賣相唔係話好吸引，前菜味道有驚喜。將所有醬汁同青瓜絲撈埋一齊，味道清新得來又有油醋嘅酸甜味🥰🥰B.主菜：明太子烤大蝦奶油短管麵✅主菜要+18來講，分量偏少。味道方面，食落口係有好香嘅明太子味，醬汁好creamy，蝦入口係彈牙算新鮮。-總括嚟講，今次食物質素都係高質，book晏晝食飯終於可以坐入面。Not a Gallery 係牧羊少年與他的浮萍舉行展覽 《我想告訴你 This is how I feel...》，之前虎媽想睇好耐，終於睇到！可能因為我比較感性，睇到都會好有共鳴。展覽去到2025年7月31日，有興趣都可以去睇下～希望牧羊可以舉行多啲呢啲展覽。*以上食評為個人感受，僅供參考*…Read More

服務質素😄一入門口即刻介紹餐牌同遞上熱茶，隨行嘅袋都有被好好照顧到，見到客人飲茶飲到冇咩會即refill。呢個價錢呢個服務真心欣賞😆-香檸 mojito (non alcoholic) （$58）一飲落口，酸酸甜甜嘅感覺，熱天飲返杯真係正，係梳打加檸檬嘅感覺。不過我就覺得對於我來講甜咗啲😛明太子玉子燒 （$88）外表唔起眼嘅玉子燒，切完之後，明太子係滿瀉出嚟。一入口蛋味超香，明太子少少辣，兩樣食物加埋係絕配，超好食😋海膽汁燒蠔 （$118）作為一個平時唔食蠔嘅人（主要係怕食完會肚痛），呢道菜真係好有驚喜。一上枱個鐵板係仲燒緊隻蠔，聞起上來超香。海膽汁雖然睇落顏色有啲同平時唔同，但一入口海膽汁同蠔超夾！有啲海膽汁係苦嘅，但佢呢款完全唔苦。一咬一啖個蠔係爆汁，味道係鮮甜，完全唔腥。雞湯卡邦尼烏冬（$98）食卡邦尼一定要有溫泉蛋😍😍將溫泉蛋同烏冬撈埋一齊，食落去係超creamy嘅味道，再加上烏冬嘅煙韌口感，簡直係perfect match!…Read More

宜蘭蟹肉蟹黃拌麵（$118未加一）-完全食到啖啖蟹肉，啲蟹黃味勁香，加埋啲醋絕對係味道提升❤️拌麵嘅質地有啲似烏冬（個人覺得🤭）重點係唔會太漏，。不過價錢來講，有比較有傷害，會寧願叫多個便當餐，有多啲餸🤣-彰化花雕雞卷便當（$88未加一）花雕雞卷有好香嘅酒味，唔會太重，睇到張相就知好足酒。而雞卷係凍嘅，食落口好軟硬適中。小食方面，鴨血非常出色，口感軟諗，唔會有腥味。入面有舊豆卜，唔食得辣嘅朋友要注意‼️因為豆卜索哂啲麻辣醬汁，一咬啲就爆醬汁，虎媽辣到噴火🤣不過對食到辣嘅人來講，easy汁！然後，肉鬆肉燥飯唔算好油，分量好足。我覺得真係太抵食，又有紫菜湯飲。-逢甲肉鬆榨菜蛋餅（$56未加一）-蛋餅唔係屬於個種好諗/好脆嘅口感，係幾清新。不過唔算太特別。-荔枝烏龍冷泡茶（跟餐）好香荔枝味，跟餐來講算係咁啦。-黑糖薑母茶（跟餐）你冇睇錯呢杯係薑母茶，好足料，同平時係其他餐廳唔同。有紅棗、杞子同玫瑰花已經贏晒😮‍💨…Read More

今次已經係虎媽第三次來到Black coffee ，依然係好高質。唯一美中不足係一開頭坐嘅位滴水，店員都好好，肯俾我地即時換位。自家製忌廉蘑菇貓耳朵意粉（$99）忌廉汁好濃好creamy，貓耳朵粉軟硬適中，唔會話硬到咬唔到，又唔會話林得滯。基本上每次來都係叫呢個貓耳朵🥰自家製煙燻豬腩配黑啤意大利飯（$138）豬腩煙燻味好香，食落一啲都唔油，而且咬落唔會勁韌🤭好好食。最重要係一食個飯，好有黑啤味，唔會揮發晒。唯一係食食下都會覺得濃味咗啲，啱啲鍾意重口味嘅朋友就啱哂啦😆提拉米蘇日式梳乎里班戟（$108）Black coffee 作為HeySoNuts嘅姐妹店，當然唔少得佢最出名嘅提拉米蘇🤪每次食都覺得好正～先講提拉米蘇，入口即化唔再講，濃濃嘅酒香味再配合埋咖啡香味，兩者真係好夾。個人覺得梳乎里班戟唔容易整得好食，而呢度嘅pancake入口即融，同提拉米蘇好夾🥰❤️-總括嚟講，我係好推介大家來試下Black ☕️ coffee ，咁多年都係好高質😆…Read More

今次虎爸生日，已經提前book枱。但最後竟然安排我地坐門口位⋯⋯真係有啲失望。隔咗一陣先知，原來再入啲係有音樂會可以聽，講真book咗枱唔expect坐門口位😂希望可以改善下啦⋯⋯-明太子康提芝士蟹肉墨西哥夾餅🌮作為芝士控嘅我，好滿意佢落咗好多芝士，食落口同蟹肉完美配搭。不過，完全唔食辣野嘅朋友要注意啦，明太子本身有啲辣辣地。如果你本身唔食辣，未必接受到。因為我記得我係邊飲野飲，邊食個夾餅。擺盤來講，打卡一流，有啲似藝術品咁🥰-海膽黑魚子醬蟹肉貓耳朵粉-真係食到滿滿嘅海膽，完全唔腥（？）黑魚子醬通常都係咁多份量啦，好香！同貓耳朵粉好夾。不過以$188價錢來講，我覺得性價比唔算高，份量較少。-燒烤手撕豬肉🐽日曬乾茄貓耳朵粉-手撕豬肉好有番茄味🍅，本身鍾意食番茄嘅人應該會有驚喜，唔會太假甜，又唔會太酸。我同虎爸一致認為呢個比起海膽黑魚子醬蟹肉貓耳朵粉有特色啲，即係唔會係好大路嘅、出邊都好易食到嘅意粉類，希望餐廳keep住呢個意粉啦～-洛神花玫瑰蜜柚茶（凍）我唔鍾意飲好甜嘅凍飲，呢杯飲品幾好，唔會太甜，同時又有柚香味🌝最後，希望餐廳係安排座位上，如果book咗枱，可以俾食客坐入少少🤏。因為其實唔止我地一枱，見到有幾pair人都book咗枱，但都安排坐門口🥹真係有啲失望，扣好多分😭…Read More

蒜香牛油粟米章魚燒8粒（$39）一去到買已經要排隊，因為即叫即整，所以都要等一陣時間先有得食～今次叫8粒章魚燒，一入口係非常非常之熱辣辣！建議唔好一口放入口，要慢慢食。外皮非常軟熟，入面嘅餡係好足料嘅章魚🐙！味道方面，蒜香味調得啱啱好，唔會太濃亦唔會太淡，好香嘅蒜味！牛油粟米好多，而且都好食🤤紫菜同木魚又係勁多，好正呀。…Read More

今次虎媽同朋友去咗圍方嘅Tera 食晚飯我叫咗帶子大蝦，配蕃茄濃湯烏冬。因為加飲品都唔平，所以今次就冇加啦😅😅-帶子大蝦配蕃茄濃湯烏冬（$168加10%服務費———$184.8）-首先，食物係真心高質，蕃茄濃湯係真係好夠蕃茄味🥫，烏冬好煙韌，好好食。而且佢有翠玉瓜做配菜，會感覺成個餐好均衡營養，好健康。-帶子同蝦都有用黑椒調味，煎得好香唔會太韌太熟。🥰😍-賣相係真係幾靚，好打卡able。而店員都有不斷幫我地斟水，有服務係度🤣-不過，如果以呢個價錢，唔包飲品真係扣分。而且，我地去嘅時間唔算好多人，但就限用餐時間一個鐘，就會令我未必想再去食。店員係過咗一個鐘後，就走埋來話俾我哋知用餐時間已經結束，感覺唔太好😀…Read More

每次經過呢間麵包店，都會聞到好香牛油味😝🫶🏻今日忍唔住住入去睇下有咩麵包食😆見到strawberry danish 好正，就要左一件。店員好貼心咁將danish 放入紙盒內，呢點加分。———————————————————————今次食嘅係strawberry danish ($28)由於隔咗一陣同搭左程車先食，個danish 嘅士多啤梨🍓已經跌咗落來🥹原本唔係咁嘅樣。先講個酥皮，外脆內軟，好正呀！落左好多吉士醬，不過我麻麻地吉士🤫食落好香牛油味，係好邪惡～～～～～～🤣除左牛油味，當然有肉桂，但我唔鐘意肉桂😅個士多啤梨酸酸地，配合埋酥皮係好夾。不過，$28來講，性價比唔高，我就未必會再食了🥹…Read More

最近想食得健康啲，所以就同🐻🐻一齊去食三哥。竟然俾我地發現有二人餐，即刻試試先😍——————————————————————我地叫嘅係一齊Din二人晚餐（$102）套餐包一碗米線、一個飯、一款小食、一個菜同兩杯飲品。🥤-米線而係已經set 左要呢四款配料（肥牛、魚腐、雞肉同響鈴），叫左番茄湯底（+$1）番茄湯底真係好香，因為本身自己都鐘意番茄。而魚腐就油左啲….😅響鈴係另外一個碗裝住，呢一點好細心，因為每個人都唔同。我通常會浸落湯等響鈴索晒啲汁，🐻就會一放落去一陣就拎上來。-蒜泥白肉飯本人係重蒜愛好者，好夠蒜頭。又估佢唔到，以為蒜泥白肉加飯會怪怪地，意外地好好送飯。😝-落力為你烤豬頸肉🫶🏻豬頸肉係最遲先上，佢係真係有烤過。好香口，而且仲要有椒鹽喺隔籬俾你點。不過有啲乾…😮‍💨-清湯浸生菜🤣同預期一樣，其實唔係有好多味道，都平時食嘅浸生菜差唔多。-熱檸蜜檸檬唔苦，呢點好重要❗️有時候出去食嘢都會飲到一啲檸檬係好重苦澀味。另外，加埋蜜糖真係好夾，唔會太甜。😗兩個人食真係好夠食，呢個價錢真心值～😏…Read More

我總係要重覆犯相同嘅錯誤，今次已經係我第三次來到呢間哥哥添飯.妹妹泡茶，不過我覺得都係唔太推介。-一入到門口，侍應已經指我去坐個超近門口嘅位。因為係下午茶時段，所以要搭枱。-今次點嘅係下午茶哥選1+妹選1，我就揀左椒鹽鷄腿排＋黑松露炒蛋，同埋魯肉湯米線，再加多左杯水果茶。-椒鹽鷄腿排＋黑松露炒蛋椒鹽鷄腿排冇咩椒鹽味，而且食落口好油。黑松露炒蛋就更誇張，我以為自己飲緊油落肚，炒多過火左。-魯肉湯米線呢個有啲搞笑，我食嘅時候，就聽到隔離個姨姨講話：「點解可以咁油架，哇，食唔落啦」。然後，我就發現原來佢同我都係食緊魯肉湯米線🍜🤣其實我都覺得好油，真心唔推介。- 水果茶應該係成個set最值得推介，茶味重，有好香嘅水果味，正Overall,，應該唔會再來食了😅…Read More

今日咁岩經過石硤尾，就買左南山白汁冰返屋企。-因為夏天熱辣辣，所以返到屋企啲冰已經溶哂了，但係依然食落口係冰凉嘅🫶🏻-白汁芒汁西米（$35）芒果分量係真心多，而西米都係多。而芒果食落酸酸甜甜，好正👍因為有芒汁，所以好夠甜。原來南山白汁冰嘅白汁冰係指雲呢拿沙冰，可能因為有芒汁🤣所以我又唔係好食到雲呢拿（？）嘅味。-作為甜品，絕對合格。不過，性價比來講，就唔算好高，未去到個種一定要再特登買來食嘅感覺🤣…Read More

最近食多左素食，就去左大自然素食。服務態度依然好，問佢地可唔可以加茶包，就即刻加俾我地👍-今次係食下午茶，所以除左指明不設折扣之外，其他野食都有半價，玄米茶真係好香😜-沙嗲羊肉串（4串）（$58———半價：$29）羊肉串依舊有羊肉嘅口感，好可惜🥹係個醬汁冇以前咁多花生粒粒同香味。-秘製客家鹽焗雞（$106———半價：$53）一望落去，以為係真嘅鹽焗雞！無論口感同味道，都好出色😽～可以encore!-九製陳皮骨($96 ——半價：$48）一食落口係滿滿嘅話梅甜酸味，雖然口感上唔係特別似，但都真係好好食🤤-原隻木瓜蟹籽沙律（$16）木瓜本身好甜、好多汁，再配合埋青瓜🥒絲、肉鬆、紫菜同沙律醬（？），層次豐富，值得一試。…Read More

難得有時間去觀塘me time 下，當然搵間舒服🥰嘅餐廳去食啦。上網搵到呢間Times coffee，怕太受歡迎，所以就預約，上到去其實都唔算好多人。-一入到門口以為會即刻有店員，點知原來呢度只係見到有一位店員係度處理緊外賣嘅單。所以一入到去其實係自己搵位坐，社恐表示好尷尬🙈。可能因為店員忙於處理外賣單，就冇時間去拎QR code俾我掃，需要我主動去問先有🥲。-今次叫咗蟹肉蟹棒明太子意粉（＄138），感覺真係好足料，啖啖蟹肉同埋明太子😋。雖然食蟹肉嘅時候都會發現到有少少骨碎，但我覺得都可以接受嘅。我覺得份量係足夠同埋個意粉醬係好夠😍～-另外，我加多$20叫杯紅柚冰茶，少甜少冰，但其實都唔係好少冰，甜度岩岩好，值得一讚😆雖然店員唔得閒理我，但係點餐埋單時都好有禮貌👍🏻…Read More