joycelky's Profile

餐廳環境感覺舒服，座椅距離不會太接近。餐牌餸菜款式多，食物質素良好。👍今次一行3人，一共選擇了4款餸菜，第一道菜係椒鹽白飯魚，上枱時十分新鮮，亦都好熱，咬落口感香脆，咸度適中，非常好味！第二道係韮菜豬紅，由於朋友由英國返港，所以揀咗樣好耐冇食過嘅，朋友食完都話好味，好有回憶。👍😎第三係啫啫雞煲，上枱時真係熱辣辣，雞肉都算滑，而且夠入味，都係值得試下嘅菜式。👌最後係蠔仔粥，食材新鮮，蠔仔份量多，味道好味夠鮮甜。😉…Read More

同同事食午餐，諗下諗下上次食過一間海南雞，但上次新店開將，用餐經驗一般，同事話想再試一次。今次入座後感覺較好，食物款式亦增加了，👍同事食海南雞及口水雞米線，我試左個滑蛋雞扒飯，今次海南雞同口水雞嘅份量減少了，😅但口感，味道各方面都非常好，藥膳湯底都唔錯，雞扒飯就十分足料，雞扒大大塊，雞蛋非常滑，💖飯量好多😁價錢方面都算合理，50幾蚊送飲品。…Read More

放工約人食飯，傾傾下計，突然發現好耐冇食過以前成日食嘅景霖，網上搵下分店，決定去旺角。去到店鋪6點半左右，暫時唔係太多人，坐低揀下食咩餸，發現而家有一人餐，兩餸加一個小食，送豆漿，冷熱飲品加5蚊。食物黎到熱辣辣，非常好，我揀蕃茄湯底幾好味，爆漿鯊魚丸爆爆地，味道唔錯，雲吞就普普通通。朋友食小辣湯底都唔錯，魚片頭，魚肉豆腐幾新鮮，魚肉豆腐星形好靚。兩款小食都好好味，鍾意魚肉春卷嘅泰式酸甜醬❤️總結是次用餐感覺良好，下次再黎過😊…Read More

約朋友食飯緊係要揾間地點方便嘅餐廳，同朋友齊齊係openrice 睇下有咩食，見到位於旺角嘅部屋咖啡室嘅相片唔錯，決定一齊去試吓😎用openrice 訂座唔同時段有不同優惠，我地嘅時間就可以享有85折。👍去到餐廳，店員會先告訴用餐時間，我地亦立即坐低揀吓食咩，係白板上自己寫低食品號碼，然後交比店員就可以，上菜時間好快，落單後好快有得食😉水果茶及紅棗花茶都不錯，熱飲有小蠟燭keep住溫度👍水果茶不太甜，愈飲愈好味，紅棗花茶清清地，適合養生。黑松露飯有濃濃嘅松露味，飯嘅質感黏黏的，但又帶點硬，如果可以再軟身少少會更好。三文魚意粉味道正常，意粉味道較清淡，要配搭煙三文魚食更佳。小食叫咗薯條，蟹餅及西蘭花，蟹餅最好味，配上酸甜嘅醬料非常好，著條夠熱又脆，除左茄汁外，亦可以配蟹餅嘅醬😋白汁西蘭花都係清淡為主，上面有少少芝士來襯托。最後由於沒有人等，店員都很好，可以比我地繼續坐，舒服咁坐度傾計🥰👍最後付上相片欣賞。…Read More

記念日當然要預早揀間餐廳食飯，係openrice搵到觀塘區有間餐廳唔錯既，又有訂座優惠，於是就決定訂座😉當日早咗少少到，佢地都可以安排我地入座👍坐低用電話掃碼點餐，我地揀咗個香煎鮮鱸魚芒果莎莎，芒果汁酸甜味道能夠刺激味蕾😎同埋揀左紅酒燉羊膝闊蛋麵，賣相色彩繽紛，十分吸引🤩另外叫咗兩杯飲品，一杯係grapefruit summer soda，顏色靚靚，用黎影相very good 👍另一杯係士多啤梨牛油果沙冰，飲落味道唔太濃，感覺啱啱好😃Openrice 嘅訂座優惠就揀咗個甜品，限定草莓梳乎厘，半價食甜品好開心呀！梳乎厘口感鬆軟，味道帶少少甜，味道剛剛好😋草莓亦唔太酸，仲可以請店員於碟邊寫字，簡直係非常好呀！💞最後要附上相片欣賞…Read More

同朋友行完山後雙腳疲倦，即去搵下附近有咩食，見到呢間餐廳嘅餐牌唔錯，又有舒服嘅座位，二話不說就入去坐低係餐牌上見到有晚市套餐，價錢由60幾至80蚊不等，決定就揀兩個款試下😆我地揀咗肉骨茶同海南雞飯，加咗一個焗釀蟹蓋，飲品試吓熱拉茶同埋熱桔仔話梅水。食物賣相不錯，海南雞已去骨，肉質十分軟滑，雞味都算濃，而且沒有太多肥膏👍👍肉骨茶味道好，排骨唔會黏牙，兩款食物都選擇配油飯，味道香，又不會太膩。見到隔離枱肉骨茶配米粉感覺更吸引，下次一定要試試，另外都好欣賞飲品用心，桔仔話梅加了少少柚子蜜，令味道更出之餘又不太甜。😋下次要試吓桂圓紅棗茶，見到佢上枱嘅原來加入玫瑰花及菊花💕賣相立即加分。🤗最後附上相片分享一下…Read More

去開石門行吓睇吓食咩好，見到呢間餐廳門口餐牌食物相片吸引，於是同朋友入去試吓。下午茶堂食物好味，而且價錢都算抵，我地叫咗鹽穌雞飯，沙茶牛肉麵，上湯娃娃菜，兩杯珍珠奶茶，整體都算唔錯。見到堂食不錯，決定叫兩碗甜品外賣，餐牌圖片吸引，點知回家後打開睇到後。。。真係好失望。。。唉…下次只好揀堂食了最後付上堂食相片及外賣甜品實物圖及餐牌圖…Read More

早前朋友已經睇中咗呢間餐廳，但一直未有時間相約黎食，今次終於可以約到大家，一齊為佢慶祝生日去到餐廳附近，已經聽到好吸引嘅歌聲，原來live band已經為客人唱出耳熟能詳嘅英文歌坐低後，餐廳雖然不算太大，但可以見到設計十分用心，因為內部設計猶如置身機艙之內，有不時轉動嘅飛機窗外景色餐單上有單叫及套餐，我地一行5人，揀咗兩份套餐及3款食物，味道同賣相都非常不錯飲品嘅質素亦相當好，味道好，外型吸引由於訂座時已告訴餐廳，餐廳更為生日姊妹預備上美味甜品，以及live band即時為她們唱出生日歌，令氣氛更好十分出色！最後真係好好好好鍾意呢間餐廳內嘅live band，佢地不但唱歌唱得好聽，歌聲十分動聽，更重要係非常能夠帶動氣氛令人十分享受用餐過程有個既難忘又愉快嘅經驗…Read More

見到openrice介紹嘅食物同環境相片好靚，就決定放工同屋企人去試吓所以即刻訂座，用openrice訂座有折扣去到餐廳見到環境真係好有日本feel，有啲座位設計好似日本人咁有跪墊，當然都有普通嘅木製桌椅供客人選擇餐單中最吸引嘅就係杯富士山外型嘅飲品，而且有粒變色嘅冰塊，令杯飲品更加吸引，適合喜歡拍照打卡另外食物方面，有一人小火鍋，串燒，沙律及麵類，各有特色食物份量方面大少算適中，味道亦很不錯:)最後附上當日嘅食物照片分享…Read More

同重要嘅人慶祝生日，一定要預先訂好餐廳，朋友話過有間唔錯嘅餐廳，即刻決定上網訂座openrice訂座可以order 正價餐牌食物75折！！當日到達餐廳後，餐廳職員讓我們自行揀想坐的位置揀了靠窗光線充足位置，餐牌上飯及麵類都以顏色分類，紅，橙，粉紅，綠......十分有創意。🥰最後從餐牌上揀左兩杯飲品，一份拼盤，一碟黃色的‘’南瓜帶子意大利飯‘’，加一個甜品。飲品‘’Match Latte‘’味道唔錯，而且細心地以拉花作裝飾，另一杯‘’薄荷朱古力‘’味道亦不會太甜，加上有拉花，視覺上更加加了分。拼盤上有兩款炸芝士，德國腸，雞翼，炸蕃薯條及炸薯條，本人非常喜歡炸蕃薯條，甜甜又香脆，十分美味。意大利飯味道亦很美味，顏色吸引，最後不得不提既甜品，揀咗 ‘’西西里的檸檬向日葵‘’，在檸檬味雪糕波旁畫了朱古力花瓣，整體感覺又成功加分:)味道不太甜，感覺冇咁邪惡店內職員態度有禮又親切，令人用餐過程很舒服並且在付款時為我們使用了openrice訂座優惠，有75折呢！最後付上食物的相片。…Read More

每個月都會同生日嘅好姊妹食飯慶祝，今次揀左兩間比主角揀，佢好快就選定了這一間，地點很方便，只需由尖沙咀地鐵站直行數分鐘便可到達。由於早已訂座，到達後很快便可入座，我地一行5人，全部是女性，決定簡單地揀dinner set for 4，:)當中包括餐湯，沙律，蟹籽蟹肉扁意粉，重量級嘅1.5kg斧頭扒及甜品。沙律十分新鮮，火箭菜美味，顏色配搭吸引，有切開的橙色及紅色車厘茄而扁意粉味道不會太濃郁，所以不會太漏。斧頭扒不但賣相吸引，而且未切前會先上枱讓食客看看及拍照，然後入廚房在keep warm情況下切好，排列好後再次供應在桌上享用。飲品方面有buy 1 get 1 free 優惠，我地揀左3款 mocktails，有🍍 tropical punch, 🍓 strawberry lovers，同埋 virgin berry mojito，3款味道各有不同，自己就最喜歡🍍，顏色味道也很不錯，而berry那款自己覺得較酸，我較喜歡甜甜的呢！甜品方面，烏龍茶味切餅十分美味，各姊妹也喜歡，亦不會太甜，又有茶味。Tiramisu方面較為普通，若有更濃郁嘅咖啡味會更加好生日嘅姊妹有一件插有蠟燭嘅Happy birthday 切餅，超級開心呢！睇完文字，就係睇相片時間喇！…Read More

經過九龍灣諗住同家人食晚餐，淘大，德福都去過幾次，決定行去附近睇下有無其他餐廳。沿著戲院旁的樓梯行，過了一條馬路後，於對面商場扶手電梯上一層，在酒樓旁邊有間西餐廳，名字很特別，叫me time cafe，餐廳裝修感覺不錯，決定一試餐廳內有不少款式的食物，而且價錢合理，大部份都係套餐，亦有一至兩個較健康或輕盈選擇，如椰菜花飯，沙律，十分吸引。最後5個人選了兩款相同，3款不同晚餐，有原條魚柳，牛扒，煙三文魚沙律，燒菠蘿豬扒，全部份量都非常足夠，各人都十分滿足，套餐亦有一碗忌廉南瓜湯及餐飲，飲品可以加錢升級為台式飲品呢！但太開心，唔記得咗影飲品相最後付上食物相片…Read More

返完教會同家人食個下午茶，最近天氣熱，自己又鍾意飲台式飲品，所以就去咗第一城嘅台灣麵。見到下午茶餐牌有好多唔同嘅配搭，總有一款啱口味，有沙律，湯麵，小食，飯。。。睇完之後可以自己用手機落單，我地就揀咗炸魚沙律加肉燥米線，蕃茄手撕雞米粉，白菜雲吞，雞翼，油菜，熱芝麻奶茶，熱檸檬柑桔，芝麻椰奶。全部食物分量都足夠，小食就得兩粒或兩隻，如果唔夠就要額外叫，但下午茶價錢相當合適，自己亦非常鍾意。…Read More

之前同屋企人飲茶時感覺唔錯，今次約埋好朋友同兩幾個小朋友一齊去，呢間酒樓嘅食物唔錯，而且等候時間亦較短，完全符合同小朋友飲茶嘅需求安排入座後，職員為年幼小朋友預備高櫈，讓兩位較年幼嘅可以坐得舒服之餘，父母亦較容易照顧每張枱之間嘅距離亦不會太近，由於我地人數較多，所以職員將附近兩張枱改為二人，讓枱之間有空間，方便大家隨時走動食物方面質素依然維持新鮮及美味，如燒味嘅叉燒肥瘦適中，口感一流，油雞方面不會太油膩，咬落啖啖雞油香，充滿光澤炒飯方面亦見鑊氣，食落甘香味美，大人同小學以上嘅小朋友都好適合，若有長者可考慮落單時mark低“林”啲蝦餃鮮甜爽口，炸雲吞非常鬆脆，鳳爪夠林又入味，其他點心亦很吸引:)付上部份食物相片參考…Read More

難得約到好朋友聚餐，一定要揀間食物吸引嘅記得曾經在旺角食過一間好味嘅餐廳，決定搵下有無分店，見到將軍澳有分店，又近地鐵站，所以就試試呢間分店怎樣Openrice預約後非常方便，準時到達餐廳就可以入座，無需等候排隊呢間餐廳用電子落單，見到有午餐就一齊試下，都有6，7款選擇，而且包餐湯我地揀左牛扒，全日早餐及意粉，份量非常足夠，大家未食哂就已經飽飽飲品方面，基本上一般飲品係套餐包埋，不用加錢，但見到啲特飲就心動，只係需加差額，價錢可以接受，最後叫咗一杯菠蘿橙冰茶，凍檸茶，凍奶茶，揀左少甜嘅菠蘿冰茶甜度適中，凍奶茶略為重奶味，而檸茶就正常，糖水係自己落嘅，所以完全可以依個人喜好加減最後付上食物相片分享:)…Read More