小敏小姐's Profile

由銅鑼灣店未裝修之前已經支持，覺得樣樣野都好好食，所以經過旺角即刻入去，今日冇牛肝菌，叫左雞翼腩肉米線，一入口就搞唔掂，湯底好咸好咸，咸到要加水先食到，腩肉好小味道幾好，雞翼2隻，都係好咸，成個味道已經唔同以前，好失望😞…Read More

經過門口，見裝修幾好，餐牌又唔貴，即刻入去試吓，點左2個餐，日本產黑豚肉壽喜燒同埋溫泉蛋汁燒牛肉定食，其實豬同牛，都幾好味，可惜全部食物都唔咪太熱，係室溫，個湯太咸我就冇飲，都應該唔會再幫襯。…Read More

好中意黎呢度食飯，全部野感覺好有heart, 今次試左個冬陰功炒烏冬，烏冬口感軟硬適中，但d 蝦冇乜味而且凍左小小，最大件事係好多辣椒，真係越食越辣，我本身中意食辣，但真係over左辣椒已經蓋過所有味道，辣到唔想食。另外，加分係個燉湯，個湯好入味，豬肉都好淋，而家唔會死咸，每次唔同款都好好飲。…Read More

放工已經20:30，灣仔夜晚好似冇乜野食，見好耐冇食過刀削麵就入去試下，叫左個口水雞手撕雞刀削麵，麵嘅湯都幾好，因為唔太喊，甜甜地咁，d 麵比較硬，但個雞估係雪櫃拎出嚟，有小小凍，最大鍋係個手撕雞好‘鞋’ 好乾好硬😞，食左幾條搞唔掂，應該唔會再試其他嘢。…Read More

黎過幾次，真心要推介一下❤️, 今日食午餐，我覺得性價比好高，百幾蚊2 個餐，今日飲粟米湯，個餐包好好味，勁香牛油味，老公食咖哩豬扒飯，好夠味，2塊豬扒好淋，不過喊左小小。我叫左蕃茄汁煎魚意粉，都好好味，講真呢個價錢，已經覺得好正，仲有個小甜品同餐飲，點左2 杯咖啡，佢哋用咖啡機，唔係求其沖，支持小店👍🏻👍🏻👍🏻👍🏻, 服務都一流👍🏻會繼續幫襯😋…Read More

全自費，第二次黎食，今次食lunch , 叫左雞扒菜飯，豬扒蔥油撈麵，唔知係咪lunch 關係呢，覺得個份量少左，隔離枱都係咁講，雞扒味道正常偏咸，豬扒好淋，個味好似叉燒偏甜，個撈麵幾好味，正體普普通通…Read More

見新開有靚景，雖然餐牌冇咩特別野食，諗住飲杯野都唔錯，上到去覺得環境幾好，但一坐低，嘩，好嘈，亦冇安排坐近海景位，點左3 杯飲品，unicorn, WTF, 另一杯唔記得，只係記得個2 杯個味好怪，仲好甜，之後點左個鴨pizza, 冇乜特別，冇乜鴨肉，雖然知道係bar , 𣎴過真係太嘈，傾偈要好大聲，同個音樂鬥太聲，其實有個員工已經關細小小個音樂，但其他員工又開返👎🏻，又唔肯比另一張枱，杯野飲左一半，即刻轉場，下次都係北上算…Read More

飯後緊係食甜品啦😆，經過見到仲有位就入去試吓，點左三色雪糕，綠茶帶甘味係正常，𦹷茶味好香有小小烏龍茶feel, 牛奶雪糕重奶味，有兒時回憶，嘩好多紅豆好呀，重點係唔會過甜，唔係死甜，好好味🤤，下次再食過👍🏻…Read More

一直見評價咁好，都好想試，叫左個醉雞捲麵，豬軟骨飯，一杯仙草凍奶茶，麵同飯好明顯一早整定，上枱係暖嘅，個醉雞捲好硬好鞋，冇乜特別，豬軟骨飯係夠味，只係唔夠熱，杯奶茶ok正常。最大問題係我哋坐廚房門口隔近，冇關門，門口仲有幾個好近嘅垃圾桶🥶…Read More

家人想試吓呢間日式鐵板燒，入坐送左每人一隻生蠔，同埋有蕃茄做開胃菜，我地叫左日本炒麵（好食。濃味），和牛炒飯（得幾粒牛），豬肉御好燒（好味），燒帆立貝（好味比較咸），伊比利亞豬（好肥美），忌廉蟹肉薯餅，其實樣樣都幾好食，𣎴過比較咸同埋食完好口乾，居酒居食物分量係小，唯一改善都係服務，尤其唯一個女服務員，人哋末叫野食已經黑口黑面，落單又寸寸貢咁，到底佢發生過什麼事🥲，真係想生意好都難…Read More

第一次食送左張coupon, 本身食set 都唔算貴，但用coupon就要散叫，點左個刺身飯，另外一款有2 個細碗飯，燒牛肉及韓式刺身角切飯，全部都好好食，咁嘅價錢性價比好高…Read More

有朋友想去居酒屋，見ig 咁多明星支持就試下，三個女人叫左幾碟野，明知食串燒份量好小，叫埋個刺身，睇相都覺份量比較小，成為$288，都算新鮮，但質素似元氣好小小咁，其他野都ok 好食，環境都幾好，最大問題係，成個埸，得三個服務員，上菜好慢，而且有漏單，等得太耐唯有取消，又唔夠飽，唯有轉埸再食過。好食： 白鱔，炒雜菜，炸雞…Read More

叫左凍latte , 其實個咖啡幾好飲，因為用明治奶，個奶味好濃，2 個女職員d 態度都差，大佬我真係比錢買咖啡，好似求佢比杯咖啡我咁，港島咁多咖啡店，下次一定唔會幫襯，唔該個老闆留意下…Read More

Boxing Day去完海洋公園，諗住食好啲就試吓呢間，㩒到Openrice 75 折，就即刻行過去，地方唔算大，都算坐滿，食物種類好小，以為聖誕會多啲選擇😓，每人有半邊龍蝦，整體來講，所有肉都好硬好亁，除咗沙律同湯麵，其他野都唔夠熱，甜品到9 點已經冇乜refill, 蛋糕得兩款，飲品就有自助咖啡同茶，不過呢個價錢就唔要求太多連d汁都乾晒個爐唔夠熱，汁都乾晒…Read More

見甘味裝修左，好似幾好坐，lunch set 仲包埋野飲，百幾蚊覺得好平就入去試下，叫左個豪華刺身丼，一黎到見到，嘩，好似平時係普通超市買到果啲，食落口好普通，真係好似超市買咁，下次真係唔好貪平，反而佢個熱咖啡幾好飲…Read More