ZalaSyusuke's Profile

一直係番茄師兄熟客，蕃茄湯烏冬係世一，最鐘意加炒蛋咁食。但今日去發覺轉左餐牌，由散叫變左做套餐。因為佢個蕃茄湯加炒蛋都好飽肚，之前單點一個烏冬就已經好飽，變左做套餐其實真心食唔晒。其實我都明轉套餐係想加價，我寧可你直接加價，好過逼我要埋唔想要既野。另外新餐牌少左好多餸菜，騸牯牛冇左，雞扒冇左，牛臉頰又冇左，其實而家個list真係唔係好好揀得落手，最後揀左雞胸，但出黎個樣好似人地即食雞胸咁，隔離枱都話似即食雞胸翻熱，同埋d香料就咁睇好似發霉咁，賣相真係唔得。一直都都好支持番茄師兄既理念同食物，希望老闆可以做番以前既水準…Read More

見到有幾位KOL都講過呢間店，其中一個仲要推薦叻沙，我都好鐘意食，見到lunch menu有就即管去會下佢。同朋友叫左蝦面同叻沙，再加左蟹肉饅頭1）蟹肉饅頭 - 調味太甜，完全唔香辣，亦冇蟹味，饅頭唔脆2）蝦面 - 伏到痴線，一上枱層油真係半隻碗咁厚，一匙羹筆落去係一滴湯都筆唔到，全部係油，蝦頭油頂唔多好似麻油咁放少少，點會放到半個碗都係？一夾起面，湯汁掛唔到上去，只係掛油，食落一口油，又淡而無味，兩隻蝦既肉仲要係霉既。我好想知佢做緊邊度口味既蝦面，去過吉隆坡同檳城食，從來未食過咁油既蝦面。唔好問我佢湯底如何，我飲唔到，我筆到既只有油。3）叻沙冇蝦面咁油，但都係一層油鋪係上面，湯底唔夠味，隻蝦冇咁霉，但都冇咩值得去食。另外冷氣唔夠凍，而家咁熱天氣仲要食湯面，我食完出黎都仲係出緊汗…Read More

香港好少有得食燒仙草，所以見到都會食下。但香港好多燒仙草都好水，唔會話杰杰地咁，而我正正係鐘意食燒仙草杰杰地既質感。見到話係台灣開過黎，以為會好正宗，點知都係好水，完全唔杰，價錢又唔平，呢個價真係食鮮x仙好過。…Read More

星期日黎叫左set brunch，加左$105換成肉眼，加埋都要$350+, 前菜egg Benedict 同甜品正常貨式，無咩特別，但牛扒完全唔合格，薄切，明明叫medium, 出黎接近well done （可能因為太薄，做唔到Medium) 食落都冇咩牛味，簡單嚟講就係同花園餐廳嘅牛扒餐冇分別。唯一好嘅就係佢望住海景，同埋有張桌球枱可以任玩，所以個價錢有八成應該都係比緊呢兩樣嘢，如果對呢兩樣嘢都冇興趣真係唔使嚟。總括嚟講唔會有下一次。…Read More

咖哩味道正常，但唔入味，睇到睇得出舊肉冇味，而且唔知係唔係我見識少，真心未見過咁白既牛肉，咩部位黎？而且食落一d牛味都無。志明奶茶我都真係好少見凍奶茶會自動走甜，真係完全唔甜，我一開始以為係煉奶沉底未搞勻，但真係成杯都唔甜，其實佢係唔係唔記得放煉奶？…Read More

聽朋友推薦，黎左呢間隱世法國菜。叫左海膽多士、鵝肝牛排同煎鱸魚。職員問牛排幾多成熟，佢推薦medium, 我ok。上到黎一切開，塊牛扒未到well done都最少九成，而且牛排唔係靚肉，又乾又柴又冇肉味，好似煲完湯先拎黎煎咁。鵝肝好薄，冇煎香，食落好油。相比鵝肝牛扒，煎鱸魚水準好好多，但呢個價錢偏貴，呢個價有呢個水準既多的是。前個個海膽多士，個底係蒜蓉多士，上面係加拿大海膽，冇咩功力既一道菜，自己屋企都做到，出黎效果嘛可以話不過不失，海膽都唔係驚艷。總結-伏…Read More

睇網絡自取軟件介紹呢間餐廳想來咗好耐啦。因為人多所以只可以嗌得四個餸，一早預留左餐廳嘅招牌菜：糯米飯釀雞翼，炸茄子，蜜汁鰻魚，再聽老闆介紹嗌咗咕嚕肉。炸茄子：四碟餸入面最好食，外脆內軟，好食過薯條好多，呢碟餸可以encore蜜汁鰻魚：$175只有10小舊，鰻魚皮脆肉質都好結實，但呢個價錢我覺得有少少貴。糯米飯釀雞翼：雞翼炸得夠脆，糯米飯都幾香，但係調味可以再鹹少少，咁會帶出油香多啲咕嚕肉：呢碟餸最失望，咕嚕肉唔脆，個汁亦都唔覺得好味，有啲過鹹，我覺得樓下是但間茶餐廳都做得好過佢。結論係嗌呢間餐廳招牌菜就得啦。至於服務方面因為老闆親自服務，所以服務都算係咁，冇其他comment講嘅問題。…Read More

係金鐘做野咁耐，而家自知有呢間餐廳。環境唔錯，唔係restaurant week冇咁多人應該幾好chill.食品質素正常，唔特別，lunch$198+10% 算唔上抵食‧但最大問題人手唔夠，可能因為restaurant week 多左好多人黎食，我見都坐滿，但大堂得兩三個人做野，完全冇停手，所有服務都好rush. 但係咁忙情況下waiter 都算做到保持禮貌既。下次要做ED restaurant week既時候真係要請番幾多part-time 先handle到。 …Read More

見到restaurant week promotion lunch menu 係$250再加一。成個menu有頭盤主菜同甜品，不包咖啡同茶。先講送既面包籃，面包係熱既好好味，脆既餅都好蘇脆，但法包就少少失色，外皮un un地。頭盤揀左手拆蟹肉沙律，蟹肉鮮甜，沙律都好清新，水準唔錯。主菜揀左和牛，睇油花唔算高級數，但師傅煎既火候剛剛好，如果調味淡d去突出肉味會更加好。甜品食左拿破倫蛋糕，呢個相對佢其他餐點就差左少少了，唔夠香脆，用個叉用力叉落去都整唔爛個餅，搞到成塊咁食。總括黎講呢個餐有呢個restaurant week offer係抵食既，食物份量好夠，而且都有水準，但正價的話我就覺得唔值了。…Read More

已經有幾年冇黎過outback, 對上一次對佢印象唔錯，所以本身都期待既。點左rib eye steak, pork rib, 炸洋蔥同炸蘑菇，睇標題就知我咩comment，每一樣都咸到傻，食第一啖還可以，食多兩啖真係要用水送，最後係太咸食唔晒。全晚最好食既係送既黑糖包，因為佢係甜既。環境方面因為有訂座，我地兩個人都比左個卡位我地，呢點值得一讚既。因為朋友係會員有折扣，如果唔係以佢正價價位係唔值既，折左後加埋環境同服務叫做合格啦，如果唔係就打左腐皮了。…Read More

本身見到openrice咁多正評，都對呢餐有期望，但食完後完全唔知點解會有咁多正評，可能晚餐同午餐係兩個廚師，或者其他我唔知既原因唔，總之我食完lunch絕對唔會再黎。首先個周打蜆湯一食就知係用粉開出黎，仲有d怪味，飲左兩啖就冇飲。lunch set我揀左牛排，係茶記用鬆肉粉拿過既牛排質素，調味勁咸，為左唔浪費勉強食到落肚。最伏係杯飲品，加左錢轉oero奶昔，我懷疑呢間餐廳老闆唔知咩叫奶昔，呢杯完全係smoothie, 係oero加冰blend左佢，完全冇奶味或質感，唔好話creamy la, 難飲到痴線! 總結來講係茶記不如既質素，西餐廳既價錢，呢幾樣野埋單都要$120一位，呢個價係荃灣大把野好食過佢。…Read More

自從同事介紹左呢間餐廳比我之後，一試難忘。平平日lunch 50-60蚊就落到樓，有餐飲有甜品，只係價錢都冇得輸，質素仲要比得上好多貴價餐廳。老闆又勁好人，有時餐牌冇既，佢如果有材料都會幫我地整。可惜自從公司搬遠左，就好難lunch去食了。今晚同男朋友第一次食Sandy's 既dinner menu，不過我始終掛住上次食過既豬軟骨炒飯，就厚住面皮咁問老闆有冇得叫 （因為係lunch menu 既野黎），不過老闆今日生意太好賣晒了。但係老闆好記性，記得我上次好鍾意食嗰個酸菜德國豬手炒飯，就問我今次想唔想encore，咁我當然想啦！跟住仲點左個牛油果蟹籽沙律、白汁煮青口、卡邦尼意粉。最好食始終係德國豬手酸菜炒飯，可能因為一次過叫左三樣creamy sauce 既野，所以酸菜個味零舍開胃。 白汁煮青口都好有驚喜，個汁直程想問老細可唔可以拎碗白飯黎撈。卡邦尼意粉係鋪頭招牌，上面仲有幾片Parma ham。牛油果蟹籽沙律嗰個醬呢有少少酸酸地，冇普通沙律醬咁漏。全晚都好滿足，最後老闆勁好人，送咗兩個疏乎里比我同我男朋友食，好耐冇食過咁好食嘅疏乎厘，比好多甜品舖出色！我食完即刻同老闆講不如加佢入menu, 不過老闆話疏乎里真係要有時間先做到，因為好多功夫，仲要冇得整定。多謝老闆咁忙都整比我地食！咁正既餐廳真係唔應該比地點埋沒，樓上舖的確人流少d, 難搵d, 不過租金平，如果唔係點可以以咁平既價錢，比到咁好既食物質素！今晚食左咁多野，埋單都係$268！…Read More