tomato7475's Profile

好耐冇去這間餐廳食了,趁生日就和家人一起去食,之前都睇過食評,見評語麻麻,都有d擔心。好彩我哋未夠7點已到,啱啱可以坐到張6人卡位,十分闊落,因為兒子會帶好多玩具用餐,所以十分滿意。但用餐時間是限時90分鐘,所以很快已落單。首先提提大家,如果唔食前菜(花生和酸菜)是可以話唔要的,會係賬單扣回。雞火炒飯味道比較清,唔多油鍋貼外脆內軟上海排骨麵唔知道原來會有莞茜,排骨不是咁好味,可以不試好味,皮薄多汁東坡肉味道可以,唔油膩,但不是入口即用醉雞唔知用咩酒浸,普通小食三拼可自由配搭,我揀咗鎮江肴肉,雞絲粉皮同埋鎮江骨,好味抵食。…Read More

上星期六，一家人去完科學館，玩到身水身汗諗住喺附近搵嘢食， 因為有小朋友嘅關係所以想搵啲地方比較舒服又可以坐得耐嘅地方用膳， 因為之前都係赫德道返學所以知道嗰頭附近都有啲食市， 行到入去發現有間唔太顯眼的萬豚屋， 見冇乜人等位所以就走咗入去食。Menu 2頁紙睇晒點咗個蕃茄濃湯鰻魚手打烏冬 烏冬同鰻魚係分開上的， 賣相已經好吸引呀， 第一啖梗係試咗個湯先啦，果然係蕃茄濃湯好重嘅番茄味酸酸甜甜好開胃， 但係個烏冬就爭緊啲因為唔得煙韌， 鰻魚方面個質感夠軟滑而且個醬汁夠濃， 整體嚟講呢個蕃茄濃湯烏冬可以再encore 醬油豬手炆得好林令我諗起食上海菜嗰個元蹄有入口即溶既感覺， 但個醬汁比較鹹而且份量比較少再來一客香煎豚肉餃子， 食落同普通餃子一樣冇咩特別滑蛋上級牛肉飯， 這個飯用嘅係珍珠米所以比較煙靭， 牛肉味濃， 兩者配合再加埋滑蛋簡直絕配雖然係唔使點等位，但係原來入面已坐滿，只剩下幾張枱，真係好彩。值得欣賞的係殷勤的服務， 不用叫巳幫你倒水，食物速度快又唔會趕你走，一家大細都啱。…Read More

 臨近冬至，因為唔想係屋企煮,所以就約埋屋企人有大有細出街食當做節。之前報章雜誌都介紹過這間德記潮州菜館,需然我地住九龍,但因為間菜館近香港大學港鐵站,所以都好方便又可以Book位。我地一行九人六點就到逹,可能時間尚早,未有太多人。之前巳上網seach過資料,巳預先睇定想食咩,所以一坐低就可以叫菜。墨魚卷拼蝦棗- 份量不多，味道普通香酥芋泥鴨- 好味, 值得一試, 食落唔係食到好多鴨, 芋頭味重D, 可能我鍾意食芋頭所以喜歡。蠔餅 - 潮州菜必食之選, 食落不太油, 有好多蠔同埋唔會有太多粉糯米釀大腸 - 大腸炸得啱啱好, 連埋糯米食好夾, 一脆一軟。大鵝肝拼鵝片 - 好好味, 鵝肝好滑胡椒豬肚湯 - 一般, 可以一試什菜煲 - 麻麻, 好似菜頭菜尾咕嚕蝦球- 好味, 有小朋友的就啱晒, 不過份量太少總括嚟講都值得試, 價錢合理, 不過坐位窄而且限時。…Read More

第一次去食牛陣，其實去之前都睇過食評，但都想去試一試。佢有限用餐時間的(90mins)，所以專登揀係佐敦食諗住少D人，唔會俾人趕，點知錯晒。今次係去食生日飯，揀咗最貴的Set($398/1個)特級和牛(任食)和牛賣相真係好靚，我以為和牛的口感會好似電視的飲食節目介紹咁入口即溶，但當我食落去的時候覺得同普通肥牛冇咩大分別，冇入口即溶，有D失望 ，原來朋友話和牛要粒狀先會入口即溶的。黑豚肉(任食)黑豚肉夠新先及夠薄身，好快就熟湯底揀咗蕃茄湯加日本甜豉油之前其他食家話蕃茄湯底好味 所以想試試，果然冇錯，未開始時巳先飲咗幾啖，有好濃蕃茄味，而日本甜豉油就好清，可以食到本身食材的味道。配菜及雪糕雪糕係Häagen-Dazs 的，有四種味道，記得要預留返時間去食雪糕，因為雪糕好硬好難攞，要等好耐。而配菜方面選擇不多，都是普通的丸及菜，但時間只有90mins，點知時間一到就有人嚟埋單，就算和牛及黑豚肉任食我地都只食得一份，因為佢要食完一份先會俾第二份。其實出面係冇人等位的，佢都要不段走過嚟同我地講真係夠鐘，我同朋友諗住算啦，唯有食埋枱面d野就走，最離譜係佢連少少時間都唔俾，走埋嚟熄咗我地個爐 仲要攞埋走。講真D野唔係真係咁好食，服務又差，真係冇下次。…Read More

之前睇報紙見到介紹這間星洲名廚，寫到物超所值，咁啱本人都喜愛飲肉骨茶而且間鋪又離我屋企不遠，所以走咗去試。其實北帝街兩旁都有好多食市，不過既然一心想試這間所以就冇睇其他。去到間鋪前取了飛等了大約十分鐘就可以入坐了。看過餐牌後，因為得兩個人的關係，所以點了海南雞套餐(包括:油飯、油菜、1/4份海南雞、飲品、例湯)---$45 (凍飲加$2、拉茶加$4、椰青加$20)，另外點了個肉骨茶套餐(包括:白飯、肉骨茶、油茶)---$55，再加多個串燒豬肉。先講海南雞餐，油飯好香又有味，主角海南雞的份量夠，而且雞肉好滑，不過美中不足之處係用嚟點雞的豉油汁比較'傑'同埋少。而肉骨茶套餐我覺得超好味，D肉骨就算煲完之後都仲好滑，仲有汁比你點，個茶好濃足料(有當歸，龍眼肉，冬菇，妃子等)。最後講個串燒，可能因為成日食所以我覺得好似冇咩特別。這餐真係物有所值，埋單只要$126，食到捧住個肚走，超扺! 但地方比較窄，坐得唔係咁舒服，不過都會再去食。…Read More

上星期三約咗一些同事食晚飯，地點係由同事決定的，開頭知道係去沙田帝都酒店仲以為係之前有人食物中毒果間，點知原來攪錯咗。今次自助餐的主題係'蠔'，時間由6:15-9:45(時間都幾長:))，地方都很寬落，不過擺放食物的地方就分開咗兩邊。食物包括:即開美國生蠔(不過好廋)、蠔餅、炸生蠔(炸完後超細隻)、刺身(三文魚、吞拿魚、八爪魚、立魚)、翡翠螺、青口、長腳蟹、蝦、咖哩。甜品方面:自製班戟、朱古力噴泉、格仔餅、cheese cake、燉蛋、雪糕(Hagendez & ppg 兩個牌子)仲之一般自助餐有的佢都有，不過飲品就要每位加$28先可以任飲，但如果用around $290的價錢我覺得係值得的。…Read More

之前係荃灣食過,覺得都幾好味,又可以一次過食埋甜品,所以今次咁啱係附近就走去食。鋪位比較細,但唔洗等位。叫咗個焗芝士雞肉意粉、排骨菜飯及雙皮奶，味道普通，唔可以話好好味，而且份量比較少，我諗男士應該唔夠飽。服務方面一般，因為咁啱見到有服務生清理的時候打翻了碗碟，仲要彈到我，仲一句對唔住都冇，只顧清理，所以下次都未必會再去。…Read More

第一次去食,係人地介紹話好低,所以走去試吓。午飯時間,不是太多人,只需等十分鐘。食咗個燒魂和牛鍋燒飯定食,我覺得好低,個餐包括前菜、麵鼓湯、甜品、餐飲及主菜,埋單只需$36,唔洗加一,最緊要係味道唔錯,個飯似韓國的石頭鍋飯,又多汁，值得一試。…Read More

食咗個台式豬扒飯定食,個餐包括油菜,餐前小食同埋包杯台式飲品(不用加錢的),豬扒的味道同台灣相似,好味另外要咗個麵包咖哩雞,雖然唔係話咩特色菜,周圍都有得食,但佢勝在連麵包心都會加牛油烘埋俾你,價錢大眾化,食完有種好滿足的感覺…Read More

餐廳巳經好耐歷史,睇D伙記就知。之前一路都冇試過,都係人地介紹所以走去試吓, 建議大家早D去食,如果唔係就要等成1小時先有位。地方唔算大,座位與座位之間好窄,但勝在冷氣夠。我試咗個T骨扒+蒜蓉,好好味,唔似出面一般餐廳,價錢仲平過出面,物有所值。…Read More

之前食過一次都覺得麻麻地,但我的家人話佢大件夾抵食,我食咗個帶子鑊仔牛柳,牛柳好薄,通常個汁係分開上的,但佢上菜時巳倒咗,餐飲飲咗最Common既凍檸茶,但唔好飲,最後食埋個雪糕,唔知係咩牌子,一句到尾唔好食。值得一提的係D伙記落單係唔冼寫低的,靠個腦記,勁啊…Read More