Y Shan's Profile

好耐無食過辣嘢軀下寒，朋友介紹呢間喺廟街既川菜館，味道唔錯，可以一試。家私用木檯木凳，裝修都有成都風味。招牌菜酸菜魚🐟可選擇難辣度，大大塊鱸魚肉，無骨又嫩滑，配菜仲好足料，有大量酸菜、芽菜同紅薯粉。水煮牛肉🐮牛肉一啲唔靭，叫左中辣都唔會太嗆喉，湯底都有紅薯粉做配菜。辣子雞🐔雞肉雞皮炸得好香脆，雞肉入味又無骨，絕對去下酒小菜。干鍋肥腸🐷肥腸睇落都洗得乾淨，炸到脆卜卜，d 辣椒材料同辣子雞相似。清炒萵筍絲🥬萵筍絲清甜爽脆，熱辣辣夠鑊氣。而且刀功一流，一絲絲一樣長短。呢間好啱同鍾意食辣嘅朋友，飲下啤酒聚會下🍻…Read More

今晚幾個女仔girl talk，想食d 無咁罪惡既野，喺中環揀左呢間揀食餐廳， 地點位置方便。餐廳裝修好懷舊， vintage 美國村style ，裝飾都好有紀念價值。Menu starters 好多選擇， 跟住burger, main, desserts, 樣樣都好吸引😍小食叫左炸豆腐串泰式甜辣醬同北京烤片。🧆炸豆腐好出色，超鬆脆有d 似臭豆腐外皮，裏面超滑，重豆香味， 加埋芫荽泰式醬，清新唔油膩。🦆北京烤片好Fusion， 素鴨燒到有d 脆邊， 口感真係似北京填鴨，好有驚喜。burger 揀左兩款，素漢堡扒配燒烤醬同香脆大豆炸餅配香蒜沙律醬及車打芝士🍔素漢堡扒juicy 得黎，食完又無負擔，又有大量苜蓿芽做配菜，中和惹味燒烤醬🌮大豆炸餅口感似炸魚柳，內裡軟滑，加上蒜味沙律醬同車打芝士，濃郁又滿足。 特色飲品有Mixed Berries SoyShakes 🫐新鮮藍莓、士多啤梨味，又有益力多味，酸酸甜甜好開胃， 面頭仲有重量香滑cream 加持🤤另一杯檸檬鐵觀音都好滿意，鐵觀音調校得非常適中，茶味清香，加上檸檬味特別醒神。絕對係女孩子傾偈嘅好地方，食到飽飽都零負擔😜…Read More

放工去灣仔新景園食💛第一次是咖喱豬扒飯👍🏼超級驚喜豬扒Juicy 又唔鞋，咖喱汁辣辣地又唔會太嗆口，薯仔超淋，一定會再encore，難怪咁多人排隊食🤤等得耐都值得…Read More

beans 既lunch menu 去到下午六點，可以同老公食個早飯。plating 同碗碟都好精美，絕對有視覺享受。環境舒適，有落地大玻璃看街境。order 左軟殼蟹黑松露忌廉意粉，軟殼蟹鬆脆香口，濃濃黑松露香味，加上雜菌及啖啖意粉掛上creamy 忌廉汁，好好味😋但食食都好溜。仲有帆立貝蟹子千島薄餅，新鮮出爐熱辣辣，帆立貝大大粒，每粒上面都有一匙蟹子同蟹柳，配千島醬係一流。餐茶可以揀咖啡、薑母茶或者檸檬蜜糖，人均約$90，CP值高👍🏼…Read More

經過銅鑼灣做嘢，見到呢間鋪仔細細，泰國人打理嘅小店。價錢合理又正宗咁就入去試下。叫左豬頸肉撈米粉同扎肉豬頸肉湯金邊粉。豬頸肉好夠味，外層乾身得黎又有肉汁。呢隻泰國米粉都幾特別，較幼身又有咬口。扎肉有黑椒粒，清湯都好好味。總括而言，CP值高👍🏼…Read More

沙茶牛肉🐮三杯雞🐔生煎包🥠每碟份量唔算多，味道偏濃，非常好下飯。沙茶牛肉好入味，牛肉軟熟。鍋燒三杯雞，好香九層塔味，雞肉嫩滑。生煎包熱辣辣，外層可以再煎香脆一點就更好。menu都算多選擇，仲有特色台灣飲品🧋同芋圓甜品🍨…Read More

口淡淡想食啲濃味野，揀左呢間有麻辣米線既冰室，裝修好有懷舊風味。點左香辣既酸辣粉，有得揀米線+薯粉兩溝，滿足哂兩種口感🥰餸就揀左麻辣手絲雞同花枝丸，手絲雞好滑，又好香芝麻味。花枝丸彈牙足料，兩款都好好味🤤…Read More

同朋友食生日飯，喺OpenRice見到個個都食呢個招牌香烤乳豬，決定要試一試，真係外皮脆卜卜，肉汁juicy🤤，仲有兩個醬配埋。加埋香脆薯條同新鮮沙律配黑醋汁，好滿足。香煎立魚柳，0腥味，嫩滑重魚油👍🏼好啱唔鍾意食魚腥味嘅朋友。Carbonara creamy 香濃，意粉爽口，洋蔥煙肉都炒得好香，my all time favorite💛Black Truffle Mushroom Risotto 大大份黑松露，一d 都唔吝嗇，啖啖Risotto都超香松茸味。生日甜品仲幫我哋寫埋字，好開心🥳…Read More

CP值超高嘅日本料理👍🏼🍣手握壽司新鮮食材，大大盤雜錦已經好多款式🐮網燒牛扒好軟熟Juicy, 火候拿捏得啱啱好。🥬炒雜菜，份量多又鮮甜，簡單蒜蓉炒已經好好味🐟河豚干，好香魚油，唔乾身，口感似豬肉乾，配蛋黃醬最夾🍳芝士玉子燒超厚又大份，芝士可以拉絲tim🥗溫泉蛋三文魚沙律新鮮爽甜，配黑醋汁，好開胃🍢串燒拼盤香脆入味，一啲都唔乾，有雞翼，雞軟骨，香菇，青辣椒仔🐃鐵板牛舌超厚肉爽口，配埋芽菜一齊食冇咁膩🥘大阪燒醬炒面，麵質煙靭，大阪燒味道一流，加埋椰菜同紅薑絲炒，一啲都唔油膩…Read More

放工同朋友食生日飯，揀咗喺銅鑼灣駱克道近鵝頸橋一間西餐廳。環境裝修舒服，有落地大玻璃😍慶祝生日一流。我哋先叫咗啲小食同沙律。crab cake 一試難忘，啖啖蟹肉。無骨蘆筍雞翼大推介，雞翼入面養咗蘆筍同西班牙臘腸，外面燒得皮脆肉滑，超香口。牛油果大蝦沙律都好清新，大蝦爽甜。芝士焗肉丸熱辣辣配蕃茄醬汁，全部都勁開胃。主食我哋叫咗食肉Pizza，蟹肉帶子墨魚汁Pasta。Waffle系列叫咗漢堡包，有鰻魚炒蛋同炸蝦炒蛋兩款，啲餸多到滿瀉。窩夫勁鬆脆，食落有蔥抓餅嗰種鬆脆感，重牛油味，超級好味😋墨魚汁Pasta 用蒜蓉炒香，加上蟹肉同帶子，非常滿足，會食到成口都係黑色墨魚汁😆最後要order椰子雪糕brownie, 兩種味道勁夾。…Read More

天氣涼咗啲，想飲啖滋補暖湯。呢間米線嘅湯底真材實料，有得揀藥膳湯底，款款湯底都飲完唔口渴。今次試咗沙茶湯底同蕃茄湯底，兩個湯底都有加紅棗桂圓，非常滋陰。我哋揀嘅餸有黑豚肉、雲吞、蘿蔔都好入味👍🏼👍🏼…Read More

之前一路都好想試呢間大排檔熱炒。門面裝修好復古、old school，好有香港風味。菜單款式都好多選擇，樣樣都好想試。先叫咗啲送酒小食，屋村三鮮 - 有生腸、鴨腎同墨魚，3款都勁入味。脆豆腐細細粒勁香口，食唔停口，最尾忍唔住再encore😆咖喱水魷魚係冷盤，舖上炸蒜同香蔥，比起熱食更加開胃。仲有家鄉鯪魚球，配上咸香蛤蚧醬，款款小食都係下酒菜🍻份量都唔少。仲有風沙九肚魚，外層香脆可口，炸得好乾身，一d 都唔油。鹹魚炒芥蘭都好出色，有鑊氣之餘，芥蘭清甜爽脆。主菜仲有鮑魚雞煲同鐵板黑椒豬手🤤兩樣都炆得好入味，味道又濃，啱哂我。鮑魚大大隻新鮮爽口，豬手炆得好琳，豬皮煙韌又充滿膠質，襯上黑椒味唔會覺得油膩。仲有好多小菜都想試。…Read More

星期日行過Moko, 同朋友食左呢間餐廳，環境好舒服。樣樣plating 都好精美✨海膽帶子忌廉意粉好出色，除咗上面一大塊海膽，連意粉醬汁都有香濃海膽味🤤鴨腿窩夫賣相好可愛，有兩粒鵪鶉蛋煎蛋。鴨腿皮脆肉嫩，一d 都唔乾。pancake 都係重點，軟綿綿，不過個人喜歡實少少既感覺。…Read More

同媽媽慶祝生日，揀咗呢間旺角帝京酒店帝京軒慶祝。聽聞佢中菜都出名，見信用卡有折，就試試。每款都好出色，有驚喜👍🏼頭盤欣賞燒肉同麻辣牛展。蟹蓋焗蟹肉好有誠意，蟹肉份量絕不留手。初嘗醉乳鴿都幾滿意，肉質非常嫩滑，重花雕酒香。甜品金箔芝麻糕都好正，媽媽大愛。🎂…Read More

今日lunch係天后搵嘢食，搵到呢間新加坡菜。我哋叫咗豬扒喇沙槮槮同豬頸肉撈出前一丁。豬扒炸到甘香多汁，有配酸辣醋，可以解油膩。槮槮粉係油面加米粉，啖啖充斥晒喇沙湯底。湯底唔會太濃，太椰香味，啱啱好。另外豬頸肉都出色，撈丁個醬料濃度啱啱好。…Read More