cyndi_cindy的個人專頁

🐱🐷皇后飯店🐷🐱呢間由1952年開業至今 充滿港式風味嘅俄式西餐廳 一直又唔少捧場客😌次次喺又一城經過都見到人龍 但一直未有機會食到 學完車12點見條龍少啲人 一於試下～比個reference 大家 呢張係星期日中午12點左右嘅隊～佢嘅lunch 有lunch set 150蚊一set，8款套餐 都會包埋餐飲同湯我地嗌咗個D餐同F餐湯方面叫咗羅宋湯同忌廉湯（是日餐湯）會連埋餐包一齊上😆好鍾意佢個包熱辣辣 個外圍仲有少少脆🫶🏻第一個嚟嘅係F餐 - 紅酒燴牛尾🍷可以揀跟飯/意粉/薯菜～我就揀咗飯 佢飯同餸就分開上嘅，飯嗰碟仲會有埋啲紅蘿蔔 西蘭花 粟米😌個牛尾！好軟好諗！！🥰份量仲要唔少！勁滿足！除咗牛尾 亦有啲紅蘿蔔🥕西芹同洋蔥一齊煮～啲汁好好餸飯🤪第二個嘅係D餐 - 英皇雞飯 佢都係飯同餸分開上～啲雞勁大舊亦好夠味👍🏻👍🏻入面仲有啲洋蔥 紅椒 青椒等🥰（飯嘅話就同上面個燴牛尾一樣咁上嘅～）另外個餐都包杯野飲 都係普通檸水檸茶咖啡奶茶☕️就冇特別影喇～🐱🐷總結：好開心可以搵番啲兒時港式西餐嘅味道～❗️注意：呢間餐廳都幾受歡迎㗎，walkin就要預早排隊喇…查看更多

🐱🐷串本屋🐷🐱今日又再次嚟到柯士甸油麻地一帶搵野食😆見到呢間日式串燒店幾吸引就入咗去試試😋佢嘅位置都好易搵 柯士甸站A出口行4-5分鐘就到～門口充滿日式居酒屋嘅風情～店內裝修都好有心 牆上有日式掛畫💖落單用電子方式 自己scan QR code就得，亦好貼心咁會提供埋實體餐牌，可以喺實體餐牌睇咗食咩再喺手機撳💓有唔同嘅串燒、鍋物、飯等 食物種類豐富🥰嘢飲方面當然有各類嘅酒同生啤😆但我嗰日唔係好想飲酒 就叫咗杯奇異果乳酸梳打🥝味道好Fresh😁酸酸甜甜好開胃😋宜家做緊優惠 如果你like佢社交平台 可以免費獲得一杯無酒精飲品㗎！食物方面🥰佢會有個前菜 但未必日日一樣我就唔放喺度喇～我地今次係番茄沙律～ 配上酸酸甜甜嘅沙律醬 好開胃！因為佢即叫即燒/準備 所以啲食物都熱辣辣㗎～我超鍾意佢嘅流心炸蝦球🍤入面咬開有滿滿嘅芝士爆出嚟！仲可以拉絲😍芝士控必嗌！然後串燒方便 我地都叫咗幾款😆首先係鹽燒封門柳，肉質好軟😋同埋充滿肉汁💦然後就係醬汁燒豆腐串 有兩串～😋佢嘅豆腐係炸豆腐嚟 加咗甜甜地嘅醬汁一齊燒 燒好上面再加滿滿嘅木魚絲😆豆腐都好嫩滑～另外亦嗌咗個燒雞皮😋😋燒到脆卜卜❣️好香口 又就滿雞嘅油香💖💖亦叫咗佢其中一個推介菜式 月見自家製免治雞肉棒🍗佢會有個碗仔跟埋個蛋黃同類似鰹魚醬油比你點嚟食💖呢個真係好好食！入面都食到一啲雞軟骨 口感豐富😆食親串燒我都一定會嗌燒冬菇🍄同燒青椒仔😆燒冬菇有兩粒～燒青椒仔就有一串～都係加咗滿滿嘅木魚絲🥰如果大家唔食木魚絲可以同店員講聲啊～當然喺手機落單嗰時都可自己備注番最後緊係要以鍋物作結😁我哋嗌咗個安格斯肥牛雜菜鍋🥩因為每張枱都有個嵌入式電磁爐 所以佢嘅鍋物所有材料都係生嘅 上到枱先至俾你煮熟佢哋 咁就唔怕煮過頭 而且熱辣辣😋牛肉亦都另上好似打邊爐咁你食嘅時候先至落落去👍🏻入面有勁多款式嘅雜菜🥰有娃娃菜、冬菇、本菇、紅蘿蔔等 亦有個年糕福袋、芝士獅子狗 同埋滿滿嘅粉絲😍😍安格斯牛肉亦唔肥 肉質好軟😍👍🏻🐱🐷總結：老闆同店員好貼心 會提醒唔同食物嘅享用方法 收碟速度亦都好快 食物種類亦都好多 下次要再試～…查看更多

🐱🐷吉祥冰室🐱🐷好耐冇嚟過元朗！咁啱嚟朗屏探朋友 到咗西鐵站諗住食啲野先🤗行落天橋見到有間新開冇耐嘅吉祥冰室✨入面嘅座位係以綠色/啡色皮革為主調 少少復古嘅感覺～野食嘅種類好豐富有好多唔同嘅港式飯類😆亦有每日唔同嘅午餐menu, 咁就星期一到日都有新鮮感啦🤪當然都有茶記嘅常餐食啦😌唔食飯都有麵食🤗我地見除左menu啲野食外 店內嘅牆身仲有其他款式嘅野食！所以我地嗌咗個沙薑雞飯同埋口水雞飯😋跟餐有個例湯，今日係老黃瓜紅蘿蔔豬骨湯🤗好足料！亦有跟杯野飲，我地加咗3蚊要杯凍齋啡同加7蚊嗌咗推介嘅紅豆奶茶～凍齋啡味道正正常常～紅豆奶茶有好多紅豆🥰🥰🥰有驚喜首先嚟嘅係沙薑雞飯🥰比想像中大碟✨✨有7-8舊雞！味道都好夠 好開心有我最愛嘅雞翼添😆然後就係個口水雞飯😋😋佢辣度夠但又唔會辣到食唔到😆佢同一般嘅口水雞汁有少少唔同，但我幾鍾意佢呢間嘅調味😌口水雞個底仲有好多芽菜🥰🥰佢係有啲酸酸地嘅 有醃過 同個雞好夾💖仲好送飯🐱🐷總結：老闆同老闆娘（應該係）好親切～…查看更多

🐱🐷西關老祖🐱🐷當唔係新年嘅時候 除咗酒樓之後仲有邊度有蘿蔔糕食？喺西關老祖就有自家製嘅蘿蔔糕😍佐敦鋪位於文苑街 柯士甸站A出口出嚟行5分鐘左右就到～鋪頭主要做外賣 （葵涌廣場都有分店㗎）落單係自助嘅 大部分電子貨幣都收😉好方便蘿蔔糕到手✨佢入面係真空包裝，出面再用個保冷袋入住，然後再入落紙袋比我😌店員好細心提醒放入雪櫃要拆咗保冷袋先～仲要佢係用法式陶瓷盤裝😍好高質✨仲好環保 可以重用！一打開個包裝 已經聞到啲瑤柱味🥰仲見到有蝦米臘肉等💖好豐富即刻煎香佢試試先😆😆煎到金黃色好靚✨煎個時都好香！佢呢款係用蘿蔔絲整 食落軟身啲亦充滿蘿蔔嘅香甜☺️當你咬到啲瑤柱蝦米或者臘肉嗰時 又會有陣油香同鹹香味爆出嚟😌好夠味～佢除咗蘿蔔糕之外 其實有好多其他野食！例如古法瀨粉，炸黑毛豬肉糭等💖直家仲有28蚊嘅全年糧尾套餐😆有一款主食 兩款小食 仲有野飲！好抵食！🐱🐷總結：對於食蘿蔔糕唔落醬嘅我 呢款都好夠味～❗️注意：呢度唔收現金㗎😌…查看更多

🐱🐷果子🐱🐷喺大埔附近收工想食啲新加坡 馬來西亞野 上openrice見到太和有間星馬菜 就去試試啦😌太和站行過去8-9分鐘左右，都好易搵到～入面啲位都闊落 唔會太迫 （費事影到太多食客嘅樣子，呢張走嗰時影一影的😝）佢有超多野食選擇💖晚市亦會有套餐，小菜等✨見到佢個火山包好吸引咁 我地就即刻嗌咗個軟殼蟹version試試！大大個超足料！佢除左有軟殼蟹外，亦有啲蝦、蜆等 好豐富✨佢仲有埋個汁比你自己淋落去 打卡一流✨另外緊係要嗌埋佢嘅去骨走地海南雞飯😍有一碗雞湯 青瓜小菜 油飯/白飯 3款醬汁🙌🏻最有開心嘅係 佢係雞髀位🥰🥰好滑 走地雞唔係度度食到㗎 而且整得好嫩💖💖小菜方面 叫咗個喇沙煮藍青口😉平時食青口都係西式煮法 喇沙煮都係第一次食😋青口同個湯好夾 個湯都好好飲 呢個會跟個白飯🍚啲湯汁送飯一流✨而且份量好多！有肉有海鮮又點可以冇菜😉我地仲嗌咗碟馬拉盞炒通菜🤤又係大大碟好惹味🤭野飲方面 叫咗杯美祿恐龍🦕滿滿嘅美祿粉✨✨✨但亦唔會太甜 貪心的我想要更加多美祿粉🤪🤪跟餐嗌 （例如小菜）平一半只要12蚊～🐱🐷總結：店員好親切🥰食物種類多又抵食嘅星馬菜小店✨✨…查看更多

🐱🐷 NOC Coffee Co.🐱🐷最近見到NOC開咗好幾間分店, 今次食飽就入嚟試試佢嘅咖啡啦！除左咖啡之外佢都有野食提供，例如吐司，沙律等。入面嘅裝修都係走簡約風 好光猛 見到都幾多人攞埋部電腦喺度傾野或者做嘢～因為食飽飯嘅關係 我地今次只叫了咖啡✨第一杯係Iced Black試一間咖啡店啱啱啱口味 我通常一定會嗌一杯唔加奶 試咖啡原味😌 NOC嘅咖啡豆幾啱我口味 唔會太酸 但又有啲果香味💖另一杯嗌咗Dirty 熱飲同埋加咗奶之後 又有另一番風味，咖啡香味同奶嘅香滑口感配合得好好✨🐱🐷總結：咖啡價錢唔貴 而且環境都幾大幾舒服✨下次嚟試試啲野食～❗️注意：水可以自己出去裝～…查看更多

🐱🐷Honbo🐱🐭今次特別嚟呢間想去好耐嘅漢堡包店！之前見佢攞獎已經好想食，但要過海又一點遠， 今次佢喺尖沙咀開咗分店緊係要去試！💖簡約又不失美式快餐店風格嘅裝修～佢窗邊嘅位可以對住個海景🥰🥰但嗰日我地入座已經有人坐咗，不過其實坐邊都一樣望到個海！佢嘅餐牌設計簡約 清楚列哂佢地嘅漢堡款式～最搞笑係野飲嗰版 milkshakes: No milkshakes Grow up, Drink a beer.🤣🤣我地嗌咗兩個包一杯野飲一份薯條首先佢嘅Honbo 1.5 真係好大個！ 肉汁超多✨個包都有用牛油煎香 又有3 塊2安士嘅牛肉 所以食落好豐富💖💖想講講佢地嘅pickles 一啲都唔酸 好fresh, 平時怕食pickles嘅都接受到！另一個嘅係double cheese burger, 呢個同Honbo 1.5 唔同嘅地方係 佢係兩塊4安士嘅牛肉🤭 所以咬嗰時個口擘到勁大都咬唔哂🫢 一樣都係咁juicy✨✨ 好鍾意佢嘅調味！同埋啲肉煎到有啲香脆 口感好豐富✨Side dish 揀咗Cheese fries🍟 呢個就正常味道 落咗芝士醬嘅嗰啲薯條會淋咗 但我幾鍾意佢另外比嘅醬 佢個醬係幾好味嘅 有少少辣辣地嘅千島醬咁～野飲叫咗杯Apple Pie Iced Tea😆上面放咗兩塊大大塊嘅蘋果乾😛飲落係玉桂蘋果紅茶咁 真係好似蘋果批啲味咁🤣🐱🐷總結：暫時係我心目中嘅漢堡包No. 1✨ ❗️注意：堂食坐位較少 繁忙時間要等位 天氣唔太熱嘅話可以外賣出去海港城望海嗰啲櫈度食～…查看更多

🐱🐷熱點🐱🐷好耐冇飲茶！去開太子買野見到呢間點心店好熱鬧😍而且價錢好親民 就一於入去飲個下午茶🤤入面牆身都有好多點心嘅畫😍好可愛一埋位店員就問我飲咩茶～呢度有玄米茶飲 唔洗另外加錢添🤣佢嘅選擇都有好多款點心，仲有飯麵，同埋阿媽燉湯🥰我地每樣試啲，首先係見到好多人都食嘅雪山叉燒包🥰好軟身，特別鍾意佢個皮🥰然後係個名好得意嘅日鵝夜鵝蘿蔔酥🤣好可愛 係一黑一白嘅鵝🤣個身就係蘿蔔酥蒸嘅點心嗌咗5款：首先嘅係必食嘅蝦餃，皮薄餡靚🥰仲可以嗌2件 可以試多啲唔同嘅野當然仲要試埋燒賣啦🥰熱辣辣嘅點心係特別好味㗎～之後嘅係鮮蝦菜苗餃😍大大隻 好滿足飲茶又點少得腸粉呢🤪今次試咗佢嘅鮮蝦韭王腸🤩有大大隻嘅蝦喺入面壓軸出場嘅係八寶籠仔蒸飯😍😍估唔到咁大個入面有鳳爪、排骨、雞粒、肉燥、冬菇粒、臘腸、粟米、香芋粒🤩🤩仲有荷葉底～🐱🐷總結：好滿足嘅一餐，又抵食味道又唔錯☺️❗️注意：下午茶時間會人多少少要等一等位～茶錢4蚊一位仲唔收加一，抵啊🤤…查看更多

🐱🐷阿木台灣麵🐱🐷之前見廣華街分店咁附人排隊，未試到 今次早少少嚟到豉油街分店 終於食到喇🤤由於嗰日太想食飯 所以我地冇嗌到麵🤣嗌咗兩個便當🤤第一個係台灣腸便當 嗌咗多肉燥🤤🤤有3樣小配菜 鐵蛋 菜脯 麵筋 台灣腸嘅分量好多🥰🥰🥰好滿足！啲肉燥好好味！另一份係鹽酥肉便當🤎分量麵唔少 而且我地貪佢冇骨啖啖肉🤤食落似係豬頸肉嘅部位嚟～因為野飲跟餐半價 所以都嗌咗兩杯 有我最鍾意嘅冬瓜茶❤️同埋芝士岩鹽奶蓋四季春青茶，正常味道枱同枱之間雖然比較窄 但佢嘅隔版好高 所以都安心啲～🐱🐷總結：唔想食麵但另一半想食麵都可以食嘅阿木台灣麵🤣❗️注意：食中午嘅話1點前到就唔洗等咁耐位喇～…查看更多

🐱🐷杏甜品🐱🐷食完中午飯想搵地方hea下，上openrice搵到附近有呢間杏甜品🤍因為我本身係杏仁類甜品控🥰所以呢間糖水舖好岩我🤣佢嘅裝修走簡約日系風，木系傢俬我同朋友嗌咗兩樣野 第一樣嘅係椰皇湯圓燉雙皮奶🤍一次過滿足3個願望啊🤣有得食椰皇 有得食湯圓 又有得食雙皮奶🤤呢個會濃味少少 而且分量好足 有飽肚感🤣另外叫咗個杏仁茶燉蛋白🤍🤍佢唔會好甜 淡淡嘅甜味🤤好滑 好香杏仁味🐱🐷總結：鍾意食杏仁類甜品一定唔可以錯過！❗️注意：要去櫃枱order~…查看更多

🐱🐷Kachimushi🐱🐷WFH咗太耐，特登攞咗日假去西貢走走，抖抖氣～喺市中心啲小街行行下就比呢間白色牆身配木門、滿滿日系風格嘅cafe吸引住🥰宜家天氣唔太熱 見到好多人都坐喺出面啲位 買杯咖啡 坐下 chill下～而店入面就有10幾個位左右 有卡位 亦有bar枱位 我地坐咗喺bar枱位 前面會有個窗可以望到出面～呢度有好多唔同嘅咖啡 唔飲咖啡嘅又或者帶小朋友嚟 就有茶、奶同有氣果汁揀😗食物方面都有好多選擇～首先叫咗杯Dirty🤎厚厚嘅鮮奶同香濃嘅咖啡加埋一齊好好飲！好順口嘅咖啡～鍾意飲多奶嘅一定要嗌！另外再嗌咗杯Ice Drip Coffee🤎佢會比個杯仔你自己倒出嚟慢慢品嘗～花果香味飲落口唔酸 after taste有少少回甘🤎呢度啲咖啡豆不錯喔～野食方面試咗佢個蛤蜊巧達濃湯💛條麵包仔仲要熱辣辣嘅😍 濃湯入面有好多蛤蜊 薯仔 紅蘿蔔等 好足料！而且一啲都唔膩，飲完冇咩負擔～見到有和牛open toast緊係要試下！上面有好多火箭菜 下面就有滿滿嘅和牛🤩(雙眼發光另一面可以見到佢嘅toast係雜穀嘅 上面有塊cheese 再上面就係和牛同埋焦糖洋蔥🤤跟住仲試咗烤比爾芝士吐司 估唔到係成個芝士咗上！芝士控必叫啊😍😍完美嘅一餐緊係要以甜品作結🥰第一次試Dutch Baby Pancake ！今次試咗抹茶紅豆味，店員攞過嚟時細心提醒個pan好熱～ 岩岩整好嘅pancake真係最好食 🤤個邊邊仲要脆脆的亦唔會太甜～🐱🐷總結：好鍾意店入面播嘅日文歌❤️咖啡同野食好味 環境又chill 可以好好咁放鬆一下～❗️注意：佢元朗都有分店㗎～都係小白屋風格🤍…查看更多

🐱🐷段純貞牛肉麵喺銅鑼灣經過535 Tower見到呢間過江龍牛肉麵 入去試下佢～下晝點半入去唔洗點等位 手機自己落單叫咗個燉蕃茄腱心牛肉麵💓 揀咗手工麵，啲麵好煙韌～同埋掛湯 見到大大舊蕃茄 佢仲要唔係腱普通水茄去整 係用咗似係意大利番茄呢款長形嘅番茄去整 更多汁更濃味☺️入面麵有3-4舊肉 大大舊💓💓 好腍💓仲會有啲酸菜比你自己加落啲麵度食～酸菜正正常常台灣味另外叫咗個燉濃湯雞麵，呢款揀咗細麵呢款有啲家常味🥰雞肉係雞髀位 斬開咗兩舊方便你食，仲有啲生菜做配菜 清淡得嚟又冇咩負擔☺️鍾意滑雞嘅朋友唔好錯過啊-另外小食叫咗個紅油抄手，上面有啲芽菜 炸黃豆等 不過個人覺得可以再辣少少🤏🏻佢個醬汁不夠濃味 但個雲吞好好味 入面有大大隻蝦💓仲好爽口彈牙！🐱🐷總結：手工麵必試～下次試下其他小食❗️注意：如果係附近返工 食完keep番單7日內再幫襯有9折㗎～…查看更多

🐱🐷Kiki茶平時Kiki拌麵就食得多 不過得通常就自己煮嘅 今日食飽經過見佢啲茶好似麵幾吸引 就試下啦☺️嗌咗杯檸檬愛玉白桃烏龍 微甜 走冰大大杯 喺K11 musea有杯30幾蚊嘅台式茶飲真係唔錯了- 佢入面有一半麵係愛玉 上面有一塊檸檬 🍋白桃烏龍飲落口好清香 唔苦澀☺️加埋啲檸檬愛玉 酸酸甜甜 好夾～ 食滯咗飲番杯清清地refresh下-🐱🐷總結：有得走冰大加分 抵啲嘛🤪佢仲有印花卡 每幫襯一杯有一張貼紙 滿3張有免費珍珠 下次飲嗰時可以加料～❗️注意：佢個卡機只收實體卡（朋友話佢幾個月前嚟已經係咁）亦可用八達通 現金 💵 …查看更多

🐱🐷驚安燒肉商店呢間野成日睇人食 今次終於到我喇🤪🤪門口大大隻招牌😝我地4個人食 圓枱最多可坐5-6人 但防疫關係宜家每枱最多四人～每人都有一個夾燒野食 仲有3個醬汁預先擺咗喺度 最左係蒜蓉 中間係甜甜地嘅燒肉汁 右邊係加咗青檸嘅辣燒肉汁（🤩我最鍾意呢個）枱同枱之前間都有足夠嘅位置 唔會太近呢度係手機scan QR code落單 落單已經會直接見到7折後嘅價錢 令人更有衝動叫多啲🤪-嗌咗呢個好多人推介嘅柚子漬雞肉山💓分量真係好多！而且佢係雞批肉嚟 好Juicy嫩滑🥰 大推！呢個厚切牛舌都係必食☺️呢個份量係全份 想試少少嘅可以嗌半份～有時食厚切牛舌最怕就係好難咬呢個燒完之後仲好淋💓好味過啲連鎖店☺️鍾意食牛舌唔好錯過！呢個係豬嘅五花肉 用味增漬 食落口甜甜地 不過呢款燒嘅時候要小心啲 因為比較多脂肪 所以會有啲易燶 個火要調較下 唔好掛住傾計唔記得反下佢啊🤪同埋佢有啲長 燒嗰時有少少麻煩 但味道ok的～嚟到重頭戲喇 呢度最出名就係呢個牛九宮格 有普通牛同和牛version 我地今次試嘅係普通版 店員介紹時建議食咗冇醃漬嗰兩行先 即係中間同靠近鏡頭嘅呢一行 最後先食有醃漬嘅 由淡口食到濃味～入面款款都好好味 啲肉都解凍得好好👍🏻好開心又有牛舌食🤪-🐱🐷總結：食得開心坐得舒服嘅燒肉店💓午市有7折好抵食！店員亦好有禮貌 收碟都快 而且有啲食物可以叫半份好貼心❗️注意：限時食90分鐘 都有幾多人等位㗎 所以假日嚟最好book咗先 我地今次用WhatsApp book～…查看更多

🐱🐷旺角半路咖啡喺出面經過已經比佢嘅裝修吸咗入去 復古金屬風加上本土嘅情懷 mix埋一齊竟然咁夾牆上面嘅係床褥嘅彈弓 用嚟掛野啲裝飾真係喺街市度執番嚟㗎！好鍾意呢個好似溫室咁嘅戶外位 對於條後巷仔反而冇對街人來人往咁尷尬啲menu好型咁掛嚟牆上面嗌咗一壺伯爵茶 正正常常嘅味道 飲落口唔苦澀 順口✅另外仲嗌咗一壺日本煎茶 杯同外型都一樣就冇特別影喇🤣日本煎茶亦都好香甜品嗌咗兩樣 第一款係檸檬撻 好creamy之餘亦不失清新嘅感覺 配芒果雪糕🍦新鮮蘋果 同埋芒果醬 雪糕上面仲有一塊自家製嘅水果乾🤩另一款嗌咗蘋果批 整得幾靚💓配朱古力雪糕 新鮮蘋果芒果醬 同埋紅龍果乾 佢個朱古力雪糕好濃郁😗幫個甜品帶嚟好好嘅平衡～🐱🐷總結：好鍾意呢度平日靜靜地 可以好好放鬆一下☺️❗️注意：室外位始終對住巷仔 啲窗亦開得比較大 有機會會聞到煙味 介意嘅話就坐番室內啦～…查看更多