piggy and doggy's Profile

今日午餐時分想食拉麵 同朋友去食通菜街 一間小店 座位十多個左右 呢度嘅湯底同出面對唔同嘅地方 就係有蟹膏 海老呢兩款 出面少見嘅湯底 所以專登試食一下 午市最抵嘅地方係可以免費加麵 食完先嗌確保麵條軟硬適中 而且份量足足等於一碗麵 免費食多碗非常抵食 我個人最鍾意食硬嘅麵條 但加面就硬度普通比較適合 因為湯唔熱唔會浸淋麵條蟹膏湯底拉麵 有蟹棒一條 蟹柳絲 蟹膏 同埋煉出嚟嘅油 撈勻嚟食好鮮甜 佢個蟹膏特別嘅地方 係帶有少少 麵豉香同埋微辣 非常惹味慢煮叉燒 軟滑又唔肥膩 相信幾啱女士口味另一款一海老湯麵 有一隻牡丹蝦刺身 上面灑上了櫻花蝦 蝦嘅味道非常濃郁 每一擔麵都十分之惹味 呢款拉麵我哋要咗隻炙燒叉燒 個人認為比慢煮叉燒更加出色 啖啖肉之餘 非常軟淋 脂肪香但是不油膩至於小食我哋嗌多咗個酥炸魷魚 口感略嫌乾身同埋硬 感覺上並非新鮮炸起 下次我哋就未必再嗌…Read More

平時唔知食咩就想食餃子，而家終於係觀塘有好食嘅餃子啦💛尋晚兩個人去食，夜晚七點都唔洗排隊，可能新開未紅嘅關係啦，望落似係家庭式經營，個個都好殷勤咁招呼我哋，枱面抹得乾淨無油跡，播住Jay fung 嘅歌，已經即刻印象好好💖。餃子選擇有八款，我哋嚟兩次已經食過6款🤣最推介係蒜芯蝦餃，食落有蔬菜嘅爽脆又有蝦嘅爽脆，蒜味香得嚟幾清新。茜香豬肉餃哋芫茜味濃得嚟唔搶，仲食到新鮮芫茜嘅甜味。黑松露芝士豬肉餃就無咩芝士味，主要都係食黑松露醬味。如果鐘意肉香就要試粟米豬肉餃，食得出係新鮮包嘅水餃。仲有自家炒菜脯送餃子食，甜甜辣辣帶紅蔥油香，即使湯餃都可以好惹味🤗附上一張食到一半先影嘅相😂…Read More

以前喺何文田讀書時成日落嚟食，而家終於有機會再嚟魚生嘅質素 同 記憶中 一樣咁好 三文魚好厚切肥美又新鮮 甜蝦有膏唔會腥 脆卜卜嘅蟹籽撈埋飯一齊食 好快就扒曬碗飯！以前學生lunch嚟可以免費添飯，其實真係好抵，試過見到有人食三大碗飯🤣滑蛋又係我以前嘅最愛 香甜嘅蛋汁 滲曬落成碗飯 配埋肥美鰻魚 又係可以迅速ko 所有飯😋雖然送嘅螺肉沙律好普通 但唔知點解喺呢度食感覺就係好味啲 起碼唔會有化學澀口味道午餐嚟食仲有汽水送 但晚市就冇喇 我哋仲食埋芝士年糕，即叫即炸就外脆內軟，但就多油咗少少…Read More

本身嚟呢度食晚飯，係睇中佢靚嘅環境，有乾花同畫作裝飾，對工廈cafe嘅食物冇太大期望，估唔到樣樣野食都出乎意料地好，唔輸好多餐廳💛先係小食，雞翼拆骨釀入明太子，外皮香脆又飽滿，裡面嘅肉嫩滑又帶辣，一啖咬落去漲卜卜好過癮牛柳雖然瘦但都冇渣，唔係話十分腍滑，但一分錢一分貨，肉味ok，起碼照燒汁調味幾好，伴碟沙律用芝麻醬撈左，配埋薯仔沙律同麵豉湯，樣樣都做得幾好呢個燒春雞真係好有驚喜，個雞皮非常薄又唔肥，雞肉熱氣騰騰，好入味又腍滑，肉汁滿瀉！portobello 亦都合乎期望嘅juicy , 伴碟仲有黑醋汁沙律。順帶一題，呢道每位staff都好nice，仲要好醒目咁配合嚟製造驚喜，又免費咁應我要求，用朱古力醬寫字喺蛋糕旁邊，實在係100分！唔嚟多啲都唔得💛…Read More

都唔知幾耐無試過食叻沙係有螄蚶，所以雖然一心嚟食肉骨茶，都要即刻轉呔食個叻沙。上菜係比較慢，因為得一個喺廚房，舖頭仔冇坐滿都等15 20分鐘，但係值得等嘅，湯底夠香濃，蝦有鮮味爽口，面頭三隻螄蚶畫龍點睛，可以話香港碩果僅存嘅正宗味道💛…Read More

新開嘅餐廳當然要試一試啦💛 呢度環境好乾淨企理， 枱同枱之間有足夠距離 ，坐得幾舒服 ，而且店員招呼親切熱情， first impression好好 。食物係大路日式餐廳嘅, 海鮮拉麵不過不失, 湯底淡但正在材料豐富 ，減肥或健身食就啱曬，而且價錢平，咖哩漢堡扒飯比較有驚喜 ，漢堡扒入面有溶咗嘅芝士， 漢堡扒本身外皮香脆， 牛肉味充足， 雖然未算得上多汁 ，但唔會乾， 咖哩汁溫和，以價錢嚟講合格有餘。 同時可以優惠價換購小食 醬油雜菜， 就係落咗豉油嘅烚菜 ，唔算係日本菜但係家常感覺， 可以食到多啲少油菜係好事呀。 仲嗌咗燒雞腎 12蚊兩寸，雞腎好細粒但脆卜卜熱辣辣，唔錯喎！…Read More

一向串燒店都係夜晚先開，但今次嘅小店竟然午市都有即叫即燒嘅串燒，實在令我有surprise !不過今日就無食串燒啦，始終晏晝一支公食個飽肚嘅午餐緊要💛呢到嘅招牌就係叻沙湯底，聽老板講係每日新鮮用香料打碎嚟煮，所以比出面既味道比較清香，有種mix冬蔭功嘅感覺，少少辣好開胃，而啲海鮮亦都幾有誠意，剪過嘅蝦，青口，帶子，魷魚，比較淡口嘅食材配濃味湯就啱啦。呢個香茅特飲係自己煲，冇落糖架，一啲都唔甜，完全係解渴又健康嘅消暑飲品。第一次見咁樣裝飲品，又好好喎拎埋個蓋就可以攞走。…Read More

第一次嚟食，第一個反應係哇個裝潢好少女！用左花花去佈置天花板，主色調係白色同粉紅色，但係又幾令人舒服，至少我同老竇呢個中佬都冇覺得起雞皮😆餐廳主打韓式食品，有素食同非素食兩個餐牌，啱晒唔同飲食習慣嘅朋友仔嚟呢度gathering !餐牌入面有唔少都係用omnipork 新豬肉嚟煮，試左佢哋新豬肉泡菜豆腐鍋，味道小辣幾 light ，但份量十足，食完渾身暖曬！同場嘅義大利麵我就覺得一般啦，似係茶餐廳嘅燴意粉，而且海鮮份量好少，唔係好抵！每個午餐都有3款泡菜、海帶湯、飲品奉送，呢讓野抵讚！希望💛可以繼續多啲生意啦…Read More

同女朋友喺酒店慶祝週年紀念，咁啱活一鮮就係附近，一於就響酒店食一餐日式大餐💛買刺身外賣 就在保持到水準 ，因為唔怕食物凍咗唔好食， 同時天氣又凍又唔驚變壞 。我哋食咗一個活一鮮丼 ，一個蟹腳蟹膏魚生飯， 當中 蟹腳蟹膏魚生飯 性價比真係好高 ，入面有三文魚吞拿魚腩蓉 油甘魚 北寄貝 蟹子 當然仲有主角 蟹膏蟹鉗。 雖然蟹鉗好細隻，但起碼有鮮味， 蟹膏都係罐頭， 但係撈埋落去白飯一齊食 依然十分滿足！ 活一鮮丼 雖然冇蟹膏蟹鉗但就多咗帶子甜蝦海膽， 當然亦都會貴少少啦！ 另外追加咗海膽帶子蟹柳， 有六隻鮮甜嘅帶子 同埋海膽喺上面， 都係性價比十分吸引嘅一個💛 如果喺北角都酒店 staycation 記住試下買刺身返去食, 渡過美滿嘅晚上！…Read More

so good so yummy 喺一間門面好唔起眼嘅餐廳，經過如果無人介紹相信都唔會入去食，但其實佢地幾有心機整野食！💛💛每日佢哋都會有一款是日精選，日日唔同，菜式都好多變化，有時係串燒肉意粉，有時係碟頭飯，有時係煎薄撐，而今日就係韓式拌飯，有牛肉或者豬肉揀。哩個拌飯其實味道係唔太韓式🤣蔬菜嘅味道冇韓國野嗰種麻油嘅味道，相反係比較清淡，但係份量好夠，而且一啲都唔寡，冬菇嘅鮮味、紅蘿蔔同大豆芽嘅爽脆、泡菜嘅惹味、豬肉嘅甜、菠菜嘅平淡中和，配埋煎蛋嘅流心蛋黃，實在係難得健康又好味嘅一餐！仲送一個特飲，今日係香矛檸檬，自家製好特別！雖然唔係一定最好食，但家常味道就係食完覺得係有平衡健康同埋人情味嘅一餐💛💛支持…Read More

日日食良food court 食西餐好似得呢間，今次想食漢堡，嗌左烤蘑菇安格斯牛肉漢堡，蘑菇juicy 香氣十足，牛肉漢堡略乾但係牛味都幾濃郁，麵包搽左牛油煎香，入口鬆軟，整體黎講，漢堡包調味簡單，食番食物原味。薯條雖然唔係我最愛嘅連皮粗身，但起碼都叫熱辣辣，而且份量絕對夠男仔食飽。…Read More

我好少嚟將軍澳，今次第一次慕名嚟呢個food court 嚟食，環境都幾乾淨企理，第一眼覺得價錢好合理，而且雲吞隻隻飽滿，每粒都有幾隻蝦，口感爽滑彈牙，而且夠晒大碗，女仔真係差啲食唔曬💛下次繼續五一，試埋佢哋招牌牛腩先…Read More

第一次想walk-in 入去食 摸門釘 因為全日都差唔多fully booked 佢哋晚市係六點 七點半 九點 三個時段 所以唔想好似我咁就記得 預訂張枱先今日終於食到啦 我食嘅係冬陰功雜菌螺絲粉 冬陰功嘅香味 香濃 辛辣 加上 九層塔香葉 清新嘅味道 惹味道叫人食唔停口 即時大大碟話咁快就清曬 唯一可以 改善就係螺絲粉 淋咗少少 我哋仲食咗 impossible burger 入面夾咗好多芫茜 refreshing 嘩好神奇嘅係嗰塊素牛肉 係非常像真 ，比起我以前食過嘅素肉 完全唔同嘅 ，如果唔信可以嚟試下🤤我哋仲嗌咗全日早餐 入面嗰個 avocado salad 好savoury 用豆腐整成嘅炒滑蛋口感 素漢堡扒又係非常真實 加埋個鬆軟嘅pancake 同老麥幾似，但同時又好食好多，如果唔覺貴($140)不妨試試！…Read More

同父母出街食飯，大路西餐就穩妥啦，咁當然要係良心小店啦💛。今晚訂左五人，主要都係食肉，味道平穩冇驚亦冇喜，勝在大份、熱辣辣，調味係豉油西餐常用的汁醬，同埋慶幸冇見到鬆肉粉、鐵板呢啲不倫不類嘅嘢，能夠保留到肉自己既味道同埋口感。最推介應該係燒燒雞，每一個部位亦都有肉汁。我自己就覺得雞同羊膝調味稍為過輕手，建議可以加多啲香料、蒜蓉等去醃製，而田螺亦都有小小化學味，建議審視下入貨貨源。拿破崙蛋糕個皮唔係酥皮就令人失望，應該再研究下拿破崙蛋糕點整先正宗。整體而言，食物平穩得嚟有改善空間，但老闆娘招呼不遺餘力則抵讚！…Read More

住係大角咀嘅我，每當想食水餃，我幾時都會去山東小城，無他，就係因為好好食。今日食京蔥羊肉餃、墨魚馬蹄餃同埋芹菜餃，每一款都獨當一面。 京蔥羊肉餃咬落去澎湃嘅肉汁湧出嚟，散發著羊肉獨有羶香，同埋些微京蔥嘅辛辣。 墨魚餃外表其貌不揚 ，但因為皮揉合了墨魚汁， 所以零舍爽彈 ，入面爽滑嘅墨魚膠混合咗脆脆馬蹄粒，每一口都鮮味十足。 芹菜餃在三者入面最清新嘅 ，芹菜霸道嘅香氣撲鼻而來 ，完全食完唔會有飽滯感。人多就嗌埋酸菜魚，同出面川式嘅唔同，呢到係以酸為主嘅味道，湯頭清澈無油，係健康清新嘅做法。拍青瓜估唔到咁大碟，淨係佢都食飽一個人，夠晒健康！飲埋自家山楂茶，微甜口味啱晒我，開完胃可以食多啲💛💛咁好食既一定多啲懲罰…Read More